養心殿台式養生鍋 (Moved) New Location

天氣又開始轉涼，要好好把握機會打邊爐於是便立馬召喚鐵膽友人K和T到附近的台式火鍋店內走中式風格，枱前後均會有桃木色屏風燈光雖暗，但反令每枱之間的私隱度提高自助調味料區有芫荽、辣椒、蔥、香醋、蒜泥汁和豉油供自行調配麻辣鍋 Spicy Hot Pot &寧神養心鍋 Deluxe Chinese Medicine Broth $168麻辣鍋揀了小辣，但辣度和麻香亦十足平日食開微辣的，食小辣也感頗刺激麻辣鍋內的鴨血很高質，而且可免費追加一份，抵食養心鍋藥材味突出，又有魚頭和烏雞，又鮮又甜大家都續飲了兩三碗才肯收手鹽酥蚵仔 Deep Fried Oyster $78友人一致表示很鬆脆，炸衣厚度適中蚵仔都頗大隻，不錯蟶子皇 Razor Clam $58/PC新鮮，味道鮮甜，價錢合理涮鍋小羔羊肉片Lamb $108羊肉沒有羶味，不錯，但一熟便要撈起肉才嫩一不小心肉就易過老酒香白肉 Winey Sliced Pork $58個人最愛，酒香味濃郁，肥瘦適中而且淥耐少少肉也不過老但不太適合放入麻辣鍋，酒香味會被麻辣遮蓋即炸脆響鈴 Deep Fried Bean Curd Roll $68即炸即起，友人咬落

上次在尖沙咀分店只顧唱K,未能細意品嚐，今晚特意前來返尋味這裏的裝修古色古香，空間偌大，有很多桌子，但仍然很多人排隊等候。湯底我們點了麻辣拼美人鍋，美人鍋內有原隻烏雞，滋陰補虛勞！還加入了少有的桃膠，此乃山桃樹皮中分泌出來的樹脂，含豐富膠原蛋白！ 女仕養顏至寶！麻辣鍋免費追加鴨血一份，越滾越入味等湯底滾起前先要了兩款熟食頂肚餓招牌鹵味拼盤有牛𦟌、牛肚及大腸！鹵得十分入味清湯牛腩件湯底淸甜、牛腩有口感極上雪花肥牛油脂分布均勻，牛肉味濃！手工丸類拼盤有鵝肝墨魚丸、黑松露蝦丸、芝士牛肉丸、墨魚丸、蝦丸及梅菜豬肉丸，黑松露香氣四溢，令人胃口大增！香菇貢丸爽口彈牙，咬下去嗦嗦聲餃子拼盤有水餃、鮮蝦雲吞、韮菜餃、麻辣牛肉餃、魚皮餃及水蓮餃，最適合只有二人用餐又想試勻所有口味響鈴真的是即炸，上枱時還是暖的最後還有我最愛的水蓮，是每天空運到港的就這樣。。。又吃多了。。。究竟我的減肥大計何時才能開始呢？

今日七點左右去到餐廳，已經見到有人幾緊位，好彩朋友醒目有訂定位，去到就即刻安排坐位入去坐👍👍鍋有六個選擇，雙拼都只係跟貴個個收錢，咁一定拼啦，可以試多啲味，我選咗中辣嘅麻辣鍋同酸菜白肉鍋😋😋兩邊鍋都超級足料，酸菜個邊有好多五花肉，仲有蕃茄同QQ粉，麻辣有鴨血同豆腐，個鴨血超級好食，好香好滑，真係同台灣差不多所以我免費追加咗份(每個鍋可以免費加一次)😋😋😋食物唔係叫咗好多，因為食完個鍋都已經有六七成飽😂叫咗個細嘅手切牛肉，份量其實都唔少👍👍牛肉好有質素，肉味重，唔會太肥，又唔會有根😋之後叫咗半份韮菜餃同墨魚丸同打邊爐必點嘅響鈴😊

隔了個多月又回到養心殿吃火鍋，味道依然無可挑剔。古典的屏風為每一枱食客提供私人空間，餐廳內彌漫着濃香湯底和各類食物的香氣。再次點了麻辣鍋和酸菜白肉鍋雙併($128)，看見其它人即使點較貴的湯底，仍會併麻辣鍋。點麻辣鍋再加鴨血的，可說是這裏的招牌必點湯底和配料。沒有吃過麻辣鍋，就不要說來過養心殿。這是最便宜的湯底，而且可免費加鴨血或白肉一次。而酸菜白肉鍋內本身已有白肉和寬粉條。這間的鴨血特別大和厚，咖啡色光滑的面，沒有丁點腥味，厚身而新鮮的鴨血令吃時更細嫩爽滑。雖然鴨血的膽固醇甚高，但難得來到，吃着吃着便吃了一大碟了。千層凍豆腐($48)是必點配料，因其大小不一的孔能吸收大量湯底，滿實的口感下是濃郁的湯底。建議在放肉類及多油份的食物前先放，否則變吸引海綿。即炸脆響鈴($68)，上桌時油炸香香氣四溢。我急不及待想把響鈴放入鍋中，幸友人提醒，在最後才放，湯底才不會太油膩。這款配料也是必點的，因其十分新鮮，在其它地方吃不到如此新鮮而炸得適中的響鈴。翠絲水蓮($88)已是我們第二次點的菜，原因在於這個特別而新鮮，在香港其它地方甚少見。熟透後形狀如蔥，十分爽脆，感覺有點消滯。稻庭烏冬麵($48)就

成日係Facebook Instagram 見人食養心殿，已經想試好耐，今日終於抽到時間試一試！銅鑼灣分店交通非常便利，就係鵝頸橋側邊，地鐵巴士乜都得！上到去3樓，裝修雅致，朋友坐埋一檯都幾舒服，屏風增強左私隱度。湯底大多為藥膳養生湯底，不過我揀左麻辣鴛鴦鍋！因為想食鴨血同QQ粉。相當靚仔，店員叫我試下飲酸菜白肉湯，我半信半疑試左小半碗，味道竟然真係似湯水，事後亦無唇乾舌燥。至於麻辣其實只係叫左小辣，並無圖中咁恐怖好似激辣咁。鴨血永遠同麻辣火鍋係絕配。牛肉無得彈！又薄又滑，即使麻辣湯底味濃，但仍然食到香濃牛味！兩個人食剛剛好。依兩款丸必食！手工製作，特別係黑松露蝦丸香味突出，屬意外驚喜！墨丸中心釀有鵝肝，甘香四溢，入口即溶。千層豆腐同坊間蜂巢豆腐比較略為失色，不過索曬湯汁，都係非常惹味。籮蔔新鮮清甜，僅略有一兩舊有小小渣。最後店員送上一小杯沙冰（約100ml)，解辣解渴一流！店內好似做緊某時段前離座有7折，價錢更加實惠！不過就算無折，每人約$300都算公道價錢，畢竟無一樣食材係Hea底。而且Service幾好，好幾次要熄細爐火，未及動身已經有店員主動調較。佢地算係銅鑼灣地段入面、臉上寬

今日約左朋友出CWB 食飯, 天寒地凍, 就比個招牌吸引左入去打邊爐....養生聽得多...養心又係咩一回事呢?一睇個MENU, 嘩! 又美人鍋又養生鍋又養心鍋, 朋友想做美人, 要揀個美人鍋喎..既然雙拼唔使另加錢, 我又要個養心鍋先!個鍋黎到...比想像中大好多! 美人鍋又真係幾足料喎...入面好多烏雞!養心鍋仲西利, 有人蔘!!! 食落好甘O既人蔘!! 加埋其他藥材....一定好補個侍應千叮萬囑...要我地試左個湯先, 之後先好放其他食材...呀.....飲都停唔到, D 湯好特別, 又清甜,..淨係顧住飲D湯, 食D 配料, 都唔記得嗌野食由於個湯清清地, 我地都唔係太想嗌濃味O既野, 都係嗌D 菜, 餃子咁朋友口味特別D, 想食鴨血...... 由於本身養心鍋都係鴨血O既關系........今餐真係食左好多血!!!!!一定夠哂補身!養身, 養生, 養心!

之前同朋友一路都想係香港搵台式火鍋，麻辣鴨血鍋等火鍋。終於有人介紹左呢一間養心鍋，除左麻辣火鍋之外，仲有好多唔同藥材，中藥組合湯底（美人鍋，養生鍋，養心鍋等等）今次點左鴛鴦湯底（揀左養生鍋同麻辣鍋），收費都係計貴個款湯底價錢，唔洗另外加錢。麻辣鍋仲會送埋鴨血一客👍🏻麻辣鍋底本身已經有凍豆腐，再加埋鴨血就同台灣食個d 一樣，鴨血香滑，吸收麻辣湯味，如果可以無限添加就好😂 加外養生鍋就有烏雞、人參等藥材，一開始就咁飲個湯底都已經好補身，烏雞份量都幾多，湯底沒雞肉亦都好嫩滑，冇諗過褒湯料都可以咁滑身。打邊爐湯底好味已經好食左大半，再加埋用料好，就一定唔會唔好食。餐廳整體食材用料都新鮮，肥牛脂肪比例適中，唔太肥唔太瘦。相比起肥牛，羊肉片略略過肥，不過羊蘇味就係個到散發出黎，好香羊蘇味。另外手打墨魚滑、手工丸都好彈牙。手工丸拼盤都好值得叫，可以試晒佢6款唔同口味丸，好多都係有流心，食每一粒都有驚喜。另外響聆都係必點，佢真係鮮炸，上台時仲係熱，岩岩新鮮出爐，再加上吸晒湯底味道👍🏻最後亦都嗌左蔬菜拼盤，$58分量都好多，每款都有少少，抵食。最後食埋寬粉條，有小小似粉皮/水晶粉，吸晒湯底精華，彈彈地好

平時邊爐就打得多,嚟呢間試吓點養心,就咁睇佢地d火煱湯料都唔係普通出面食到嘅,全部都有藥材成分,感覺都好似健康d湯底我就揀咗鴛鴦鍋，養生鍋拼麻辣鍋,因為都係計高價錢嗰個,緊係試兩款啦～個湯嚟到都好香藥材味,但個麻辣鍋就越食越咸,無麻味，但侍應講話因為唔係四川嗰款做法所以有分別喎。而養生鍋就味道清淡,都帶出藥材味，ok嘅。手切肥牛 有牛味唔靱,好少食店有咁嘅質數。雪花牛 都諗帶爽 两款牛都好正連我平時少食貢丸都覺得彈牙要食多粒。云吞就普通啦～麻辣牛肉餃 不太麻辣 普通人都食得上湯牛腩腍 好味 因為可以就咁食,未等湯底嚟我地已經食晒。蝦 仲郁緊 大隻又新鮮 勁彈,激讚聖子新鮮但未到鮮甜,洗唔淨仲有腸有沙有黑邊,扣分。黑松露蝦丸，蝦味唔重但有黑松露味。鵝肝墨魚丸唔錯,可能我太愛鵝肝啦～大部份食物我都好滿意,質數明顯高過出面,9點半後嚟有7折都係等於出面火煱嘅價錢其實都有少少貴,但我會再嚟

約了很久不見的好姊妹飯聚，吃什麼好呢？記得看過一篇台式養生火鍋的報導，就決定來補一補，潤一潤。一坐下，先點了美人鍋和養心鍋兩款湯底。養心湯底用廿斤鮮魚加上川芎、天麻、當歸、烏雞等材料餚足四個小時製作而成， 鍋內的魚頭份量很足，煎香再熬湯， 魚雲很滑，單吃魚頭，已經又香口，又滑口，口感已很滿足！美人鍋更有驚喜！！一大片桃膠，膠原蛋白豐富，清腸又美顏，加上鳥雞、南棗、杞子、金華火腿等配料，清甜又滋補十足！我們先喝兩大碗湯，之後點了霜降肉眼肥牛、手工丸拼盤、雜錦蔬菜盤和鴨血。點的肥牛是菜單上最便宜的，想不到很有牛味，在兩種口感豐富的湯底內放一放，入口即溶，絕對不需再點任何醬油。手工丸拼盤有六款丸：鵝肝墨魚丸、黑松露蝦丸、芝士牛肉丸、墨魚丸、蝦丸、梅菜豬肉丸，六款都很新鮮，各自的肉味都很突出，而我最愛就是爆槳的芝士牛肉丸！肉味尤其濃郁！鴨血是台灣的特色地道美食，香港較少吃到，這裡的鴨血份量夠，爽滑彈牙，非一般豬紅可比。雜錦蔬菜盤有台灣A菜、青江菜、有機玉米、野菌等，貌似普通，但所有蔬菜都非常新鮮和清甜！所以被我們一掃而空！整體食材新鮮，值得一讚的是，他們會不停為你加湯，讓湯底保持香濃，可見服務