The Sky Bar (Closed)

同朋友約食飯諗左好耐最後都係決定去sky bar食貪佢夠方便同又多選擇～semi buffet岩哂我同朋友口味每人叫左一個主菜～之後就出去望下有咩野食成張檯都係食物真係好多款可以揀淨係沙律都花多眼亂每樣試少少已經好滿足～仲有一片片肉想食幾多都得跟餐有兩個頭盤呢個係海膽青瓜配細細塊既紫菜食味道都幾鮮下～另外就係呢個海鮮拼盤食到啖啖海水味算幾新鮮幾正龍蝦肉質彈牙配濃厚芝士當然無得輸牛扒揀左七成熟切開都有少少生不過有好濃厚既肉汁補數🤤呢個海魚柳好好食！！肉質好嫰滑魚皮煎到好香帶子煮得剛剛好唔會韌最後當然要食埋甜品先走今餐認真大滿足！.整體黎講成餐飯真係都幾多野食揀下飽到個肚捧住走仲可以同朋友傾下計享受下放工後的時光

星期日出街食飯都怕多人同埋要等，所以早就book定位，7點半入到去，發現都唔算多人 半自助沙律吧+甜品吧+餐湯沙律款式算多至於甜品，我就嫌少啦餐湯同面包放另一張台，近入門口處美國珍珠蠔（6隻）一半肥美大隻，但唔夠新鮮，清洗都唔夠乾淨，我食2隻都有蠔殻 海膽青瓜（10件）對青瓜麻麻地嘅朋友，話加埋海膽紫菜，卻意外地合拍，好鮮甜！蜜糖醬焗德國式豬手外皮有啲小小脆，有啲唔脆，唔夠均勻而且入面啲肉好咸烤肉拼盤-安格斯西冷.羊扒.豬肉腸叫左5成熟，西冷唔夠嫩，羊扒有啲蘇味

年尾係不停約朋友仔聚下的季節，今次同朋友一行4人到銅鑼灣Sky Bar享受海鮮西餐。見到Openrice有好多人都食呢個超抵食的Special Menu，每個餐都會包餐湯、12件的生蠔/生和牛/海膽為前菜，再可以6選1的主菜，再加甜品及飲品(可選紅酒/白酒)。4份餐中，我們揀左1份即開生蠔，肉唔算太厚，新鮮度尚可，肉都幾甜。呢個日本和牛刺身又幾有驚喜喎！需然有少少雪味，不過個厚薄同口感又唔錯。至於海膽青瓜新鮮度一半半，不過味道就幾鮮甜。另外，餐廳會比埋小紫菜比大家包住黎食，好甜心。到主菜係我叫的黑松露飯配香煎鱈魚。意大利飯夠香夠creamy，鱈魚煎得香口，不過有DD乾。豬手係我有少少失望的，外皮唔夠脆同唔夠乾身。不過肉就整得夠入味同淋身。朋友仔想試試烤龍蝦蟹肉蕃茄闊麵，所以都叫左一份share。麵質煮到剛剛好，仲吸食左D汁的精華。有半邊龍蝦肉，加上拌麵的蟹肉，令到成碟麵都好鮮。安格斯西冷扒煎得都幾香，牛味都幾重，仲幾嫩tim！今日的甜品係黑森林蛋糕，蛋糕唔算好甜，不過蛋糕唔多夠Moist，不過整體唔算差。以銅鑼灣每人$298+10%食到生蠔、和牛刺身、海膽，再加上不錯的主菜都算幾抵食。