一休(居食屋)日本料理 (長發廣場) (Closed)

今日同朋友去左青衣呢間一休食日本料理火炙三文魚加州燒得好香 三文魚呈半溶狀態 食落有少許入口即溶感覺 而且份量餡料都好足 $45有六件都算抵食黑毛豬腩串肉質鮮嫩 散發陣陣油香味 香口而且唔會有油膩感 和牛粒串燒肉質細嫩 牛肉味濃郁 連埋洋蔥大葱一齊食好夾 非常推薦槍燒三色飯有三文魚 帶子同左口魚邊 賣相相當唔錯 帶子好新鮮 食得出原有嘅鮮甜味 但左口魚就略嫌韌了點 缺乏油脂 飯亦都比較黏身 所以整體上一般之後仲試左黑蒜油蝦拉麵 湯底有好明顯嘅黑蒜油味 味道相當濃郁可口 配料亦都非常多 蝦方面份量都好足 唔會話俾兩三隻就算 但size係偏細 而且味道亦都比較普通壽司方面種類好多 我同朋友試左幾款 分別有火炙黑松露和牛 火炙厚切三文魚腩 火炙黑松露帶子 醬油七味燒左口魚邊 油甘魚 大吞魚腩同埋 盛夏壽司 當中最推薦係厚切三文魚腩 油脂充足之餘真係名副其實嘅厚切 食落絕對係填滿口腔 鐘意炙燒類而且喜歡三文魚嘅朋友 呢個絕對不容錯過

青衣其實冇乜好食，喺屋邨商場入面見到有間日本嘢，就去試下啦。入到去，餐廳全部木裝飾，好日式。座位亦坐得舒服。見到個menu有正價刺身、壽司85折！好可惜，已經過咗7:00pm，用唔到個優惠😅不過，唔緊要，佢仲有其他壽司做緊特價，一於試下先！晚市menu嘅價錢好抵，而且仲可以用優惠價加小食！我地叫左角切魚生飯同三文魚親子飯，再加鹽燒雞軟骨同油甘魚切身，另外再加鹽燒三文魚頭，當然唔少得優惠嘅壽司啦！食物好快就送到。兩個飯都跟麵豉湯同沙律架(沙律個麻醬好好味🤤)。角切魚生飯嘅魚生好多，有三文魚、呑拿魚、蟹子等等👍🏻三文魚親子飯嘅三文魚同三文魚子都好豐富👍🏻兩碗飯嘅魚生都好新鮮，而且好足料，抵食！油甘魚刺身好厚身，唔會因為優惠價錢而減少份量！鹽燒雞軟骨同鹽燒三文魚頭都燒得香口！三文魚頭尤其好食，油脂豐腴🤤壽司方面，我地就叫咗三文魚腩壽司、火炙和牛壽司同埋象拔蚌壽司。三文魚腩好厚身！火炙和牛配埋個醬汁，帶出牛肉味！象拔蚌爽口！食哂真係好滿足呀！

I came to a Japanese restaurant in Tsing Yi after my fyp presentation. Full of customers at around 19:00 already. The staff was a bit busy. They need to arrange the seats.We sat at the sofa牛油果軟殻蟹手卷～very yummy, the crab 🦀 is crispy.Tomato seafood soup 🍜 with tofu and vegetables, the taste was good(won’t be very sour)Fried chicken with salad sauce 👍🏻Beef with onions. 好有獲氣Dumplings 🥟 with meat inside and salad decorations We have eaten $300 for two persons ( not very expensive and the price is acce

今日入青衣探同事新生bb，本身以為要落返去青衣城覓食，但原來樓下商場好大間，有日本餐廳， 消費可免費泊車，所以就決定喺度食港女最愛日本餐。叫咗個壽司拼盤，再加兩件醬油7味燒左口魚裙邊， 芥末八爪魚軍艦同蟹籽軍艦。壽司拼盤(戀火)，數過有13件壽司218蚊。 其中最貴嘅應該係磯煮鮑魚， 珍寶赤蝦， 吞拿魚腩。 鮑魚食落去爽口，一d都唔乾。 赤蝦同吞拿魚腩都好味。 芥辣八爪魚，蟹籽軍艦，味道正常，燒左口魚裙邊壽司， 燒得好香，好味道。小食叫左吉列廣島蠔， 主食就叫咗牛肉豆腐鍋配手打烏冬。 吉列蠔size細咗少少，但係52蚊 有五隻，數量取勝，都算抵食。牛肉豆腐鍋配 石崎手打烏冬， 烏冬質感滑溜，配上甜甜的壽喜燒鍋， 味道不錯。整個晚餐連加一450， 可以泊車兩小時， 價錢合理。

今日幾好心情，同屋企人出咗去食飯。因為呢排好少食日本嘢，所以就同屋企人商量一齊去食日本嘢，去到都成差唔多七點半，但係好彩人流唔係話好多，好快就可以入座。去到之後侍應比咗餐牌我地睇我地決定揀個壽司拼盤（戀火），嗰度有齊曬14件壽司，啱曬我啲大胃王～之後因為見到拼盤裡面冇鰻魚壽司，所以我地再叫咗一條我最鍾意嘅鰻魚，仲叫咗燒魷魚筒同牛扒~之後過咗冇耐好快就上菜，我第一次食鮑魚壽司，所以第一淡就食咗呢個壽司先，個鮑魚好大隻，個size差唔多遮到成舊飯咁大，一淡食係幾滿足，我第二欣賞就係壽司拼盤裡面嘅三文魚腩，你從側面睇個厚度真係幾後，食落濃郁三文魚油香，認真好味～食完曬拼盤之後鰻魚都上埋，佢上面淋咗好多汁，好香，食落都有鰻魚油脂味~而且佢好細心幫我地切曬件，食落都方便！而魷魚筒方面，一開始有啲擔心會煮到好難咬，點知個軟硬度啱啱好，幾Surprise~ 連埋汽水飲都幾解膩～而個牛扒仔分量適中，啱曬2人share嘅分量～總括而言，呢間餐廳係值得一去，我特別推薦個壽司拼盤，我有機會會同其他frd去多一次

行過青衣，本身諗住去長發掃街就算，但朋友話有間新新地既日本餐廳開左，係旺角都有分店，都幾多好評，想試下，所以陪左佢去。睇佢既Menu，都幾多唔同花款既野食，大包圍咁，有Sashimi，有炸物、鍋物、沙律、串燒等等。野飲方面有酒同唔同款式既日式飲品。我地叫左一個海鮮沙律、蕃茄海鮮鍋、牛肉豆腐鍋、帆立貝川燒、燒Squid、提子氣酒同梅酒梳打。餐廳都提供左綠茶比我地自助式Fill，放題!過左一陣，食物都黎齊晒了。海鮮沙律:  沙律菜上面有三文魚、Tuna魚、牡丹蝦，全部都好Fresh，食完面頭，仲可以倒沙律醬落去菜到食，叫一個Dish好似叫左兩個Dish咁。牛肉豆腐鍋+飯+湯: 牛肉係半熟既，可以用餘溫，整番熱佢，牛肉唔會太Un，另外有D野菜，幾健康既配搭，湯汁好濃，送飯食幾好。蕃茄海鮮鍋: 幾足料，海鮮有青口、帶子同蝦，另外都有大量蕃茄同菜，每啖都係滋味。提子汽酒: 日本直送既酒，非常好味!梅酒梳打: 酒同梳打既比例好，調得平均，唔會搶左對方味燒Squid:  Squid好厚，好有燒Squid味，醬汁好食!推介!依間餐廳食物質數唔錯，今次食左咁多豐富野食都係400有找，出糧獎勵自己，我覺得

前排黎到青衣同妹食日本料理，佢請客呢度嘅食物選擇好多，價錢都幾多樣，有性價比好高嘅餐，亦有高級d嘅餐。我就對佢好客氣嘅，所以我點咗樣我認為係性價比最高之一嘅角切魚生飯，除咗價錢便宜外，我喜歡拌飯嘅魚生係切粒嘅，撈埋之後方便進食的確，分量唔少，配埋味曾湯，飲啖茶，正常人一定會好飽。味道都鮮，溶雪做得不錯，食唔到雪味。飯嘅質感係我比較鍾意嘅黏身。坦白講我已經好滿意，58蚊可以填飽曬個肚。我覺得唯一可以改善嘅係旁邊芥辣嘅賣相😂menu幅圖係好靚咁一粒過，但我就係一pat，睇到有dd尷尬😂我妹仲點咗份燒章魚同埋我超鍾意嘅燒鰻魚同我share。賣相好靚架，兩份都燒得幾靚。無論口感同味道都滿意架喇。總結：食物叫人滿意，服務亦佳，呢排仲係暑假，我諗d服務員好多都係學生，表現得好好，辛苦曬！

19:15入座，19:30落單。4人點了炸雞、牛肉石頭鍋飯、三文魚丼、三色丼及雜錦魚生丼。第一二道熱食等了大概10-15分鐘就到。其餘就需要45分鐘⋯附近其他食客都等到鼓噪。如果只論價錢的話是很划算的。但店內2至3個店員服務質素都需要改善：眼見兩位店員在我用餐1小時15分鐘內，4次上錯食物給客人，一位聲也不出就直接拿著食物轉身離開、另一位就質疑客人說：「X號台喎？」很明白將貨就價的意思，但等候時間這麼長，又遇著不太禮貌的店員，實在難免感到不滿及失望。勸大家未感肚餓時就好入座以及慢慢享受

夏天天氣熱，想吃點清簡又美味的料理，就立即想到日式美食，位於長發商場的一休，人流不算多，可以避開繁忙鬧市，享受舒服用膳的空間。照燒大蔥雞肉串 烤香的大蒽包裏著滑嫩雞肉，大蔥中和了油膩感，每一口都惹味吸引。三文魚芝士卷三文魚配芝士，鮮嫩的三文魚，加上軟綿的芝士，感覺入口像要溶化似的一休海鮮沙律 海鮮沙律用料豐富，大蝦和三文魚刺身，每一口沙律都是啖啖肉，配合特調沙律醬，開胃前菜香草三文魚薄餅 薄餅醬汁豐富，但餅底似乎有點烤焦三文魚炒飯 炒飯夠乾身，簡單不會太濃味蕃茄牛肉手打烏冬 個人偏愛吃烏冬，彈牙滑嘟嘟口感，湯底是新鮮蕃茄，吃得很滿足牛油果軟穀蟹卷青綠新鮮的牛油果，配上香酥軟殼蟹，中和了熱氣油膩感，要是飯的比例再少一點，口感會更突出呢～烤牛舌香烤的牛舌，肉質爽口，啖啖滋味蝦多士蝦膠幼滑，蝦味濃郁，即點即炸，香脆可口，大人細路都抗拒不了

自從一休進駐長發廣場， 想吃日菜時又多一個選擇， 不用老是吃大集團連鎖店啦！長發廣場地理位置不及青衣城， 但人流也不少， 一到飯點也有不少街坊光顧， 偶爾要早點到才有位呢！喜歡以木為主的日式裝潢， 卡位既有隱密性又坐得舒服。一休最近推出了晚市優惠， 每晚都有不同的特價菜式， 相當超值不容錯過！是日星期三， 特價的胡麻吉列蝦多士賣相漂亮， 外脆內軟非常香口。每次來都必點一休海鮮沙律， 除了新鮮生菜還有大量刺身， 刺身都是大件厚切絕非邊角下欄位， 性價比超高~大滿足！即點即燒的串燒也是店內推介， 點了三款：蒲燒鰻魚串、照燒大蔥雞肉串、厚切牛舌串， 火候掌握得不錯， 能保持肉質不老又帶燒烤微焦香氣， 特別是牛舌十分有嚼勁呢！來一客fusion的香草三文魚薄餅， 薄pizza上是滿滿的醬汁和芝士， 入口香脆小娃特別喜歡。火炙黑松露帶子卷 微微火炙過的刺身帶子口感嫩滑， 黑松露香氣令整體層次再提升， 只可惜壽司飯調得略酸有點美中不足。三文魚炒飯炒得乾身粒粒分明， 香氣十足連挑食小娃都吃不停， 附贈麵鼓湯蠻不錯的。一家人吃飽喝足慢慢散步回家， 在家

成日聽連登講，話邊區係美食沙漠，連開間吉野家都係新聞，今日黎到都算僻嘅青衣食日本野，唔知會唔會中伏呢？一黎到店員比左兩個杯我地，入面有茶包，另外有熱水壺，如果有斟埋會好少少啦。另外落單講number好似會方便d，因為始終暑假，有暑期工，未必咁熟手，去食嘅時候大家可以體諒下哈哈。講返d野食先，成間舖頭最好食係串燒，絕對比得上岀面賣串燒嘅舖頭，不過我地想試多d其他野，只係叫左牛舌同豬腩肉。其他野食都係中上水平，好似壽司同刺身，都好新鮮，味道都對得住個價錢。拉麵都唔錯，糖心蛋同叉燒都有水準，不過湯底同麵質就差少少。另外，餃子都幾好食，而且黎得好快，肚餓可以叫黎食住先！不過可惜大蝦天婦羅同豚肉生薑燒水平就一般d啦。天婦羅唔太脆，豚肉就有少少凍肉味，扣左少少分。不過整體水平都幾好嘅！可以再食！

琴日朋友係青衣收工，諗住一齊食個飯，佢帶左我黎呢間日本野，無聽過個名，都有d驚中伏咖，不過一場黎到就試試佢啦！我地一開始叫左個壽司拼盤同兩串炭燒豬腩肉同餃子，味道非常唔錯！尤其係串燒，個皮燒到脆卜卜！壽司最令人驚喜係d飯，同連鎖嘅唔同，醋味同飯調和得幾好，唔會過酸，個人覺得鮑魚係當中最令人驚喜嘅。之後我地叫左三文魚腩刺身同大蝦天富羅，先講個刺身，非常肥美，無後悔叫貴十蚊，叫魚腩位，食完刺身可能就會覺得天富羅比較一般，不過不失啦。最後叫左燒牛舌同豚肉生薑燒重有豚肉拉麵埋尾，燒牛舌幾唔錯，唔會太韌，呢間舖頭嘅串燒整體水平真心高質！豚肉生薑燒肉量多，不過唔知邊d食材係冰鮮呢，有少許雪藏味。拉麵嘅叉燒同蛋都唔錯，不過麵質就有d一般。整體黎講，水平高過大部分連鎖日本料理，值得一試，另外想再讚下串燒好食！

好耐冇嚟長發村，原來個商場已經變咗好多，街市變靚咗，餐廳都多咗。最後同朋友揀咗呢間一休食日本嘢，門面都好新，相信開咗冇耐，入到去先知原來幾大幾多位，坐低睇吓本menu, 睇咗好耐因為都幾多頁，有好多唔同選擇，有壽司，刺身，拉麵，飯，鍋物都有。我哋叫咗牛油果軟殼蟹卷，軟殼蟹味道唔錯，如果層飯薄返少少就更好喇！另外叫咗火炙黑豚肉拉麵，豚肉厚厚嘅，好有口感，味道都唔錯雜錦天婦羅，即炸，新鮮，如果D蝦再大隻D就好喇！和牛粒好味，嫰口又唔硬厚揚串其實係燒豆腐，大大塊，味道ok火炙芝士帶子壽司，帶子幾厚幾大粒，唔錯唔錯

青衣諗起食野就都係青衣城多今次行遠少少黎到長發商場搵到呢間日本餐廳門面裝飾幾簡潔入面嘅間隔幾好，私隱度好高Menu選擇好多好多都圖文並茂咁你知道成個分量大概幾多最後我哋叫咗一休海鮮沙律，三色魚生飯，牛油果軟殼蟹卷，火焰三文魚加州卷，牛肉火鍋同埋燒三文魚皮海鮮沙律魚生比例好多，食過出邊好多嘅餐廳如果食魚生沙律只會有角切嘅刺身而唔會有牡丹蝦最鍾意就係佢個醬分開上就可以因應返自己嘅口味牛油果軟殼蟹卷入面已經調好咗味基本上都唔使再點豉油先食軟殻蟹炸得好脆牛肉火鍋就配返甜湯湯底魚生飯魚生份量好多仲配埋個麵豉湯啲飯煮得啱啱好唔會太過黏而呢個燒三文魚皮燒得十分香脆可口一啲都唔覺得油膩整體來講呢間餐廳性價比一流以咁嘅價錢黎講可以一大班朋友坐低靜靜地傾下計食下日本野飲下酒都算係好好

星期六下午茶時間見門口無人等位就入去食個tea.。先講服務，去到門口無人招呼咪自己搵位坐。舉手叫侍應，無人理，再叫，都無人理。突然‘呯’ 一聲有個女仔侍應pat 低左本menu 比我。見到裡面坐滿人，但大部分枱面都無野食既。最初以為下午茶剛開始（其實已經3點半了）所以一時之間招呼唔切咁多客人。但原來聽到好多人都係因為叫左餐但遲遲未到，係咁催，有d 欠食物，有d 欠飲品。而我既餐，算很快，20分鐘來了食物，飲品45分鐘還未到，三催四請，最後都係取消了。講埋食物，點了一個饅魚飯，饅魚有3-4塊，表面看好似鋪滿左碗面，一用筷子夾就經唔起考驗啦，饅魚薄過張A4紙，真佩服廚師既刀功，可以切到咁薄。不過理解既，平野係咁。再講飲品，根本無黎到，唔知味道。埋單好似$35-$40 ，食白飯咁lor, 魚又無乜，又要乾哽無野飲。總之去商場出面連鎖壽司店買幾舊鰻魚壽司加罐綠茶好過。