雞翼山 (T.O.P This is Our Place)

Open Now

Now Closed

最近終於去咗好多人推介嘅「雞翼山」食，有極多款特色口味選擇，揀咗3️⃣款味道試下！佢地嘅雞翼全部即叫即炸，好大隻又炸得好香脆，外皮金黃，肉質嫰滑！🔸文青風玫瑰雞翼 ($38)呢款我最鍾意，喺Encore之選！面頭鋪滿玫瑰花瓣🌹+香草🌿+玫瑰蜜糖醬🍯，滲出玫瑰清香，啖啖都好juicy！🔹黑松露蒜香武士雞翼 ($38)面頭撒滿紫菜，蒜味唔會過重，黑松露味唔係極濃，但配埋就好夾，食落幾有層次！黑松露控表示，如果有埋黑松露醬蘸就一流啦！🔸鼠尾草鹹蛋黃哥雞翼 ($38)鹹蛋黃控必食！沾滿鹹蛋黃，分佈平均，食落有鹹香，好惹味，啖啖都鹹蛋黃，但一個人食晒4隻嘅話就可能會有少少膩～另外點左杯「水蜜桃粒粒甜果茶」，一邊食一邊飲，好解渴又解油膩！P.S: 有12件套餐連飲品$118，值得一試，店內亦有提供膠叉或手套方便進食，幾貼心！

之前有朋友試過話好食，又見幾高人氣，所以決定一試。店鋪內一邊有立食空間，另一邊就有一排可以坐的位置。佢地共有9款不同口味的雞翼，我地選擇咗其中4款1.文青風玫瑰雞翼這個是店長推介！雞翼用蜜糖汁，再灑上玫瑰花，每隻雞翼都包上蜜糖，但不會太甜，食落又真係有少少玫瑰花味，果然係推介！2.黑松露蒜香武士雞翼這款雞翼用幼蒜粒整，比較乾身，蒜香適中，沒有落太多而令到雞翼太鹹，配上黑松露，食落更有層次，不食黑松露的人都可以試，因為味道不是太濃3.港式避風塘蒜香雞翼呢個應該是最多人選擇，我在店內看到幾個客人都有叫呢個食！叫得避風塘，梗係有炸蒜同辣椒，未食已經聞到香噴噴；味道不會太鹹或者太辣，唔怪得好多人都會食呢個4.濃味三重芝士雞翼濃味芝士好香，本身雞翼無其他汁，只靠溶左嘅芝士，但已經夠味，食落都唔會太鹹，配雞翼都好味呢間鋪頭雞翼係即場製造，但都唔算等得好耐，由落單到出餐大約10分鐘左右，另外叫咗杯「水蜜桃粒粒果茶」，份量都算適中，又唔太甜。

喺出post之前，竟然發現到👦🏻偷偷地寫咗篇日記！完全睇唔出佢有咁嘅習慣😏跟住就分享少少節錄比大家睇吓啦！.「3月12日(晴☀)今天我為了Hkfoodpoint 當了一次土豪！每當我在Instagram上看見別人炫耀名車、名錶時，我總會想，作為一個Foodie，怎樣才可以用食物來炫富呢？於是我去了一所名為雞翼山的店舖，叫了一碟價值不菲的雞翼，就連路過的叔叔也忍不住用電話把它拍下！可想而知，這碟雞翼很能吸引眾人目光啊！」.日記先睇到哩到，畀返評語先👅.黃金片片太子金箔雞翼($268) • 真係好浮誇，成隻雞翼用兩大片金箔包實，完全係比全場人注視。揀咗鹹蛋黃味嘅雞翼，個醬好香濃，我覺得好味過KFC。應該係太子分店限定，仲要每日只有5份！.港式避風塘蒜香雞翼 ($38) • 蒜香辣度啱啱好，所有配料都炒得好乾身，雞翼肉嫩多汁好惹味。.黑松露蒜香武士雞翼 ($38) • 黑松露味唔夠蒜味出，加咗啲紫菜喺面，雞翼就好大隻好香口。.餐名：以上價錢：$344評分：8.5/10餐廳：雞翼山 (旺角)地址：旺角彌敦道700號 T.O.P. 地下14號舖.IG: hkfoodpoint

雞翼山位於旺角top地下, 面向彌敦道, 係屬於小食店舖, 並且獨沽一味, 只賣雞翼。 雖然係屬於小食店，但係餐廳入面亦都有位，有長檯供大家放雞翼立食， 最正就係牆上嗰句「不要儀態，只想吃雞翼」， 講真食雞翼真係要儀態嘅咩？呢度嘅雞翼有好多種口味可以揀，最重要係餐廳選用無激素大雞翼， 食多兩隻都唔會怕雌激素過多。濃味三重芝士流雞翼雞翼芝味十足， 一層厚厚嘅芝士舖咗喺雞翼上高， 好似食緊瑞士芝士火鍋咁， 芝士迷一定要試。黑松露蒜香武士雞翼蒜蓉香味與黑松露香味 互相交織蒜香四溢之餘又不會蓋過黑松露的味道， 炸得香口 ，過癮非常。港式避風塘 蒜香在香港食雞翼當然要點屬港式風格的避風塘口味。這裡的炸蒜炸得乾身，食落卜卜趣之餘份量亦夠多， 愛吃重口味嘅人士一定會非常鍾意 ，雞翼味道濃郁帶點微辣度也中，不會太過熱氣。鼠尾草咸蛋黃哥雞翼同鹹蛋黃一齊炸，金黃酥香，雞皮 酥脆之餘 雞肉 仍然保持鮮嫩 ， 帶鹹蛋黃風味嘅雞翼的確讓人愈食越想食。水蜜桃粒粒甜果茶水蜜桃粒粒甜果茶有濃厚紅茶味， 水蜜桃味不會太做作， 飲落去覺得窩心， 而且水蜜桃粒粒 代替其他以糯米做成的粒粒， 可以減少卡路里吸收呢。