Video
Read full review
2018-02-02
855 views
妹又返黎香港幾日喇，熊妹當然把握時間同佢見見面喇! 約左係又一城食個下午茶，因為方便熊妹夜晚去返學。熊妹以前放工不時都會同啲同事係又一城食個tea，relax下。不過轉左新工就無黎又一城好一段時間嚕，原來都開左幾間新餐廳。 熊妹同妹揀黎揀去，都係覺得simplylife tea最岩口味同抵食。tea time 由3點開始，熊妹都食過好幾次喇，之前次次都有條短龍要排下，今日可能星期一，第一次唔洗排可以直入。simplylife的tea其實真係出哂名，抵食有保證，每次都必點的beef burger，肉汁夠嫩，豐富的芝士仲有一塊煙肉，包皮有搽牛油烘過的，再配埋香辣薯條，成件事就係好邪惡好肥的味道，不過今次薯條好似少左啲。另一個tea叫左個酸種麵包配牛油果蓉加辣肉腸，係新菜式喎，一於試下。賣相真係幾靚，紅紅綠綠咁，熊妹鐘意牛油果已經唔再多講，難得妹都肯食，牛油果本身味淡淡，連埋辣肉腸咸咸地，仲有車厘茄酸甜，配撘幾唔錯，呢個新品好特別好值得推介。仲未夠喉?咁好食的野緊係唔好俾佢停，熊妹同妹仲有胃口，唸住叫多個cake食下。simplylife cake不嬲都出名既，當中熊妹最鐘意食佢個
熊妹以前放工不時都會同啲同事係又一城食個tea，relax下。不過轉左新工就無黎又一城好一段時間嚕，原來都開左幾間新餐廳。 熊妹同妹揀黎揀去，都係覺得simplylife tea最岩口味同抵食。
tea time 由3點開始，熊妹都食過好幾次喇，之前次次都有條短龍要排下，今日可能星期一，第一次唔洗排可以直入。
beef burger
$58
52 views
1 likes
0 comments
simplylife的tea其實真係出哂名，抵食有保證，每次都必點的beef burger，肉汁夠嫩，豐富的芝士仲有一塊煙肉，包皮有搽牛油烘過的，再配埋香辣薯條，成件事就係好邪惡好肥的味道，不過今次薯條好似少左啲。
Sourdough toast with Smashed Avocado & Chorizo
$58
97 views
1 likes
0 comments
另一個tea叫左個酸種麵包配牛油果蓉加辣肉腸，係新菜式喎，一於試下。賣相真係幾靚，紅紅綠綠咁，熊妹鐘意牛油果已經唔再多講，難得妹都肯食，牛油果本身味淡淡，連埋辣肉腸咸咸地，仲有車厘茄酸甜，配撘幾唔錯，呢個新品好特別好值得推介。
Lemon Meringue Tart
$32
68 views
1 likes
0 comments
仲未夠喉?咁好食的野緊係唔好俾佢停，熊妹同妹仲有胃口，唸住叫多個cake食下。
simplylife cake不嬲都出名既，當中熊妹最鐘意食佢個 lemon meringue tart，妹雖然怕酸，但被熊妹說服下都願意試一次，真係就哂熊妹，夠朋友。 simplylife的 lemon meringue tart真係做得好出色，最上一層好豐富的蛋白，蛋白的質感打得好細膩，帶點甜味，入口好似食緊棉花糖咁，表面仲用火炙過，令顏色上看來無咁單調，一向得閒會整下蛋糕的熊妹真係好想跟呢度拜下師學下藝。蛋白下係一層厚厚的cream，呢層cream係好有誠意，當中食得出有擺檸檬皮屑同檸檬汁，好配合檸檬撻主題，一般的檸檬撻只係一層奶cream，所以呢個係為何熊妹認為這裡比其他餐廳勝出一籌及做得細緻的地方。再來是一層檸檬撻的靈魂-檸檬吉士，真係好好味，酸甜適中，唔會好似啫喱咁實，又唔會好似慕絲咁creamy，個 custard texture真係做得剛剛好。 最後，到撻皮，熊妹其實一直都係simplylife的fans，記得以前撻皮係用消化餅底，不知幾時開始轉了而家的酥皮撻底，熊妹就比較鐘意以前的消化餅，有口感啲，酥皮底熊妹覺得薄左啲喇，不過都好脆的，呢件cake一啖由頭叉到底咁食,真係各種口感都出哂黎，好豐富味蕾。
grapefruit homemade iced tea
44 views
0 likes
0 comments
各款tea set $58 包一杯飲品，熊妹多數揀呢度獨家的homemade iced tea，有orange/grapefruit，睇下當日的餐牌係咩，今日就係熊妹的減肥至愛~grapefruit，有兩大片新鮮西柚，唔會好酸，配埋個iced tea，好解渴。
latte
34 views
1 likes
0 comments
妹就唔想飲凍野，叫左個latte，不用加錢的，佢話味道都幾好。
埋單每人80蚊，一人一個tea set，仲食埋件cake，環境又寬敞，你話抵唔抵?熊妹就encore左無限次喇。
Post
