Su Casa (Moved) New Location

石門近十年變化真係好大，想當年我第一份工係石門返，當時都仲未有京瑞廣場嫁！到宜家石門成為超多人氣美食店既聚集點，宜家好多朋友食嘢都會話去石門，唔會話去新城市啦！今次同大家分享其中一間人氣西式及海鮮餐廳 SuCasa，我一直想帶仔仔試試佢哋既兒童餐，我睇到其他人分享過餐廳會提供畫紙畫筆，等小朋友唔洗咁悶添，不過宜家疫情下無奈帶唔到佢去！而今日老公幫我拎外賣返嚟時，先知道今期佢哋有親子復活節DIY活動，凡惠顧的家長都會有套DIY復活蛋連顏色筆拎走，家長同小朋友係屋企可以發揮小創意畫復活蛋，最後將製成品影相貼返去佢哋專頁的帖文，Su Casa就會免費送一份兒童餐加神秘禮物一份，兌換日期仲去到今年11月30號，咁可以留返慢慢再同小朋友去食，所以今次買嚟食真係岩岩好，等我同小朋友都可以一齊參加！講返我哋今次叫咗咩返嚟食先吉列廣島蠔伴松露薯條份量好足都幾大份，廣島蠔食落唔錯，入面都仲Juicy！薯條配松露，味道都好夾，薯條炸得唔算太脆，反而我覺得仲好！德國腸拼盤配酸椰菜三種腸既口感同味道都唔同，味道都可以，唔算太咸！我個人比較鍾意最細個隻腸，食落最好味！配菜就中和返腸既咸味！龍蝦汁海鮮意大利飯依個

早排去左石門間西餐廳晚飯～環境、食物整體都不錯，可以下次再嚟！哥哥介紹生蠔做緊promo買一送一，叫左幾款試下～海水味重，夠鮮甜！抵食！炭燒紐西蘭肉眼-點左五成熟，煮得恰到好處，肉味濃夠juicy🥰龍蝦汁海鮮意大利飯-夠足料，2個人食好鬼飽～飯索晒啲汁，正，不過米粒淋多少少仲好～飲品-菠蘿有機亞奇籽綠茶，粒粒咬口，酸酸甜甜，飲完更開胃甜品-原個日本蜜桃雪葩，非常吸睛😍地址: 沙田石門安群街1號京瑞廣場二期地下 G03號舖(港鐵石門站C出口, 步行約1分鐘)Tel:28825000

之前聽朋友介紹過石門有間抵食親子餐廳，適逢仔仔K1面試完滿結束，決定要一家人去慶祝一下💕餐廳就喺石門站出面既京瑞廣場二期地下，好易搵！門口有位哥哥好熱情招呼我地入去～自動門後係一條斜路，bb車/輪椅都好方便，貼心👍🏻整間餐廳環境光猛闊落，感覺舒服😊入到去姐姐已經為我地準備緊bb櫈，同埋一張可以填色既kids menu，仔仔已經急不及待要玩，爸媽就可以慢慢揀野食🥰招牌蠔湯：超重蠔味！配埋脆卜卜嘅蒜蓉包，一流😋德國腸拼盤配酸椰菜：脆皮既腸係仔至愛，就俾佢食啲啦，不過份量對2大1小嚟講有啲多😂龍蝦汁海鮮意大利飯：飯粒吸滿濃濃龍蝦汁，配上青口、帶子、爽口既蝦、魷魚圈，一食停唔到兒童餐B：炸魚、薯條、牛油粟米、芝麻沙律、橙汁，用一架好靚嘅車仔載住曬啲食物～仔一見到就好開心咁話「跑車呀！」😂😂食完仲有得扭蛋添架！飲品：菠蘿有機亞奇籽綠茶，微酸而帶甜，清新醒胃下次要試埋蠔先得！

成日都同小朋友黎石門番pg，去partyroom玩，一直都冇發現有呢一間親子餐廳，直到朋友介紹先知！今日係拍拖紀念日，帶埋小朋友黎試下😛⚠️食物：⭕️是日餐湯 $48⭕️鵝肝多士 $88入口即溶，煎得幾香口，味道有少少鹹，不過配搭多士又balance番⭕️龍蝦汁海鮮意大利飯 $168好足份量，有蝦帶子魷魚青口。醬汁分佈得好均勻，啲飯粒粒分明，溫度啱啱好，每不一啖仲會出煙。⭕️紐西蘭肉眼(medium) $248落單個陣hold起左，食完risotto 先醒起應該可以起埋，大家記得食到一半可以落埋🤣除咗薯菜，仲配左兩個醬汁，分別有茄汁同埋芥末大廚烹飪得岩岩好，exactly 5成熟，啲汁鎖得幾好，切開嗰陣，個人喜歡點芥末，不過咁岩呢一件肉眼既筋位比較多，少啲嘅話，食起上嚟口感應該會更好⭕️兩份兒童餐A+C $68+$68Set A:沙律，粟米雞粒意粉，魚餅，橙汁Set C: 沙律，芝士通心粉，橙汁，士多啤梨同藍莓小朋友都好享受，食完飯，仲可以扭蛋。⭕️心太軟 $68店員好貼心，幫我地寫咗字畫心心，點埋蠟燭💋⭕️菠蘿奇亞籽飲品好健康嘅感覺，不過要記得自己攪勻先好飲😌平時唔好綠茶既我，都接受到呢個味道⚠️環境

今日過嚟呢邊見完個vendor已經接近六點鐘收工時間，所以直接就放工無返公司喇～喺附近兜下兜下期間，見到呢間幾靚幾有feel嘅西餐廳，就叫寶寶今晚入嚟呢度同我食晚飯😝路線好方便❗️佢放工搭「東鐵線」再轉「馬鐵線」就嚟到最近餐廳嘅石門站喇🤓 方便到出咗石門站，行一分鐘就到啦🙈 搶盡地理環境優勢😆餐廳坐位好闊落👍🏻 仲全場都係梳化黎添😍所以坐邊度都一樣咁舒服☺️餐廳全晚都播住輕快音樂🎶整體環境令人心情舒暢愉快😙今晚我哋冇嗌到set dinner, 叫咗單點，因為見到main menu嘅菜式太吸引🤤🙈招牌蠔湯飲落非常重而濃香嘅蠔味🤩 飲到d 粉粉地嘅感覺，應該係溝咗d南瓜蓉入去，未飲過蠔湯的我表示驚喜😆 好特別👍🏻 值得一試❗️煙三文魚配蕃茄莎莎蕃茄莎莎入口清新怡人❣️帶洋蔥味但唔算濃烈，食落d 洋蔥小粒好爽脆💕 大大片三文魚夾住d 蕃茄莎莎一齊食，又fresh又開胃😋德國鹹豬手豬手皮超香脆❗️入面嘅肉醃得好入味❣️生熟適中，咬落有質感有嚼勁👍🏻啖啖肉大滿足🤩最神奇嘅係香脆豬手皮就算凍咗都唔會變硬晒，除咗溫度之外，口感同熱辣辣嗰時食係差唔多🤓寶寶大讚❣️而我就非常鍾意個薯蓉☺️ 香滑細緻得嚟帶淡淡嘅芝士味，

位於石門o既呢間西餐廳，樓底好高，開揚度高，以綠白色為主調，帶點田園氣息；因應就o黎聖誕，掛上o左少少節日裝飾。除o左有長檯方便一大班人之餘，仲有d 圓形卡位，俾我地坐得親密d sweet sweet……餐廳有多個國家多種生蠔，其中六款仲做緊買一送一。雖然我地無叫到，但仍然試o左客招牌蠔湯($68 未加一)。個湯呈灰綠色，質地creamy 濃稠，蠔味尤其重，相信幾足料熬製，鮮甜之中唔會過鹹。跟湯搭上一小片蒜蓉法包。前菜諗過叫parma ham 配哈蜜瓜定煙三文魚，最後都係決定嗌碟煙三文魚配蕃茄莎莎($78)。滑滑o既smoked salmon，上面o既莎莎醬以蕃茄、洋蔥粒等同香草製成，整體味道酸甜，口感清新。朋友鍾意鋸扒，點o左一份炭燒紐西蘭肉眼($248)。大塊厚身，聞落好香炭燒o既bbq 味！外面燒成吸睛o既橫紋，裡面因為叫medium rare，自然十分鬆化。佢無其他餐廳整通常連帶一大舊肥膏，果真啖啖肉。一啖咬落去，牛穌味遊走齒頰之間，大滿足！塊扒下面有住薯仔、露荀、粟米仔等o既配菜，仲附上黃芥辣，辣度甚高……龍蝦汁海鮮意大利飯($168) 一如menu 圖中所示，都算幾多餸，有

石門而家係新發展地區，特別係京瑞廣場，入面有好多小朋友playgroup同學習中心。尋日同家姐去完plagroup，大家都好肚餓，本來諗住去食譚仔，點知見到譚仔旁邊有一間Su Casa。一眼從落地玻璃窗望入去，入面環境好舒服既感覺。裝修色調以綠色為主，感覺好清新。於是，決定了要入去食好西。原本係入面既哥哥見我地係門口東張西望，就立即出黎招呼我地，一坐低又拎左啲顏色筆同填色紙俾佢填色，等佢可以乖乖坐好等媽咪叫野食同等野食黎。餐廳入面有個蠔吧，而家生蠔仲緊生蠔買一送一優惠，好抵呀！不過，早兩日肚仔有Ｄ唔舒服，所以媽媽唔敢叫生蠔。不過我就叫左一個招牌。蠔湯試下。一入口就係好濃郁的蠔鮮味，好鮮甜，但又一Ｄ都唔腥。附上一塊蒜蓉包，吃起來有牛油及蒜蓉的香味，外脆內鬆軟，烘得恰到好處。牛扒一向係我最愛，紐西蘭肉眼排，牛排唔算大塊，但就好厚身，牛扒表面燒得好香，入面切開仲有Ｄ肉汁。牛排叫左五成熟Medium，上枱時剛剛好～入面無咩血水，肉色又唔會好紅好生。龍蝦汁海鮮意大利飯，好CREAMY的龍蝦汁好香，加入啖啖鹹香的意大利飯。飯上面仲配搭左唔同既海鮮，有蝦，青口，魷魚，帶子，仲有好多粒細細粒帆立貝，更

喺石門站呢間品牌餐廳🍴，我都係第一次來，多得沙田區老友介紹，以後又多一個好地方，無論搭車或者揸車都OK👍🏻門口路段可以望到停車位，落地玻璃夠光猛，情調唔錯，餐具器皿擺設一絲不苟，以綠色為主調，有圓型卡座和不同組合，啱大小聚會或慶祝活動💕我睇啱呢個紐西蘭炭燒肉眼🥩$248，價錢一望就覺得扺食，咁當然要食左先知咗😬不過首先帶來驚喜嘅係呢個招牌蠔湯Oyster Soup $68，第一眼望落無乜特別，但當你移近一點嘅時候已經聞到濃濃的蠔味，通常呢種蠔湯裏面會有原隻生蠔，但係呢度嘅做法就無，我估應該係將大量蠔打碎而混和在湯裏面，所以每一口都充滿平均的蠔味，非常之好飲，比想像更好😋😋😋脆炸黃金軟殼蟹$88，作為前菜又真係唔錯，炸軟殻蟹本身已經好味，仲要有埋蛋黃醬一齊炸，特別香特別好味，又脆又軟，正👍🏻紐西蘭炭燒肉眼🥩$248，首先份量足，而且厚度夠，炭燒嘅網紋，目測已經值了😍五成熟，控制得宜，鮮嫰粉紅，入口肉味夠，油膩感適中，肉汁豐富，在口腔內咀嚼嘅滿足感非筆墨能夠形容😋😋😋龍蝦汁海鮮意大利飯$168，有帶子、大蝦、青口等海鮮，好香好入味，雖然龍蝦汁嘅味並不明顯，不過大蝦🍤好爽好彈牙，整體來說很不

石門的小清新西餐生活需要一點新鮮感。所以我地鍾意試吓新嘅餐廳。好想食扒所以就去左石門呢間新開既Su Casa嘅西餐廳。餐廳行田園清新風，以綠色為主打，牆上佈滿樹葉，讓人感覺大草原。🥢招牌蠔湯$68質感好綿滑，估計用左鮮蠔去打成蓉，所以啖啖都係蠔蓉，味道鮮甜。🥢白酒羅勒忌廉紐西蘭青口$88好多忌廉汁包圍住青口，而且每隻都好大粒，好鮮甜！🥢招牌菠蘿奇亞籽綠茶滿杯菠蘿果肉，味道清新。奇亞籽又健康，呢杯必叫！🥢炭燒紐西蘭肉眼扒$238食物賣相吸引，份量足！目測估計有7-8安士重。為左保存肉汁叫左medium。 廚師控制火力細心，牛肉真係岩岩5成熟，切開呈粉紅色，肉質岩岩好！另外薯仔都炸得好脆，值得一讚。🥢龍蝦汁海鮮意大利飯$128味道不俗，飯粒吸飽醬汁，味道濃厚後，而且海鮮份量充足，還有青口同墨魚，為呢道Risotto增加口感。每碟菜的份量都好多，所以食完都好飽。不過甜品賣相太靚，引唔住叫左個。本本如為得個樣！原來味道都好得，雪糕冰凍透心，奶味濃郁，開心果cake又好特性，甜品為呢個晚上劃上圈滿句號。石門而家愈開愈多餐廳，但性價比高的，真的要試過物知。呢間好岩一家大小去食👍🏻

就到新年啦！食團年飯係必需嘅，前排同老爺奶奶食咗上海菜團年飯，今日我地一家就去咗食西式團年飯！我地一早 book 咗枱，18:00 嚟到，冇咩人！門口好大，好易就搵到！我地兩大兩小，店內有bb凳提供，仲有小童餐具，真係好細心。店內有兒童餐提供，有 A, B, C 三個餐，呢個係兒童餐 A，有胡麻沙律，茄汁粟米雞粒意粉，仲有魚形魚餅，魚餅好好味，爸媽都搶住食，配埋橙汁，小朋友至愛！兒童餐C，一樣有胡麻沙律，仲有媽媽至愛芝士通心粉，芝士味好重，好正！都係配橙汁！大人就先嚟個前菜：香煎鴨肝配多士，好夠熱，配埋多士一齊食，個口感一流，好味到想再食！另外點少得湯呢？要試梗係試招牌蠔湯啦！好重蠔味，嶠爸好鐘意食蠔，啱哂佢！飯精一定要食飯，龍蝦汁海鮮意大利飯，好多海鮮好足料，配埋龍蝦汁，熱辣辣送上嚟，配搭得好好，正！主菜平時通常揀牛，今次一於試新嘢，食雞。燒原隻去骨美國野春雞，因為係即燒關係，所以要等半個鐘。好嘢係值得等嘅，個雞熱辣辣上枱，配埋香料，啖啖肉好好味！飲品我地又係揀「凍檸檬茶」，茶唔會好苦，清清地幾好！甜品一：燴車厘子金寶脆脆配雲呢拿雪糕，打碎塊餅，入面就會有啲煙出嚟，好好玩！我平時都係