Hungry Lobster (Closed)

心血來潮想試龍蝦包網上見到Hungry Lobster風評甚佳所以馬上訂位到銅鑼灣後找了一會才找到打給餐廳說會遲一點才到他們說沒有問題，會幫我hold耐D服務很不錯到餐廳後見到門外已有人龍幸好預約了，所以很快就能入座餐廳主打是龍蝦和牛扒但既然一心來吃龍蝦包所以也沒有點選牛扒叫了兩個龍蝦包和一個龍蝦意粉龍蝦包很足料味道也很不錯百多元一個啖啖肉的龍蝦包當然不能奢求有很鮮的龍蝦味能夠把麵包、龍蝦肉、醬汁都處理得出色已經很不錯絕對是水準之作吃過龍蝦包再吃龍蝦意粉感覺委實是有點重復了味道雖然不錯但是與龍蝦包的調味十分相似而且意粉有點過稔不太對我的口味總括而言，龍蝦包做得很不錯份量足、味道亦好，價錢也合理絕對推介一試

登龍街都算係美食街，幾多特色餐廳。呢間餐廳幾特別，好似同龍蝦有仇咁，專食龍蝦（岩曬我！）店入面既裝修行型格風，室內好光猛。天花板既掛飾幾吸睛，好似掛左好多條魚標本。飲品揀左蘋果伯爵茶冷壓果汁。之前有見過呢隻牌子都心思思想試。佢好健康，水果經冷壓處理，保留原始既營養。而且唔會過甜，有蘋果既原味同茶香。龍蝦湯，配一小塊蒜蓉包。龍蝦味極濃！極濃！極濃！很重要所以要講三次。唔知佢煮一碗要用幾多隻龍蝦呢？主打！龍蝦包配薯條。龍蝦包仲配左個龍蝦汁，包你一定有龍蝦味！見到個包上面有兩隻大龍蝦鉗已經好興奮，入面更加係啖啖肉。而且個包好軟好甜，唔係d乾硬既法包，唔怕dry！另外，薯條厚身，實心，咬落有飽足感。新鮮炸起，好香脆，不過唔知要爆幾多粒飛滋了T^T呢一餐，昇華左龍蝦。

本人係當日既下午打電話去該店，訂左2位8點半。我們大概8點25分左右到，到最後8點45分先進到。全因有班人話自己5個人，霸左個位令我同我partner無得坐。但其實都算係店鋪，處理失當因爲我已經訂左台嫁ma!?事不而遲坐低就馬上叫左野食（等的時候已看完餐單），我們叫左一個龍蝦包餐（包一個8安士既牛排），2支特式啤酒同各一龍蝦湯龍蝦包最好食的8安士肉眼牛排（不得不提，勁好食又juicy 味道又較得岩岩好）龍蝦湯（可以5叫，無特別重要無乜味）埋單3百中左右，算中等價錢偏高。但服務還是不錯的啦

又係港島美食團出動嘅時候喇今次又去返銅鑼灣最新食點登龍街! 今次唔試近排最興嘅拉麵!今次去返食龍蝦包! 其實想來呢一間餐廳食龍蝦包好耐最終去到今個月先至有時間同朋友一齊試~呢一間餐廳喺登龍街嘅頭位一入去左手邊就係佢啦! 一入到去你會見到有個網既裝飾喺牆上面，旁邊就掛滿左好多魚仔～望一望餐牌你會驚嘆原來龍蝦可以做到咁多菜式哈哈，俾大家揀嘅嘢食有前菜啦主菜意大利麵小食等等另外佢哋仲有烤龍蝦牛扒組合，龍蝦包牛扒組合 同飢餓龍蝦全餐呢三個大嘅套餐比大家選擇，其實如果好肚餓，嗌以上三個套餐其實係好抵～既然我同朋友今次來的目的係食龍蝦包咁當然就叫咗一個龍蝦包($138)再加多兩個龍蝦湯($58)試一試啦~ 率先上場嘅有龍蝦湯在配一片蒜蓉多士，龍蝦湯好濃飲落口嘅時候感覺係有龍蝦嘅鮮味亦都加上一啲嘅番茄味道但係味道實在係有點過咸如果可以輕手返少少咁樣就最好喇～飲完湯之後主角上場了！熱辣辣嘅龍蝦包～面包係烤得好香嘅牛油軟包，上邊擺咗兩隻龍蝦鉗肉，一口咬落去嘅時候入邊嘅龍蝦肉全部都好彈牙再配上一個醬汁，感覺簡直就係完美！

龍蝦包👈🏻 成日聽人掛在咀邊, 不過自己真係一次都未食過🙈🙈🙈今日經開登龍街, 知道除左有日本拉麵食之外仲有呢間龍蝦~龍蝦~龍蝦餐廳~~時間尚早, 7:00 黎都仲有位, 到左晚飯時間就開始多人了!黎得呢度一定係食「龍蝦」做主打😝Menu唔使多, 有綽頭既2版紙已經足夠! 同男朋友兩個都都唔係太肚餓, 但黎得當然食返個龍蝦套餐喇! 唔係點叫做黎過😂😂😂法式龍蝦湯 $58因為本身order既set係冇龍蝦湯, 所以另外order左一個😍👍🏻呢個龍蝦湯真係必點之選!!!😍👍🏻暗燈色既法式龍蝦湯飲落好重龍蝦膏既香味~ 看來呢個湯係用左好多好多既龍蝦羔以製作而成~~~飲落濃郁既味道, 彷如係用龍蝦壓縮而成!!真係好正喔🤤🤤🤤♥️Lobster Roll & Steak Combo $348(套餐包:- 龍蝦包, 8oz肉眼牛扒, 薯條 & 沙律) 呢個set唔算好貴~三百多元就可以食到龍蝦同牛扒! 龍蝦包🍞 - 麵包外層先塗上一層牛油再烤焗, 食落麵包鬆軟而且帶點牛油香氣, 內裡仲夾雜左不少既龍蝦肉龍蝦肉既份量一d都唔菇寒, 超多龍蝦肉~~~咬落龍蝦肉好彈牙有口感, 食得出係好新鮮既食材!!😀😀

係日本食過另一名店的龍蝦包，一直念念不忘。見到公司附近開左Hungry Lobster, 都知道佢略有名氣，所以lunch time唔係太多人黎試試。Lunch time 係有lunch set 包飲品，大約$70-$120，豐儉由人。不過我一心想食龍蝦包，就無order set. 龍蝦包味道就一般啦，不過龍蝦份量都好足。我個人覺得另一名店好食啲。整體都唔差，重點推介個湯，好濃好香。飲品仲有pressed juice，選擇多。我上次試了eye protector, 好好飲又健康。朋友都唔算好大食，不過就覺得未夠飽，我就剛剛好。好胃口既可能要再加碼先夠飽肚。環境方面，始終係銅鑼灣，都唔會期望好闊落，不過同朋友吹水下午茶都係一個好既選擇。

與好友經過登龍街覓食發現呢間主打龍蝦的餐廳所以黎食個龍蝦午餐先叫個龍蝦多士佢將龍蝦切粒，配上洋蔥加上特製醬汁再放上法包到我覺得法包夠脆！龍蝦即使切粒，亦keep得住個鮮味同口感！洋蔥有助吊起龍蝦的鮮味我覺得個醬汁唔太濃無搶味，唔錯到呢個龍蝦湯賣相不錯，仲配了蒜蓉包我自己覺得個湯稍為咸了些少但勝在龍蝦味濃感覺好rich蒜蓉包也不錯，香脆可口！到了龍蝦包比我想像中細但包就好軟熟，龍蝦又真係極多同鮮甜咁樣食真係好夾不過我自己鍾意個多士多d如果大家都愛食龍蝦都可以黎食啊

一直都想試試龍蝦包午餐食得不多，同女友行行吓街就入左hungry lobster試吓佢地整的龍蝦包行街行到咁攰又渴，梗係叫了枝果汁！呢枝果汁係健康冷壓飲品我地叫呢個係pineapple，pear同lime的mixture幾好飲，飲得出係raw又無落糖女友就自己叫了個龍蝦湯佢會配埋蒜蓉包 賣相已經好靚龍蝦湯超級濃郁！好好味啊我本身諗住飲佢一淡都飲多左幾淡仲要個湯極滑，蒜蓉包都好香脆好味到我地最想食的龍蝦包啦！無我地想像中咁大件但都唔錯啦，因為我地仲要食晚飯haha包好軟熟，龍蝦都好多，肉質夠爽！個汁唔會太濃，完全係岩岩好！我地2個食得勁盡興～下次一定會黎試其他龍蝦產品！

特登上網搵龍蝦包，因為本人太鍾意食龍蝦，我又懶起殼，龍蝦包實在係為我而設嘅食物。 因為知道座位好少，之前打電話黎訂定，所以唔洗等就有得入座。睇完餐牌，2個人叫左一個龍蝦扒餐加多個龍蝦包，一人一個，唔洗爭。 第一樣到係一人一個龍蝦包，好多肉，好新鮮，個包外脆內軟好正，無得彈，如果再大少少就更加開心。之後係龍蝦湯太咸，所以無影，唔值得飲。輪到扒啦！揀左肉眼扒，都有啲肉味，但有啲鞋，無咩特別，得啲鹽，無任何汁，好單調。如果肚餓我覺得散叫意粉會化算啲！同埋見到隔離枱嘅意粉好似幾吸引。

以龍蝦包為主打的餐廳，最近火速擴展到各區，風頭可謂一時無兩。在開飯仔的引領下，我們選了位置較方便的Hungry Lobster嘗嘗這個新貴。餐廳位處銅鑼灣登龍街。久未踏足這裡，面貌確是變了不少。整條街開了滿滿的餐廳，甚有特色。與附近的拉麵店相比，擁有落地大玻璃的Hungry Lobster明顯顯得較為時尚。餐廳不大，座位數量不多，設置簡單清新。而由於餐廳的樓底較高，裝飾都設於上方天花的位置。開放式的廚房，有著新淨整齊的環境及默默工作的廚師。【龍蝦包】期待已久的龍蝦包，在點餐後一會兒便送到。光看外表，看不出它的威力所在，但其實麵包裡面包裹著不少彈牙的龍蝦肉。龍蝦肉經醬汁烹煮過後，顯得更為鮮味。而作為另一重點的麵包，表面經過烘烤，帶點微焦而香口，內裡則十分軟熟，也是不錯。【龍蝦意粉】意粉的龍蝦肉也是不少，但卻沒有龍蝦包滿滿的一口龍蝦肉的感覺，有點被比下去了。而意粉以龍蝦汁烹煮而成，味道算是濃郁，但醬汁略嫌不夠濃稠，不太能掛到意粉上。【無骨小牛排配薯條】除了龍蝦以外，牛排是餐廳另一款主打的食物，賣相亦是眾多菜式中最為精美的。【無骨小牛排】無骨小牛排上的燒網紋十分吸引，看得叫人食慾大增。而雖然

相信大家都有相同的經驗，遊覽完一個城市，回到香港都會想再回味當地的美食。話說某月某日經過登龍街，得知新開張一間龍蝦餐廳，餐廳採用落地大玻璃，可從外面看到食客吃得不亦樂乎。再細看餐牌，我和胖友人都不約而同想起在london的burger & losbter，很是懷念。新年過後，相約胖友人一聚吃開年飯，二話不說選了hungry & lobster。餐廳的地方不大，開放式廚房，由於樓底夠高，不會有很焗促的感覺，而且裝潢十分時尚。反而檯與檯之間的空間不太多，如果二人食客，某程度上和鄰座食客有搭檯的感覺。當然位於銅鑼灣中心地段，這也無可厚非。值得留意的是，餐廳免加一服務費，這樣即使坐得親密，食客都覺得合理。我和胖友人本來打算點烤龍蝦，湯及意粉。服務員細心告訴我們，我們點的組合與hungry lobster set也只是相差100元左右，所以我們便抱著要打包的心態點了饑餓套餐。🍽法式龍蝦湯十分creamy，龍蝦味中帶出淡淡的海水味，上檯時也有陣陣香氣。🍽龍蝦包日本也有大熱的龍蝦包，但這是我第一次吃這名物。包採用了排包，烘了後外脆內軟。龍蝦味很快便搶去了麵包的牛油味。吃龍蝦包的好處是殻肉已分離，吃下

Hungry Lobster 開宗名義是吃龍蝦的地方，餐廳座落登龍街 VPOINT 的一角，透過落地大玻璃可清楚望見店內的情況。筆者曾於晚間經過餐廳門外，在紫紅色的燈光映襯下感覺更時尚吸睛。 店內裝潢的最大特色，是掛於天花上的船架擺設，配合旁邊的小魚模型，令人有置身海底的聯想。一場來到，怎樣也要試試這兒的人氣龍蝦包，包子體積不大，注目點固然落在包面的龍蝦鉗身上。味道方面，麵包暖和鬆軟。龍蝦口感結實，蝦香亦見理想。包點配上香口惹味的牛油醬汁本是加分點，但鹹味過重反成負擔。 除龍蝦菜式外，牛扒是 Hungry Lobster 的另一名物。這客美國特級肉眼牛扒，約五六成生熟度，肉色呈酒紅色，放刀切下未見有肉汁溢出。牛扒以炭燒型色烤製，洋溢一份吸引的炭燒香氣。肉眼本身味濃，加上合理的鬆軟度，可以試試。不過，伴隨肉眼而來的薯條，實在要給一個「dislike」，完全走氣凍身欠脆。若這客薯條不是「免費」跟上這個龍蝦包牛扒組合，而是需要額外付費 ($22) 的話，一定退貨！ 二人同行，這個組合份量實未能滿足大家胃納，最後追加了一碟卡邦尼意粉。卡邦尼意粉最講究醬汁，濃郁的芝士味道確實吸引，稠度

龍蝦包大概是在今年年初開始流行，龍蝦包專門店亦愈開愈多，可是自己好像一次也沒有吃過。早前在登龍街前往另一間食店時看到有新開的龍蝦包店，所以跟他找了時間前往一試。餐廳的裝潢挺有時尚感，只是店鋪有點小，所以位子之間也比較近。坐好就開始點餐，打開餐牌才發現原來除了龍蝦，牛肉也是其中一樣主打的，所以就點了一個有龍蝦包牛扒龍蝦包組合。先來的是龍蝦包，不算是大大件，對男生來說要多點一下其他食物，但對女生來說也是足夠的。龍蝦包亦已分了兩半，方便兩個人share。麵包外層烘熱過，而內裏就十分軟熟，滿足得到麵包控。而麵包裏的龍蝦肉已經拆了肉，上面更有兩隻龍蝦鉗，啖啖肉，不錯的。再來是無骨小牛扒，同樣地份量不算大份，但勝在厚身得來不算軔，而且表面燒得有格紋，燒得不錯；而著條亦炸得香脆。最後點了一個龍蝦意粉，大大隻龍蝦頭在意粉上，外表已加了不少分。吃下去帶有淡淡的龍蝦味，略嫌蕃茄有一點點蓋了龍蝦的味道，但每條意粉都掛滿醬汁。最後，值得一提的是這家餐廳是不收加一的，不錯的!

新的LOBSTER ROLL店,除了主打龍蝦,亦有牛扒。點了5成熟的牛扒,實際似是3成,厚身的肉眼扒口感軟腍,不過肉味不濃,欠缺油香。所配的薯條薯味濃而實在,但已稍為放涼了,變得濕軟。喜歡這個龍蝦包的包身，空氣感強，外脆內鬆，牛油鹹香突出，當中透出包身的甜。而龍蝦則檸檬味偏重，蓋過了龍蝦本身的味道，鮮味欠奉，但口感是十分爽彈的。龍蝦包牛扒組合-龍蝦包+肉眼牛扒/西冷牛扒/無骨牛小排+薯條+沙律 $338

最近香港開了不少龍蝦專賣店, 這夜相約友人到此一試~必點我愛的龍蝦湯, 味道偏濃, 似乎過了點火候, 失郤了龍蝦最原始的鮮味, 但龍蝦湯的濃稠度倒是適中。龍蝦包賣相討好, 大大隻龍蝦鉗, 看罷未吃巳令人垂涎三尺, 龍蝦肉彈牙新鮮,蠻有嚼勁, 難得的是麵包香軟, 蒜香牛油跟龍蝦配搭得宜, 沒有互搶。龍蝦意粉讓我欲罷不能, 全因龍蝦汁都緊緊鎖入每條意粉中, 意粉的龍蝦鮮味比龍蝦肉更濃香。吃得太多龍蝦菜式, 口腔需要別的味道調和一下, 於是點了個無骨小牛扒, 竟是全晚驚喜所在!!! 小牛扒五成熟, 按要求切成粒粒, 生熟度控制得恰到好處, 牛肉呈粉紅色 , 肉汁鮮嫩, 咬下軟綿綿, 不太好牛的我停不了手, 令人回味~~~比起一般餐廳的龍蝦菜式, 這裡的價錢相宜, 可能餐廳走的不是高格調路線, 令價錢有下調空間罷! 三五知己找個輕鬆聚腳地, 這裡是不二之選。