樓高三層嘅「Lab Eat Bistro」好啱三五知己聚餐，工業風裝修加上空間寬敞，坐得舒服又可以打卡；餐廳供應多款充滿玩味嘅Fusion菜，集合多國風味更易揀到心頭好。特別推介佢哋嘅牛扒，有齊唔同部位，儼如高級扒房！
集體回憶變創意美食
新菜式推介之一係鬼佬黯然銷魂飯，睇名都估到靈感嚟自《食神》，不過大廚將豬肉做成既叉燒改為口感軟滑嘅慢煮鴨胸，淋上秘製叉燒醬汁後再燒到燶邊，將來自鴨肉嘅油脂香味鎖住，達到外脆內軟嘅效果！所謂鬼佬飯，就係用12隻龍崗雞熬出嚟既高湯同雞油煮成既risotto，香氣十足，愈食愈開胃！
鬼佬黯然銷魂飯、有氣凍檸茶
媽咪炒蟹就糅合媽咪麵同避風塘炒蟹兩大元素，以大家由細食到大嘅媽咪麵取代炸蒜，做成軟殼蟹嘅炸漿，香脆惹味。上枱嘅時候仲可以畀大家自己將媽咪麵味粉同軟殼蟹倒入紙袋Shake勻，有得玩有得食，童年回憶返哂黎！
媽咪炒蟹
一般拿破崙都係水果口味，呢度就選擇加入糖蔥餅代替酥皮！口感同樣酥脆，而且多一種大家都熟悉嘅香甜。而旁邊嘅忌廉就用新鮮椰皇水製作，清新椰香襯托糖蔥餅嘅味道，令人一試難忘。
懷舊糖蔥餅拿破崙
特色Fusion菜推介
三文魚先用日式柚子醋醃漬至入味，味道微酸。配搭Creamy嘅牛油果、清香嘅台灣鮮百合，同鮮美嘅黑魚子，層次豐富又醒胃。
香檸牛油果三文魚漬
個名好得意嘅爆漿芝士熱菇熱菇係用多汁厚肉嘅大啡菇加上車打芝士、Mozzarella芝士等烤熟，切嘅時候拉絲效果超誘人！配搭酸酸辣辣嘅泡菜醬汁平衡返膩感。
爆漿芝士熱菇熱菇
以海膽醬煮成嘅金黃色意大利飯，混入櫻花蝦，每啖都係濃郁嘅鮮甜。再加上甘甜粘糯嘅赤蝦，三款海鮮嘅鮮味相輔相成，海鮮控必食！
火炙赤蝦海膽醬櫻花蝦意大利飯
牛魔王必食！穀飼天然牛
餐廳選用美國365日穀飼天然牛，穀飼牛嘅特色係油脂含量多、油花分布均勻，達到大家最愛嘅大理石油花效果，而且肉質鮮美軟嫩！鍾意油花多啲嘅就可以揀牛冧上蓋扒，係連接牛腰同臀部嘅肉，油花分布細緻勻稱、口感柔軟，食落更係入口即溶！
特選級牛冧上蓋扒
牛柳仔取自肩胛裡面，每隻牛只有一小塊，所以係餐廳比較少見。特別在呢個部位運動量大、脂肪唔多但肌肉纖維比較細，比起一般牛柳更加嫩滑，而且肉質相當軟腍多汁。最啱鍾意食牛又怕會肥嘅朋友仔。
頂級牛柳仔扒
而呢款慢煮美國穀飼牛小扒特別適合各位女士，皆因係迷你版，慢煮24小時後肉質非常軟腍，而且脂香同肉味平衡，唔會太大負擔感。
慢煮24小時美國榖飼牛小扒
精選玩味Cocktail
見到呢個萬壽無疆杯，係咪真係好有結婚「奉茶」嘅Feel呢？當然裡面唔係茶，而係以波本威士忌混合蜜桃、青檸同英式早餐茶沖調而成嘅雞尾酒，味道香甜易入口。
新抱茶
個名好過癮而且會發光嘅「雞尾酒群組」打咭一流。群組有四款口味，可以自選其中兩款。紫藍色嘅Purple用伏特加配搭荔枝利口酒同雪碧，顏色就嚟自蝶豆花嘅天然色素。另外三杯Jade、Golden同Nature都係用氈酒或伏特加加上唔同材料沖調而成，可以按喜好挑選。
雞尾酒群組
於2022年4月29日至6月9日期間，首【50】名用戶於【Lab Eat Bistro】使用相應OpenRice服務，消費滿【$40.1 】並輸入【MME20N】即減【$40】！仲等咩？快啲約埋飯腳開餐啦！