三小漁 (Renamed) View

因為太有驚喜，所以成晚嘩嘩聲！嘩！係因為每道菜式濃淡相間，擺盤盛器以及上菜細節顯心細。嘩！係因為保持原汁原味，仲加上fine dining 技巧，感覺好似食緊Omakase！嘩！甜品中西合璧，有哂儀式感！一個滿足嘅晚上😋

收到外賣單張，公司附近有間新店叫「六如」，於是一試，去到攞外賣先知，原來即係三小漁。外賣一份黑蒜蒸龍躉跟飯，一份菠蘿咕嚕肉跟飯，另加$48加配一客燉湯。明明電話落單時講過外賣自取八折，點知最後個湯額外加$10仲冇折㖭！二份客飯份量是滿意的，不過都係第一次食菠蘿咕嚕肉，菠蘿同咕嚕肉是分開上的，正常的做法菠蘿應該同咕嚕肉一同炒一下的。另外，個燉湯就好像是喝剩留下來的一樣😓，重要收$48，實在太過分太離譜！！！打電話給餐廳反影，竟然話個外賣盒好大，所以錯覺覺得好少湯。吓，咁嘅藉口都講得出，真係唔會再次光顧。

✨胡椒湯年糕淮山泡蜆🍲近排天氣咁凍，想飲湯，店員推介我呢道菜。湯品即叫即煮，上到枱仲係熱騰騰，湯汁濃郁，入口甘甘地，散發著胡椒香氣，飲一啖，成身都暖哂，湯中嘅年糕煮得軟綿，淮山片食落有點脆，增添了質感，蜆貝很乾淨，鮮味融入湯中，使整道菜口味更加豐富！✨火龍果意大利黑醋骨呢道菜顏色鮮艷，色彩搭配吸引人。火龍果切成粒，入口清甜，炸過嘅排骨肉則入口外酥內嫩，入口酸酸甜甜，黑醋嘅酸味，增添了獨特風味，很不錯呢！

其實依間舖頭嘅食評呢一直都唔記得寫，我嚟嘅時候已經係11月底啦，不過我都想返轉頭寫返，我都係無端端搵到呢間喺中環嘅舖，佢係主打中國算係蘇杭菜吧，上菜嘅份量都幾大嘅，我印象最深就係嗰個東坡肉嘅塔啦，砌得好靚㗎，好似係梅菜扣肉咁樣，啲梅菜就係喺個塔底嗰度㗎。拎咗面嗰層先睇到好特別啊，要讚！ 重點咗川味牛腩啦，冰鎮咕嚕肉，個黑蒜大龍躉都好好食！佢成日都有啲九折啊，八八折嘅優惠，好似提早一日預訂又有折，你要成日留意佢做緊啲乜嘢promotion!

✨手作糖山冰鎮咕嚕肉擺盤精緻，麥牙糖整成嘅珊瑚🪸好似藝術品一樣，淨係賣相已經令人垂涎欲滴！感覺每一塊肉都經過精心處理，底下舖滿冰塊，令肉塊表面依然keep到酥脆，咬下去時，雙重口感，外冷內熱，肉質滑嫩，搭配著微微酸味和甜味，超高質😍✨椒鹽鮮魷賣相色澤金黃，怖滿香口嘅炸蒜，外層酥脆，內裹魷魚肉質帶著微微韌彈，口味香辣微鹹。另外仲有✨原盅砵仔蒸絲苗白飯，用上蒸砵仔來蒸熟嘅米飯，保持著粒粒分明嘅口感，顆顆飽滿，同電飯煲白飯，真係口感不一樣呢！

先前食過觀塘店所以當知道中環開分店即刻帶親友們來試。位置係L place都好方便我呢位中環OL 🤭講翻食物： 黑磚豆腐外脆內軟，基本上係我必點item 之一另外就係冰鎮咕嚕肉 都係我favoutie item! 呢兩樣都必點必點 但食左幾次基本上所有野都好好食～ 係中環中菜滄海遺珠，暫時仲未好多人發現，所以夜晚坐得都好舒服又唔嘈

朋友在附近上班趁閑來無事相約午膳朋友說這餐廳的咕嚕肉很好吃很值得試試便來試一試吧其實之前我倆都想去觀塘店試菜但因事最後未能成行幸好現在地點時間都方便大家餐廳堂食和預早訂座都有不同折扣建議預早一天訂座可以有九折優惠咕嚕肉是必點的我都見幾乎是每枱都點的菜外表酥脆醬汁酸甜適中更可牽絲每塊肉都無骨一咬啖啖肉而且內裏更是Juicy油亮油亮的伴碟的菠蘿都清甜無渣本身不好菠蘿的我都食了兩塊另外我們叫了一份芝香焗南瓜斑球相比之下這道菜較為清淡斑球尚算嫩滑但三款食材各有各味道沒有太融和芝士上更灑有芫荽和芹菜簡直是我的大忌總體這道菜不過不失朋友另外叫了一客竹炭黑磚豆腐$16一客只有一小件 性價比沒有很高都做到外脆內軟但味道來源只是來於上面的炸蒜粒整體沒有甚麼味道都係食黑色竹炭的gimmick 咕嚕肉及斑球都是跟餐有兩碗砵仔白飯不過我見升級加豬油都是加$5下次有機會想試試

家人提議，唔想又係酒樓/盤菜，想食特色既中菜，地點又近屋企既，就選左中環三小漁點左一碗十年陳皮魚茸羹俾呀媽食（位上），呀媽嫌腥，加左胡椒都係飲唔到半碗😅主菜：黑磚豆腐， 脆米煎焗日本元貝，蓮藕蜜椒骨，椒鹽鮮魷，蝦仔油渣粉絲雜菜煲，黑松露蛋白炒飯甜品有：桃膠燉雪梨（位上）需預訂、桃膠燉手功菊花豆腐花（位上）、法式蕉糖燉蛋、手磨棗茸糕黑磚豆腐同日本元貝都好食，豆腐皮炸脆了，豆腐保持嫩滑，好味👍同埋元貝一齊位上，元貝好大粒，如果煎得再香口啲仲好；蓮藕蜜椒骨，我覺得甜得滯，反而我見好多台有點冰鎮菠蘿咕嚕肉，賣相及份量也比較好，少少後悔；椒鹽鮮魷跟蝦仔油渣雜菜粉絲煲非常普通，可能喺一般小菜館點仲好食；最後點咗個黑松露蛋白炒飯，黑松露幾香濃，份量夠大碟，老人家堅持要食飯，所以就點啦，價性比高。甜品價錢唔平，比較值得一提係桃膠燉菊花豆花，經理特別講一碗豆腐花要切360刀，配上桂花糖水，清甜嫩滑，賣相一流，推介👍，相比起燉雪梨，燉蛋，更值得試，棗茸糕也是較出色嘅甜品，為整餐飯畫上完美句號。是日整單消費$1806，平均每人$300（6位）

之前經常到觀塘區的三小漁， 今次朋友生日， 就到了中環分店，位於中環皇后大道中139號The L. Place 5樓。 當晚在客房裏，私隱度高， 服務好。 有幾款菜式我特別喜歡的就是煙燻溏心蛋、 黑磚豆腐、古式東坡塔、冰鎮新鮮菠蘿咕嚕肉和粉葛鯪魚老火湯。 煙燻溏心蛋入口軟綿綿的溏心蛋，醇香美味。黑磚豆腐賣相型， 口感外脆內軟。古式東坡塔出色的賣相，肥美不膩的五花腩疊成塔狀， 精緻美觀， 切開有大量梅菜，拌白飯🍚至正。冰鎮新鮮菠蘿咕嚕肉的顏色鮮豔奪目， 啖啖肉的咕嚕肉，酸酸甜甜。粉葛鯪魚老火湯的湯料砌得非常精美，粉葛湯好濃郁又足料。 有品質的中菜館，值得一試😊。 🏷️溫馨提示～ 整個用餐體驗均屬個人分享意見， 只作參考😊。

好耐冇外出晚膳了，這次應友人邀請，到這店晚餐。一出 lift 就係，地方都頗大，座位都夠寬敞、舒適。以為是一間普通的中菜館，沒想到D 菜式咁有特色 見鄰桌大部分都點了「冰鎮咕嚕肉」，店員又推介「口水西瓜」，但因「口水西瓜」有D 辣，所以我們只點了「手作糖山冰鎮咕嚕肉」、「干煎鮮沙薑走地雞」及「黑松露瑤柱蛋白炒飯」。手作糖山冰鎮咕嚕肉，賣相很美！色彩配搭得好好，再望得仔細D，原來隻碟是魚狀 咕嚕肉皮脆肉嫩，再放在冰上，口感層次更豐富！再配上新鮮的菠蘿，酸酸甜甜，非常開胃 難怪差不多枱枱都點！干煎鮮沙薑走地雞，賣相雖然不算特別，但雞肉都肉質嫩滑，夠惹味！黑松露瑤柱蛋白炒飯，飯粒粒分明，黑松露味濃，看上去材料很簡單，卻又十分美味的一個炒飯 

朋友約食飯去到中環The L. PLACE三小漁，位置於中環街市附近十分方便餐廳環境中式風格而幽雅，店內座位寬敞坐得舒服打開餐牌菜單有特色，擺碟都十分精美，試左幾款招牌菜，配搭特別有驚喜店員招呼有禮，經常主動檢查茶壺溫度、斟茶，非常貼心川味脆牛腩 牛腩用脆漿炸完再用乾辣椒、花椒添加麻辣香味，入口外層酥脆帶麻辣，牛腩軟硬適中，牛腩食落惹味香口芝香龍躉球焗西施豆腐龍躉球上加上芝士焗到金黃色，入口好「芝」味，加上嫩滑西施豆腐，好好食啫啫生菜煲上枱香氣四散，生菜夾肉碎一齊食好惹味，真係有大排檔風味.Menu

一家人食飯，我們一家一定首選吃中菜。最近在Openrice看到中環的三小漁有不少好評，便吸引我們來試吓啦😝。 雖然餐廳不是地舖，但都有好多客人，大部分都是熟客😚，應該是因為質素好，所以再次光顧啦。脆皮風沙雞 $188. 風沙雞好脆皮，肉嫩又多汁，調味濃一點更好食。 金銀蛋浸時蔬 $108 好耐沒吃金銀蛋浸時蔬，今日浸娃娃菜，好啱我胃口。 豉香骨 $118 豉香骨原來是炸的，好惹味又香口。 絲苗白飯 $15金菊桃膠燉手工菊花豆腐 $58 桃膠好滋補，菊花豆腐好靚，打卡一流。

我一向好愛吃中菜，最近朋友介紹我去中環的三小漁吃晚餐，原來質素好好，難怪有這麼多客啦。 餐廳有不少新鮮海鮮，我也叫了個大蝦試試。食物款式頗多，都好值得品嚐一下呀！ 手作糖山冰鎮咕嚕肉 $198 咕嚕肉好高質呀！一熱一凍，做到皮脆肉嫩。外皮香甜微脆，小朋友一定喜歡。 芝香焗菠蘿大蝦球 $114 大蝦球真的好大隻呀！有塊菠蘿片，又有一大片芝士。味道有點鹹，配飯更好。 豉香骨 $118 香口的豉香骨，好香脆呀！骨軟肉腍，都好好食。

很久沒有一家人吃飯了😝，聽說中環的🐟三小漁 Three Minnows 好高質，媽媽又喜歡吃中菜，便帶她來試試啦～餐廳地方寬敞，服務員好友善(⁎⁍̴̛ᴗ⁍̴̛⁎)，食物款式多，每款都想試呀!☆ 手作糖山冰鎮咕嚕肉🍗$198招牌咕嚕肉果然高質，皮脆肉嫩，香甜美味，好吃～ ☆ 芝香焗菠蘿大蝦球🧀$114 蝦球有三塊，大蝦超大個，彈牙鮮美，略為有點鹹。 ☆ 脆皮風沙雞🍗$188 風沙雞好有氣派，雞皮真心脆，雞肉嫩滑，不錯。 ☆ 小河蝦油渣野菜粉絲煲🍲$138 我最愛吃粉絲煲，有鑊氣又入味哦～ ☆ 三小漁手磨棗茸糕❤️$62 手磨棗茸糕，是師傅精心之作。香甜軟糯，好好吃～

幾個月前食過三小漁，對手作糖山冰鎮咕嚕肉極為深刻印象，好想再encore，所以同家人們再次幫襯！餐廳主打新派創新粤式小炒、多款海鮮、甜品和燉湯。餐廳裝修充滿中式的味道，牆身和掛簾都有三少漁標誌，座位寬敞舒適，服務員招呼有禮。手作糖山冰鎮咕嚕肉 $198冰鎮咕嚕肉係餐廳招牌菜之一，上桌非常吸晴。水晶設計的玻璃器皿乘載著诱明的冰粒、橙色的咕嚕肉和黃色的菠蘿。咕嚕肉入口清涼爽脆，菠蘿酸酸甜甜非常醒胃。椒鹽鮮鱿 $138鮮魷炸漿不厚，食落軟度適中兼彈牙，椒鹽鮮魷再點埋個配汁夠晒入味。蓮藕蜜椒骨 $138廚師薄切蓮藕再炸，食落口感脆卜卜，蜜糖椒骨炸到入口香脆鬆化。艇家醬香炒蜆 $128廚師用艇家醬、紅洋葱、辣椒和香葱炒蜆，香辣肥美的海蜆已用好吐沙處理，好野味。手拍芥末青瓜 $42這個小食青瓜份量都不少，長短厚薄適中，少辣，入口清爽。