J.S. FOODIES (港威商場)

Open Now

Now Closed

自從疏乎厘班戟的熱潮在香港興起後，J.S.Foodies 一直都是人氣店，加上海港城的coupon優恵，每次去都係一條長長的人龍，但都無阻我朝聖的決心。😆🙌🏻🙌🏻J.S.Foodies係日本品牌，主打美式Burger同Pancake🍔🥞。我哋今次試咗兩款Pancake，分別係Black Tiramisu Pancake(意式芝士蛋糕黑班戟)、Kiseki Pancake(士多啤梨藍莓香蕉班戟)，兩種的風格十分不同。😯🌟 意式芝士蛋糕黑班戟三層黑班戟朱古力味濃，但食唔到Tiramisu味，班戟上的是忌廉同朱古力碎。班戟質感偏歐式，比較結實，食落好乾。如果想食鬆軟班戟的話，我不太推薦這個。😞🌟 士多啤梨藍莓香蕉班戟三層原味班戟配忌廉同水果，我比較喜歡呢個質感，班戟鬆軟濕潤，有蛋香牛油味。水果分量無吝嗇，感覺好輕盈。😋🌟J.S.迷你漢堡塔主食叫了迷你漢堡塔，一碟有三個迷你漢堡包，分別是牛肉、魚肉和雞肉。個人最鍾意牛肉漢堡，肉質鮮嫩而且充滿肉汁。🐮🐟🐣伴碟的粗薯條份量比漢堡包仲要多😂，但炸到外脆內軟好好食，一條又一條好快就食完。最後叫咗兩杯特飲作結，不過不失，我反而幾鍾意佢哋免費嘅薄荷檸檬水。

J.S Foodie 係海港城港威中心開左分店，餐廳簡約森系設計，以日式西餐為主，慶祝節日或朋友聚餐黎呢到食飯都係一個唔錯既選擇😋😋。-1⃣ 松葉蟹忌廉意粉💰198（👅: 8.8/10）好足料既松葉蟹，面層鋪上蟹籽蟹膏同兩隻蟹腳，旁邊全部都係忌廉蟹肉碎，超足料🤤。蟹肉清甜，配上蟹籽蟹膏，成件事好滿足😋😋，重點係唔洗自己剝殼🙈，海鮮迷值得一試。-2⃣J.S.迷你漢堡塔 💰148（👅: 7.3/10）一次過滿足三個「漢」望😆。迷你漢堡搭有吉列牛肉、魚柳和雞肉三個口味；建議打卡後就將個塔整番落黎，以免佢有倒塔的機會🤣。漢堡口感香脆，特別中意牛肉同魚柳，香口Juciy。-3⃣奇蹟之開心果雜莓班戟 💰129（👅: 8/10）期間限定款以雜莓醬做夾心，淋上開心果忌廉，頂層仲有棉花糖。倒下紅莓醬後會發現內藏士多啤梨和雪糕，幾有心思😍。雜莓香甜，開心果醬軟滑，最重要係班戟入口即溶，蛋味香濃🤤。-4⃣士多啤梨沙冰 💰45（👅: 7.3/10）5⃣香滑椰子沙冰 💰38（👅: 7.3/10）點了兩款沙冰，沙冰上都有一層厚厚忌廉，士多啤梨🍓飲落香甜，有質感；椰子就會清新d，飲落幼滑香醇。