三郎麵燒屋 (Closed)

用了隱世這個詞語來形容這家車仔麵店實在最好不過。因為三郎麵燒屋的位置就在車房的一旁。你聽到車房是否會幻想到黑漆漆又有油輪味道？那你就大錯特錯了哈哈！三郎麵燒屋其實卻是一家很好氣氛又有冷氣的高質車仔麵店。老實說店內裝修也非常不錯的。暫看過去似是間會提供熱食的酒吧。用了黑板做餐牌，又有點像工廠形式的飯堂。很有趣。近年很多餐廳都走工業風，三郎也不例外。牆壁上油上顏色也看得出十分用心。粗獷中帶點格調，有格調之餘又帶出了屬於自己的味道。點餐紙用上了白綠的配色。有沒有一絲校園的味道呢？哈哈我比較大食，所以叫了很多...... (嘿嘿，來之前已經餓很久了）首先想讚讚這裡的魚旦和白羅白。自幼以來，我便知道要深看一間車仔麵的水準一定要吃的就是魚旦和白羅白。喜歡吃羅白的人都知道，要令羅白煮得甜和入味是很難的。需付出時間和心思。這裡的羅白軟硬適中。甘甜清香。一食就知道是龍（車仔麵中的龍呀）。黑木耳也非常推介，咬落去爽爽爽爽爽爽爽爽爽爽爽爽爽爽爽爽爽爽.....另外就是咖哩魚旦，魚旦難以形容，不過絕對推薦大家點。而咖哩不算勁辣，又滿滿的咖哩味。而湯底方面我叫的是清湯，叫了小辣。湯底用了上好的蝦米煮成，太正啦，

最近長沙灣美食多羅羅，不少人就算遠遠水路都要來覓食住在長沙灣二十多年，眼見不少餐廳興起，心中都不禁興奮起來這晚跟媽子走過保安道，見到一間日式車仔麵店，店內日、叫港式混合，給港人一種親切感，就連我老媽子都立即找了個靚位，準備大食一餐跟傳統日本麵店設計一樣，店內都會掛著優惠和精選餐牌首先來的是我們的2杯凍飲，凍飲跟麵餐只需要加$8，價錢中中等等，味道中上，但抵讚的是冰量適中我媽子的自選4餸麵，有芝士腸、咖哩豬皮、魷魚加蟹柳鳥冬，亦只是30多元，十分抵食媽子還大讚魷魚彈牙夠味這碗是餐廳推介的鹵水撈丁，雖然要加$2，但普通麵店難以食到，餸方面包括豬紅、炸魚片頭和鹵水豬大腸撈丁沒有加底份量已經超越我一個女生能吃的，幸好有老媽子包底要大讚的是豬紅，雖然size不大，但卻入味十分，女孩子必試然後我們點了牛舌串燒和雞軟骨串燒，調味料味不會過重，肉味特出，老媽子大愛牛舌，而我就覺得雞軟骨特別香口吃串燒富然不能沒有燒茄子，這原條燒子燒得香口入味，我就連皮都吃光但這條燒茄子份量也不是一般的大，我們那刻多想急call老爸幫忙KO這條燒茄最後我們再點了一個牛油蒜蓉金菇，一打開錫紙，香噴噴的牛油和蒜蓉味立即飄出來

屋企附近愈黎愈多新小店，去完明愛又到lunch時間，五邑後邊發現到一間車仔麵串燒小店23蚊一碗兩餸車仔麵，價格算中規中矩吧?另外仲有唔同種類既串燒小食，十分吸引!我要左蘿蔔，豬大腸，牛腩，腩汁幼麵。蘿蔔好甜好軟身，但有點渣。牛腩好滑好入味份量都幾多。大腸超正!又林又滑又入味!而且洗得乾淨無異味。燒蒜蓉津白，十分juicy用錫紙包住黎燒，一撕開流哂啲菜汁出黎津白香甜軟身，如果份量再大份啲就好了燒牛肉燒牛舌一口牛柳粒三種牛類小食之中，最有特色既係一口牛柳粒!其餘兩種都比同平日食到既差唔多。牛柳粒真係好軟好滑!唔會好似出邊既又細又韌。金菇肥牛食既都係醬汁，呢度既唔係一般燒汁，可能係自家製?最鍾意佢有淡淡蒜香同微辣!十分惹味 燒茄子基本上串燒必食!呢度既茄子無切哂頭尾燒，可惜蒜蓉醬太濃味，鍾意濃味既人會十分鍾意!茄子既話我都係鍾意淡味啲4個人，3碗麵，加串燒野飲先200!好抵食!

陪朋友去長沙灣車房，發現舊有的Holy Chef已變成三郎麵燒屋，一場來到，試下平價車仔麵先~除了車仔麵，更有串燒、甚至乳鴿食，飲品更有啤酒選擇。裝潢好簡單，一個人更可以面壁。$23 兩餸車仔麵賣少見少，我選了咖哩魚蛋、蝦春卷，米粉上撒上少少蝦米仔，魚蛋味道不錯，咖哩味香，至於蝦春卷太硬好一般。朋友的咖哩豬皮、黑木耳、魚皮餃，小辣已經幾勁下。原條蒜蓉茄子 $24茄子面超多蒜蓉，燒得剛好，重口味人士推介燒雞翼 $16好香孜然粉味道，燒得剛好肉嫩。

三郎麵燒屋的食物製作用心，小店只有兩人，忙得「踢哂腳」，但絕不因而為求快快交貨而馬虎了事。食物等候時間比較長，但質素很好，串燒燒得用心。價格親民，大大碗麵才23元！串燒大多10多元，CP值高。學生餐超抵的我已過了這個年紀，老闆真有良心呢。（好奇一問，為甚麼有可愛「便便」公仔，是招牌嗎？）魚蛋、蘿蔔、魚腐、豬頸肉腩汁米粉，湯底不算濃，但仍有牛腩的香味。豬頸肉非常好吃，外層微燒，肉柔軟而富有脂肪彈性，不會過份肥膩，不像一般豬頸肉滿滿的肥膏。蘿蔔非常清甜，吸了腩湯，很好吃啊。魚蛋口感扎實，咖哩非常香，又不會太重口搶尾。那肉的紋路已說明其爽彈而有豬油香飽滿的肉，外皮微烤燒而加上黑椒，非常好吃，推介。孜然粉很香，燒得香脆，不會求其了事，很用心雞軟骨爽爽口感很好，外面微濃，惹味。薄燒牛舌，有牛味，可能因為比較薄，口感一般，味道取勝非常新鮮的韮菜，調味料份量不多不少，拿捏得準確，菜不會太乾身，甜甜的莖，加上韮菜濃烈的風味，吃完口臭都抵牛油金菇，牛油、蒜茸香香的，只是咸了一點。飲品大大杯，港式凍檸茶，很地道整體價格親民，不像很多茶記般敷衍、態度惡劣，也不會亂煮一通為求快快交貨。認真小店很好呢要努力喔！

現在想搵間好味的車仔麵真的很難，今日得朋友介紹這間位於長沙灣的＂三郎麵燒屋＂雖然不算近地鐵站，不過還是值得來試一試👍🏻芝士腸，蘿白，蝦香卷，鹵水雞中翼米線 - 湯底濃厚，咖哩味香，蘿白真的很清甜，鹵水入味👍🏻原來蝦香卷就像平時吃的越南春卷，分開上，即叫即炸外脆內嫩很香口，心急食唔記得影相😆😆柱侯牛腩，咖哩魚蛋，肥牛，脆豬頸肉油麵 -牛腩入味又腍，魚蛋彈牙唔會食食下縮細👍🏻脆豬頸肉也是分開上，炸得非常香囗又不會太乾燒原條蒜蓉茄子 - 蒜蓉味極濃，茄子燒得剛好，而且外皮燒到十分脆口，加上十分嫰滑的茄子肉，簡直正到冇朋友👍🏻燒墨魚丸- 墨魚丸爽口彈牙燒雞翼- 雞翼燒得剛好，肉質嫩滑咬下的時候還有肉汁流出和鹵水雞中翼比較，完全是兩種不同的食法手工辣醬 - 手工辣醬真的很好味，像平時吃的X0醬有蝦米仔，魚仔…很鮮不太辣加在車仔麵上一起吃更加有畫龍點睛的效果😎😋😋

想食車仔麵又想坐得舒服的話，位於長沙灣呢間新開的三郎麵燒屋會係一個唔錯的選擇。內部裝橫以和風式佈置，氣氛舒適而又有一定和風氣息，令人有種好像置身於日本居酒屋的感覺。餐廳主打有兩類：車仔麵同串燒，今晚晚餐我同朋友分別點了一個車仔麵同一個撈麵，上菜的店員哥哥貼心地為我地介紹餐廳的特色XO醬，佢話係用櫻花蝦曬乾整成的。我地試過覺得無論係用來伴車仔麵抑或撈麵都非常配合，特別係放入撈麵時更令麵的風味倍發突出我地另外亦點左幾個小食，我地問店員介紹我地今晚邊樣燒物最fresh你推薦，佢地話原條燒茄子同香草羊架，另外我地又點左一份燒司華力腸串燒。司華力腸味道香濃，因為係燒晚關係咬的時候外皮酥，所以話串燒識食一定係食司華力腸～～之後叫'原條燒茄子'是很簡單地中間切開後加入調味料同燒汁直接燒成，香味十足，配合餐廳的和風主題更是互相輝映，令人覺得這個絕對是餐廳的必殺料理！！唔係好食羊既我見佢地話唔會'蘇'就叫一香草烤羊架，好彩地沒有羊肉的膻味，香草烤無論香味同味道都非常濃郁，意想不到會在一間和風餐廳品嚐到如此驚喜。同朋友食完時感到非常非常飽，但埋單的價錢居然唔算太貴，絕對值得專程去試一試～～

今日出蘇屋村做義工, 做完義工與朋有往附近三郎燒面屋食dinner, 我點了蝦香卷, 花枝丸米線套餐配凍奶茶, 另外點了雞腿肉串燒, 四寶丸串燒和燒原條蒜蓉茄子。蝦香卷, 花枝丸米線, 蝦香卷即叫即炸炸得脆卜卜, 十分爽脆, 花枝丸肉質彈牙鮮甜, 米線爽口, 湯底與一般面店不同, 這裡湯底配上蝦米, 令湯底更加香濃, 而蔥花則帶出湯底鮮味, 好食的米線套餐；凍奶茶茶味香濃, 好滑, 味道不錯；食完米線食串燒, 雞腿肉串燒肉質鮮嫩, 雞肉鮮嫩彈牙, 配上惹味調味料, 十分醒胃；四寶丸串燒有牛丸, 貢丸、墨魚丸和花枝丸, 牛丸和貢丸燒得剛剛火喉好, 有嚼勁；墨魚丸和花枝丸則燒得彈牙惹味, 無得彈；最後燒原條蒜蓉茄子, 份量十足, 十分好味,茄子肉鮮甜,沒有焦,蒜蓉味道香濃, 好足料美味的原條蒜蓉茄子, 個人建議如果茄子燒好後再切成一小塊, 會方便食客進食。總結餐廳食物一流, 串燒和米線好高水準, 十分美味,值得一食

又到住在長沙灣的朋友家中玩耍了，順便在長沙灣解決午餐。今天廚房得兩個人，因此大家要給點耐性，但接下來嚐到的食物証明是值得等待的。我叫了幼面 + 蟹柳芝士腸咖哩魚蛋 + 咖哩汁。好大碗面 (流口水)。面條沒有煮到過稔，但又不會好硬，好易咬。真的有頗濃郁的咖哩汁，魚蛋有鮮味，蟹柳頗肥美，有點蟹味。凍奶茶幾有奶味，口感幾滑。我們也叫了幾款串燒小吃。燒茄子是一整條茄子，彎彎的笑眼，見到都覺得開心。真的好感動，是一整條長長的茄子，而不是一兩塊的茄子片! 上面放到勁多蒜頭，燒得好鬼香。金菇肥牛卷金菇的爽口和肥牛的 juicy 再加上燒汁，哇，太滿足了! 燒娃娃菜用錫紙包著幾片娃娃菜，好特別! 上面同樣鋪著好多好多的蒜頭，好香好多汁，可惜只有幾片。牛柳粒未吃先聞到燒烤味，令人唾唌欲滴。口感稔軟，入口即溶，令人驚喜。雞腎烤得好香，沒有腥味，朋友吃過返尋味，又再多叫了兩碟。牛舌也是烤得很香，值得一讚的是烤得夠脆，有咬口之餘又不會軔到咬不開! 我們4人3碗面，叫了數款小吃，埋單才總共190元左右，真的幾抵吃。但體質比較惹蚊的朋友最好避免坐門口位。

今晚，住附近嘅街坊帶左我黎三朗食車仔麵，佢話呢間鋪頭仔雖然係新開嘅，但做車仔麵做得有板有眼，而且價錢實惠，好值得試吓。可能真係地點比較偏僻嘅關係，我哋七點幾嚟到，呢度都冇乜人。鋪面裝修簡單，企理乾淨。睇下張點菜紙，除咗車仔麵仲有串燒，而且價錢真係好抵，計落唔使＄50已經食到5餸麵如果想食得豪少少，仲可以飲啲靚啤酒同埋食燒海鮮，豐儉由人。老友減肥，要咗碗4餸淨餸菜底。一上枱聞到陣好鮮嘅味，原來碗車仔麵落咗好多蝦乾仔喺面，完全提升左碗車仔麵嘅味道。老友碗麵有唐生菜，豬大腸，蝦春卷，炸魚片頭同埋黑木耳。除咗豬大腸，樣樣都好健康，的而且確，喺車仔麵店食到有益嘅黑木耳真係比較少有老友話咁多個餸最正係蝦春卷 ，非常香脆，好在我都有剔到我就比較貪心，叫咗個五餸麵，非常之豐富。樣樣餸都好好食，我覺得豬大腸同蘿蔔都係必食之選。豬大腸煮得好腍好入味；而蘿蔔就香甜無渣我想講枱面呢樽自家製辣醬絕對係不能錯過嘅！佢味道唔係好辣，但非常惹味，而且入面有好多蝦乾仔，食落好鮮味，撈埋車仔麵食無得頂串燒製作需時，我哋差唔多食完碗麵先到，真係即叫即燒架！芝士腸燒到爆芝，外脆內軟，好味！不過一串得四粒就有啲唔夠喉囉燒牛舌份

放工過開來長沙灣呢頭搵個夠朋友放狗，一路行一路講，行行吓轉過彎，在靜靜的街角見到一間裝修得幾stylish ，看似差點以為係coffee shop 的食店，細看之下，竟然係有車仔麵同埋串燒食的，看來係宵夜的好去處喎。反正未食飯，我叫咗碗車仔麵食，一個可愛的男侍應（可能係負責人？ ）推介我試吓佢哋個腩汁，餸我就揀了牛腩同豬腸仲有娃娃菜。首先個牛腩真係淋到好似棉花糖咁！ 而且仲有幾舊牛筋，都係煮到好淋，簡直有入口即溶的感覺，腩汁十分之入味，唔好講笑，係正過好多出面牛腩麵家的質素。而且我覺得佢哋個腩汁好似係甜少少的類型，正合我意。可愛的男孩補充話佢哋個腩汁的而且確係認真製作的，選用多種香料經過長時間熬出來，所以先咁夠味，真係別小看一碗車仔麵的背後，原來可以有人為呢個湯底費盡心思！豬腸都係煮得好入味好淋的，淋得來豬腸本來的質地有少少煙韌，咀嚼間湯汁混着豬腸的油脂滲於口腔之中，呢種滿足真係好難形容……對娃娃菜係情有獨鍾，相信喜愛娃娃菜的先會明白呢種感覺，在美味濃郁的湯汁之中浸沉着幾棵清新的娃娃菜，娃娃菜同時吸收了相當的湯汁，葉身仍帶着豐盈的娃娃菜肉，兩者配搭着，又係一種新味道，好似講得幾誇張，但

今晚去朋友屋企探BB，上去前先搵地方醫肚，係openrice搜尋到附近有間三郎麵燒屋，好似幾吸引，於是晚餐地點就決定了。講真，地點都幾格攝，Openrice話距離地鐵站2分鐘路程，但經我測試絕對唔止，行到身水身汗先搵到。到達嘅時候已經好攰，立即點左個四餸車仔麵，腩汁加咖喱汁，中辣，睇吓幾豐富！（兩餸＄23 ，其後加餸，以總數最低價錢計算）湯底夠濃，重口味人士必定喜愛，仲加左蝦米，鮮味頓時提升！餸方面，魚蛋、魷魚、豬皮，每一樣都重咖喱味，絕對係香港味道。滷水雞中翼味道唔錯，不過肉質就稍嫌老了一點。另點了一串黑椒豬頸肉串燒(中辣) $14、黑椒牛柳粒(中辣)$22，全部即叫即燒，等待時間亦唔算長。個人應為豬頸肉燒得比較好，調味出色，好滋味！牛柳粒就稍嫌韌左少少。凍奶茶 $15，跟麵餐只需要加$8。

三郎麵燒屋 喺長沙灣保安道一間食店 食店主打串燒 飲啤酒 同車仔麵食 環境唔大 有面牆櫈同木枱櫈自選兩餸麵 23 蚊 包兩個車仔麵餸 河粉 腩汁大辣 柱候牛腩 豬頸肉 大大碗麵 湯底有好香腩汁味 仲有好多蝦米仔增加口感 甜咸度適中 河粉 闊身 十分爽口 浸住湯汁都唔會發得好大 , 大辣汁會上辣醬 辣醬好香濃 充滿麻辣香味 , 而豬頸肉 好煙靭彈牙帶有少少炭燒味 柱候牛腩 帶有少少牛筋 好軟滑 牛腩夠juicy整體 好好食自選兩餸麵23 蚊 加2 蚊轉三郎推介 滷水撈丁 大辣 鹵水豬大腸 豬潤 滷水撈叮 唔係嗰d好濃既鹵水汁 而係淺啡色嗰款 味道香濃帶有甜味 同爽口既一叮好match盡吸滷汁 配以大辣醬更惹味 而滷大腸軟滑入味 豬潤 好爽滑 熟成程度剛好 正！韭菜餃5 隻 23 蚊 用新鮮生菜 同魚湯底浸住既韭菜餃 有5 隻 餃皮薄餡夠多韭菜 浸住魚湯好香濃 生菜夠新鮮而飲品加左8 蚊點凍奶茶 奶茶係舊式茶餐廳味道 有好香紅茶味 奶夠香滑

同朋友去左長沙灣跑步, 之後食埋飯先返屋企, 上OPEN RICESEARCH 下見到有間車仔麵個名叫三郞好正, 所以就去食啦, 同埋做完運動都唔想食咁多野,原來係近明愛E院個邊. 裝修都幾光猛, 幾新正, 相信都唔係開左好耐. 係由幾個年青人開的.自選2餸麵$23, 麵底我選左出前一丁+$2,加腩汁, 餸我點左黑木耳同菜心, 朋友就點左都係出前一丁, 加腩汁, 蝦香卷同唐生菜, 仲要每碗都有D櫻花蝦令到味道更香口.之後我地仲叫左D小食, 牛舌$24, 大廚將牛舌切開細細塊, 容易入口, 再係面頭灑了黑椒, 辣辣地幾野味.燒原條蒜溶茄子$24, 嘩…勁多蒜好香口, 勁大條, 哈哈, 老闆說不要食頭同尾, 唔知係咪因為太大條燒唔到呢,最後仲叫左串四寶丸$14, 有牛丸, 墨魚丸, 貢丸同花枝丸, 面頭灑了華鹽令味道更香, 值得一讚唔會燒得太乾.

自從譚仔／三哥米線大行其道之後，都好耐無食過車仔麵了。難得早收工，所以上左轉嘉頓山之後諗住一口氣行返屋企。出發之前醫左肚先。經過見到呢間好似食拉麵嘅鋪頭，但又寫住兩餸車仔麵只需＄２３，咁抵無理由唔食的吧。估唔到除左唔同車仔麵配料，仲有幾多小食，連串燒都有十幾款可以選擇。拿拿臨點左個三餸全豬車仔麵：豬紅，豬皮及豬腸配油麵。呢三樣料先試到車仔麵嘅水準嘛。面頭仲灑上櫻花蝦米，提香又提鮮。咖哩豬皮。咖喱唔算好辣，豬皮都入味同爽口。滷水豬大腸。厚肉同煮走晒啲脂肪，所以食落唔油同無豬羶味。唔錯。豬紅。夠結實唔會一夾就散，而且腩汁個味入晒裡面。豬紅要咁先好食架嘛。食麵嗰時加埋呢度嘅辣椒油（其實唔辣），提鮮之餘仲可以令個湯底增添層次，因為用櫻花蝦,，蔥頭做嘅香油食落似ＸＯ醬，同個湯底首尾呼應，一定要落。最後點多個燒蒜蓉茄子。食返啲蔬菜平衡一下嘛。因為原條即燒嘅關係，都等左一段時間。但係值得嘅，香滑又多水分，配上焦脆蒜泥，十分惹味。估唔到街坊價錢，可以食到咁高質嘅車仔麵，邊個話食好野一定要去餐廳架。