BB辣

Open Now

Now Closed

朋友係荔枝角收工想食酸菜魚，上網搵到呢間係工廈嘅小店，地方都幾隱世🤣餐廳名叫BB辣，好多野食都可以自選辣度(我地叫左中辣都仲係覺得可以再辣啲😆)二人餐加左個小食，三個人share其實都幾夠食架啦～🔸2人套餐 (HK$358)🔸酸菜魚魚片份量都幾多，冇骨食落都滑滑的，如果再酸啲就好啦😉仲有啲寬粉同豆芽，配住黎食無咁悶呢🐟🔸蔥爆牛肉呢個小菜配飯食好match，就好似食緊乾炒牛河咁，唔會太鹹😎🔸紅油蒜蓉青瓜開胃小食好爽口，不過青瓜就略嫌唔夠入味啦，蒜蓉同辣味都可以再濃郁啲🥒🔸黑糖糍粑食落煙煙韌韌，外皮就有啲脆口，配黑糖醬甜甜地唔錯呢🔸炸饅頭(HK$36)見到隔離枱食都想試下，新鮮炸起嘅炸饅頭熱辣辣配埋煉奶，好味道🤤

-{荔枝角酸菜魚🍲}黎左依度食左個酸菜魚🥰再加啲料打邊爐🤪食個晚飯🙌2人套餐358🤤海帶絲🤤 食落爽脆！味道就正常嘅 冇乜特別👀👖褲評: 7/10🤤酸菜魚🤤雖然叫冷鍋但係熱食嘅~魚肉全部都冇骨 好多魚肉又夠滑☺️真係好多嚿魚片😂個湯底要bb辣 酸辣味都好出 ！😎酸菜都夠脆同入味🥳仲有寬粉同金菇 個鍋已經好多野食😂👖褲評: 8/10🤤蔥爆牛肉🤤好似食緊乾炒牛河！連醬汁都似 牛食得出係冇用鬆肉粉嘅🥰又係勁多😂👖褲評: 7.3/10🤤黑糖糍粑🤤 好推介！！！第一次食好似糯米糍皮咁好咬🤩😆層外皮係脆嘅入面又軟糯 再加黑糖汁係好好嘅配搭🤓👖褲評: 7.8/10又一間高質嘅酸菜魚 魚嘅份量真係好多😂去荔枝角可以試下☺️性價比: 8.3/10服務: 8/10環境: 8/10🚩BB辣🚩地址: 荔枝角青山道489-491號香港工業中心C座地庫CB1A室 #fuudjai #fuudjai港式 #fuudjai中菜 #fuudjai荔枝角

唔知有幾多人同我一樣，係無辣不歡既人，尤其好鍾意食酸菜魚，食過麻辣風雲、十二少，一直都搵緊香港最好食、夠麻夠辣夠酸既酸菜魚係邊間。今次發現到原來荔枝角都有川菜食，就帶左女朋友一齊食。BB辣係一間荔枝角工廈入面主打川菜既餐廳，係上年年尾開業，招牌有冷鍋酸菜魚、冷鍋麻辣魚、雜錦香鍋、口水雞等，最特別既係可以食完酸菜魚個啲煲羅去打邊爐，野食都可以揀辣度或者唔辣。餐廳位置唔易搵，因為佢係工廈既地庫，而且入口好多，香港工業中心可以係長沙灣道同青山道入去，我係青山道入去就好易見到有BB辣指示牌，指示我行樓梯落去，落到去就見到成個地庫就係得BB辣呢間鋪。七點幾去個時人流唔算多，但食到八點幾九回就差唔多滿座，以呢間餐廳既位置，係工廈仲要係地庫都咁多人，可見佢既人氣程度。餐廳格局係茶餐廳，環境幾光猛，地方乾淨，座位算寬落，有好多卡位。Openrice如果預約可以有正價9折，不過只係主餐牌，如果套餐就無呢個優惠。睇下餐牌，唔駛煩既就有招牌2人餐、2人烤魚套餐、2人火鍋套餐，有一頁係唔同既煲類同打邊爐配料，煲好似有麻辣小龍蝦煲、香鍋、酸菜魚同牛肉、水煮魚同牛肉、肥腸、毛血旺、雞煲、烤魚等，配料有肉類、海產類

同事特登簡左呢間同我食生日飯 川菜真係比較少食 而且係香工入面 真係要搵下先識路 都估唔到原來香工係有野食嫁 睇到佢個酸菜魚望落好吸引 就叫左黎試下 另外仲叫左黑糖糍粑 京蔥牛肉 炸酥肉 炸饅頭 酸菜魚上嘅時候會唔開火住 因為再煮魚肉會好爛 佢送上黎嘅時候係岩岩好 都好彈牙 而且唔會有骨 細骨都冇 但係佢只係有熱熱地暖暖地咁 最後我地都決定左開住火滾住食 咁食就更惹味 我地只係叫左bb辣 所以食落酸味會比較重 但係酸菜湯底做得幾好 有花椒 辣椒粉同豬骨湯嘅味道 而入面配料都好多 有好多芽菜 同酸菜 另外仲有寬粉跟左係入面 索哂啲湯 食完個酸菜魚我地就轉打邊爐 響鈴一般 唔係好脆 另外嗌左水魷魚同牛柏葉 都係一般水平 無咩特別驚喜 不過特地有嗌多左一個寬面（因為一開始唔知佢有）湯底愈滾愈濃 煮個面就愈黎愈索味炸饅頭我地放左一陣先食 所以佢冧左 不過都好食嘅仲 因為有練奶啊嘛🤣 黑糖糍粑唔錯 外脆內軟 加上黃豆粉 不過黑糖醬我自己就唔係好鐘意 因為覺得有陣中藥味咁 炸酥肉都係普通 冇特別 又唔係特別酥 只係有舊肉裹左粉拎去炸配個泰式辣醬咁 京蔥牛肉有啲唔抵食 因為成碟野京蔥墊底好似望落好多

好味指數😋😋😋回頭指數⭐️⭐️開心指數🤗🤗😡😡呢間係朋友揀嘅～ 上網睇過評價都唔錯，滿滿期待！隱身響工廈地庫，都算易搵！雖然身處工廈，餐廳都幾乾淨清潔～ 唯一嘅係佢附近嘅廁所都幾驚人... 最好唔好試🙈搵過第二度先去～上咗openrice 訂位，其實個優惠有誤導🙄早鳥時段寫明「主菜餐牌8折」，睇得明丫，即係套餐冇折；然而，6pm 後嘅優惠寫明「全單9折」，雖然有寫優惠不可與其他折扣及優惠同時使用，除非佢解讀「套餐係優惠」，如果係咁，不如細節內容寫埋「優惠並不包括套餐」，又或者同早鳥時段一樣寫「主菜餐牌9折」，我照字面解讀就係整張單9折啦～去到先知套餐係冇優惠嘅，呢個做法令人好唔開心！😡😡 所以我嘅開心指數要加兩個😡😡！當然我唔想做任何爭辯啦，因為「餐廳保留一切有關行使之最終決定」！Anyways 佢冇收加一服務費，我心理當咗9折吧😅招牌2人餐（$318）🍴必食酸菜魚（中辣）賣相好靚，有菊花、辣椒同芫茜放面，一鍋有勁多魚，佢係用生魚做嘅，肉質爽，夠厚肉夠大舊同滑，冇食到骨，中辣好正，夠辣，鍋內有芽菜、金菇、薯粉，吸晒湯汁味係幾正嘅～可惜... 佢唔夠酸度，酸菜比較似咸酸菜多D，唔係一片片，有

以前一北上 就會即刻想食翻餐酸菜魚！但近年疫情肆虐 冇得周圍去 喺香港想搵一間性價比高嘅川菜真係唔容易啊🙌🏻今次介紹嘅哩間川菜位於荔枝角工廈嘅地庫 距離荔枝角地鐵站約4分鐘 位置方便 店舖座位都幾寬敞頗舒適 上菜速度都好快 最值得一讚就係性價比極高 睇埋落去你就明👇🏻·招牌二人餐 $318 *必食酸菜魚超足料 望落似3人份多啲 食落亦充滿驚喜 魚片嫩黃爽滑 酸辣可口 但又唔會過分油膩 魚片唔會一夾就散 酸菜夠爽脆 湯底酸辣度剛剛好 非常開胃👍🏻辣度方便我地今次揀左BB辣 唔食辣嘅人一定接受到～鍾意辣嘅人可以挑戰中辣/大辣🔥*回鍋肉哩嘅菜式煮得好食真係唔容易 食落肥瘦比例分明 仲用左大量韭菜吸收油香👍🏻豬肉切成薄薄一片 方便送飯之餘仲做到外脆內嫩嘅效果🙌🏻*紅油蒜蓉青瓜最近天口熱好適合食🙌🏻青瓜鮮甜爽脆 加上特調嘅酸辣醬汁同大量蒜粒 青瓜仲好細心切成一口份量 一啖一粒好正👍🏻*黑糖糍粑第一次食哩個四川著名特色家常菜！表面有少少黃豆粉 食落口感非常Q彈軟糯🙌🏻表面煎至金黃色 口感香脆可口 強烈建議大家要加埋黑糖漿一齊食 超正呀！*可樂 +$7*杞子六花茶 +$8如果覺得口喝仲可以加錢嗌吓嘢

與同事閒聊時提起,我平時喜嚐麻辣菜式,遂向我推薦一家位於長沙灣區內的川菜餐廳--BB辣,說其味道甚佳,而且價錢較便宜;於是用Openrice大神查看,見其風評很好,就留待機會相約同好前往;這天機會來了,約到同喜麻辣味道的好友一起來個飯局,便預先打電話去訂位;是夜,與好友在荔枝角地鐵站碰面後,選擇最近的路線就從B出口前往;數分鐘的腳程來到長沙灣工業中心,入口處已有指示餐廳位於地庫;簡潔但整齊的裝潢,配上明亮的燈光,而且有極佳的抽風系統,一點都不侷促;我們在侍應生帶領下先量體溫再入座後,安頓好隨身物品就開始研究起餐牌;似乎是餐廳力推的招牌二人套餐,相對極之合理的價錢,一個主菜加兩個配菜,形成的組合相當豐富!商議一番過後,有了決定--點選了必食酸菜魚,回鍋肉及熗炒油麥菜就立即落單;因為訂位時已問過,可讓我們自帶美酒;等上菜時當然就慢慢架設好這些第二主角;必食酸菜魚首先粉墨登場,一上來時酸菜湯與麻辣的香氣已飄逸在空中!白雪紅梅黃菊綠荽茜,一幅誘人的拼圖,引得我們即時食指大動!馬上開啟這趟美食旅程,夾起魚肉來嚐味;細嚼之下,魚肉爽滑鮮嫩,又帶點厚實感;酸菜味滲透其中,適當的鹹味令花椒的香氣及麻度

今日收工同同事去左香工行街 見到扶手電梯旁邊放左BB辣既易拉架 我地兩個頓時好似發現新大陸咁嘩左出聲 「原來香工唔係淨係得衫賣 仲有野食ga！仲係四川野添呀！」由於6點之後就冇堂食 而同事又住係附近 所以我地就買左外賣上同事屋企食喇！黎個大合照先：手撕雞涼麵、清炒萵筍片、炸小饅頭、黑糖糍粑、少爺炒飯及必食酸菜魚（例）由上至下 左至右整齊排列好招牌酸菜魚：叫左中辣試下 非常惹味 魚片亦十分嫩滑 入口即化 除左酸菜同埋魚之外 裏面仲有金菇同埋水晶粉 非常豐富！少爺炒飯：叫左小辣 同樣係非常惹味 而且夠鑊氣!炸小饅頭：炸到外皮金黃色 配埋煉奶一齊食真係美味又邪惡清炒萵筍片：用黎清新味蕾既一道菜 冇落過多既調味 更能突顯萵筍片既清甜爽脆手撕雞涼麵：本身叫佢純粹係因為驚d野唔夠食（最後發現我地係眼闊肚窄既） 點知驚喜十足 走辣都好惹味黑糖糍粑：黑糖配黃豆粉係實冇死既組合 口感煙煙韌韌 係非常稱職既飯後甜品！佢地既價錢亦同香工d衫一樣咁大眾化！P.S. 我地兩個最後食到個肚都突晒出黎都食唔晒d野 仲留左黎第二日帶飯添！

公司附近開咗間新嘅川菜店，係香工地庫入面，外賣自取85折，本身見佢價錢已經比較大眾化，仲有85折真係好抵，外賣都可以食得又平又豐富，放工就買外賣返屋企。一向喜歡食川菜嘅我，一定必食嘅係水煮類或酸菜類。推介: 今次我叫咗一份細嘅麻辣水煮魚(小辣)$168，佢另外有 大份嘅水煮魚($268)可以選擇，足夠4-5人用，但我哋3 個人食又想試下其他小菜所以叫份細嘅，但其實佢嘅份量都唔少, 材料都好豐富，除咗有魚之外仲有其他配菜包括金菇、涼粉、瓜片。魚片好大塊，無骨兼有魚皮，一啲都唔腥，魚肉好滑之餘，連啲魚皮都滑嘟嘟，因為外賣返到我屋企都要約三十分鐘車程，但返到屋企開嚟食，啲魚片仍然保持嫩滑爽口，呢個係我欣賞佢嘅地方，相信佢條魚應該都幾新鮮，如果唔係冇可能外賣返到屋企都保持到咁滑。佢個水煮湯底酸酸辣辣，係開為惹味嘅，水煮魚用來配飯係一流，飯都食多兩啖。小菜- 泡椒肥腸(BB辣)$78 - 推介佢嘅小菜炒得好有鑊氣，泡椒肥腸係濕炒，BB辣係酸多個辣嘅，而且配菜有萵筍片，完完全全吸收晒汁料，食落去爽口之餘仲帶點清新，肥腸係彈牙爽口， 爽口到你喺個口裏面都感覺到咀嚼嘅爽脆聲，本人比較喜歡吃彈牙爽脆嘅肥

除了外賣斬料，今天有新嘗試，外賣川菜。我在青山道香港工業中心逛逛，溜走有數不完的服裝店鋪，同時間也看到有間「BB辣」餐館，有八五折扣外賣優惠，於是我沿著大餐牌指示乘自動扶手電梯到達地庫，就看到光猛整潔、地方寬敞的川菜餐館。看過餐牌，選擇也不少，可辣可不辣，不辣與少辣都照顧到部份客人的需求，對於川菜的麻辣我只能淺嘗，即是點到即止而已。因此，楝好酸菜魚、無骨口水雞、夫妻肺片走辣，還有甜點：黑糖糍粑 。份量不少的酸菜魚是選用生魚，魚片肉沒有泥味，肉味鮮嫩又爽滑與魚皮的軟滑的膠質，是我喜愛的口感。魚片肉覆蓋下有爽脆酸菜，大豆芽菜和粉皮，寬闊厚身的粉皮、掛著乳白濃湯，吃來味道和口感都一流。無骨口水雞吃得很方便，肉質滑，沁入豉汁的雞肉味道增添濃郁味，炸花生與芝麻令口水雞加添香氣和香味。夫妻肺片:薄片的金錢肚、牛舌、牛展，走辣雖然少了麻辣味道，依然有川菜濃香特色。回家品嘗的黑糖糍粑，我在烤爐翻焗片刻，立即回復外脆內軟，沾上黑糖吃，綿糯香甜 。