焰拉麵 (Closed)

本人最喜愛濃味的拉麵但近排被好友感染漸漸亦都喜歡上沾麵。😁今日探望朋友之後路過見到這一間拉麵小店看到有沾麵供應所以馬上入去試一試。😜這兒有四款不同口味的沾麵供應，咖喱豚骨、味噌豚骨、魚介醬油豚骨、芝士海老豚骨。我挑選了味增豚骨全麥沾麵好有咬感加上多蔥濃味非常正！😋家人就挑選了海鮮拉麵和辛辣拉麵濃郁的魚湯底配上豚肉，味道不錯啊😁這兒的裝修設計帶點日本風的拉麵店，主廚是香港人但味道不比其他日籍廚師主理的拉麵店差。價錢又相宜，下次會嘗試其他味道的沾麵和拉麵。

住元朗其實都幾幸福，周圍都好多野食，今日同男朋友又黎食焰拉麵，發現佢愈來愈旺，今晚差D冇位要等位，幸好被安排坐最入面，地方也很寬敞，慢慢食都唔怕，最怕食野又迫又趕頭趕命XD。多左新餐牌，有多款不同的小食，岩哂多心樣樣都想試，但又怕食唔哂既香港人。男朋友揀左最原始的"焰"拉麵，配叉燒，湯底濃郁。而我自己就揀左有櫻花蝦的"鮮焰"拉麵，配豬軟骨，豬軟骨數量不少。酸酸地,應該係有魚的醋，配上拉麵，濃而不膩，好味。另外我地仲叫多幾個小食:帆立貝, 燒茄子, 漢堡扒, 雖然份量少，但每樣都係12蚊咋!!1,2個人黎食麵都可以試多幾款啦~總結:環境&服務好，食物質素不錯，價錢又適中，最緊要係就腳!哈哈!

係元朗多左好多間日本餐廳，行經元朗教育路已經有好幾間，選擇都幾多。呢間焔ラーメン(焰拉麵)裝修成日式風格，主打博多豬骨拉麵及東京醬油拉麵。種類選擇都算多，正當我唔知點選嘅時候，職員就向我推介「鮮焔」。呢碗拉麵係魚介豚骨(海鮮豬骨)，內裏有好多橙色細細隻嘅櫻花蝦，碗麵就變到好似有一點點火焰咁，賣相都幾靚喎。叉燒肉質鬆軟，仲保留左些少肉汁，再加埋海鮮豬骨湯味道更加唔錯。食鮮焰會另附一支魚介酢(海鮮醋)，好有趣嘅係內裏浸住幾條魚仔，酸酸地加少少落去，湯嘅鮮味會更好。拉麵硬度適中，好有口感，另外追加替玉，替玉的意思原來係「加麵」，因拉麵幼細，好易被湯浸淋，一開始不會放晒所有麵，食到一半的時候就可以黎個替玉，若覺得唔夠食，加多15蚊就可以有多一底麵。再叫多個小食，板燒烏賊鬚嘅醬汁唔錯，烏賊鬚不會過韌，兩者配搭得很好。

假日同另一半去咗大棠睇紅葉，完左之後坐巴士返朗屏，落左巴士後行兩步就見到好多野食。簡左呢間日本拉麵店，裝修都好得意，好傳統風格，仲寫明唔做外賣咁串。入去後有亮點，細心之處係佢有個架係牆身，冬天大褸/袋都唔洗阻住自己食飯，讚!在下叫左個鮮焰拉麵，上碟時仲有幾條魚游左上黎。先飲個湯，好濃既豬骨湯，好香但無咩鮮味。因為我叫左濃湯底，大家記住鮮焰要配淡底啊，於是我加左好多佢哋自己釀既魚露，湯底立即好鮮味!麵身好軟，我叫左軟嘛！不過掛湯能力好高，濃濃既味道再食件叉燒先。一入口，雞黎嘅！我呢刻先記起我點左叉燒雞，因為佢個樣真係好似叉燒(豬肉)，我真心以為佢係一碗普通既叉燒拉麵。呢一刻真係好有驚喜，肉質鮮嫩唔會老，原全無overcooked，仲好入味。而且食完碗麵都唔會口乾，想飲好多水，湯底應該唔係靠味精，已經好過有啲係銅鑼灣登龍街，靠味精為生既拉麵店。食完野望入廚房，居然比我見到廚師係度即包餃子，但我望返點菜紙又無餃子比我點，原來係張poster既角落有寫。如果比我一早見到，我即刻點返份。自家製餃子喎，可以係一個宣傳點，都唔明點解得咁少提。

記得焰拉麵剛啟業，我係隔離排緊壽司，當時諗住遲 d 黎試下，點知遲下遲下竟然遲左幾年。幾個年頭都仲可以係元朗立足，證明焰拉麵實力應該有番禁上下，拉麵亦從當年五六十蚊碗，升到差不八十蚊。店內感覺整潔，木枱矮椅汽水箱營造出日式味道。另外有好多細節位都包含左日式料理店有既心思。鋪頭一如傳統拉麵店奉上冰水，男店員都幾細心介紹佢地既 menu 同湯底。聽說佢地既豬骨湯熬足廿幾個鐘，如果女仔食可以選擇薄一點既湯底，以免招架不住。今日我無咩胃口試濃稠豬骨湯，不如就試一試個魚介拉麵（鮮焰），而女朋友就叫左野菌松露（山松焰）。留意如果有 facebook like and share 可以有優惠變套餐，大家可以留意下店內宣傳。首先上枱既係我碗鮮焰，見到上面禁好櫻花蝦心諗都幾著數。第一件事當然就係要呷一呷個湯頭，魚介湯唔似豬骨湯濃而且霸道，入口香醇又帶點鮮，我食到木魚乾香之餘連櫻花蝦既味道都混雜其中，試過幾款魚介湯拉麵暫時以鮮焰獨領風騷。跟住碗麵有一枝魚介醋可以俾大家加落湯底，味道好似酸瓜水咁，開頭諗住怪怪地不過儘管試下，估唔到效果唔錯，湯頭頓時多左一層鮮而且感覺清新。小弟都中意蒜所以落左一粒，湯味更添

今日到了元朗的焰拉麵午餐, 人不多, 不用等..真好我點了一碗"鮮焰", 以木魚花和靖魚花為本的魚介高湯，再加上香醇魚介油等調配而成湯很濃很香, 令豚肉很入味, 我最喜歡的是此豚肉厚度有1CM....而且採用半肥廋, 因此特別香軟, 而且豚肉本身也被師傅把兩邊煎香, 香味四溢.....能看出師傅在豚肉口感, 味道和豚骨湯相融方面下了不少功夫...令外我追加了一道"味付玉子"不錯, 半流心....滑而不膩.....外層有適量的醬油香.....可以說"食得過"

三月九日 (星期日)倆口子常覺得，拉麵這東東其實很個人的，每人口味不同最好的拉麵沾麵，當然也不在香港對! 香港跟日本根本就是兩個層次，在香港吃拉麵，只有望梅止渴之用，還是要到日本才能領會箇中滋味早前，又與食友談起拉麵，他們向我倆極力推介元朗的焰拉麵對於住在九龍區的我們來說，元朗無疑是個頗偏遠的地區，剛巧是日要到附近出席親友的百日宴，真是一個好時機，就深入元朗，拜訪這久仰大名的拉麵店店子由港人Albert所開，他開鋪前曾遠赴日本學藝多年前，與友人一起前來教育路覓食，那時代最紅的莫過於酒泉與金田這條街的感覺也沒有甚麼大變，而焰拉麵就正正位於此週日的下午，門口沒有人龍，店內亦只有幾位食客木色裝潢，有點置身於日本拉麵店的感覺由於沒吃早餐，我倆餓得很，急不及待看看餐牌，快快點麵店子有一共五款拉麵供應，包括焰,鮮焰,赤焰,黑白焰及焰火山最便宜的是焰$58，而最貴的黑白及焰火山則是$78我倆不吃辣的，所以已剔除了赤焰及焰火山Suyi點鮮焰，而Billy則點黑白焰兩款均以豚骨湯作底，鮮焰則加入魚介粉，而黑白焰則是加入黑白松露油店子的豚骨湯以新鮮豬頭骨,豬筒骨和背骨熬製十多小時甫送上已聞到陣陣香濃豚骨味

有朋友開了新拉麵店,當然要來試食.由於是朋友遠到到日本學藝,相信絕對正宗,所以就大膽地帶了2個日本同事一起去試!店內棻單很簡單,全要的是選擇3種湯底,1, 原味; 2, 辣味; 3,鮮焰;我自己點了個鮮焰, 日本同事們各點了原味和辣味,一入口湯底非常濃郁,湯質很厚,但又不會太咸,很正宗的日式拉麵.我始終是香港人,口味總不及日本人地道,但日本同事們吃喝第一口湯時,立即說"哦依絲"(很好味)!我再問他們如何好味,他們同聲說,根本就是正宗的--博多風--日式拉麵.之後就沒有時間停下來再說話直到吃完.最後連湯底也全清.另外,最驚喜的是差燒內竟然有一部"豬軟骨",很有口感,不知道是否每塊都有!