明記海鮮潮州菜館 (天保大廈)

Open Now

Now Closed

星期日約friends係荃灣食打冷，呢間打冷都係個friends介紹，小弟就好少係荃灣食野，所以都係跟住班friends搵野食。先整個鹵水拼盤，冇咩特別，但食落去起碼唔會有陣臭味，因為出面有啲鹵水拼盤好有陣味。之後椒鹽鮮魷同蠔餅，熱辣辣，又嘢未，炸得啱啱好！西檸雞用雞扒切件炸，咕嚕肉用豬扒切條炸，冇骨易入口，送飯一流，但炸得有啲乾。至於蒜蓉蒸開邊蝦就同出面大排檔差不多，都係送飯一流同值得推介嘅一碟餸。加上同班friend每人一罐可樂，美滿的晚餐，

好耐冇食過潮州打冷啦，今晚同爸爸去左荃灣食呢間老字號。潮洲野好好味，又多選擇。一上到餐廳，都幾多位。而且我地時間尚早，所以仲有好多款野食可以睇下有冇岩可以點選。出面放左好多潮式冷盤同醃野食，如有烏頭、大眼雞魚、螄蚶、瀨尿蝦、蟹等等，好多唔同選擇。如果平時黎驚會賣曬既，可以打電話來先預留，咁就唔怕黎到冇得食了。因為每日都賣完即止的。是日試左螄蚶同瀨尿蝦仔，好鮮甜好好味，醃得又好味，好醒胃。正。當餐前小食來食都幾唔錯呀。仲有比個溫馨提示大家，每檯上面都會有點餐前小食，如花生、魚仔咁既，如果大家唔想提供既，可以叫店員收款，因為呢堆小食要收費$20的。所以大家不用怕醜，呢間餐廳店員好好人，佢都同我地講唔要可收走都ok...之後我地見到餐牌，好多款孖寶都好抵食。我地叫左個孖寶F,有個芝士海蝦伊麵同埋紅燒乳鴿兩隻。$338一個套餐幾抵食，而且份量都好足，幾抵食的。芝士海蝦伊麵，滿滿既芝士，又香又濃郁，好惹味，入面既伊麵份量都好多，夠曬飽肚。海蝦都大大隻，啖啖肉好爽口，又好味。唔錯呀另外呢款乳鴿都好正。一人一隻好惹味。熱辣辣，外皮仲脆卜卜。正。呢期食滿$300 仲送鹵水拼盤。雖然是送的，但都好足料，

一上到餐廳，就感覺到年代久遠旁邊放著一盆盆潮州食物還有掛著花蟹、尤魚、烏頭很吸引桌上放有2小碟 ：麻辣青瓜和辣蘿蔔我們2人不能吃太多，思前想後選了瀨尿蝦，客家黃酒雞，鹵水拼盤，炒3蔬……忘了名字椒鹽瀨尿蝦真的貨真價實！超級大隻味道避風塘椒鹽炒的！肉實有蝦膏，面層的椒鹽非常惹味，好味到可以配飯客家黃酒雞也非常驚喜小火爐煮著熱辣辣的有很多藥膳，雞肉很嫩很滑，喝完湯全身暖暖的湯味道陣陣酒香雞湯味道黨蔘，紅棗，龍眼……甜味好出眾當我們選鹵水拼盤，服務員即刻說滿300元是免費送的鹵水拼盤我最喜歡鵝腸，豬腸，腩肉都很入味而不會過咸免費送的真的超值了我們好開心選了一個簡單炒菜這個小炒鑊氣很香豉椒炒尖椒、苦瓜、四季豆入味到不得了尖椒辣辣的，吃著真的十分惹味！三種蔬菜都是吃得爽爽最後我們把吃不完打包，因為黃酒雞份量太大。下次要4人來吃比較好，2個人打冷真的吃不完……每碟都很大份量

約咗朋友去荃灣食飯，上openrice搵下靈感，見到明記評分都幾高，就去試下！上到去睇餐牌花多眼亂，睇緊嘅時候職員走過黎問我地：要唔要黃金鮮魷呀？廚房出錯咗，要就即刻有得食！我地三個都幾肚餓，就話要啦！之後睇睇下餐牌，朋友點咗脆皮牛腩同埋炸蠔餅，職員話滿$300會送鹵水拼盤，咁我地冇咁嗌了。食物好快黎齊，我本身唔食牛，所以冇試，但兩位朋友係咁讚呢碟牛炸得好好食。呢度黃金鮮魷用嘅鮮魷都算新鮮，同埋份量都足，有十幾件。另一道菜炸蠔餅個炸份多得濟，蠔仔唔夠多，比較失色。送嘅鹵水拼盤有紅腸，魷魚，鵝腸，豬大腸，豬耳，芽菜...每樣少少啦，當作頭盤小食都ok！因為叫咗好多炸嘢，我地三個都食到好飽，見隔離枱叫鹵水鵝好似都幾吸引，下次黎食試下先！

咁朋友約埋一齊食飯，大家意見多就好難諗食乜，咁最後就決定去食好耐都冇去食既明記。咁我地一入去等左一陣就有位，之後叫左個脆皮牛腩，椒絲腐乳通茶，椒鹽茶樹菇，啫啫雞煲同埋鹵水拼盤。咁個鹵水拼盤不過不失，都夠入味，份量都有好多，而且入面有好多我最中意食既鵝腸，都清得好乾淨。椒絲腐乳通菜就夠獲氣，好食過一年前我地黎食果陣，今次食得出啲通菜同腐乳既味混和一齊。啫啫雞煲不過不失，但雞既份量少左啲，但豬潤既份量都幾多下，最緊要係啲豬潤入味同唔苦。椒鹽茶樹菇比我既感覺係送酒一流，炸得好乾身，同埋都仲食到茶樹菇既味，而且佢既份量仲要係超多，有機會我都會再叫黎食。脆皮牛腩，咁今次我地第一次叫黎食，咁佢比我地既印象都係唔差既，外貌好睇，做到外脆內軟，牛味都充足，只係食落去果下冇乜驚喜，真係一舊有脆皮既牛腩。