老坑火鍋

Open Now

Now Closed

琴日係老豆節🧔🏻‍♂️ 老豆講左想食呢間火鍋好耐，趁老豆節就同佢去食🙌🏻佢話好多年前成日食，水準都keep到宜家🤣小店位置有限，去前記得要打去book位～🦪美國桶蠔 ($160)生蠔隻隻都好新鮮，好大隻好肥美😍🍡鮮四寶 ($110)自家製手打丸係唔同啲！推薦個墨魚丸，食落好香，墨魚味極濃🤤🥩肥牛肉 (大) ($350)牛肉色澤紅潤，淥幾秒就食得🤣 好新鮮！🐟鮮魚皮 ($110)鮮魚皮係出面比較少食，食落十分爽口！配上新鮮姜蔥，作為涼拌真係一流🤤🥟韮菜餃 ($80)自家製餃子又係必食！餃子皮較厚，入面係滿滿嘅韮菜同豬肉，好香🤤🦆鵝腸 ($100)呢個鵝腸一啲都唔肥！食落完全唔會覺得肥膩🤤🦑炸魷魚鬚 ($100)新鮮即炸！熱辣辣咁食真係好正🤤魷魚都唔會好韌，咬口啱啱好🙌🏻🐷午餐肉 ($70)午餐肉都係靚野黎，唔係cheap cheap個種🤣不過價錢略貴，唔太抵食～

聽聞老坑火鍋食物質素高，雖然喺紅磡隔涉位置，都專誠約埋班老友嚟開餐。舖面唔算大，每枱都坐滿客，好地踎嘅裝修同迫夾嘅環境，夠哂地道風味一睇餐牌就知佢選擇多，有好多刁鑽嘢係其他火鍋店冇嘅呢度都有得食，生腸粉腸雞腸鵝腸、油炸鬼、田雞、牛脆骨、豬下青、豬腳筋、黃鱔、魚唇、魚咀、魚卜、喉叮、新鮮八爪魚、即劏田雞都有得你食，仲要價錢合理，問你死未！湯底叫咗個蕃茄蟹湯$350，有一隻新鮮大肉蟹，肉質鮮甜無比，但係個湯冇蟹味⋯蕃茄味都算濃郁，欣賞佢加湯嘅時候真係加蕃茄湯唔係清湯，唔會搞到個湯底淡哂。其實普通湯底只係$60，下次會選擇叫返普通湯底。炸魚皮$45超脆好味！迅速秒殺咗成碟。油炸鬼得返最後一條，阿姐問我地要唔要，梗係幾大都話要啦，可惜擺耐左味道一般。響鈴$40非常麻麻，每件大小不一，連個腐皮樣都有出入，唔係即炸，仲要有啲個心係硬嘅，可能係溝咗唔同牌子嘅現成貨。隆重推介手切本地肥牛$320，有咁嘅價位，真係俾到呢個級數嘅牛肉你，牛肉味濃仲要肉質係鬆軟嘅，好正！算係近年食過最好嘅手切牛！椰菜餃$65一打，好大粒，漲卜卜，爆多椰菜，唔錯鵝腸$90，係勁肥嘅鵝腸！大大條，唔會話驚烚完縮到唔見咗，肥美到

前幾日同朋友一齊去呢間聞名已久嘅老坑火鍋，我哋揀平日夜晚去，如果唔係都應該要等,我哋訂左七點，準時到唔使等位，先叫幾個小食，有水準，然後點左個皮蛋芫荽鍋，清清地要嘗鮮，有朋友之前去過，一早就打電話留咗龍躉翅，果然冇介紹錯，一個字“正”，手切牛燙耐左D都唔會韌，要提一提個八爪魚，第一次打邊爐食八爪魚，估唔到咁爽，其他D丸，響鈴整體嚟講都唔錯，埋尾跟個黃鱔煲仔飯一流，為很有風味的一餐畫上完美句號。埋單一人350，唔算平，但值。