November+

Open Now

Now Closed

收工到上環永安買新廚具，search到距離永安只係2分鐘步程既佢地，一開門便是小清新格局到處放有大大小小不同綠色植物 配合簡潔木系裝潢 一邊播著輕音樂，夜晚既上環人流唔算好多，可以感受到呢一帶氣息 坐得好放鬆舒服🦪即開生蠔佢地提供兩款生蠔可以揀 完全兩種特性，做緊半打$228優惠，不過最後都係每款點左2隻試下先，開蠔手勢唔錯，蠔全部都好新鮮 加兩滴檸檬汁已經足夠美味，BTW佢地cocktail sauce都幾有誠意 唔同坊間一般現成醬 自家調味 (無生蠔沾醬 只係獨立食左幾啖醬 是我個人喜歡的口味☺️)🦪Supreme $52pc口感清爽，海水味同蠔味都好濃郁，帶微微礦物味，下肚後會有少少甜味回出黎🦪OstraRegal $58pc蠔味亦香濃，肉質肥美飽滿 入口creamy，每一口都是滿滿鮮甜估唔到有cocktail/ mocktail/ wine list可以揀，signature用左6月-11月既英文來命名🤎November $78同店同名的cocktail搶我fo了，Menu介紹“November”=威士忌芝士奶蓋配黑糖鮮奶/咖啡 加入了Baileys，酒味同黑糖味唔會好強烈 Ba

今次來到上環的樓上Cafe，是朋友極力推介的店，店舖小小，有好warm的感覺，坐近窗邊的位置，仲有一個小海景可以睇下，個view都算唔錯。🌆👫🍽️✨ NOVEMBER（$78），每款Cocktail都是以月份命名，其他月份是水果溝唔同的酒品。同店舖同名的Cocktail是加入了台式茶飲的芝士奶蓋和黑糖鮮奶元素，最吸引到我眼球同時也時打卡一流的飲品。威士忌融入芝士奶蓋，黑糖鮮奶加了BAILEYS甜酒，容易入口又順滑，去到喉嚨左右，先feel到酒精的感覺，絕對過癮。平時少會選酒品的我，都會誠意推介比大家。🧋🍸🥃🧊✨ 士多啤梨光環（$58），大大個水果菠蘿同樣吸睛，士多啤梨水果茶打造沙冰，冰感十足，幾唔錯的夏日消暑飲品。🍓🍍🍹店員最推介的生蠔是新鮮日本直送。🦪🍋✨ 大船渡（$65/隻），是來自岩手縣產地，蠔肉望落都幾飽滿，用叉子接觸蠔肉都幾有回彈力，入口濃郁。✨ 仙鳳趾（$68/隻），是來自北海道產地，海水味濃郁，入口偏爽口，鮮味十足。2款蠔各有唔同的特色，因生蠔已經好夠鮮味，加少少檸檬汁已經足夠，連蠔醬都可以唔使落，價錢相宜，性價比幾高。🌟 生蠔做緊買二送一優惠🌟 生蠔半打優惠價（$368）

🍽️🍝🍹必食麻辣卡邦尼▫️combo $30 有餐湯/沙律+飲品+甜品🆗是日餐湯 - 南瓜湯🎃都有南瓜味，但係比較稀，應該冇落忌廉。所以唔係忌廉湯嗰種質地。🆗冬陰功青口意粉🍝-$138呢個係是日精選，青口有4隻，好大隻，意粉用扁意粉，掛汁得黎口感煙靭。大量嘅洋蔥蒜蓉粒令到意粉好惹味，冬陰功味唔算太濃，如果再辣多少少可能更吸引。☑️麻辣卡邦尼意粉🍝-$108本來就係為咗呢啲麻辣卡邦尼而嚟，好彩都冇令人失望。意粉係用扁意粉，口感好好有咬口，而且都好掛汁。隻麻辣味幾正，又吾會好辣，撈埋蛋汁，個汁好creamy，入面仲有唔少煎香咗嘅煙肉，好香口惹味。☑️薑汁鮮奶 （熱）🫚飲品選擇呢杯薑汁鮮奶，可以凍/熱，估唔到都幾大杯，上面嘅奶泡超級滑，鮮奶味好香濃，另外都有少少薑汁味，不過如果再濃啲就更好。☑️甜品 - 芒果椰汁西米露🥭甜品係好細碗，好似平時人哋裝調味料嘅小碟咁，一啖飲晒，椰汁味幾濃，但係芒果肉粒，如果有就更好。

喺中上環鬧市，要搵個靜靜哋嘅地方食lunch都唔易，呢度環境舒服，放滿咗綠色植物，好適合附近返工嘅人過嚟放鬆吓～～▪️麻辣卡邦尼意粉第一次試加咗辣味嘅卡邦尼，又幾惹味，但又唔會話好辣🌶️ 可能係卡邦尼醬中和咗，不過真係唔食得辣嘅都可以叫少辣👍🏻 整體辣辣哋唔會話好膩。另外意粉用上扁身意粉，都好掛汁本身仲想加set叫杯士多啤梨奶奶，可惜當日冇提供🥲November+ 📍上環永樂街1-3號世瑛大廈13樓1301號舖