意粉狂熱 (皇室堡) (Closed)

選擇超多的意粉狂地今日比友人Megu帶左我黎佢既飯堂Pasta Holic，呢幾年和民愈開愈多餐廳，連西餐都做埋，但水準都超班呢。7點左右不算多人，唔洗等位就坐低了，環境好明亮温暖。Menu選擇很多，令人目不暇給，樣樣都想試呢。秘製炸雞 $48超級推薦的小食之一，都追加多份。應該係即叫即炸的，外層香脆內層嫩滑，仲一啲都唔乾，讚！焗珍寶大啡菇釀帶子 $48大啡菇可算近年西餐既紅星，四圍都有呢。帶子是迷你的，配埋上面既蟹子，口感幾特別呢。意式薄切三文魚忌廉芝士卷 $48感覺有啲似花之戀壽司但又冇咁膩咁甜，三文魚同忌廉芝士出奇地match，都唔錯。主廚精選沙律 $78好岩我地呢啲唔知食咩好既人，乜都有啲。幾欣賞佢既麵包碎，又香又脆，最後 encore多份呢！黃金四重芝士披薩 $88這個pizza是配蜜糖的，起初朋友以為我亂講，其實芝士薄餅同蜜糖真係好夾！一定要試！精選海鮮蒜香蕃茄意粉 $88都幾足料既海鮮精選，有大蝦、青口、墨魚，加埋蕃茄汁，挺鮮味且不膩的。芝士牛肝菌濃汁鮮製意粉 $78大概是鮮製的加持，幾重蛋味同彈牙的，食落有啲似拌麵，哈哈。海蝦牛油果羅勒忌廉意粉 $98我不吃的，但喜歡羅

話說皇室堡商場重建後，基本上除咗睇戲，都無係呢到食過嘢，今次陪朋友係到買嘢，順便就係到食餐飯。因為大家都想食啲香口嘢，所以今次揀左呢間Pastaholic，價錢亦幾合理，環境都幾舒服，唔係太嘈。兩丁友怕眼大肚窄，所以唔敢叫得太多嘢食。等左一陣就有嘢食到，首先係煙肉雜菇蕃茄忌廉意粉，一食落口就覺得好舒服，有輕微嘅蕃茄酸味，味道啱啱好，唔會蓋過曬其他味。再黎就係黃金四重芝士披薩，對我黎講PIZZA簡簡單單已經好好食，就咁食就有淡淡芝士味，加啲附上既蜜糖醬，就會有第二種味道，甜甜地好吸引，我比較鐘意加蜜糖醬既味道。之後就係脆炸原條白身魚配有皮薯角，魚塊炸得好好，魚肉仲好滑，薯角就無咩特別。各自點咗杯飲品，分別係鮮水果茶同西班牙白雞尾酒，雞尾酒帶少少酸味仲有微微既水果香，而鮮水果茶，茶味幾特別唔太甜帶少少幽香果味。最後朋友再叫咗杯朱古力芭菲，我只係食咗一兩啖，有幾種唔同既口感，幾過癮。總結，下次個PIZZA可以叫大啲。

前排去銅鑼灣睇戲前，係皇室堡試咗間唔錯嘅意式餐廳。個人覺得價錢化算之餘，而且味道上絕對唔遜色，可以話係性價比高，絕對令你意想不到地覺得「又唔錯啵」。本來店內係有Dinner Set選擇，但由於我地都想試唔同嘅小食同飲品，所以就決定散叫夾份食。沒有前菜地直入主菜：我地分別柯打咗一份細嘅黃金四重芝士披薩、煙肉雜菇蕃茄忌廉意粉同一份炸原條白身魚配薯角。最先到嘅係飲品，我地叫咗一杯細嘅西班牙白雞尾酒同草莓桃沙冰。由於杯雞尾酒份量頗細，所以後期再多叫咗杯鮮水果茶。個人特別推薦草莓桃沙冰，唔只賣相靚，味道都調配得好濃，飲得出草莓被打成沙沙嘅口感，而且草莓之中帶有桃嘅味道，鮮果甜而帶微酸且清涼透心，口味非常適合大眾，大推薦。由於水果茶無酒精，所以我都小酌咗一杯，以容器去比較價錢，唔貴而且比起飲水更Fresh。其間意粉到達，雖然視覺上個蕃茄忌廉汁好稀，但味道係喜出望外地好食！一般忌廉汁會予人食得多會溜嘅印象，但估唔到佢加入蕃茄後，會有種相輔相成嘅作用，平平淡淡中有一點酸跳出。令人有種食唔停嘅效果，再配搭去邊都夾嘅煙肉雜菇，整體非常唔錯。承接住，先泥一個細芝士披薩，估唔到都係比想像中好食！食得出新鮮出爐