旺角必食隱世Cafe: 25樓靚景玩Board Game 開心果麻糬必食

原來旺角有間隱世純白Cafe「第三站」，可以望住旺角靚景食嘢玩Board Game坐足3個鐘!! 呢間Cafe位於25樓，仲有大玻璃可以俯瞰旺角，真係好少機會咁樣望旺角街景，熟悉又陌生嘅感覺好特別。

純白Cafe氣氛舒適，有好多大梳化位。

VIP房可以俯瞰旺角，平時無人訂房嘅話都有機會坐呢度㗎。

【CP值高】套餐$72起坐足3小時！

唔好以為坐足3個鐘會好貴，「第三站」價錢好親民。Lunch Set同Dinner Set都好抵食，有黑松露蟹肉配黑醋沙律、香蒜白酒蜆肉意粉、西班海蝦辣肉腸燴飯、黑松露帶子鮮菌燴意大利飯等，即叫即製幾好味!!

全部套餐都贈送$38飲品1杯(如$38以上可補差額)；另+$38更有田園沙律及蛋糕(自選1款特色蛋糕)，CP值極高!! 午餐甚至低至$72就有啦。即刻睇吓Lunch Set/Dinner Set有咩主菜揀～

黑松露蟹肉配黑醋沙律

香蒜白酒蜆肉意粉

煙三文魚忌廉番茄醬扁意粉

黑松露帶子鮮菌燴意大利飯

西班牙海蝦辣肉腸燴飯

【朋友係要見嘅】4人起Party Package任飲

除咗Lunch Set同Dinner Set，只要4人起就可以享用「第三站」嘅超值Party Package，分別有$148/位、$178/位、$208/位 3款價錢Package揀。3款價錢都包括咗多款意粉、飯類、特色小食、甜品，最抵係可以任飲特色飲品，如水蜜桃特飲、巨峰提子乳酸、青芒特飲等，成班朋友吹水吹足3個鐘都唔怕口渴啊~

【人氣單點】

必食自家製甜品

嚟到「第三站」一定要食埋佢哋嘅甜品!! 因為全部都係自家製，仲有近年超人氣甜品—軟滑綿密巴斯克芝士蛋糕，同埋超級煙靭Q彈嘅開心果麻糬提拉米蘇，當然唔少得長期大受歡迎嘅朱古力蛋糕。私心鍾意佢哋嘅甜品唔會好甜，而且每日新鮮製口感特別綿滑。