一鍋雞

Open Now

Now Closed

深水埗最近興起呢間我食親都排晒長龍嘅一鍋雞米線。身為米線控嘅我其實已經食過好多次。佢實在有佢令人排隊嘅原因！因為佢真係好好食。首先佢係用小型火鍋形式煲住雞件，名符其實的一鍋雞，然後米線就係另上。原本濃濃嘅雞湯再加上佢用火煲住雞件嘅關係，而我就會選擇將米線同時加入雞鍋入邊食。所以每啖米線都充滿雞湯味。 以廚師本身用嘅雞件都好滑又嫩，所以就算揀任何湯底都非常出色。我強烈推薦招牌花膠雞米線！同埋胡椒豬肚湯米線！同埋桃膠雞米線！

於2024年10月24日吃晚餐。男朋友媽媽極力推介「一鍋雞」，為了我們來到就有座位，她更特意比我們早到店舖，排了15至20分鐘隊。原來小店長期有條人龍排隊，不過等候時間不算太久，「翻枱」的時間算快。餐廳空間較小，加上枱面較小，食物容器較大，因此座位不太算舒適，我有過這次經驗後，就覺得可以外賣，坐得舒服又免了排隊的時間。每個主食都可以配飯、米粉、薯粉等。我們一行三人選了三個不同的湯底，分別是招牌花膠濃湯雞、白胡椒大蜆豬手煲、竹笙椰子濃雞湯。前兩者都是招牌湯，每個都有明火一邊煲着。招牌花膠雞湯熬出金黃色，雞味香濃，雞肉出奇地嫩澤，非常喜歡。白胡椒大蜆豬手湯則胡椒味突出，蜆味不算強，反而芹菜味更香濃，豬手份量都多，也炆到較鬆軟。椰子雞湯就椰子味太突出，蓋過雞湯味。當然雞肉也是很滑，但是如果愛椰子的朋友，也不妨可以一試。地址：長沙灣營盤街145號天悅廣場B1B號舖

香港有幾間隱世花膠雞米線呢間係其中一間我推薦特別要食椰汁雞湯米線🥥你喺花膠雞湯更濃味加上餐廳有多款小食都好惹味例如泡椒雞腳、豬手粒、椒鹽粟米等有時想滋潤一下 補一補絕對值得推介！🤗

每次經過都見到有人排隊，今天沒有人排，便進內午膳，餐牌大部份是湯鍋，一個鍋+一份飯、薯粉、米線或米粉，端在枱上有一小爐加熱，點了一個花膠雞湯鍋+米線，$68元，另一個胡椒蜆豬手湯鍋+米粉，$58元，再點一份拍青瓜，$28元，雞湯非常好味，少許花膠，雞肉一般，胡椒蜆豬手湯也一樣很好飲，米粉和米線一大份吃不完，兩鍋湯全清，拍青瓜少有切得較厚身，味道不錯，本來食物好，環境好，服務好，價錢平，食得飽，真係非常好，可惜美中不足的是，店鋪播放內地歌曲，似京劇之類，有些吵耳，如果可以不播，更好！

中午我们两个人在这边吃饭 人很多排队 先在门口等了半小时多，终于可以进去吃了，服务员听到我们的普通话，态度一下子变了，安排我们在一个四人桌吃，也没跟我们说要做到桌子的另一边，过来直接说“要做另一边啊 ”语气极差，后面我们旁边来了一对香港人，服务员态度立马就变了，笑脸相迎 点完菜之后终于上菜了 我们点的是竹笙椰子鸡 需要在锅下面点燃酒精 服务员拿了一把打火机点了后 直接扔进来 最后再来说下菜品 太淡了 汤很难喝 点了一个蚝油菜心 没想到直接就是菜心生烫加上家里的蚝油 很差 我们都没有吃完总之 不推荐！

最近被朋友推介一定要吃這間主打濃雞湯的米線，又在網絡上做下攻略，發現餐廳在當區是熱門餐廳。但餐廳位置不多 我有好幾次下班過去都見到大排長龍，起碼要等半小時以上，唯有放棄了。但前幾天好想吃濃湯雞米線，於是就叫了個外賣回家吃。竹笙椰子雞濃湯，一打開就已經聞到一股好濃郁的椰子雞湯味，相比一般的椰子清雞湯，這個湯底反而多了一種奶香的味道，竹笙和粟米也給浸透了濃郁的椰香味，雞件也嫩滑，如果在餐廳享用，用爐滾燙著熱辣辣進食，我想味道一定更加出色。！而且餐廳給食材的份量一點也不吝嗇，一個女生真是會吃不完。另外也叫了一份手拍青瓜，應該是即場調味的，青瓜並不入味，可不叫。不過值得一提的是，平常在外面吃的米線，味精超級多，吃完必然會非常口渴狂喝水，但是反而吃這個並沒有，反而有種在喝椰子雞湯的感覺，十分推薦，下次會試試他的招牌花膠雞濃湯。

店舖晚上開18:00, 我星期日17:45 去到已大排長龍，有無咁誇張呀! 而且條龍是由我食完離開仍未短過，所以提醒大家這裏不是好友飯聚的地方，是要快食快離的，而且要接受搭枱情況。 招牌花膠濃湯雞 + 稻庭烏冬 : 因為流量迅速，未必每鍋湯都夠熱，建議上鍋後代爐火熱一吓才吃。有幾片花膠👍，質感很淋滑，不爛且吸足雞湯味。旺菜份量不少，而且是足夠吸收到雞湯味，淋甜，好味好食👍。有幾件切雞，雞皮很滑(可惜我不食皮)，雞味和肉質正常。個雞濃湯算是我暫時飲過最好味的👍，無雞羶味，濃郁但不膩，和烏冬一起，幸福爆燈，湯量很多，就算2人飲也足夠，我飲後回家無口渴。由於客似雲來，服務要做到好有效率，不能要求高質款待。這個價錢有如此質素，我感覺是良好企業呢！😄

非常足料，無味精椰子竹笙雞湯 （米粉）- 入面有厚竹笙、粟米 湯好甜，小朋友超鍾意啲粉掛湯超正！番茄豆腐海鮮真係俾足4隻靚蝦！ 青口、蜆都好新鮮！湯鮮甜，開胃招牌花膠濃湯雞有頗多件花膠，質素很好。其他地方啲花膠有陣奇怪膠味，呢道既係爽滑無奇怪味！真材實料。外賣三個湯粉都非常好食。下次希望可以到店堂食睇下會唔會更好味！小朋友食完無好似平時出街食飯咁要喺咁飲水，證明真係無味精。希望呢啲小店可以做得住！非常值得支持！

今日試咗招牌花膠雞湯米線同椰子雞湯米線🍜湯夠濃🐔雞夠嫩😋😋飲曬D湯😁兩個湯比較 自己比較喜歡椰子雞湯 所以食完之後再買多一隻椰子雞湯返去同屋企人分享😇個個都話讚👍🏻👍🏻👍🏻第日屋企聚餐又多一個好選擇😇

已經係第二次黎食 嚟到一定要試佢地嘅招牌花膠雞湯米線 不過除咗呢個招牌湯底之外，仲有好多其他湯底選擇唔加底嘅米線份量本身已經唔細 餐廳仲有得免費加大 好適合大食嘅人士個湯底好飲到一定要飲晒 同埋好足料，花膠同雞都有唔少😋😋 小食就叫咗個皮蛋豆腐 個汁甜甜地都幾特別，值得一試雖然舖頭比較細，繁忙時間好多人可能要搭枱不過總括嚟講呢間餐廳性價比好高 一碗米線都係60幾蚊最緊要係可以飲晒啲湯 飲完完全唔口渴 又可以食得好飽😆

一鍋雞⭐️⭐️⭐️💫🐾 客家黃酒雞 $58如果再食嘅話，推介呢個。聞落酒味好香。雞件滑度算係咁，起碼唔會稱得上係鞋口，同埋醃得有味。個湯底送麵嗰陣都食到酒香+雞肉味，就算就咁飲都唔會過鹹，唔錯。🐾 鮮茄豆腐濃湯海鮮鍋 $68湯底似超市買嘅盒裝雞湯，所以就會好似自己喺屋企打邊爐咁。但入面嘅料都多，除咗蕃茄豆腐，仲有4隻蝦2隻青口同埋幾隻蜆，同menu張圖差唔多。海鮮嘅新鮮程度/質素以呢個價錢都合理。🐈‍⬛ Overall堂食好食過外賣好多。如果喺附近真係諗唔到食咩湯麵好嘅話，可以考慮呢間。📍 一鍋雞 (長沙灣)長沙灣營盤街145號天悅廣場B1B號舖#香港美食 #長沙灣美食 #neko_nibbles_csw #唔好伏自己

見門口排晒隊，幾個朋友又想試，落單後，之後阿姐跟單派每人一個酒精爐，手機落單，神奇唔夠2分鐘，啲食物全部嚟齊，阿姐再嚟點火。3個人叫左椰子雞，藥膳雞，花膠雞，可以跟飯或其他麵食。見到鍋裡面啲雞，係已經蒸熟斬件！！見住有煙出，唔想啲已經熟左嘅雞翻烚太老，所以夾起，我叫嘅係飯，啲雞放落啲雞度，感覺係切雞飯撈湯，咁我一啖食落啲雞，嘩……完全無暖嘅感覺，好明顯啲雞唔知蒸熟左幾耐，又唔知放落個鍋仔幾耐，等客落order就神速上枱。個湯似係濃湯寶開水，雞湯做膽，唔同味就落番啲相關味。咁就算係雞鍋，一絕 …… 覺得仲衰過去連鎖快餐店。

見依間有濃湯雞米線幾吸引～未到食飯時間已經要排隊有九款濃湯雞米線可以選擇～湯底、配料唔一樣嘅招牌花膠濃湯雞有：花膠、雞4塊、娃娃菜～花膠有4片～不過雞好少～一隻雞翼尖、一隻雞翼、兩塊雞胸肉～湯就多料份量少差D喎～湯底幾重雞味白胡椒豬肚濃湯難～有：豬肚3條、雞薄切4塊、黑木耳3塊、辣椒2片、西芹菜少許～豬肚好淋仲切得好細條～呢個湯底好重白胡椒味蓋過雞湯味～唔太吸引惹味豬手粒幾好食～口水雞醬配蒜蓉、花生粒、辣椒粒、青瓜～好好味整體嚟講全部份量好少～不過味道唔錯～舖頭抽風麻麻比較焗

本身鐘意食雞湯米線，間野係附近諗住試下呢間， 一睇價值都唔平，但係見到啲圖好靚賣相好好所以都叫黎試下。外賣叫左想要脾，本身備注咗，叫兩碗都冇，埋單兩舊水，得啲好似食淨咗嘅雞胸咁，又痴牙，啲米線發脹到糊左咁，你食埋我個份

天氣凍就想食鍋物 🥘餓底今次去左長沙灣食一鍋雞 呢間小店晚市由6點開始 5點45去到都已經開始排隊 座位唔算好多 竹笙椰子濃湯雞 🐥加稻庭烏冬 $58+5 湯底香濃清甜 雞件數量都有8件 仲配埋粟米 同竹笙甜上加甜 ☺️烏冬會建議放入鍋等佢吸味再食 稻庭烏冬好滑吸埋湯既味道 真係好好食食曬成個都唔會好膩 泡椒雞腳 $38 呢個雞腳充滿左泡椒既味好香 但又唔會好辣 食唔到辣既朋友都可以試下 雞腳仲要好淋 唔會好硬 呢間一鍋雞性價比好高 👍🏻☺️下次去開長沙灣一定會再去食餓底推介：⭐️⭐️⭐️⭐️ （4/5）#餓底推介 #餓底食在長沙灣 #長沙灣 #一鍋雞