Video
Read full review
2017-05-16
5287 views
週六趁放假專登過海食小包，我地兩個只係點左一個包同一個雪糕包，作為午餐就唔會好飽肚，於是向住下一目的地why50出發。why50位於上環禧利街，有大概十多個位置，頗高樓底提升空間感，水泥地、木枱高櫈、加上少量啤酒樽作裝飾，具簡單型格感覺。正值下午茶時間，加上係假日，客人不少。餐牌選擇以吐司、沙律、全日早餐等輕食為主，用嘅材料都係相當健康嘅選擇，定價 $55-$112。飲品方面有咖啡或茶，亦有手工啤酒。三文治即叫即做，需時等候，所以店員先沖好咖啡等我地可以hea下先。Latte $40拉花好靚呢，事後先知原來餐廳有開辦咖啡拉花課程咖啡入口香醇唔苦，奶泡夠滑。Lavender Latte $45雖然已經中女，但見到薰衣草拿鐵咁特別，少女心都不期然會湧出黎，咖啡面頭放左唔少薰衣草花碎點綴，賣相加分。拿鐵容易入口，薰衣草味道天然唔假，配合咖啡，既唔影響濃度，亦飲到另一種層次，奶泡比剛才嘅latte更厚滑不過如果你平時唔喜歡花味嘅食品/飲品，未必會鐘意（實在聽過太多人話會諗起護手霜），我個人就唔抗拒。Avo Salsa Tartine $93（可選三文魚/火腿/磨菇）揀左呢份最受歡迎，有牛油果作
why50位於上環禧利街，有大概十多個位置，頗高樓底提升空間感，水泥地、木枱高櫈、加上少量啤酒樽作裝飾，具簡單型格感覺。正值下午茶時間，加上係假日，客人不少。
餐牌選擇以吐司、沙律、全日早餐等輕食為主，用嘅材料都係相當健康嘅選擇，定價 $55-$112。飲品方面有咖啡或茶，亦有手工啤酒。
三文治即叫即做，需時等候，所以店員先沖好咖啡等我地可以hea下先。
Latte $40
拉花好靚呢，事後先知原來餐廳有開辦咖啡拉花課程
咖啡入口香醇唔苦，奶泡夠滑。
Latte
$40
52 views
0 likes
0 comments
Lavender Latte $45
雖然已經中女，但見到薰衣草拿鐵咁特別，少女心都不期然會湧出黎，咖啡面頭放左唔少薰衣草花碎點綴，賣相加分。
拿鐵容易入口，薰衣草味道天然唔假，配合咖啡，既唔影響濃度，亦飲到另一種層次，奶泡比剛才嘅latte更厚滑
不過如果你平時唔喜歡花味嘅食品/飲品，未必會鐘意（實在聽過太多人話會諗起護手霜），我個人就唔抗拒。
Lavender Latte
$45
61 views
0 likes
0 comments
Avo Salsa Tartine $93（可選三文魚/火腿/磨菇）
揀左呢份最受歡迎，有牛油果作材料嘅吐司，平時比較少食。
其他材料有三文魚、滑蛋、蕃茄粒，加上芒果沙沙醬，睇個樣都知健康滿分。
Avo Salsa Tartine
$93
112 views
0 likes
0 comments
牛油果份量不少，唔會太生或者過熟，平均塗於麵包上，口感、味道都新鮮。雞蛋係相當滑溜，配合芒果沙沙醬，清新不膩
配料逐層鋪上，食落口感豐富，唔好睇少呢個包，食完真係好飽。
Avo Salsa Tartine
$93
201 views
0 likes
0 comments
Apple Lady $95
呢款係小店嘅新品，兩片三文治中夾有手撕豬肉、青蘋果，配合自家製BBQ醬汁製成，沙律菜伴碟。
麵包同樣地烘過，由於材料唔屬於多水份，食落會較乾身。
Apple Lady
$95
105 views
0 likes
0 comments
Apple Lady
$95
62 views
0 likes
0 comments
裡面有份量唔少嘅手撕豬肉，醬汁唔多，肉質較瘦，食落會有少許柴。
幸好配合清新、酸酸甜甜嘅青蘋果，都未至於完全乾身。
喺香港比較少食到以青蘋果入饌嘅料理，感覺都幾特別，相信有唔少人會喜歡。
Apple Lady
$95
153 views
0 likes
0 comments
整體黎講，小店環境舒適，好似我地咁下午茶時間去到，hea下傾下計，係不錯嘅選擇。
雖以供應輕食為主，使用嘅材料比較健康、特別，自有一班捧場客。食物份量不少，相當飽肚，而且味道不俗。
至於前面有不少評論到上菜時間太耐，可能我並非繁忙時間入座，並冇遇到咁嘅問題，店員亦都好友善。
餐牌：
其他：
Post
