三盞燈茶餐廳 (Closed)

我叫左一個海鮮炒一丁，價格竟然貴過銅銅灣區既茶餐廳，要$42蚊，仲要餐湯餐飲只可選其一，份量亦唔見得比同區餐廳多，的確唔抵食。味道只可以說普通，一般餐廳都應該要有既水準。

當晚因有空手道升級試，要早一點吃飯。在籃田鐵路站真的沒有什麼可吃，連鎖快歺店就真係怕怕，這店看來也不錯...但真看錯了。一入去已有5-6枱客。噢！下午茶時間至6點，到時只是5點9...還有下午茶歺，但也不太平，由2X - 4X元不等。沙嗲牛肉麵 - 茶歺廳最最最常有食物，每日出產幾百，也幾＋碗，差極也會有普，但真的差極，麵是過淋，仔仔連牛肉都放棄，可想而知。海鮮侷飯 - 賣相看似OK，食落就真係百般滋味在心頭，魚塊應該是加了少少酒，又或是處理不當，有少少怪味。芝士面看似好好味，但平...極平價芝士，並沒有香味，只吃到白色沒有味道的汁。凍檸茶 - 仔仔飲...沒評語凍奶茶 - 估吾到....少茶多水...沒茶香，已叫少甜..都好甜..失敗進食時，看看週圍有沒有推介，海南雞飯...不知是否同廣告公司有仇，還是真實相片，看見也不會點的推介 火鍋也是特式...真的不知會是怎樣。約八十幾元

上星期六同媽媽係啟田分店到食過不過今日唔順路所以就尼左總店食午飯時間尼幫襯就緊係多人啦不過好好彩咁arm有兩個位一睇餐牌就發現同分店果d唔同唸住食返個米線不過呢到冇咁同媽媽就每人叫左一個set lunch啦一個係焗葡國雞飯,而另一個就係白汁焗石斑螺絲粉因為係set lunch既關係所以有餐湯同飲品餐湯我揀左忌廉湯呢個湯真係差個口感好粉又唔夠味之後到呢個焗葡國雞飯葡汁唔夠香d雞好鞋又冇咩味最後到呢個螺絲粉比個飯好d但都係差好乾冇咩味又係味道咁差都有咁多人幫襯其中一個原因就係因為佢近地鐵站我唸下次我都係返啟田食算

同2個小朋友, 一行3人食晚餐.....total 食左 $102.....埋單時, 我only得一張$100同$500紙幣....於是, 比左1張$100, 1個$1, 1個5毛, 2個2毛同1個1毛佢.....個中年女收銀竟然話唔收毫子....好啦...我比 $500....佢又話唔收$500....咁點呢, 又無eps, 又無8達通收$....我話我無散紙喇...only得厘d...一係你就收$500紙幣....講真, 我都唔係專登比散銀啦!! 都唔係比好多個遮....你仲想點....見我拖住小朋友...就大大聲鬧我好比散銀你, 家下厘d唔係錢牙....hk法例, 商戶唔可以唔收一定數量既散銀架!!之後, 我擺底足夠既錢, 就轉頭走.....一路行, 一路比收銀個亞嬸大鬧....仲話以後唔做我生意...對我個人而言....當然, 唔會有下次啦!!!

Late Dinner tonight由於藍田地鐵站附近無好選擇,三盞燈茶餐廳是在藍田一般茶餐廳的選擇, 今晚不太肚餓, Lunch 我們食AL DENTE SOHO食得好開心好飽！所以我們三個人叫了個二人餐, 待應的態度幾好, 沒有黑臉有例湯、兩個餸、清萊、油飯一碗和白飯、飲品兩杯。價錢合理，味道又不錯,水準一般. 質素都尚可!可以再來吃的

通常響三盞燈都係食早餐，因為真係好大份好滿足。是晚同男友經過，見到有個好抵食嘅晚飯套餐，$82已經包兩個餸，連湯連飯連飲品，所以就試一試佢。羅宋湯：幾濃幾夠味。豬頸肉炒鮮魷：豬頸肉成為左主角，入味得黎又爽口，送飯一流！反而個鮮魷就有點被比下去了。沙拉骨：沙拉的味道唔錯，每件骨都沾到足夠的沙拉醬。唯一係我吃骨不太叻，如果可以再多啲肉就好了。飲品：我杯熱檸茶幾香幾好味。男友話杯凍奶茶都幾好，味道適中。待應的態度幾好，問到個晚飯套餐，都有慢慢講解返係新套餐。價錢合理，可以再黎。

I live above this restaurant, so I eat there a LOT. While there are only 1 or 2 dishes I like, they are really quite good. 9 times out of 10, I order the baked chicken steak with pineapples. It's around $36 with a cold drink, and you get a very good amount of chicken. The sauce is good (not too sweet) but sometimes the pineapples taste weird.They also do a very good job of fried rice and fried noodles, with good "wok hei" flavour. Their salted fish with chicken fried rice is delicious. Staff is

三盞燈茶餐廳 有簡約的裝修, 食物質素不錯我推介這兒的晚餐, 服務周到, 有很多晚餐選擇, 適合不同口味的人士尤愛他們的小炒,有好味又有益!試過他們的檸汁雞, 真的是用心做, 賣相吸引, 汁調的很好, 酸甜醒胃, 飯又軟硬適中, 湯也做的好, 我認為是晚餐聚腳的好地方.三盞燈茶餐廳 比一般快餐店的好處是不用自己拿著餐盤找座位, 價錢也尚算合理,是一般茶餐廳的美味選擇.

同阿爸第一次去食, 叫左兩個飯, 一個牛油蒜蓉龍利柳飯, 一杯凍奶茶, 一個焗豬扒飯, 爸爸叫了一杯熱咖啡!牛油蒜蓉龍利柳飯 - 其實外表味道都佈滿咖哩味而沒有牛油蒜蓉味(好少好少), 不過D龍利柳就OK, 無雪藏味! 炒飯底~~~~不過杯凍奶茶唔多掂, 無茶味, 又有D怪味.......阿爸話佢個焗豬扒飯麻麻, 杯熱咖啡就好得咁話。好又一餐, 唔好又一餐, 呢度三十幾蚊個餐, 其實都抵食, 不過食物質數真係要改善啦!

之前都食過一次, 覺得OK, 當日同友人係該商場找地方食LUNCH, 所以再幫襯. 豬頸肉米線 - 單叫要2幾30蚊, 不包餐飲, 其實都幾貴的, 但好大碗, 份量多, 味道都OK 厚多士, 火腿奄列 - 厚煎多士, 好味, 而奄列, 煎成半月形, 火腿餡份量都OK 沙嗲牛肉米炒 - 唔錯, 沙嗲汁濃, 牛肉都OK 熱奶茶 - 略嫌奶味重了 食物OK, 但服務一般, 因為D 侍應好趕囉.

本人叫了一份火腿炒蛋,但來了竟是太陽蛋,我便叫那個長馬尾的女伙計更換,她就好不屑地取走,然後好不悅地放在我檯上,接著我吃第一片火腿,嘩!凍得好像剛從雪櫃拿出來似的,我便叫回那個女伙計,她便說阿姐你玩野呀,然後再叫一個男伙計來,他說:這裡d火腿從來都不會煮的,你食唔慣,第日可以食午餐肉,我說:你們這樣的態度都不會再幫襯啦,那個男伙計說:無問題架,最好啦!嘩,這樣差勁的服務態度及這樣的食物水準,搵人幫襯都難

收工一丁友，自己落地鐵站行下﹗我一向最憎就係搭地鐵，估不到地鐵站發展得很快，以前鋪都唔多間既匯景商場而家full哂，真係滄海桑田﹗突然想食下肉，見到呢間有扒餐就入來叫番個﹗不設加一，要了個五十蚊既雜扒餐﹗餐湯是羅宋加蒜蓉包，羅宋好多椰菜足料，不過偏酸了點﹗蒜包熱烘烘的香脆好食﹗豬扒、雞扒各一，再加上煙肉，腸仔同埋蒜汁，份量十足真係成碟都係身﹗豬扒雞扒當然不是什麼好貨色，但在蒜蓉汁既惹味下仍然吃得過，咁多肉一次過食哂落肚好鬼飽﹗食完仲有個朱古力雪糕作甜品，真係大滿足﹗五十蚊咁多野食，味道又不錯，抵抵﹗

我覺得這裡是藍田地鐵附近較好嘅茶餐廳，今晚我哋三個叫咗個二人餐$96+腸仔通粉$22，個二人餐有例湯、海南雞、咖哩牛腩、清菜、油飯一碗和白飯/油鬆餅、飲品兩杯。例湯咸咗D但味道OK，海南雞都很滑，咖哩牛腩炆得幾淋，味道唔錯，但好似以前好味D，油飯太油，味道OK嘅。我記得油鬆餅唔好味，所以要了白飯，腸仔通粉係比仔仔食嘅，味道一般啦。最後我哋要咗兩杯Holick，十分足料，很濃好味。

周日時份，因下午要去拜山，所以先叫早餐頂肚﹗叫左一個同上次一樣的金牌早餐，不過今次係配白汁雜菌奄列﹗可能是星期日的關係，呢間茶記竟然門口有成十個人在等位，好不誇張，幸好今次一個人來，有得搭枱，唔係無得食都似﹗又要讚讚佢既特厚多士，麵包焗得香脆，配上大量牛油，有份量亦可口，食左呢兩塊多士都已經飽左一半﹗羅宋湯牛肉螺絲粉感覺比上次仲大碟左，牛肉亦多左幾片似的，湯底味道鮮甜，螺絲粉不爛身有嚼勁，我鍾意﹗白汁奄列就汁多過菇，搞到膩膩地，要彈都只係可以彈呢個﹗

呢日屋企有事，搞到要攞假同弟弟去醫院搞，搞完之後來左呢一間野試下﹗點左個金牌早餐，弟弟介紹，話呢度多士出名厚切﹗多士真的夠哂厚，中間仲搽滿哂牛油，食落又脆又香，配既係火腿奄烈，不算大份，水準都不錯﹗主菜就係見到人人都食緊既蕃茄牛肉湯螺絲粉，以茄膏開出來的湯底味道夠哂濃，上面有幾片醃腍了的牛肉，味道也不錯﹗螺絲粉非度度有得食，雖則都係麵粉，不過我由細到大都總覺得呢種粉很可愛﹗只係食個多士同埋茄湯都已經值門票價，比起出面不少的茶記多了一點心思﹗會再來吃的﹗