Plato Cafe & Bistro (彌敦道) (Closed)

今日突發拍拖更，梗係同老爺搵間餐廳撐下枱腳。Plato Cafe & Bistro 一直都想試，今日有時間，當然要去會一會先。雖然地點係油麻地，但入口係彌敦道唔難搵。Book左7點，準時上到餐廳，都見到已經坐滿7成人。餐牌有一人餐同二人餐。我地揀左二人餐。頭盤揀左英式炸魷魚圈🦑 ， Pasta揀左龍蝦汁大蝦🍤露筍意大利飯， Main course呢⋯⋯我地係牛魔王，當然揀牛扒🥩，老爺唔鍾意食太生，揀左medium well. 首先黎左人是日餐湯....磨菇忌廉湯湯唔錯，但片蒜蓉包就比較硬同唔熱。頭盤黎啦！有6件，但個脆漿比較厚，同埋都係唔夠熱。意大利飯無煮過淋，龍蝦汁岩岩，而且蝦好新鮮輪到main course...牛扒無over cook 👍🏻 side dish同沙律菜都好食。最驚喜係個甜品，玉桂係暖笠笠，同雪米糍一齊食，好好食呀！如果用現金埋單，有88折。信用卡就9折。大家留意😊

晚上和朋友來到油麻地食晚飯，想找間餐廳可以，坐得耐D傾下計， 於是來到Plato Cafe & Bistro。之前同事來過幾次，記得Menu主菜好多選擇，薯條炸得香脆，今次一共有三個人來， 可以叫多幾款， 一齊share!三個人放工超餓， 我地好快鎖定目標， 各點了晚餐Set Dinner, 美國安格斯西冷牛扒, 紐西蘭羊架, 龍蝦汁大蝦意大利飯, 加配小食算酸忌廉煙肉薯條。升級的法式龍蝦湯，好快送上。湯底幼滑， 散發香濃的龍蝦味，配上烤的香脆的蒜蓉包，非常醒胃！再來是酸忌廉煙肉薯條， 炸薯條依然保持水準！ 酸忌廉醬香滑，煙肉味濃， 和現炸外脆內軟的薯條好夾！主菜分別是美國安格斯西冷牛扒，紐西蘭羊架，龍蝦汁大蝦意大利飯。 美國安格斯西冷牛扒， 煎得好好， 外面經過封煎， 鎖住肉汁， 裡面熟度剛好，配上特製醬汁，和焗薯， 滋味非凡。紐西蘭羊架，外面焦香， 裡面鬆軟， 與配菜和香草完美配合！龍蝦汁大蝦義大利飯，份量十足，大蝦新鮮，外殼香脆， 肉身爽彈， 義大利飯滲透龍蝦汁味道， 飯身熟度掌握得剛剛好！和朋友都好滿意今次的晚餐，三款主菜都好有水準！今次的聚會， 選了在Plato Cafe &

星期日要搵一個有得book枱又唔限時嘅地方有d難度之前去過plato地舖,覺得都ok,但估唔到令人咁失望四個人,唔想諗得咁辛苦,叫兩個二人餐抵d又可以share餐飲只係包$34或以下,諗住都係咖啡奶茶檸茶檸水啦,點知$34只有espresso同4款twinning茶包可以揀,飲奶茶都要加$2呀!!咁咪等如擺明焗你加錢飲其他野餐湯好快就到,冇得揀紅白,一律得紅湯其他食物上菜完全冇跟次序,總之煮好乜野就上枱強烈建議酸忌廉另上一開始食嘅時候係食唔到忌廉有任何酸味,去到差唔多見底先感受到有幾酸.可能我少食酸忌廉,真係唔知原來酸味會沉沈澱.仲要浸到個底d薯條就黎變薯蓉炸魷魚圈都算係咁,成餐飯最好食,不過份量少左d粒帆立貝係幾大嘅,有挑腸都算係咁,但味道就一般叫做主菜但係份量奇細,我真係理解唔到件扒同成年女士手掌差不多長,夾硬都切到每人兩條仔另一個黑毛豬鞍,比呢個西冷更細,每人分到一條仔,大約同成年女士嘅食指差唔多大意大利飯煮得比較軟身,濃到爆嘅龍蝦味唔係個個都頂得順同埋我唔明點解每碟野都擺多條蔥喺上面,冇美感之餘仲好浪費飲品叫左兩杯薄荷朱古力,兩杯榛子朱古力,好甜,飲唔到其他味道見到menu有4

今晚嚟到油麻地搵嘢食， 畀我發現這間新開冇幾耐的Plato餐廳， 裝修幾骨子 ，座位又寬敞， 最重要是他們的二人套餐特別抵食。這間餐廳在2樓， 但其實非常易搵，因為當眼的招牌已在街外變高高的掛起， 樓上應該是服務式酒店，所以平時都有很多人幫襯。入座後,經過一輪餐牌搜索,最終都係決定點這裏的二人晚餐, $398元包一款頭盤,兩道主菜 其中一款是意粉，另外一款是扒類， 還有兩款甜品和兩杯飲品， 咁多嘢食，晚餐這個價錢確是超值。先嚟頭盤，我點了水牛城雞翼，有三件多。 味道有少許辣， 水牛城雞翼特別大隻 ，而醬汁滲滿在雞翼肉入面， 非常滋味。而主菜的意粉點了龍蝦汁大蝦意大利飯， 大蝦煎得令蝦味特別濃烈， 完全食得出是雪藏蝦的感覺。 意大利飯特別好食，比一般西班牙飯來得軟身， 軟綿綿嘅感覺加上每粒飯渗透了龍蝦汁嘅精華， 香噴噴得來而鮮味十足 ，濕濕地飯身非常好食。至於另一款主菜， 當然非牛扒莫屬，選了美國安格斯西冷牛扒配紅酒燒汁，點了七成熟。 大大塊安格斯牛扒， 肉質非常鮮嫩， 牛肉味特別濃香，加上牛拟脂肪比例平均， 用餐刀好容易切開一片片，肉汁多，食落入口即溶，特別惹味。甜品最後點了朱古力雪糕

上Openrice見到Plato Cafe & Bistro晚上有二人餐而且好似幾吸引咁就約埋朋友一齊黎食🤗二人餐又有頭盤、意粉、主菜、甜品，仲有飲品送，價錢都okay👌🏻跟餐有忌廉湯做餐湯，同埋蒜蓉包餐包兩杯$34既飲品朋友叫左芒果草莓茶🍓😢茶包浸完之後味道好怪有芒果味但唔太試得出士多啤梨味下次唔會要呢個而我叫既Breakfast Tea都係用茶包無咩特別頭盤可以係6款入面選1款健康既可以選凱撒沙律熱氣既選擇就多dd💁🏻‍♂️ 又有薯條、魷魚圈、洋蔥圈等😂而我地唔想太健康又太熱氣就選左呢個蒜蓉牛油炒什菌事實證我地無選錯😼落左蒜蓉同牛油既菇十分之香而且唔會整到好重油膩感👍🏻到正餐luuuu我地叫左龍蝦汁大蝦意大利飯🦐一上枱見到有隻蝦係到已經覺得好吸引下面既意大利飯選擇得唔錯外面會有硬身既口感咬落口就會覺得粉粉地不過稍嫌龍蝦汁落得太多令到個飯有少少鹹得濟再到Main Course我地選左美國安格斯西冷牛扒🐮份量其實比我想像中細(可能係我比較鍾意厚身既牛扒多d)店家有問我地要幾成熟，我地就叫左6成😂但最後我諗大概係8成倒🤭最後既甜品係朱古力慕絲蛋糕😍其實我覺得以套餐黎講都幾吸引佢分左好明顯既

見到近期上榜又甘多人好似話幾好多食既餐廳，難得我地兩個又係油麻地收工，所以就book定左台，上到去即刻有得入座。睇完晒Dinner set & 2 人set最後揀左2人set。上菜速度都ok，不過張台就細左d，搞到d野食唔係好夠位放....栗米湯，偏甜，garlic bread就正正常常啦～法式龍蝦湯（＋$18），個湯夠濃夠味，似係連殻一齊煮先甘夠味，亦係成餐最滿意既一個。Chocolate & Hazelnut chocolate，不過不失甘啦～西班牙黑毛豬鞍架，個肉俾我地想像中嫩，算係繼龍蝦湯後另一個推介之作。酸忌廉脆煙肉薯條，無乜太特別，正正常常甘～龍蝦汁大蝦意大利飯，個龍蝦汁唔夠個湯出色，但隻蝦都整得算爽脆，合格啦～Tiramisu，不過不失～Blueberry Cheese Cake，都似一大pat blueberry paste就甘撻上去，正正常常。整體黎講只係得45-55/100分，扣分扣得多既係兩個人埋單$537食西餐但食物質素唔到呢個價錢（只有龍蝦湯算係meet到呢個standard），同價錢係旺角油麻地可以搵到d更出色既西餐，加上張台唔夠大放野有d麻煩同比較嘈吵，所

同朋友兩個人去開油麻地個頭買野，行到餓就緊係搵地方醫肚啦。行過CASA酒店門口聽到有人話樓上有間西式CAFE幾好食，咁岩我同朋友又好西餐，就膽粗粗跟左佢地入去睇下咩環境。一出𨋢見到餐廳既裝修唔錯，人流又唔少，咁食物質素應該有番咁上下。再望下MENU，以西式CAFE黎講算價錢中等，咁就決定食呢間啦。MENU意外地豐富，前菜、湯、沙律、主菜、野飲呢D不在話下，估唔到佢連意、美、法式既料理都有埋，好多都好吸引。拎起第二份MENU見到個二人套餐，就心諗跟餐試下D大路野好似穩陣D。經過一輪掙扎，我地最尾就叫左個二人餐體驗下，有得揀又抵食。打頭陣既有忌廉湯加蒜蓉包，個湯幾濃同幾香，啖啖有粟米蓉味，認真足料。蒜蓉包就相當標準，蒜味足牛油夠，唯一不足係唔夠脆，我同朋友都鍾意完全乾身個D黎。飲品：蘋果汁同凍檸茶。味道相當易入口，兩者都唔會太甜，飲得出絕對唔係平價貨既味道，果然唔係交HEA貨。之後上左盤酸忌廉薯條，配埋酸乳酪黎送，為味覺帶黎衝擊，但又異常地夾，推介！跟住接力既係安格斯西冷牛扒配紅酒燒汁，連板一齊上既有薯菜沙律，以及芥末醬。牛扒可以叫熟度，我地叫左五成。果然熟煎得岩岩好，外皮微焦香脆，肉質粉

幾個女仔聚在一起談天說地，之前試過Lunch Set， 所以今次一早決定黎Plato 試下佢嘅Dinner Set。雖然一早透過openrice預約，但人多不敢相信，結果也都要稍等一會兒，真係Happy Friday 🤗🤗因為人多，8點入去食，便要限時90分鐘 (真係不敢相信)， 職員便跟我們解釋因為今日人多所以要咁樣 ，果然係Happy Friday 👏👏🖒🖒快刀斬亂麻雀， 因為人多，所以就叫咗兩個2人套餐 同埋 生日之星送cake 優惠 黎食… 龍蝦汁大蝦意大利飯，好多汁，蝦特別大隻 🖒🖒紐西蘭法式羊架，全熟 😁😁熱薄荷朱古力 叫左唯一 一杯的 西班牙咖啡美國安格斯西冷牛扒 ， 7成熟 法國牛肝菌帶子忌廉汁意大利粉，多汁又美味，個個食唔停口 酸忌廉炸煙肉薯條，新鮮炸起，好食 🖒🖒🖒🖒各款甜品好食最愛 tiramisu 😍😍😍

聽聞呢間cafe口碑幾好, 近地鐵站出口, 所以琴日同朋友聚餐就揀左呢度啦！ 識揀一定揀窗口位啦！ 望住條彌敦道食飯，五顏六色嘅招牌絕對係香港特色。Dinner for two都幾吸引，價錢抵d，有小食又有甜品。於是叫左一set, 再另外加個軟殼蟹dinner set.軟殼蟹原隻上外殼脆卜卜，炸粉不多所以唔會有成口粉嘅感覺。入面濕潤度夠，啖啖肉黑松露味好重, 好鐘意個意粉！美國安格斯西冷牛扒，7成熟，粉紅的程度令人好興奮肉質嫩口。配上紅酒燒汁同埋芥末醬，芥末醬不太喜愛，燒汁是不錯的。薯菜有調味過，薯仔好好食龍蝦汁大蝦risotto, 意大利飯入晒龍蝦嘅鮮味，好濃郁。燒過的大蝦味道ok。升級左兩杯飲品：焦糖朱古力同埋榛子朱古力兩杯朱古力味好rich, 好creamy, 榛子果杯有少少咖啡味，幾特別！ 甜品有3種可以揀： cheese cake, 藍莓cheese cake，tiramisu。 我揀左升級甜品：心太軟望住佢流心嘅程度真係心都軟晒喜歡心太軟的苦澀味，不太甜，加上雪糕既中和佢嘅苦味，又冰火交融仲有單點嘅同飲品menu：

在 8月，有朋友告知我，位於油麻地 CASA DELUXE HOTEL 有間新開的西餐廳 Plato Cafe & Bistro！ 向來，我喜歡幫襯新餐廳！ 當晚，我相約食玩 group 的其中兩位女生一起食飯，我們三個女人一個墟！走到上去餐廳，佔地看來不算大， 原來還有一間貴賓房， 恰巧，有一大班看似大學生攪睡衣派對，真是好有趣！男店員招呼我們入座一張四人桌子，以餐廳 size 來說，桌子不算細，我們坐得鬆動舒適！桌上的 menu 有一大堆， 單點、二人套餐、晚餐、特別推介、飲品…等！供應單點包括：湯 $48~$68、沙律 $68~$88、漢堡包 $98~$108、意式三文治 $98~$108、頭盤 $48~$88、 主菜 $168~$368、All Day Breakfast  $98~$108、特色美食 $158~$168、意粉 $98~$108、意大利飯 $138~$158 ...等！ 價錢大眾化！晚餐 $108~$208 另可加錢配其他小食或甜品！我們一行三人，我咳未好番，另外一位則頭痛！ 所以，選擇食物方面都要謹慎選擇！我們先點一份二人套餐 share， 視乎套餐份量才決定

閒逛下搵到間正野！六點鐘到黎到，可能太早，唔多人。坐窗口位，可以望住彌敦道食飯，由天光食到天黑，哈哈。上菜快，職員都好服務。餐湯配蒜蓉包包脆又香，但湯唔係太濃，可更creamy , 2/3碗滿到，唔會太濟小食叫左炸魷魚，炸得好脆，點沙律醬食一流！不過只有五六舊，手快有手慢無龍蝦汁大蝦意大利飯大蝦真係好大只，用鹽煎香左，咸咸地，肉質唔會梅，好爽口。不嬲意大利飯都係好硬，但呢個唔會太硬，有口感，岩口味！。西班牙黑毛豬肉眼扒之前食過自助餐既黑毛豬，好“酥”，好難食。不過呢個又幾好食，無“酥”味！徹底改變以前既觀感！豬排厚切，啖啖肉！肉好實，但唔鞋，好淋。個汁係用紅桑子整，甜甜酸酸甘，點黎食好開胃，清新，無剩食肉甘膩。甜品叫左提拉米蘇，用只木碟裝住，細細件，飯後甜品剛好，好幼滑。薑檸好夠薑！加檸檬酸酸地，食完甜品飲無甘甜！飲完仲有好多味，可以加水沖多杯，哈哈。呢度適會情侶或三四個姐妹一齊黎，可以慢慢食，談心！又近港鐵站！新浦點！