金功夫點心火鍋 (Closed)

上星期發現公司附近又有新食肆上場，新店「金功夫點心火鍋」現正以超荀價一蚊一粒蝦餃皇招攬午市食客。返上公司瀏覽OpenRice個網頁時，發現如經網上訂座更可享全單八折優惠，小肥當然係第一時間約埋幾位為食長輩去試新野啦！兩層高o既「金功夫」有私家升降機上落，一樓為廂房，預先訂座o既五人則被安排入座二樓o既一張圓枱。散座大堂樓底高，餐桌都分得幾開吓，中央o既四人卡位兩邊都有走廊通道，感覺闊落鬆動。午市繁忙時間，樓面卻僅有三位服務生，就連經理落埋手都忙得團團轉，睇黎應該未請夠人。齊全o既餐具上都印有「金功夫」個金漆嘜頭。兩頁點心紙附有彩圖，清晰易明，而且都幾多選擇吓。週一至日午市茗茶每位$10；閒日早茶（上午八時至十一時半）及下午茶（下午兩時半至四時）均可享八折優惠，即每位$8，以埋單時間計算。差不多枱枱都有叫一蚊粒「金功夫蝦餃皇」。餐牌上寫明，每人限叫兩隻，只可堂食，咁都好公平。請留意，食咗一蚊蝦餃皇就唔可以享用八折，長輩一早計定條數，發覺點食每人食兩隻一蚊蝦餃皇都一定抵過要全單八折，好明顯我地揀咩啦！金功夫蝦餃皇（$1/粒；原價$12/粒，兩隻起）：蝦餃皇雖然係一蚊一粒，但份量絕無因此而縮

金功夫點心火鍋早陣子曾與同事們食過，覺得樓底高之外環境又舒適，不失為大夥兒聚餐之地方！周末難得放假又早到起床，自然與家人們去嘆番一盅兩味！蝦餃皇一蚊一隻優惠，實在吸引！白牡丹及鐵觀音茶 - 茶味清香，解膩渴。而且以茶包方式泡茶，相比傳統茶葉泡茶更顯整齊潔淨！金功夫蝦餃皇 - 優惠關係，每人只可點兩粒～蝦餃皮皮薄晶瑩，不易刺穿。蝦身脹卜卜飽滿得很，食落質感豐盈彈牙！蟹子鮮蝦球燒賣皇 - 面層蝦球厚實，質感彈牙爽口。豬肉不肥膩，整體味道不錯！南翔小籠包 - 皮層略嫌有點厚，不過內裡肉餡豐富，肥肉位不多。咬時第一啖肉汁不太勁，其後第二啖開始便豐富澎湃！碧綠帶子腸粉 - 腸粉皮也是略為偏厚，帶子爽口的骰。配上簡單的醬油，味道隨即提升～黑胡椒沙嗲金錢肚 - 金錢肚質感軟稔外，食落還爽口有嚼勁！醬汁味道適中，配上青紅椒仔，更為惹味～酥皮香麻蘿蔔餅 - 香脆內軟，芝麻既香而有口！蘿蔔絲厚實柔軟，充滿著濃濃的蘿蔔味。食後亦不太見滯膩，挺值得一試。薑粒土魷肉餅煲仔飯 - 飯粒飽滿～肉餅不鬆散，味道不過不失！侍應頗貼心，看見我們的煲仔飯放了一段時間，主動提出為飯加熱。

受朋友所邀請，第一次應該係食北角保疊街分店，記得印象都唔知自己都算鍾意飲茶，朋友叫到就一於再試下原來今日係第一日開，都唔洗點等就有得住地方好寬敞，四個人飲茶都唔覺得迫，唔似其他酒樓!四個人一共點左7款點心‧1隻燒鵝同1碗粥蝦餃燒賣就梗架喇，蝦都係大大隻，唔似其他用細細隻蝦放幾粒就算..除左普通叉燒包外，呢度仲有本人最鍾意既酥皮叉燒包，焗到外脆內軟，而且裡面既叉燒仲要係熱辣辣，好，不過再多d醃料會好d！叉燒腸牛肉腸就食得多，帶子腸粉都係第一次食，好爽口，唔錯。蟹粉小籠包，尚可，因為包入面既湯唔夠，多d湯會再好味d！本人最愛吃既金錢肚，蒸到好林，加埋d汁醬，so yummy!!!!!生滾滑雞粥，粥煲得好綿，仲有細細個叫既"脆卜卜"食，good！4個人仲叫左半隻燒鵝，賣相同色澤都好靚，雖然係咸左d又油左d，但食落去都係淡淡肉！沙茶牛肉煎米粉，不過不失服務都好好，一路有伙記幫手添茶！(果然係deluxe版，服務都好d!)飲茶就飲得多，下次夜晚叫埋班朋友黎試埋佢ｄ火鍋先！