一鳴屋台料理

Open Now

Now Closed

這家店光顧了好幾次，無論主食或小食都在水準之上，舖仔不大但有温馨感覺，久不久在對面街打波後都會來吃一敞。最飽肚之醫是明太子芝士玉子燒，厚實的日本蛋層層疊上。蛋味香濃而鬆，每啖都是滿足感滿分。芝士則夾在蛋漿的內層，用刀切開熱騰騰的玉子燒中會發現拉絲的芝士，芝士味道適中，即使不是芝士愛好者亦能接受。明太子醬鋪陳在玉子表面，剛好與清淡的蛋香互相輝映。總體來說，這份玉子燒飽肚感和滿足感 MAX, 值得一試。炸魷魚酥炸得香脆，薄粉漿恰好能保存魷魚的肉汁，魷魚或是新鮮貨？肉質Q彈。作為居酒屋的下酒菜，這份魷魚天婦羅實在是必點的菜式。如果想吃得豪華一點，就是叫刺身丼了。海鮮刺身丼套餐包括面豉湯，茄子漬物，以及中華沙律，味道多元化且菜式豐富。單憑菜單，原以為是普通丼飯，沒想到是刺身盛合形式上枱。與朋友分享的話實在是不錯的選擇。綜合的刺身附有三文魚、油甘魚、劍魚、帶子、磯煮鮑魚、赤貝。三文魚夠肥，油甘魚和帶子鮮甜、及爽脆的劍魚亦算是高質素的表現。補點蔬菜也吃了蔬菜天婦羅，當中包含秋蒸葵、冬菇、茄子、蕃薯仔，最特別是冬菇那濃濃的菇香，同時內裏爆汁。整體清爽，蔬菜沒有吸油處理得得好。作為上水的小店，不論熟食

早幾日喺上水行街，無意中發現咗間低調嘅小店——一鳴屋台料理，一推門入去就俾嗰陣濃濃嘅日式氣氛吸引住。睇到個菜單，嗰啲菜名即刻令我肚餓，梗係要試晒幾樣啦！首先上場嘅係鰻魚玉子燒，嗰啲蛋燒煎到靚靚金黃色，外層滑溜，內層仲夾住香噴噴嘅鰻魚，咬落去鹹甜啱啱好，配埋啲淡淡嘅醬汁，入口即溶，好似喺口腔度跳舞咁！主菜當然要試佢哋招牌豬骨濃湯配自家製黑蒜油拉麵。嗰碗湯一上檯就香到不得了，濃稠又帶豬骨膠質嘅口感，加埋自家製嘅黑蒜油，真係畫龍點睛，味道層次好豐富。麵條彈牙又掛湯，食得出係用心煮過嘅。另外嗌咗油甘魚腩刺身，魚腩厚切，入口有種天然嘅油脂香，好新鮮，食到停唔到口！最後仲點咗雜果檸檬薄荷梳打作結尾，酸酸甜甜，飲完真係清新醒胃，完美收尾！呢間店真係隱世之選，無論係食物質素定係整體氛圍都令人滿意，絕對值得專程嚟試下！

2025年1月1號，難得嚟到上水，泊低架單車。搵到一間可以食拉麵，點都要試吓啦。店面同埋店入邊都環境好好，就好似去咗日本咁。有陣時就係鍾意呢種感覺，你知啦我哋呢啲打工仔唔係下下都可以即刻飛到日本鄉下㗎嘛。二話不說，坐低之後就嗌咗個一鳴拉麵，仲加咗個餃子。本身諗住飲番杯啤酒，但一陣要踩車（踩單車），注意安全，咁就飲少咗杯啦。為己為人呀嘛。講返啲嘢食先，個拉麵我揀咗太麵。太麵嘅麵質一流，簡直係無得頂。咁當然塊叉燒都重要啦，外軟內脆。唔係，係外脆內軟先啱。食過返尋味。當然，個餃子都超正。如果假期難得踩單車，或者都可以過呢邊食個拉麵補充體力。 順祝各位新一年身體健康。

以前住大埔成日去一鳴食拉麵，今次去上水分店，地點唔算十分方便，不過都可以喺上水港鐵站步行過去。 🌕🌕🌕🌑🌑土佐豆腐質地細滑，外層炸得幾香口，內裏都保持嫰滑。 🌕🌕🌕🌕🌑芝士粟米玉子燒係我以前嘅飛佛，濃郁嘅芝士與玉子燒完美結合，不過粟米好似比起之前喺大埔食嗰陣少左。 🌕🌕🌕🌑🌑野菜叉燒炒拉麵不過不失，都係啲野菜同叉燒炒埋啲拉麵咁啦。 🌕🌕🌕🌑🌑七味唐揚墨魚咀外皮香脆，墨魚咀彈牙，搭配七味粉好惹味。 🌕🌕🌕🌑🌑素菜天婦混合了冬菇、秋葵、茄子和甜薯，適合唔想食肉類天婦羅嘅朋友。 最初去一鳴只有拉麵同少量串燒，而家已經有好大變化。

今日天氣少少轉涼，好適合去食拉麵，呢間拉麵店仲有日式丼飯同小食，比一般拉麵店多好多選擇，可以食得更豐富，同朋友share，款款都試吓。環境充滿日式風格，燈光微暗，份外有格調。豬骨濃湯拉麵湯底就係拉麵嘅靈魂，呢個豬骨濃湯好香濃，比較杰身，充滿骨膠原。豬軟骨好腍好入味，溏心蛋煮得啱啱好，少少流心，又唔會太鹹。鐵火丼呢個鐵火丼有吞拿魚赤身，吞拿魚蓉，玉子燒，非常豐富。特別鍾意佢嘅吞拿魚蓉加香葱，拌飯一流。另外個味噌湯都幾好飲。芝士粟米玉子燒玉子燒超軟滑，勁juicy ，再加埋流心拉絲芝士，真係不得了唐揚雞軟骨雞軟骨香脆，炸得比較乾身，由於我個人比較重口味，自己加咗七味粉調味，更加惹味。總括嚟講，個人推介一定要試嘅係拉麵，另外玉子燒都非常有驚喜

回頭度🍪8/10｜人均消費💰~$100-150-🤍雜菌松露醬油豬骨濃湯拉麵 $88湯底超重松露味 而且好杰身🤤仲有少少菇菌喺裡面🍄‍🟫平時唔飲麵湯嘅我 都忍唔住一飲再飲另外拉麵口感彈牙🍜叉燒都算大塊入味溏心蛋都重蛋香🍳木耳份量都多可惜食到中途嘅時候有啲過鹹🥲要不斷飲水不過松露湯底嘅拉麵的確少見 值得一試🤩味道🌕🌕🌕🌕🌑抵食🌕🌕🌕🌗🌑

最近同朋友去咗食拉麵，試咗佢哋嘅芫茜湯，作為芫茜迷真係非常滿意！湯底鮮甜，芫茜香味十足，如果可以揀多啲芫茜就更正啦。拉麵嘅質感好彈牙，最緊要係冇鹼水味。餐廳環境好舒服，我哋同朋友傾計坐左成兩個鐘都冇人趕，非常友善，感覺好自在，絕對會再去！

📌上水上水有兩間幾有水準既拉麵，今次同大家介紹其中一間 一 一鳴屋台料理 🌟黑蒜䐁骨濃湯叉燒拉麵 $78除左麵底可以自選幼麵/太麵之外，連軟硬度、主菜、配料都可以自選黑蒜味都幾出，加埋本身既豚骨濃濃更加濃郁👍🏻📍一鳴屋台料理地址：上水馬會道180號地舖

上水一路食開嘅日本野執左，每次經過依間都冇試到，既然平時食開果間執左就試下依間。舖頭間隔都唔錯，坐得幾舒服。佢壽司類唔算多，主要食拉麵、丼、小食我同朋友叫左兩個小食，一個拉麵，一個飯，都好飽芝士年糕每次食日本野或放題，只要見到芝士年糕一定會叫，好鍾意熱辣辣，外皮少脆，入面軟熟口感，芝士味好濃但唔膩櫻花蝦玉子燒玉子燒份量十足，兩個人每人都分到三件厚切，玉子燒中心半熟，口感佳，唔會好實，味道都好香雜菌松露醬油豬骨濃湯拉麵拉麵湯底好香菇味，符上嘅叉燒唔會好肥，拉麵比較軟身，可能我等埋朋友碗飯到先食，浸得太耐了，比較喜歡食硬嘅拉麵湯底雖然比較油，不過的確好香，所以飲左幾啖鮭魚腩、赤貝、北寄貝丼仲有啲配菜同甜品

有次想食呢間，但點知落左場。今次食到喇，真係值得一試環境舒服，職員有善。上菜都唔會等太耐👍👍麵質可自由選擇幼麵/太麵（粗）、又可自己選擇硬軟度。青蔥也可加多。枱旁邊也有白芝麻，拉麵胡椒粉，七味粉，還有冰水可自行倒。我叫咗黑蒜豬軟骨拉麵，湯底味道濃，滿滿的黑蒜味滲出，豬軟骨軟身，容易入口，唔靭墨魚咀好大粒，又爽口，炸粉薄赤辛拉麵唔會太辣，我另外加多辛辣膏，味道唔咸，好夠味食完唔會口乾，味道濃郁值得一試

上次我去咗位於上水嘅一鳴屋台料理,真係超值得一試。「海鮮什錦炒拉麵」：呢個真好有驚喜，好好食，好少喺其他地方食到呢隻味！！大推👍👍炒麵底子真係好味,麵身彈牙,仲吸收到咗滿滿嘅海鮮鮮味。上面鋪滿咗各式新鮮海鮮,包括肥美嘅蝦仁、Q彈嘅墨魚,仲有蔬菜。每樣海鮮味道都突出,完美融合在炒麵之上,一啖落去濃郁鮮甜,簡直係人間美味!再講講我鍾意嘅「吞拿魚蓉軍艦」。軍艦面部用咗好新鮮嘅吞拿魚蓉,飽滿豐厚,仲帶微微嘅魚香味,十分吸引。再來係「飛魚籽軍艦」!軍艦嘅粒粒飛魚籽爆晒卵,又大又肥,咬落去爆香濃郁。最後,我都試咗佢哋嘅自選刺身丼定食,揀咗4樣食材分別係帆立貝、蟹肉同蟹膏，飛魚子。帆立貝大件肥厚,入口即化,鮮甜可口。蟹肉個頭夠大,蟹膏濃稠飽滿,仲有淡淡嘅海味香氣,同白飯最配。飛魚籽吸引力同樣強大,粒粒彈牙,好過癮!總括黎講,一鳴屋台料理嘅菜式質素非常之高,每樣都好吸引。值得一讚係店員服務態度好好，依家喺香港好少見。當天不太舒服喺店內食藥，店員見到冇嫌棄，反而即刻問洗唔洗比杯熱水我🥺👍。今時今日喺香港實屬少見👍👍。

鋪頭：一鳴屋台料理地址：上水馬會道180號地舖​💰$314💰兩個人order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ ​1️⃣ 豬骨濃湯配自家製黑蒜油 $85湯底煮得好濃郁，揀左叉燒，唔鞋，唔薄身，幾好，流心蛋煮得剛好，揀左細麵，可以索到湯汁​2️⃣ 雜菌松露醬油豬骨濃湯 $88👍🏻松露味好香，唔會太濃，剛好，揀左豬軟骨，肉同骨比例剛好，而且煮到好腍，好味😋​3️⃣ 唐揚魷魚 $48外面炸得夠脆，而且魷魚唔韌，好爽脆，食完一件之後就冇停口，正😋​4️⃣ 荔枝檸檬薄荷梳打 $32都幾大杯，好抵飲，而且味道唔錯，荔枝味道比較出，又唔會好甜​5️⃣ 荔枝燒酎梳打 $32👍🏻超級推薦，荔枝嘅香甜同時有酒味，比較飲得出荔枝嘅香甜，同酒嘅比例幾好​😋總結：推薦，入到去好似去左日本，而且食物真係好食​📝 以下評分最高分五粒🌟味道：🌟🌟🌟🌟粒 抵食程度：🌟🌟🌟🌟粒環境&服務🌟🌟🌟🌟🌟粒（好有日本居酒屋feel）

黑蒜拉麵呢度嘅拉麵有得自己揀面條、面質，配菜同埋辣度，同一欄嘅方式有啲似，我就正常叫咗正常質地嘅細面配叉燒走辣，湯底好膠質，可以飲到好香嘅豚骨味，食完之後都唔會覺得好口渴，完全唔似係沖出嚟嘅湯底味，幾好，配埋叉燒木耳流心蛋加埋紫菜，一定要記得加蔥花！正常質地細麵軟硬度啱啱好，夾埋一齊都好掛湯。OK嘅

第一次過嚟上水呢邊食野 見呢間餐廳設計好有日本居酒屋嘅感覺就決定試下啦自選刺身丼定食 選擇困難症嘅我最後揀咗自選刺身丼 分別揀咗三文魚腩 (3切) 帆立貝 (2粒/4片) 同埋炙燒左口魚裙邊 (3切) 刺身嘅質素幾好 三文魚腩嘅紋理好靚 充滿油脂香 帆立貝肉質爽脆 食落幾鮮甜 左口魚裙邊經過炙燒後有少少焦脆 入口即溶! 刺身丼定食仲會配埋麵豉湯 小食同埋漬物添 黑蒜拉麵呢度嘅拉麵有得自選麵條 麵質 配料同辣度 朋友就揀咗正常質地嘅細麵配叉燒走辣 而且湯底係用咗大量豚骨去熬製並無用任何化學成份同湯包 唔怪之得湯底入口係好香濃嘅黑蒜油味 但係又唔會太過油膩 細麵食落好彈牙之餘仲好掛湯 仲有大大塊叉燒 葱 木耳 紫菜同溏心蛋 煎雞軟骨棒餃子表皮煎到好香脆 內饀有豬肉同粒粒雞軟骨 咬落脆卜卜七味唐揚墨魚咀第一次食咁大粒嘅墨魚咀 即叫即炸食落好香口

可坐吧枱😉梅子燒酌梳打是一款清爽宜人的飲品，搭配梳打水一同享用更顯清爽順口，尤其適合在炎熱的夏季享用。松露拉麵是一道美味的拉麵料理，以特製秘方醬油和特調松露油調製湯底，入口帶有香氣濃鬱的松露味道，讓人回味無窮。海膽這一種高級的海鮮美食，擁有獨特的鮮甜味道和滑順的口感。甘香，美味。鮭魚壽司是日式壽司中的經典之一，新鮮的鮭魚刺身搭配飯糰及芥末，帶來鮮美的口感和豐富的風味。每一口鮭魚壽司都散發著海洋的鮮甜。蟹膏蟹肉軍艦結合了鮮甜的蟹肉和濃鬱的蟹膏，搭配飯糰製成軍艦壽司，口感豐富滑順。