一盛極牛 (Closed)

終於食咗人生最貴嘅拉麵，賣單都200蚊位，唔可以睇少，但一生人點都要試一次。聽講呢度要排隊，我星期六晚嚟到，反而較靜，唔洗排隊都入得。原來餐廳嘅湯底係用熊本縣嘅頂級和王和牛同黑毛和牛煮成，唔怪得之咁入味。tick tick 紙極牛拉麵，三份 ($188)和牛可以揀刺身或火炙，我就揀咗刺身，因為牛刺身不嬲都少有得食，仲要係配上拉麵，直頭未見過。一開頭仲以為牛肉會好生好韌，但原來啱啱相反，軟熟得嚟好有和牛味同嫩滑，果然係上等牛肉！以為咁高級嘅牛肉會得幾片，估唔到份量都唔少。揀咗硬麵，所以超彈牙煙韌。溏心蛋仲做得完美。波子汽水 ($18)見到童年回憶波子汽水，一樣好味。

在朋友的介紹下，我終於嘗試了人生中最貴的拉麵了！這間位於尖沙咀的一盛極牛真令人一試難忘。裝修也很像身置在日本的拉麵店似的。食物選擇只有數款，但相信每樣也煮得精緻。請裡是需收加一的。每枱也提供蒜片，可隨意加在麵裡。我就點了白牛拉麵，並選了火炙和牛三份 ($198)。雖然很貴，但絲毫悔感也沒有。因為火炙和牛太美味了！牛脂味濃郁，嫩滑鮮甜，跟普通的火鍋牛差太完了。連醬油濃度、白松露、芽菜、黑木耳絲、荀、紫洋葱、葱、紅椒絲、紫菜的份量也有得挑選，當然還有麵的韌度喇，就連溏心蛋也煮得很完美。湯底鮮甜，喝光也不會太口渴，絕對真材實料。再配上波子汽水 ($18) 就爽～

「一盛極牛」位於尖東附近酒店林立的地段一間以牛骨湯、和牛出名的拉麵店行完美麗華商場就用左openrice 搜查左呢間評價不錯的小店。尖沙咀難得食到日本情懷的餐廳裝修得好有日本居酒屋小店既風格令人忘卻煩惱~~與日本餐廳一樣，可以揀的種類不多真的是以拉麵、和牛為真材實料餐廳標榜採用二十小時煮成的牛骨湯和牛更是用珍貴的熊本黑毛和牛所用的麵是真空雞卵麵極牛拉麵用火灸火燒過的黑毛和牛牛介乎於半熟，保留肉汁的味道雖然比較薄，所以輕輕一燒油脂都一一流出蛋乃日本蛋，魯過的汁醬的蛋非常鮮甜拉麵我揀左硬身，但依舊的彈牙爽身最重要的是它們的湯底非常濃郁非常甜~~~

今天到美麗華商場血拼後很累，加上入夜天氣微寒，很想吃豐盛的和牛拉麵暖胃，便到後街的一盛極牛品嘗~冰凍的檸檬水，止渴之餘，清新味蕾。另一枱客人要求溫水，店員也即時奉上，服務周到。白牛拉麵，富蛋香的雞蛋麵，麵條微曲，掛湯力強，盡收牛骨及白松露湯底精華，充滿幽香的白松露味及辛香的紫洋蔥味，加入炒香的芽菜、黑木耳絲、筍、青蔥及紅椒絲，香氣非凡，滋味無窮!和牛刺身，熊本縣的頂級和牛色澤鮮紅，肉質軟嫩，入口即融，甘甜的牛味瞬即在口中擴散，齒頰留香，令人回味!溏心蛋，蛋白軟嫰滑口，蛋汁流心，蛋香馥郁，鮮香味美~芬達，經典香甜的橙味，暢快口感，止渴解膩~整體食物一貫的高水準，極上味美，連湯底也被我清光，正!P.S. 看到有新推出的牛肉丼，下次經過再來品嘗~

呢間主打和牛拉麵嘅日本餐廳位於尖沙咀，由諾士佛臺行過去大約8分鐘，地點都易搵🥢餐牌好簡單，主要有兩款牛湯拉麵，一款原味、一款白松露味，另外仲有飯tim，咁我當然係揀佢最出名嘅拉麵啦！•🍜白牛拉麵 二份肉($158)枱面嘅介紹話牛肉係採用左🇯🇵熊本縣頂級嘅黑毛和牛大腿肉🐂可以選擇和牛刺身或者火炙和牛，我揀咗和牛刺身，二份肉大約有四大塊，食落好鮮甜嫩滑，果然係靚野🤩湯底係用咗熬製左20個鐘嘅牛骨湯🕗湯底同埋白松露我都揀咗濃味，飲落真係有幾香嘅🍄白松露味㗎！麵底係真空雞卵麵🥢我揀咗超硬，食落相對較硬同爽口咬落索索聲，應該揀返普通硬度會再正啲💭另外配菜份量都幾多😳有芽菜，黑木耳絲，荀，香蔥，紫洋蔥，紅椒絲，紫菜，半隻溏心蛋，個溏心蛋好正啊🥚食到好飽啊👻

依間拉麵店位於天文臺道，要行小小斜路，店裏主打日本🇯🇵熊本和牛，一入到黎二話不說當然要叫拉麵，湯底就揀咗牛骨湯，牛肉嘅話就叫咗和牛刺身。個面本身跟好多配菜，有芽菜、竹筍、黑木耳、紫洋蔥、蔥、紅椒絲、紫菜、同埋半隻糖心蛋🥚。個面一上嚟，就被眼前嘅和牛刺身吸引着，足足有四大片👍🏻，牛肉食落油脂唔算好重，但有牛味同埋有趙頭，糖心蛋係我鍾意嘅滷過既糖心蛋🥚，湯頭都幾濃郁可口，其他配菜加埋好豐富！食落好有風味！🥰

白牛拉麵即是有白松露的拉麵選了刺身和牛一份(兩塊)$118。極牛拉麵火炙和牛一份(4塊)$108。有極多不同配料可以自己選擇店員都十分好會推薦我們 太多配料建議選濃湯 避免配料搶哂湯的味道。當刺身和牛送上的時候 店員解說和牛可以生食 而且建議第一口先吃和牛 品嚐一下他的鮮味。刺身和牛有一陣好特別的香味 鮮味十足 入口是軟軟的感覺而火炙和牛對比起會較硬身 但也跟一般的牛肉有很大分別。溏心蛋 大少給了滿分跟之前吃的比較爽口的溏心蛋不同 這是入口滑嫩的蛋 蛋黃香味十足 醬油味道也十分特出。麵的硬度方面 超硬的麵條比較彈牙 出色。白松露濃味牛骨湯底 白松露味相當突出 對我來說 甚至是過於突出而極牛拉麵的普通程度的牛骨湯底 的確像店員所說般 相對較淡 略微不夠味兒。是次結論最佳配搭是極牛拉麵+濃湯+超硬麵+刺身和牛+好多配料😛

又係單拖的日子，對自己好D，食碗貴野。天文台道的斜路上，以前好似係間酒吧，而家變左拉麵店。牛骨超濃厚秘伝醬油，聽到已經夠吸引。佢仲有個好勁既名，叫 「極牛拉麵」，等我試下有幾牛先！一張 order 紙上選擇多多，由湯底的濃度、麵的硬度、配料如紅椒絲、葱粒、洋蔥、荀、紫菜同芽菜等等全部都可以選擇份量。除左牛之外，全部配料 double up ，不另收費，當然咪蝕底。牛骨湯底夠濃醇，火炙和牛又夠淋滑夠滋味。牛肉味好香，食得出係真·和牛。不過數量只有5小片，略為唔夠，唯有少食多滋味。溏心蛋係另一個亮點，豐盈又滿足。有炸蒜片可以吊下味，同極牛湯底都幾夾。餐廳裝修得幾舒服，non peak hour 人唔算多，可以慢慢歎慢慢食，都唔錯。

第一次食和牛刺身拉麵，有驚喜喎。白牛湯底和牛刺身拉麵$118上枱已經好驚喜，一片片靚和牛舖響湯麵面，真係未試過。影相都覺得好吸引，真係未食先興奮。換另一角度又影一張俾大家睇睇。味道呢，和牛係冇得彈，入口即溶又有濃濃牛香，好滋味。而白牛湯底其實係加入左白松露的醬油湯底，每一啖都充滿左松露的香味。同坊間的高質拉麵店一樣，麵的軟硬度可以由客人按個別口味自行選擇架。我揀左 「普通」其實係一D都唔普通，軟硬程度控制得啱啱好。有彈性得來又夠掛湯。環境都 ok， 店子小小但唔會逼夾，都幾舒服的。一百多D，算係咁啦！

係香港, 當然第一樣就會講起食, 無論去到邊都離唔開食！食！食！仲唔止咁簡單, 除咗講食材要高級之外, 更加重要係賣相要夠吸睛, 正所謂「相機食先」嘛。唔講啦, 部相機餓啦。餐廳裝修唔算奢華, 勝在氣氛舒舒服服, 坐得自在。周圍仲貼滿日劇既電影海報, 小心洩露自己既年齡秘密呀。和牛刺身(三份) $188話明食和牛, 一係就唔食, 要食緊係食最貴啦。「小二！點菜。」牛肉份量非常多, 刺身既關係, 肉質非常嫩滑。入口先係嫩滑口感, 然後係牛肉味, 慢慢係口入要溶化。老婆問我點解唔用湯浸一浸啲肉, 「刺身當然係生食, 浸熟咗我又何必叫刺身呢！？」麵質彈牙, 型狀同平時食開既「山前一丁」差無幾。但留意返, 佢係拉麵。

放工後約朋友喺尖沙咀食飯, 由於我地兩個都係拉面嘅愛好者, 所以每一次約都係食拉面。今次都唔例外, 揀咗喺尖沙咀金巴利道嘅一盛極牛。夜晚7點到, 見唔到門口有人排隊, 所以直接入去, 而侍應亦都好快方排咗位置俾我地。呢間野唔多選擇, 基本上只有三款以牛做主題嘅拉面或拌面, 只係以牛做主題嘅拉面店喺香港唔多, 咁樣做亦顯得佢地相當大膽同對自己嘅出品好有自信。我就揀咗佢地餐廳主打嘅極牛拉面。拉面嘅醬油濃度、面嘅軟硬度同埋配料例如芽菜、黑木耳絲、荀紫、洋蔥等等都可以俾你選擇份量, 就算double都唔會另外加錢。至於拉面嘅重點 - 和牛刺身亦可以俾你選擇份數, 價錢就根據你叫嘅份數已定。今次醬油嘅濃度同拉面嘅軟硬度都係揀適中。落單後大概等15分鐘就上菜。上菜嘅時候都仲見到和牛喺半熟嘅狀態, 再過多陣就俾啲醬油湯浸到基本上熟哂。和牛睇落都幾細塊又薄, 食落去充滿牛味, 咬落去好軟同埋啲肉汁會咇出黎, 牛味即刻填滿咗口腔。據餐廳講, 拉面係用咗黎至日本嘅南天製面, 所以質素有保證, 食落嘅口感亦都係啱啱好。呢間拉面店嘅主理人係日本人, 而材料亦都係黎日本, 如果想食正宗嘅拉面, 可以黎試試呢間。

平時食開既拉麵多數都係豬骨湯底、麵豉湯底、醬油湯底...而朋友介紹呢間係尖沙咀天文臺道新開既拉麵店就主打香港少有既牛骨湯底，佢話用左20kg新鮮牛骨加2kg頂級和王和牛既牛脂熬製20個鐘而成既。店內既裝修簡約，以白色同淺木色做主調，牆上面就貼滿左日本電影海報，配上柔和燈光，環境舒服。每張餐枱上面都有點餐紙、醬料同埋凍水。Menu呢度就只係得兩種拉麵，分別係極牛拉麵同埋白牛拉麵，兩款都係以「和王」和牛做主題，極牛拉麵就係用鮮牛骨做湯底；而白牛拉麵就加左白松露既牛骨湯底。除左以牛骨做湯底之外，呢度係主打由日本熊本直送既「和王」和牛，而「和王」和牛係要經日本食肉格付協會評選出黎既，需要飼養28個月以上仲要獲得A5或者A4以上認證，BMS達到六級以上既油花食法就可以揀和牛刺身或者火炙和牛喇。至於呢度用既拉麵來頭都唔細，係用由日本人主理既南天製麵真空雞卵麵極牛拉麵（二分牛）$148呢個極牛拉麵，牛湯濃郁，但係又冇牛騷味同味精，鹹度適中。和牛刺身油花鮮明，和牛既牛脂比例平均，食落入口即溶；至於火炙和牛，經火槍烤過既和牛牛味更濃，食落juicy又嫩滑。而個拉麵食落蛋味香濃，仲好爽口彈牙，加埋佢係曲麵

香港熱愛日式拉麵, 拉麵店更加開到梗有一間喺左近, 今日就試下呢間以頂級和牛作招來嘅一盛極牛。白牛拉麵 (火焰和牛 - 二分) $158選用熊本縣A4級或以上嘅和王牛, 牛肉佈滿油花, 經過火灼後更入口即溶, 絕對令你回味無窮。湯底以牛骨及骨髓, 大火煮足20小時, 淆製而成, 香濃程度不難想像。麵底亦大有來頭, 用上南天製麵嘅真空雞卵面, 原材料全部來自日本, 製作出細緻彈牙嘅拉麵。碗中更加入多款拉麵配料, 有芽菜、黑木耳絲、荀、紫洋蔥、紅椒絲、紫菜、溏心蛋, 配料份量充足, 令整碗拉麵生色不少。

今日同朋友嚟到尖沙咀呢間專食牛肉拉麵嘅專門店。 話明係專門店, 拉麵嘅款式就自然唔會多啦, 分別有基本嘅醬油味極牛拉面同加入白松露嘅白牛拉麵兩款。雖然湯底選擇唔多, 但麵條硬度、醬油濃度、 白松露濃度, 以及各款配菜嘅份量, 通通都可以按個人喜好選擇。 今日決定挑戰一下和牛刺身！相中嘅和牛刺身係兩分肉量, 肉片切得非常薄, 肉色鮮紅。湯底熱度夠, 如果食唔慣全生牛肉, 只要將和牛浸一浸湯就已經變成半熟。麵條方面, 我覺得選普通硬度就啱啱好, 咬落富有彈性, 湯汁掛麵, 味道濃郁。

佢新開個時同朋友食過一次，覺得幾好🤤有好野緊係要帶男朋友黎食啦！尤其佢咁鍾意食牛🐮又鍾意食拉麵🍜呢間簡直係將佢鍾意既野集於一身🤪-🔹極牛拉麵($158)↬ 一份牛$118 / 二份牛$158 / 三份牛$198. . .其實呢碗係男朋友既😝佢揀左和牛刺身，一黎到啲和牛鋪得好靚🌹用湯既熱力浸熟佢，就好似越南生牛河咁🐮聽聞用左熊本縣既和王🎖我偷左一片食，真係好嫩好嫩，好後悔自己無揀刺身👉🏻👈🏻牛骨湯可以再濃郁少少，其他配料溏心蛋呀筍呀個啲都合格唔錯😼順帶一提，拉麵係曲麵喔🍜-▫️白牛拉麵呢碗係我既，我揀左火炙和牛🐮白牛係加入白松露，我地左普通量，食落就唔算太突出，淡淡地既香味🤔火炙和牛都幾正，不過我會鍾意和牛刺身多啲👅-🔺所有配料都有得比你揀要幾多份✍🏻