白布烏冬 (荔枝角道) (Closed)

一塊塊嘅烏冬：白布烏冬一條條嘅烏冬就成日食，一塊塊嘅烏冬你又食過未？😨（乜原來有㗎？）-🥚牛肉冷烏冬跟溫泉蛋 | $86炎炎夏日，唔一定飲嘢先解渴。一塊塊嘅冷烏冬入口清涼，食落仲好滑好煙韌，撈埋鰹魚汁好消暑💦Fresh & cool😎牛肉好入味，配埋温泉蛋一流。配上切絲腐皮，正好為清淡嘅烏冬增添滋味。-🍜 鴨肉入熱湯白布烏冬 | $86整碗份量中等，鴨胸食落幾軟熟，仲有大大塊腐皮，吸晒湯底精華好juicy。不過湯底偏鹹，一路食要飲多幾啖茶🍵-🍮 布丁 | +$8比想像中細舊，不過貴精不貴多。焦糖味重，但唔太甜，岩岩好。仲要跟烏冬只係+$8蚊，好抵😍-推薦程度：❤️❤️❤️❤️🤍

一條條既烏冬就食得多，一片片既烏冬真係未食過。今次第一次黎試白布烏冬，好新奇☺味道都唔錯幾好食😋未試過既絕對值得一試！佢呢度午市都幾抵食，$75有一份烏冬、一碗迷你丼飯、一份冷菜再加一份小料理👍乜都食到啲，正啊！ 1⃣️鴨肉入熱湯白布烏冬 + 迷你親子丼 + 明太子玉子燒 + 鹽燒鯖魚（$75）白布烏冬滑捋捋，食落口感幾煙韌，冇我想像中咁易夾斷😲一碗大概四五塊烏冬，啱啱好過到口癮🤤湯底係鰹魚湯，清甜好飲，配料仲有啲菇同腐皮。腐皮浸過啲甜甜地既汁，食落有汁滲出黎😋另外鴨肉係煙燻過既鴨胸，幾厚。  另外飯揀左親子丼，雖然係迷你但係其實份量都唔少，雞肉同滑蛋份量都多。滑蛋夠滑，送飯一流👍明太子玉子燒甜甜地，夾埋明太子醬好正。仲有鯖魚，鯖魚就比較細件，比較普通。  但係一個餐可以食到咁多野，都真係幾滿足。同埋白布烏冬真係好特別，大大塊，薄薄地好滑但係又幾煙韌😚  2️⃣牛肉熱湯白布烏冬 + 迷你天婦羅飯（+$12）+ 明太子玉子燒 + 鹽燒鯖魚（$75）（+$8轉雞白湯）呢碗既烏冬就揀左雞白湯，白布烏冬一樣係滑一滑口感好好，雞白湯湯底唔算濃稠，個人會比較推薦本身既鰹魚湯底多啲，建議唔洗加錢賺湯底。