Homeland (東昌街) (Closed)

近兩年香港興起手工意粉，Homeland就以貼地價錢的自家製pasta，成為大埔區內的人氣長龍小店。店內分成兩層高，面積不大，但內裡色彩繽紛的裝潢，配合柔和的日光照射，使整體風格和諧溫暖。午餐時段下午12:00-15:30 有套餐供應，還可以用優惠價加購多款小食。冬蔭功海蝦闊條麵 $118以食用花點綴的擺盤賞心悅目，引人食指大動，人手製手工意粉由揉麵粉、搓麵團、切麵條至烹調，由廚師全權負責，配方不會添加任何防腐劑，為了確保質素穩定，每日只會限量供應。海蝦大隻厚肉，肉質鮮甜爽彈，吃前滴上青檸汁，味道會更清新舒爽，揉合酸中帶微辣的泰式冬蔭功醬汁，特別開胃，泰西Fusion的新穎配搭完全不帶半點違和感。新鮮現造意粉與乾意粉最大的分別就是彈性中帶點煙韌的麵質，挺身富有Al dente咬口嚼勁，加上吸水力更強，因此極易掛汁。賓尼迪蛋 $98Sunday brunch 又怎能少了經典之選 Egg Benedict？！賣相脹卜卜的水波蛋煮得外熟內生，吹彈可破，蛋黃仍是處於流質狀態。一刀刺破班尼迪蛋後，滑嫩的熔岩蛋漿亦會漸漸流出，隨即與滑順的荷蘭醬融為一體，浸濕鬆軟的英式鬆餅。煙三文魚脂肪條紋清楚利落

去完龍尾灘玩，返到大埔想睇下附近有咩好嘢食，見到網上推介homeland 手工意粉，我即刻去搵路。就喺東昌街一個好細嘅門口，入到去原來卧虎藏龍。抗疫套餐，主菜配沙律及飲品都係一百蚊左右。我點了松露啡菇雞胸闊麵條$98， 加配德國腸拼盤$88。 朋友叫咗個 Egg Benedict $98，再加香辣蕃茄白酒煮青口$88。跟餐送嘅田園沙律🥗非常新鮮咬落去爽脆。個醋酸甜度調得啱啱好，好開胃。德國腸配酸菜薯蓉腸仔有3款：Regensburger, nurnberger, super prork cheese。 好多肉汁勁 juicy ， 腸皮好脆。 薯蓉打得好滑好creamy，薯香味重。 德國酸菜亦都好好味， 實在太好食如果可以多啲就好喇，勁貪心😛。松露啡菇雞胸闊麵條🍝果然眾望所歸，佢嘅手工意粉真係好高質素，通常我唔食咁厚嘅闊麵條，因為怕硬。但係佢呢個闊麵條好有咬口。 個 pasta 一放上枱松露味已經撲鼻而來，啡菇有菇汁好鮮甜。雞胸肉一啲都唔dry。 個忌廉汁做得啱啱好，好creamy， 完美地包圍每一條麵條。 上面啲沙律芽菜好清新，草香味濃， 加上爽脆嘅口感可以中和返heavy 嘅醬汁。

🔥Egg Benedict🥚($98)班尼迪蛋All day breakfast 版本的班尼迪蛋超級豐富，經典荷蘭醬和流心水波蛋配搭融合，還有煙三文魚增加香氣，不過下面的英式鬆餅有點浸濕了的感覺。另外的更多煙三文魚、香腸煙肉、牛油果沙拉都很合口味(個人喜歡mild多於crunchy的沙拉)😍。-🔥Homemade Ink Udon with Seafood (with Salted Egg Sauce)🖤 ($118)海鮮炒自家製墨汁烏冬配鹹蛋黃汁烏冬採用墨汁製作，看上去像寬一些的扁義大利麵，口感煙韌彈牙，軟硬恰到好處，配上香煎帶子、八爪魚，很惹味。選配的鹹蛋黃汁，鹹蛋黃味略遜色，忌廉蒜蓉味較突出，整體味道較淡，因此烏冬與配料有點各行各路的感覺，海鮮或醬汁沒有把這些食材融合在一起，不過配搭新鮮可以一試哦。-🔥Apple and Berries Crumble Tart ($48)蘋果雜莓奶油撻製作需時大概15分鐘，奶油撻新鮮出爐表面香脆有crumble的顆粒口感，以新鮮草莓藍莓裝盤；而夾層充滿蘋果和雜梅果醬，酸酸甜甜，不會太甜很開胃。-🔥Milo Dalgona 榛子奶蓋美綠 (凍 $

時代嘅轉變無論幾大，都希望你嘅初心唔會轉變。初心亦都同樣適用於呢間位於大埔嘅Homeland，幾個年青人憑藉住佢哋嘅努力，開咗呢間象徵佢哋屋企嘅餐廳。6點鐘已經排晒隊，唔知味道又點呢？蒜香辣椒炒活蜆活蜆粒粒都漲卜卜，而且份量都唔少，活蜆好鮮甜而且蒜香味濃，少少辣夠晒惹味。Egg Benedict呢份餐真係好抵食！CP值超高！英式鬆餅上面有煙三文魚同蛋，蛋黃當然係流心架啦。而配菜除咗有沙律菜，仲有煙三文魚、牛油果、煙肉、腸仔、車厘茄等等，份量夠晒多，夠晒抵食！香煎西班牙伊比利亞豬肩肉平時食扒，M佬都會好sweet咁幫我切好，而豬肩肉肥瘦分布適中，肉質軟腍，豬香濃郁！配上薯蓉同配菜，咁就唔會太heavy啦！（記住Like同Share畀朋友）By A姐M佬 玩樂日記 www.aandmdiary.com

呢間仍在試業中既西餐廳, 網上已經有唔少人讚 ! 身為大埔人, 當然要快快手去試下 ~~ 行到東昌街 離遠已經spot到佢喇, 因為外牆壁畫好sharp又好有風格～ 但入到去 竟然有唔少七彩顏色椅~ 加上木枱 又令人覺得好有積木感, 帶點童真 原來呢度有兩層, 我地黎到時地下已坐滿, 所以被安排坐上層..我地食食下都坐滿埋喇 一坐低, 員工就比左膠袋我地入住口罩喇 ~ 衛生意識不錯 呢個舉動亦好貼心 當以為呢種自家經營既小店 食物選擇唔會多時 呢度既食物種類 係意想不到地多 !! 沙律, 前菜, 拼盤, 主菜, 湯, Homemade Pizza, 手工pasta, All Day Breakfast, 甜品, 仲有兒童餐 !! 另外, 呢度原來會開到凌晨2點, 所以都有供應本地手工啤酒 同拌酒小食呢 見到差唔多每枱都有叫的:: 香煎澳洲黑毛安格斯西冷 $158 估唔到咁大件 ! 西冷扒條紋煎得好靚呀 ~ 肉味幾濃, 油脂感亦都算幾重啊, 不過略嫌有少少筋 ~ Egg Benedict $88 呢個係十級推介 一定要叫 ! 性價比極高~ 首先 作為牛油果控 我已經好欣賞佢all