Explore Kitchen (Closed)

兩公婆撐下枱腳，本身想試另一間西餐，但老公有心水，就跟老公意思去。7點另先係openrice book 枱，8點半去到餐廳。人唔算多，環境唔錯，樓底好高！正常set嘅價錢唔算好貴。最後我地揀左個二人餐，$600+10%小食呢個芝士熔岩薯條真係好好味！外脆內軟粗薯條，食到唔想分比老公食😂頭盤 鵝肝多士多士好薄好脆，鵝肝唔算太漏，好味！跟住上左兩個麵包，老公話佢lunch 黎嘅時候，staff 有介紹過係意大利麵包黎，其中一個係黑麥包，另一個唔記得嚕餐湯（我地冇加錢升做龍蝦湯粟米素翅忌廉湯麻麻地之後上main呢個芝士大蝦意大利飯，正常最愛！炭燒美國安格斯12 oz7成岩岩好，有好多肉汁，又有炭燒味，正餐飲，普通野，檸茶檸水咖啡奶茶橙汁冇得補差價揀其他野飲橙汁勁甜甜品得番Tisamisu麻麻地，雪到有d 硬

探索西餐@旺角好快就上咗餐湯同麵包，我食咗左邊嗰個麵包球，好軟熟。成個麵包都蘸滿咗芝麻，食嘅時候充滿芝麻香氣～南瓜濃湯同麵包一樣都係贈送嘅，南瓜味道好香甜，口感幾 creamy，好好飲！其實呢道裝修幾簡潔俐落，mainly 係木材嘅檯櫈，牆身掛咗啲綠色植物，感覺幾清新。不過我哋坐喺 window seat，望出去有種居高臨下嘅感覺，好似有兩種不同風格咁。扁意粉掛滿蝦籽，有鹹香，而且食到細碎嘅蝦籽粒～魚子醬嘅份量亦不少，顆粒較大啲，同細細粒嘅蝦籽相映成趣，令個意粉好有口感。長形嘅炭燒牛肩胛翼板肉係五成熟，保持翻牛扒嘅幼嫩肉質，切開重係好粉嫩 同朋友 share 嚟食，十安士嘅份量好足夠，佢切得好精緻每一件都好厚身，炭燒得好有水準。日本王林蘋果雪葩賣相好可愛，將冰凍嘅雪葩擺入日本王林蘋果道再雪，碟邊嘅彩色果醬都好 colorful。雪葩可以直接連埋王林蘋果一齊食，朋友鍾意食日本水果所以都幾滿意呢個甜品 呢道啲 cocktail 個名都好夢幻，呢杯叫世外桃源，感覺好似形容梗呢間西餐廳，哈哈！

彌敦道這棟新建大樓，樓層不多而且比較窄，望住佢拆完再起，到現在終於有新店進駐，緊係要上去望望啦，這間位於4/F的Explore Kitchen，主要以西餐為主，晚市有小食、意大利飯、意粉、扒類及甜品供應。南瓜湯質感幼滑，但南瓜味不算突出，配麵包都不錯。三文魚籽墨魚汁扁意粉意粉軟硬度適中，每條都沾滿了墨魚汁，還有些三文子籽，每啖都咬到鮮甜的魚籽味道，十分creamy，最後食到成嘴黑蚊蚊。雙層牛肉芝士漢堡牛肉漢堡份量十足，有兩大塊成寸厚的漢堡扒，牛肉結實但不硬，裏面有肉汁，外層麵包烘過且鬆軟，粗薯炸得香脆。