鳥語 (Closed)

早排好開心可以見返好耐無見嘅朋友❤️厚福街不嬲多食店，可以食嘅店舖算多，今次揀左"鳥語"，見佢幾受歡迎，所以早d book 定😚佢地每款食物d 賣相都好靚，岩晒"打卡"☺️好～介紹吓見左咩野食先～1. 富士山黑豚肉咖哩飯：相信好多人比佢賣相吸引左😍真係幾有創意，點影都咁靚，賣相好高分👍味道方面，咖哩比較稀，但味道唔錯，唔會好辣，飯係珍珠米，軟硬度適中～2. 鮮蟹肉草莓牛油果他他伴田園沙律： 呢款反而幾驚喜，"他他"份量幾多，好多蟹肉，夾埋牛油果醬，好清新🌱🍀💛3. 明太子忌廉汁意粉配三文魚子： 明太子醬味道夠濃，加埋三文魚子，夠晒咸香🥰雖然賣相無其他菜式咁突出，但呢個相比之下，最好味🤤3. 薯條配雙色醬-牛油果、松露蛋黃： 中規中矩喇～ 份量合理～總體：店舖座位較少（普通椅子/榻榻米），最好預先book 定。食物賣相高分😀 味道都不錯，平時約埋朋友黎吹水聚會，不失為一個好選擇～

朋友生日 想搵一個舒服又靚靚既cafe hea 一個下午搵左呢間💛cafe 一行5人book 到榻榻米位 坐得輕鬆d打卡必點富士山黑豚肉咖哩飯 $118賣相趣緻好吸引　估唔到味道都唔錯咖哩唔辣 屬於偏甜果種日式咖哩鮮蟹肉草莓牛油果他他伴田園沙律 $88用草莓汁畫碟令到整體賣相麻麻好似血咁🤣🤣🤣口感一pat pat 但味道意外地好味 鮮蟹肉草莓牛油果三樣野好夾 食唔停另外再叫左D 小食柚子蜜糖雞翼 $58柚子胡椒雞翼 $58蘑茹薯條 $68雞翼好香口 好juicy柚子蜜糖酸酸甜甜好正覺得兩款雞翼一樣味 唔知係黎錯定本身就係咁🙈而蘑茹薯條有驚喜　其實係炸蘑茹 以為有埋薯條口感特別 茹味突出至於飲品方面 普普通通冇咩特別咖啡賣相唔錯不過冇影到相最後， 榻榻米個位略嫌有d 熱 美中不足

搵咗呢個地方同朋友慶祝生日 網上面睇到係牛油果主題一入到去裝修環境都幾好沙律整得好好！你仲有新鮮嘅蟹肉牛油果味道好夾！我哋個個都讚不絕口我自己本身好鍾意食脆口野，覺得個春卷都幾好食蛋牛油果味唔太重軟殼蟹比較油 意大利飯口感適中但就冇乜特別呢個意粉好好食好重明太子味同有好多三文魚子薯條好正好多芝士係面 黑松露醬重味！牛油果醬真係有牛油果粒！全日最美中不足係個蛋糕 真係完全冇味環境幾好 店員服務態度都好 只可惜坐果張枱唔係幾舒服 但都再會想去既食店