Video
Telephone
28661108
Opening Hours
Today
07:30 - 16:00
18:00 - 22:00
Mon - Sun
07:30 - 16:00
18:00 - 22:00
Above information is for reference only. Please check details with the restaurant.
女朋友呢排話好想食邪惡嘅肥豬肉，咁岩見到呢度有間新開嘅上海菜，所以過嚟會一會佢。聽個職員講佢哋開張咗一個禮拜左右，連門口都堆滿左貪新鮮嘅人排隊等食飯。佢呢度嘅茶位係每人一款，而且可以揀唔同嘅茶，啱晒唔同人嘅需要。呢個亦都會濃郁啲，最重要係有我鍾意嘅人蔘烏龍揀，佢個回甘真係冇得輸。食上海菜一定要試佢個小籠包，所以我哋都揀咗，$42四隻都算係一個合理嘅價錢。而佢呢個質素亦都絕對對得住佢個價錢，因為佢真係超多湯汁，而且個皮真係超薄，薄到你可以睇到入邊啲肉。而且佢個饀做到成粒擺落口嘅話會入口即溶，真係好好味。冷盤前菜，我哋叫咗個海鮮拼盤，分別有海蜇八爪魚，蟶子同埋鮮蝦。佢個醬油味道比較淡，如果可以濃返少少就更好。不過佢個性都算大隻，而且口感都好實淨。鮮蝦同埋八爪魚都爽口彈牙，唔錯嘅冷盤。平時酸菜魚就食得多，今晚我哋試吓酸菜炒魚片。佢個酸菜偏甜嘅款式，魚片都好滑，魚皮仲係爽口嘅添，都幾值得一試。另外我哋叫咗個羊肚菌雲吞雞湯，佢個雞湯都好足料，入邊除咗有雞同埋羊肚菌之外，仲有螺肉，所以成個湯真係好鮮甜。而且佢個湯一啲都唔油，而兩粒菜像雲吞亦都好足料，個肉饀亦都好鮮甜，今晚呢個湯係我哋最愛。最後就到主角出場，我哋揀咗個冰塊元蹄。一上嚟個size真係嚇死你，勁大份。職員都準備出刀叉俾我哋分屍。但係其實唔係好洗出嚟，已經可以骨肉分離，因為佢真係炆到超級腍，好鬼正，我會形容為冇牙都可以品嚐到。佢嗰塊皮先至係精華中嘅精華，超級腍之餘仲有滿滿嘅骨膠原，真係好滿足。上海菜嚟講，兩個人連埋加一大約五百幾蚊，個價錢都係正常價，係值得一試。
continue reading
趁住假期 陪下老豆飲茶食小菜🫖啱啱新裝修 環境乾淨企理💯坐得好舒服😌==============================Food List✏️🫖✨上湯小籠包 一咬落去湯汁就噴射出嚟 味道鮮美 肉餡嫩滑 配合上湯 真係一流👍🏻而且皮薄得剛好 唔會太厚🫖✨楊州炒飯就係經典 米飯炒得好香 仲有蝦仁 火腿同埋青豆 色香味俱全😍每一口都可以食到唔同嘅材料 特別係蝦仁鮮味十足🤗個炒飯唔會太油膩 真係好適合當主食👍🏻🫖✨十勝紅豆豆漿 紅豆味道濃郁 甜度剛好🉐🫖✨紅燒獅子頭 肉球大大粒 湯汁濃郁 味道入味 食落去好有滿足感🤗🫖✨涼拌茄子塔 係一個好清爽嘅小菜 茄子軟滑配上蒜蓉同埋醬油 味道好開胃😊
continue reading
今日行開愉景新城，就試一試呢一間新開嘅上海菜啦。職員好快就安排咗我哋坐一個好舒適嘅座位，服務都好周到，一坐低就比好多唔同款嘅茶包我哋揀，一人一包，非常方便。兩個人食唔到好多嘢所以就嗌咗一個湯兩個餸同埋一個甜品。羊肚菌雲吞雞燉湯非常鮮味 材料好足，兩個人飲，每人都飲到兩碗㗎。花雕醉雞非常惹味，酒味夠濃 ，好多都係雞髀位置，非常嫩口。帶子炒飯非常有鑊氣，但係又唔會好鹹，份量好多好抵食。最後就係桂花酒釀丸子做結尾，桂花清香配上清清嘅酒釀，超級正 。兩個人食埋單都係三百幾蚊，值得一試。
continue reading
上湯小籠包真正皮薄餡靚，湯汁飽滿，肉餡都好新鮮！輕輕咬一咬，湯汁就爆哂出黎！好好味紅油抄手，餛飩鮮甜味，香辣可口，辣度又啱啱好，啱哂我口味！蟹粉拌飯瓣份量好足夠，蟹粉仲熱辣辣上枱，蟹粉味道超濃郁，大量蟹膏，好好味！炒飯炒至粒粒分明，滿足生煎鍋貼，皮唔會太厚，食落口都幾脆口香口，豬肉都好新鮮紅糖流心糍粑 表皮酥脆但入面嘅口感就軟糯！仲有流心嘅紅糖，甜度啱啱好，而且唔會好黏口！餐廳舒適寬敞，裝修好靚，好似置身喺古代咁！每人可以揀選自己鍾意嘅茶再沖調，真係唔錯
continue reading
同屋企人食飯通常都會揀上海菜最近就去咗愉景新城嘅上海名居入座後店員會先揣上一盤茶包客人可按照喜好揀選自己嘅口味每人有一套茶壺茶杯 好有儀式感🫖🔸花膠螺頭干貝雲吞雞燉湯 HKD88燉湯為2人份量 打開見到滿滿嘅材料 非常足料湯頭味道濃郁 用上花膠螺頭特別增添鮮味🔹紅油炒手 HKD38落單嘅時候可以自定辣度同配料我哋揀咗少辣 所以黑醋味會重少少雲吞係一口大細 入面係純肉餡仲有炸蒜作為點綴 令味道更出色🔸上海炒年糕 HKD82中意呢度嘅年糕片係厚切 軟硬適中 煙韌有口感配料有菜 肉絲 雜菌 醬汁調味都唔會太咸 🔹酸菜炒魚片 HKD88平時食開湯嘅酸菜魚 反而冇食過酸菜炒魚片酸菜預先調味 酸中帶少少甜味除咗酸菜仲有蔥 薑 芹菜 辣椒等 令味道更豐富魚片用炒嘅形式煮 反而更爽脆整體味道偏重 相信用嚟餸飯一流！🚩上海名居 荃灣青山公路 - 荃灣段398號愉景新城2樓2039-2040號舖
continue reading