Plato Cafe & Bistro (彌敦道) (Closed)

記得係我讀書時期，有去過呢間餐廳同自己的同學呢到聚一聚，食下野傾下計咁 ，回憶番都幾開心❤️ 而最近我就約咗個朋友故地重遊，再嚟到呢一間餐廳食好西，係嚴峻的疫情下仍然屹立不倒👍🏻👍🏻真係好不容易；餐廳嘅裝修及設計風格仍然用簡單風格為主，餐廳嘅菜式都偏向意式菜為主，當然就唔少得Coffee☕️, Pasta🍝, Burger🍔 and Steak🥩🐔🐷 等等😋😋我同朋友一人叫咗一個Set Dinner，每一個Set 都包含一個餐湯餐包🍞🥣、一杯飲品☕️及一款主食🥩🐔分別叫左一款牛，另一款就係雞😎⭐️香草燒法式春雞 $188香草而言，首選嘅香料就一定係新鮮的Rosemary，餐廳將燒春雞醃製得非常入味😋食落去每一啖都有香草的味道😚將原隻雞烤到外層香脆，內裏嘅肉質幼嫩，而肉汁都唔少架，又唔會好乾😋再以薯蓉及烤熟左嘅蔬菜作配搭。⭐️美國安格期肉眼牛扒 $238今次食嘅肉眼扒脂肪比例平均🥩，油花都豐富，口感軟腍又唔會好煙靭，食落去鮮嫩又多汁，再配埋佢哋嘅秘製醬汁食。牛扒仲會配埋薯蓉及烤熟左嘅蔬菜🥬都飽肚架🥰⭐️Coffee-玫瑰鮮奶咖啡 +$14好少會飲Cappuccino☕️原味以外嘅口味😎於是叫一杯玫瑰味

🍴呢間餐廳已經係三訪 地點方便 餐廳地方大 都係聚餐嘅好選擇🍝餐廳有dinner set ， set包左餐湯， 蒜蓉包同埋$34以下飲品今日係蕃茄海鮮湯 好香濃 唔係好酸嗰隻蕃茄湯 我幾欣賞 其實我覺得有少少似龍蝦湯 😂蒜蓉包有滿滿蒜蓉醬 但如果更脆就好🍝龍蝦汁海鮮天使麵 $168天使麵口感唔錯 冇煮得過淋 海鮮種類好多 有三文魚，青口，蜆，蝦 。如果龍蝦汁味更濃就好🥩西班牙黑毛豬鞍架平時唔多叫豬 怕豬會硬 但呢個豬雖然好厚身 但煎得好Juicy 一d都唔乾身 配有紅桑子汁 唔都已經夠味 點左就更突顯甜味配菜有香草牛油焗薯仔，西蘭花同沙律。不過薯仔過硬 其他都ok🌹Rose Latte +$14Rose Latte 嘅玫瑰味一d都唔香精 而且冇蓋過咖啡味配有簡單拉花同玫瑰花瓣碎 賣相不錯🥤Oreo Mike shake +$24雖然呢個加得比較多錢 但真係好好飲😍奶昔好滑 唔會飲到沙冰感 曲奇味好濃但冇死甜感覺🍰抹茶芝士蛋糕 +$28跟餐+$28可以加配蛋糕蛋糕size比較細 一個人食剛好 蛋糕用木碟裝 好有日式感覺芝士蛋糕好creamy 好想再食一件另外餐廳都有寫生日碟service

今日同朋友行完旺角，再行到去油麻地。行到攰攰地就決定搵間餐廳食個晚飯閃人。見呢一間Plato 個招牌咁明顯就決定入去試吓。佢個位置係喺一間酒店嘅入邊，不過門口側邊都有晒招牌所以好易搵。見到佢個招牌設計都幾得意，原來佢喺佐敦已經有一間分店，咁相信開得分店應該質素唔會太差嘅。一坐低即刻睇吓餐牌先。佢有個精選二人餐，都係四百幾蚊，不過我同朋友都唔係話太肚餓，咁就決定一人散點一個套餐再一齊Share。咁我就叫咗一個西班牙黑毛豬鞍架🐷，朋友就叫咗一個龍蝦汁海鮮天使麵🦞。飲品就叫咗一杯榛子朱古力，同一杯白酒。一落單就即刻有餐湯同蒜蓉包，餐湯係南瓜忌廉湯，味道不錯。仲有個蒜蓉包送下湯！至於上菜速度簡直令人讚嘆，可以落單5分鐘唔夠就上菜。勁！先上菜就係龍蝦汁海鮮天使麵，天使麵嘅味道比較淡口，上面配有煙三文魚(仲整到成朵花)，青口同帆立貝，因為配料嘅味道比較濃啲，配住食就岩岩好。食完個天使麵，佢會因應時間再上黑毛豬。呢個黑毛豬就驚喜，佢個醬汁有蘋果味🍎，好夾黑毛豬。而且唔算好肥膩，食落都爽口。除咗肉之外，亦都有少少脂肪，夾住食先過癮。所以呢個黑毛豬係一定要試一試。至於飲品我杯榛子朱古力🍫就相對有啲甜，但

今次想約朋友仔嚟到油麻地嘅PLATO我哋兩個人一人要咗一個Dinner set另外我哋要咗美國安格斯肉眼牛扒 ($228)油份不多 但肉汁豐富 肉質帶嚼勁👍🏻另外明太子海蝦意大利粉 ($148)意粉吸收了海蝦的甜味加上有明太子 口感更為豐富👌🏻另外叫咗兩杯Oreo奶昔 ($56) 好飲🤤記住加少少錢飲龍蝦湯完全好重龍蝦味 係必飲㗎🦞_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

約左朋友係油麻地飯聚呢間樓上cafe好就腳，係油麻地站出口，行一分鐘就到喇樓上鋪坐窗邊可以望到街景，好中意望住條馬路嘅車同行人。下午茶時段嚟到，大約3-4點，人唔算好多，坐得都幾鬆動，適合傾下計。雖然有d晏，但我地都有d餓，所以叫左兩份lunch set，分別係L1同L10。跟餐有餐包同雜菜湯，湯偏鹹，蒜蓉包唔錯。煙三文魚牛油果沙律因為無曬香芒，轉左牛油果，其實我係第一次試牛油果，唔加豉油都有d三文魚味我都幾中意。美國安格斯西冷牛扒不約而同原來大家都中意食mediumPerfect！塊扒幾juicy，同埋好厚。Spice有d多，岩曬d重口味嘅人。青檸梳打 & Oreo奶昔我飲Oreo奶昔，唔會太甜幾好飲我地兩個都食到飽飽，好滿足。係一個好享受嘅下午

心血來潮事件簿(25)🤤適逢好友生日，本尊就決定帶朋友到依間餐廳食下😎之前都好幾次黎過依到食野，完全係一個食野同傾計嘅好地方😎😎本尊同朋友都食到差唔多收舖先走😂多啦🤤本尊同朋友都分別叫左兩個晚餐黎食😇套餐包蘑菇餐湯同蒜蓉法包😎本尊就最愛將法包點湯，依個食法真係有夠好食😋😋😋之後就去到主菜啦，其實實不相瞞，本尊對魚都有一份興趣，，所以本尊就叫左個蘇格蘭比目魚扒，整體食落都唔錯，魚肉好滑，同埋都好配合個野菌松露汁😇加上有薯菜同沙律做伴😎就更加唔錯 個沙律食落都幾開胃👍不過就略嫌份量較少，如果再多少少就更好🤔朋友就叫左個紐西蘭羊架🤔七成熟嘅 佢覺得個羊架雖然有少少鹹，但係佢燒得啱啱好，同埋沙律方面都整得幾好，見到餐廳對檯面每樣菜都好認真都整👍大家如果黎到叫羊架都可以試下七成熟，食下係咪大家嘅心水熟度😎飲品方面本尊同朋友分別叫左一個焦糖朱古力同oreo奶昔😎本尊就覺得個奶昔比較有特色，因為好少餐廳有得叫，同埋都真係好好飲！大家不妨去試下🤤🤤🤤今日本尊就介紹到依到，有機會再向大家介紹多D唔同嘅港地好食😎

今日去左旺角睇戲，夜晚bk左間餐廳，係油麻地叫Plato，係open rice搵既！星期日我地專登避開多人既晚餐時間，所以bk左5:00pm，睇完戲我地搭地鐵去！好易搵一出地鐵行過少少就到！幾方便！呢間野係二樓，上到去，地方比想像中大同闊落！侍應安排我地坐窗口位！成塊落地玻璃，夜晚應該幾靚既！之後我地叫左一個扒餐，叫左個意大利飯，小食併盤，同鵝肝多士，野食未黎～個侍應都主動幫我地轉張四人枱，話我地野食唔夠位擺，都幾好，因為有d餐廳唔會理你張枱無位都照，勁迫～環境唔錯，可以聚下傾下計，唔會太嘈，食下食下咁就食左個幾鐘～