點一龍 (海港城) (Closed)

臨近年尾去商場血拼，行到攰搵個地方嘆個下午茶，見佢d點心價錢唔算貴就試下～幾鍾意店內呢盞超大既紅色水晶吊燈，有中式味道又唔會太古板。先黎上左個雪影叉燒包，麵包皮唔會太厚，微甜既雪山外層鬆脆，同入面咸香既叉燒餡好夾。整個都算係幾好食，係可惜唔夠熱度，如果剛出爐咁會超正！另一樣叫左龍蝦湯三皇餃，係店外已經俾menu張圖吸引到。好似灌湯餃咁上法，不過入面係兩隻蝦餃咁既蒸餃。夾起既時候餃皮個底已經浸到淋晒，一夾就爛開...至於個餡，食落爽口唔錯既，不過係邊「三皇」就食唔出～menu仲有一款個名同賣相都好特別既「牛肉手袋」，外樣似蘿蔔絲酥個種酥皮，不過厚身左少少，手袋入面「袋住」既係牛肉碎粒。賣相的確好得意，可惜焗得d牛肉太老太鞋，食多兩啖個口仲好乾，冇咩肉汁keep到。以尖沙咀地段黎講，呢間點心性價比都算ok，食物水準就有改善空間，有機會都會想試下佢晚飯小菜睇睇～

之前每次去尖沙咀海港城，都會留意到這間點心專門店「點一龍」。因為名字特別，諧音點一「籠」點心；用了「龍」字，暗喻點心出類拔萃，達到「龍」的級數。每次都想嘗試，但總是時間不恰當；今日終於戚起心肝，一早到來飲早茶。10點左右去到，時間尚早。始終係商業遊客區餐廳，10點仍算早茶時段，只有幾枱客人。裝修簡約，以鮮紅色為主調；加上仿大紅燈籠吊燈及錦鯉圖案牆紙，充滿中國風。一如其他點心專門店，顧客在點心紙自行剔選，然後交予侍應落單。不過，同時附有彩色精印餐牌，將點心紙上的每款點心及小菜拍攝得美輪美奐。這本餐牌當然有實際用途；在海港城擠滿遊客的那些日子，「點一龍」的目標顧客肯定係遊客；冇咗這本餐牌，如何吸引客人？又如何解釋點心紙上的每款點心是什麼模樣？始終唔係星級餐廳，實物同餐牌照片比較，當然有落差。第一道送上的龍蝦湯三皇餃（$55）已經反映出來。三皇餃餡料有蝦肉及帶子粒，加上龍蝦湯，正好是三款海鮮。蝦肉及帶子餃大大隻，先蒸熟、再淋上龍蝦湯。龍蝦湯貌似西式龍蝦湯，但唔夠濃郁，反而有點似中式魚湯味道 ⋯⋯ 整道點心有點不協調，想造成中西融合，但不太成功。蛋煎糯米雞（$38）同照片相差最大。餡料太少、糯

提起點一龍，也令我們想起年初的渣打馬拉松架架仔辛辛苦苦由尖沙咀跑過天橋，穿過隧道，走到灣仔，最後也要坐車回來尖沙咀試試這家當時開業不久的新派點心專店味道真的很不懶，點心即叫即製，新鮮熱辣，吃得出有誠意的http://www.openrice.com/restaurant/commentdetail.htm?commentid=2221033不經不覺又是半年的光景，最近得知不少新派點心專店也推出任食其中一家正是點一龍(只限尖沙咀)，原本已有意找齊朋友來吃，豈料較早前收到邀請恭敬不如從命，就再來這裡品嘗兩小時內任點任食超過五十款的點心單是奉送每人一客的鮑魚雞粒酥和龍蝦湯三皇餃也已價值九十六元(即已超過任點餐價的一半了)上一次來已率先試過，今次再回味十八頭南非鮑魚，再用上老雞赤肉火腿煨扣近五至六小時然後再以鮑汁來煮雞粒，配以自家製酥皮同焗，最後放上鮑魚鮑魚煙韌味頗濃，酥皮也很鬆化，雙重口感這個是另一款贈送的點心，也是一款中西合壁的點心三皇即是波士頓龍蝦,本地花蟹及越南大白蝦，將之拆肉做餡配以西式的龍蝦湯，入口鮮蝦味濃郁，十分讚!餃皮也頗鬆軟(因為浸湯，建議快點吃)，內裡的蝦肉餡料也就是富蝦和

自小已經喜歡一大清早起床，拖著老爸往酒樓跑，喝那濃稠得可以當墨水的普洱，邊吃點心，邊跟老爸聊天，已經成了我童年的愉快回憶之一；加上近年坊間不斷有點心專門店出現，水準的確有參差，今次就試試點一龍的點心放題。位處尖沙咀港威商場，旁邊是電影院，地利上佔了一定優勢，而近日正以放題作號召每位$188，限時兩小時，店方提供三張不同類別的點心紙，共有三十多款點心，全是即點即蒸。店內有特別的飲品提供，先來一壺檸檬馬黛茶，清清膽固醇。店方有兩款點心是每位一份的招牌點心，先來一份龍蝦湯三皇餃，每位一盅，香濃的湯底，是用上大量龍蝦殼去熬，帶有海龍皇湯的感覺，蝦餃餡料更加入了龍蝦肉，更顯貴氣，就連最易出事的餃子皮亦搓得通透有彈性，有新意之餘，師傅搓功及手藝都在水準之上。另一款是點一龍鮑魚雞粒酥，酥皮有牛油的香味，但有點濕氣，變得未夠酥化，而鮑魚夠煙韌入味，讚。而蒸點類，菜苗鮮蝦餃的餃皮的確紮實，蝦仁彈牙而菜苗清新，不錯。平常上酒家，最怕鳳爪蒸足一日，入口甩皮甩骨，先不要論XO醬蒸鳳爪的味道，而是煎得剛剛好，皮跟肉軟綿而不糜爛。已經很久沒吃過蝴蝶燒腩卷了，把腩肉放入蝴蝶包內，肉汁不算多，但軟綿有肉香，反而包皮有