榊 (Closed)

壽司就成日食，今次朋友介紹呢間割烹料理omakase。呢度同市面上omakase有啲唔同，香港比較少, 10隻手指都數得晒，不過近排就越嚟越興，可能香港人都鐘意新嘢。餐單除咗刺身外，仲有傳統日本料理，例如串燒、壽喜燒、天婦羅、煮物等等，都幾多唔同嘢食。一去到門口，有棵樹係度，感覺幾放鬆。餐牌用日文寫，有少少似去咗日本食會席料理！第一道係沙律同埋水雲，但掛住傾計唔記得影相，不過都係STANDARD嘢，無咩特別。第二道係剌身3點，有間八、中拖羅、東星斑，東星斑係傳統鮨店比較少食到，但原來魚味好濃, 配上紫蘇花食仲正。第三道係，油錐魚同埋池魚，油錐魚輕輕火炙過，好爽口，魚味又出。第四道係天婦羅，有油錐魚同埋日本小茄子，油錐魚炸熟後好鬆化同香口，簡直一流!第五道係雞翼同牛舌，牛舌原本唔包，係自費轉的，2種都燒到皮脆肉滑，問過師傅個串燒爐係日本訂返來，所以火力十足。最後就係主角A4和牛壽喜燒，雖然份量唔多，但老實講五百零蚊有埋宮崎和牛食，都真係無嘢講了。個壽喜燒汁師傳話自己用牛筋牛脂肪煮過，真係好香牛味，配埋碗日本米飯食，大滿足 割烹料理都幾特別，可以邊睇住廚師煮，邊享受美食，唔錯唔錯!

尖沙咀新開張， 終於有時間同朋友去試下。本來以為係omakase，食完就學到新野咩叫“割烹”。（吾敢拋書包，自己去同d師父吹下水）午餐menu前菜春子鯛配蛋王醬菜之花, 刺身沙律刺身3點 - 右口魚薄切, 蠔, 拖羅壽司 - 金目鯛, @.@仲有一件無影相天婦羅 – 北海道帆立貝, 青椒串燒 - 雞翼, 露筍 （趁熱食無影相……）A4 和牛壽喜燒配白飯,$5XX 既餐仲有個師傅係你面前即製壽喜燒，做法較為傳統乾身, 有埋雜菇係底, 個日本蛋點完牛肉再撈埋飯, 真係大滿足最後有抹茶蕨餅作結尾