木玥巷

Open Now

Now Closed

想食呢間台灣野好耐啦！我愛台灣味🇹🇼趁有時間可以等下位，呢間餐廳長時間都有人喺門口等位。連等位都係台灣風格，自己填名加人數，然後乖乖地等招牌便當$74雞髀大大隻好入味🍗 仲有粒鳥蛋🥚一絕！令人好掛住台鐵便當🍱鹽酥雞飯$58 至愛鹽酥雞♥️🐥 好食好食好食😋 香脆入口小食有炸花枝丸$38 6粒呢個價錢加味道正常發揮🍡黃金水果茶 跟餐加$28，上枱個刻真係比佢既誇張嚇親，杯身夠高，味道唔錯🍹可以兩個人飲都得

屯門高質黃店💛每次去到都見到好多人支持今次排左大概1個鐘雖然都耐但絕對等待叫左紅燒牛肉麵，鹽酥雞飯，芋泥蛋黃球同招牌水果茶牛肉麵湯底出色 牛肉入口好軟好有味 但麵有少少淋 個人覺得可以有咬口少少鹽酥雞飯份量好足 台灣味👍🏻芋泥球有少少麻薯口感 好味高質黃店 排隊都值😍💛👍🏻

小店係屯門景峰/紅橋附近，唔算太就腳，多數做街坊生意，如果西鐵屯門站行過嚟都要15-20分鐘，但係CP頗高，又係前半島廚師主理，環境舒適，值得試嘅😋午市12:00-3:30，有套餐，3:00 last order。當日（平日）大概2:00去到，都要等15分鐘。————————————紅燒牛肉麵（午餐$62)牛肉軟腍，肉味濃郁，有輕輕嘅黑糖味，加埋紅椒絲一齊食味道更加升華。湯底清甜，成碗飲哂都唔覺得口渴。麵底有趙口，煮嘅時間剛剛好。唯獨蘿蔔唔算太入味，尤其白蘿蔔有少少苦，但係唔影響整體味道。前菜小碟子柚子青瓜，食落好清新。配菜方面鹹酸菜好食，唔係死鹹，有甘甜味。另外炸蒜片都唔錯。————————————招牌水果茶 （$42 / 跟餐加$28）非常清新，仲有粒粒新鮮果肉（西柚、菠蘿、雪梨），同埋都幾大杯。但係跟餐要加$28（好似加咗價，之前淨係加$21？），相對嚟講有少少貴。————————————鹽酥雞飯（午餐$58）鹽酥雞炸皮略為有少少厚，但係味道唔錯，加埋配菜沙律同醬汁幾好食。**午市免加一🤗————————————總結：味道：4.5/5環境：5/5CP: 5/5會再嚟