一泡而紅 (Closed)

星期六下午既一泡而紅同鄧媽媽都出奇地少人,原來星期六係無下午茶,唔怪得度度人山人海呢度仍然有好多位。點番自己至愛白菜餃子($25/12隻)。平時都食過幾次都好好味,但今次D皮好pat pat,口感唔好! 以前食完一碟仲好似唔多夠但今次食左幾隻已經唔多想繼續,但做人要有衣食,所以都完成晒。希望只係偶一為之,唔好因為多人食左而變質。另外坐位方面,鄧媽媽個邊比較靚同好坐,一泡而紅相對就比較大排檔。

今晚去睇飯前黎左呢度醫肚，同男友兩個叫左蠔仔肉碎泡飯，凍檸蜜同我最鍾意既九菜餃九菜餃仍然係咁肉質鮮美，男友都大讚好味，今次仲好大隻添，十二隻都係$25，非常抵食，誠意推薦！蠔仔泡飯都幾大碗，唔可以話好出色，但廿零蚊都食得過，杯檸蜜反而怪怪地，唔知點解覺得似菜蜜多d

葵涌廣場一向都冇啖好食，諗住呢間都唔會例外，有次黎食過一次飯，麻辣雞米線，完全唔係台式麻辣那回事，好彩米線幾彈牙，味道亦唔差，海鮮泡飯就普普通通啦，反而'九’菜餃幾有驚喜，肉汁豐富餃子皮厚薄適中，點醬油幾好味！呢度裝修以啡紅色為主，仲掛左好多紅燈籠又猛播鄧麗君，又幾有台灣小食店feel喎！嘻嘻...

一泡而紅同鄧媽媽水餃都係一樣,兩邊店名唔同但同一個收銀處買飛。我對泡飯無興趣,去親都係食水餃,分為白菜同"九"菜。我通常食白菜餃,我個人覺得好味,點薑絲醋好開胃! 就係因為開胃所以覺得十零隻唔多夠=p

新開個陣試過一次,尋日又試過佢隔離間野,原來都係同一間野唔知點解招牌唔同,所以當埋一間寫.先講新開張個次,試過d泡飯,基本上同食粥冇分別,仲要廿幾蚊碗,去食真既粥好過.勸大家唔駛試.尋日食過碗担担麵,一眼望落去已經覺得唔踮,果然不出所料,仲要18蚊碗.大家食個d仲好味過佢.而且冇麻醬,我諗個碗應該叫肉碎麵而不是担担麵.