金田家 (Closed)

黎到12月中終於突然變凍，周末懶得外出，只想留係屋企附近搵食。咁凍既天氣自然想搵D熱辣辣既野食！除左打邊爐，我一定會揀去食拉麵。今日就去左有九州第一拉麵美譽既金田家食！平時行過食飯時間至少都會有幾個人排隊。今日早左少少出黎，大概六點半就好彩唔洗排。舖面唔算好大，亦都少左份傳統拉麵店既神秘感。一眼睇哂，燈光光猛，行一貫日系簡約風。______________________________🔸 黑豚拉麵 $98 同一般拉麵店一樣，可選麵既硬度，依到更有"超硬"供選擇。個人口味還是選"普通"好了。直身麵條，粗幼適中，有咬口。 黑豚叉燒一片搭一片圍滿碗邊，賣相有睇頭。 黑豚肉質偏瘦，無太多油脂層。雖然湯底係濃湯，但食開沾麵、重口味既朋友可能會同我一樣覺得可以再濃多少少哈哈！🔸 柚子辛口拉麵 $98 柚子辛口依個配搭幾特別，亦不常見。湯底柚子味帶點果香，幾清新。配上辣醬，略帶辛辣。但又唔會蓋過柚子味，拿到平衡，味道 富有層次感。叉燒片數唔夠黑豚拉麵多。🔸 男爵薯餅 (牛肉薯餅+紫薯栗子薯餅) $38炸粉薄薄一層，炸得酥脆，無油膩感。牛肉薯餅夾著牛肉碎同薯蓉，非常香口。紫薯栗子薯餅入面既紫薯

啱啱喺日本返嚟冇幾耐心郁郁又想食日本野 行過元朗附近我見到形點開咗間拉麵店就入去試吓我同朋友分別帶咗兩碗唔同嘅拉麵朋友叫咗碗黑豚拉麵我就叫咗碗黑松露拉麵再追加咗一碟餃子同埋叉燒 豚肉大家一齊share黑豚拉麵嘅豬骨湯底好濃厚 淨係飲湯已經覺得有好多豬骨精華係入邊黑松露拉麵嘅黑松露味就好重 吾錯拉麵底仲有得俾你揀適中 硬 或者 軟身貼心到好似真係去咗日本食咁我哋兩個都揀咗適中麵嘅質感唔錯 口感幾好 少少彈牙食落肚都吾會覺得太擠叉燒同豚肉都幾好味肉質唔會太鞋 而且厚薄亦適中一啖拉麵加湯再一啖肉 完美配合真心推介！我地仲叫咗一碟餃子 個人認為餃子味道都唔錯不過佢唔係脆底既 相對就冇咁熱氣 除咗以上呢啲食物之外另外佢仲有一啲免費嘅菜莆同酸薑比我哋配落碗拉麵同一齊食個人唔係太鍾意食薑所以揀咗菜莆個菜莆辣辣地加落碗拉麵度仲另有一番風味 大愛！

星期日一家三口嚟到原朗形點shoppingK出口往左手邊一直行到盡頭 1分鐘便見到金田家黑松露拉麵追加了腩肉叉燒和溏心蛋冇留意到menu拉麵原來已經包含叉燒而糖心蛋一般拉麵店只得半隻，金田家係一隻面頭有自家製黑松露醬試咗一啖湯底豚骨湯已經很濃郁雖然加埋黑松露油和醬但不會搶了湯底的味道，只增加了香味而黑松露拉麵的叉燒是黑豚叉燒好好味，有點像入口即溶的感覺腩肉叉燒比黑豚叉燒稍為厚些，味道帶少少甜本人比較喜歡黑豚叉燒入口溶化的感覺。辛子黑蒜拉麵有點像在錦市場吃到的焦香拉麵黑蒜味不算太出，反而覺得有很香的芝麻味帶少少辛辣，味道不錯，湯底一樣濃郁。雅布尼叉燒跟腩肉叉燒有點像，但就多了焦香味拉麵配料有紅薑及辣味雪菜，七味粉，白芝麻當中的雪菜入口辣味十足同埋我係好欣賞餐廳入面會設有兒童選擇的菜單

難得去元朗睇場戲，一出戲院轉角就見到金田家，醫肚真就腳。店舖不算大，但座位空間感舒適，跟媽媽睇完戲，可以舒舒服服食個晚餐。梅乃宿果酒(柚子味)，果味濃郁，柚子味都頗酸，原先飲時還說不覺有酒味，怎知道飲多幾啖就要收回這句，酒味越飲越出，食個拉麵配果酒，這配搭蠻不錯。黑松露拉麵  $108店員一端上拉麵，未見麵，已聞到陣陣松露味，對於喜愛松露味的我，當然覺得未食先興奮。由於不想打散松露醬，所以沒有撈入湯底，我就像食沾麵般食法，每吃一注拉麵就沾少許松露醬伴著吃，松露醬聞的氣味比吃的味道濃，入口吃反而味道淡淡的。最值得讚的是黑豚叉燒非常嫩滑，連媽媽都大讚好吃，是入口即溶的叉燒呀。這店的拉麵款式都沒配蛋的，而這裡的溏心蛋蛋黃是超級溏心的，所以推介溏心蛋是必追加物之一。((追加$14一隻)追加腩肉叉燒   $20/ 4片看似肥膩，但薄切入口即溶，亦是追加物之一！黑豚拉麵 $98多塊嫩滑黑豚叉燒，簡直是大滿足。大將餃子 $30皮薄煎得香脆，餃子啖啖肉。每次食金田家都保持好水準，果然是九州第1拉麵。

自從西鐵線發展後，元朗的中心區，也漸漸由元朗大馬路那邊，移到YOHO MALL這一邊。YOHO MALL共分成三期，最早一期在2015年己經啟用。而隨著商場陸續擴展，最新的形點I擴展部分，亦於2017年7月開幕，成為元朗人，甚至是區外人的好去處。形點I內有不少高檔食肆及商店，甚至全港最大的IMAX戲院也在這裡，可見該區人士的消費能力不俗。就在IMAX戲院的不遠處，接近形點I商場的最深處，發現了一間名為金田家的日式拉麵店，剛好和友人行得有點累，便決定在這裡用餐。我們分別點了黑豚拉麵及激辛拉麵。黑豚拉麵的湯底濃度剛好，可以一邊食一邊把湯底喝掉，再配合薄切黑豚，甚是美味。激辛拉麵則適合愛吃辣的人士，其辣味會在最後才「回甘」出來，甚有特色。除了拉麵之外，我們還追加了黑豚叉燒及腩肉叉燒，當是為湯麵加餸。小食方面，我們則點了大將餃子、唐揚雞塊、木耳及溏心蛋，每款都甚為可口，有興趣的可以一試。餐茶方面，我們分點點了玄米茶和煎茶，奉茶的茶具甚有特色，具有濃濃的日本風味。可能由於是平日的關係，商場內的店鋪不算多人，故這次也不用等位，很快便入座。但聽元朗朋友指出，YOHO MALL在周未時是人山人海，還有

對上一次去金田家已經係整整一年前嘅事，係金田家嘅銅鑼灣店，如今登龍街嘅拉麵店執完一間又一間，反而有兩家愈開愈多分店，其中一家就係金田家了。由港島區開到元朗、紅磡，對於作為新界西嘅我，都算係一個好消息，起碼多一個選擇。選址元朗嘅新商場形點，呢個商場只有一家拉麵店，自然生意都唔錯。週六黎到，都稍後一會先有位入座，幸好本來食拉麵就同食快餐無異，如果同行冇小朋友嘅話，食碗麵不花太多時間，所以即使要等位，都唔會花太多時間拉麵店裝潢簡約，以木枱木櫈為主，有數個吧頭位置，中間係一張長枱，其餘係細枱。頭頂掛上簡單吊燈，跟餐廳環境很搭，門口一個很大嘅金田家logo，曾經喺討論區見過有人話喺福崗見過店主本人，話真人有型好多呢。原來佢地17年被日本飲食網站評為「最佳福崗拉麵店」嘅第一名，希望有機會去到福崗都試試本店嘅拉麵，係咪真係咁出色。餐牌供應拉麵，一共有10款，連同一款為小朋友而設嘅兒童拉麵（剛好坐我對面嘅小朋友點左，真係幾『迷你』）。有豚骨、辛辣、柚子、黑松露、黑蒜拉麵等，定價$78-108，同一般拉麵店差不多。麵嘅硬度可以自選，分四個程度；要唔要蔥都可以自己話事。自由度高有好有唔好，聽過話正宗嘅拉麵