中記

Open Now

Now Closed

餐廳：中記地點：灣仔駱克道市政大廈菜式：地道港式大排檔餐牌：人氣必食、招牌雞煲、佐酒美食、辣味派對、生猛海鮮、滋味豬肉、鮮嫩滑雞、湯羮時蔬、精選煲仔、惹味牛肉、港式邊爐、海鮮盛宴、特色串燒。今日叫咗個雞蟹餐，$598包招牌避風塘炒蟹，秘製辣雞煲同金銀蛋浸時蔬，仲有白飯同飲品各兩份。招牌避風塘炒蟹招牌避風塘炒蟹超大碟，熱辣辣上枱。隻蟹好大隻，蟹蓋下面好多膏。蟹身一開四件，方便食用，蟹肉超鮮，食得出係新鮮貨色，蟹殼整得好脆，我叫左少辣，辣味剛好。蟹鉗開四件，好易食用。伴有新鮮番茄，生菜同芫荽，可以解膩。秘製辣雞煲秘製辣雞煲用個爐熱辣辣上枱，絕對係冬天恩物。連皮雞肉好多，都好滑溜，個汁好惹味，辣度頂呱呱。配料超多，有青椒，洋蔥，蔥段，西芹，薑片等，多到食唔嗮。金銀蛋浸時蔬金銀蛋浸時蔬係白菜仔加上大量肉碎，皮蛋，鹹蛋，蒜子同薑片。健康得黎夠味。汽水更有紙飲管。今餐招牌避風塘炒蟹真係好正，而座位都算乾淨，食完個身暖笠笠。

麻甩系最愛大排檔風味！走到駱克道街市內覓食開業廿多年的平民飯堂，除了自家招牌的精美菜式，也接受來料加工一個大鐵鑊兜兜剷剷，香港大牌檔的標籤鑊氣撲鼻而來最抵食的雞蟹餐有齊三款招牌菜，堪稱性價比之選避風塘炒蟹香辣惹味，火候恰到好處，可見師傅功架十足秘製辣雞煲濃郁惹味醬汁包裹雞件，一口嚐盡麻辣鮮香金銀蛋浸時蔬配上蒜香，鹹蛋跟皮蛋口感交疊生力啤酒色澤金黃，配以精選的麥芽與啤酒花使酒香純正適中、酒味清純溫和

熟食市場鑊氣足平靚正是好友食過推介比我。我們點左雞蟹餐$598招牌避風塘炒蟹秘製辣雞煲金銀蛋浸時蔬白飯兩碗飲品兩罐招牌避風塘炒蟹：蟹身頗大隻，肉質鮮甜多汁，蟹肉索左辣蒜香味勁正，蟹鉗味鮮甜啖啖肉很好食😋👍秘製辣雞煲：用gas爐煮住熱辣辣食，雞件份量頗多，少少辣的雞件肉質嫩夠惹味。金銀蛋浸時蔬（西蘭花）：有鹹蛋、皮蛋、肉碎，西蘭花爽脆清甜，鹹鹹香香送飯一流。飲品：可樂、忌廉。註：大眾點評打卡送汽水一罐。

朋友約食飯都約咗好耐, 終於今晚可以開飯喇! 其實聚舊唔一定要高級餐廳或者café嘅, 我鍾意大排檔, 開開心心大大聲傾下計, 不知幾爽呀! 灣仔呢家家族經營嘅大排檔, 係正駱克道市政大廈熟食中心內, 食物比起酒樓店舖嘅一啲都唔輸蝕, 熟食中心內又有冷氣, 氣氛熱鬧, 每到晚市時段, 都係座無虛席, 而且環境都算乾淨。菜式方面選擇都幾多, 如果三五知己嚟可以叫多幾款一齊食, 就算兩三個人都可以叫佢嘅招牌避風塘賴尿蝦, 避風塘炒蟹, 火焰胡椒蝦, 秘製辣雞煲食下, 包你食到舔舔脷呀! 加埋鑊氣小炒, 啤酒, 用佢地隻戰鬥碗飲勝先夠豪氣, 又夠氣氛。今日食咗個雞蟹餐, 有招牌避風塘炒蟹, 秘製辣雞煲及金銀蛋浸時蔬。招牌避風塘炒蟹避風塘炒蟹真係呢間嘅鎮店之寶, 傳統秘制, 色香艷麗, 炒得好乾身! 肉蟹個身大過我手掌, 蟹鉗好大隻, 夠哂肥厚, 啖啖肉, 蒜辣滲入蟹身, 避風塘料炒的好香, 炸蒜蓉香脆唔會焦唔苦, 椒鹽同辣椒好惹味, 成隻蟹的味道好吸引, 但唔算好辣。秘製辣雞煲雞煲滾住食, 整煲雞件嘅份量都好多, 秘製辣雞煲雞肉滑嫩巧滋味, 醬汁濃厚, 掛滿每件雞上, 微微辣, 加咗大量姜蔥

位於灣仔市政街市的這家熟食中心餐廳，堪稱性價比之選。避風塘炒蟹是這裡的招牌菜，蟹肉鮮嫩，搭配香脆的蒜蓉和辣椒，風味十足。麻辣雞煲則以其濃郁的麻辣滋味征服味蕾，雞肉鮮嫩多汁，底料豐富，讓人一試難忘。金銀蛋浸白菜仔則清淡爽口，金銀蛋的鹹香與白菜的清新完美結合，提供了一個絕佳的平衡。餐廳氣氛熱鬧，每到晚市時段，總是座無虛席，顧客絡繹不絕。在這裡用餐，不僅能享受到美味，還能感受到香港街市獨特的市井活力與人情味。經濟實惠的價格，搭配優質的食物，難怪成為當地食客的心頭好。

朋友約咗好耐，終於齊腳今晚開飯喇🥢呢家家族經營嘅大排檔，食物一啲都唔輸蝕比舖頭，食中心內冷氣夠，環境乾淨而菜式方面選擇多多一次系試唔哂所以三五知己，叫咗幾味鑊氣小炒+啤酒，一定走唔甩🦀招牌避風塘炒蟹🌶️鎮店之寶，傳統秘制 ，色香艷麗，炒得乾身蟹身手掌大，肥厚啖啖，蒜辣滲入蟹身辣得刺激🐔經典啫啫雞煲🌶️滾住食，整煲雞件嘅份量都好多，雞肉滑嫩巧滋味，微微辣姜蔥味突出，食到舔舔脷又惹味～雞煲餸啤酒啱曬🥬金銀蛋浸時蔬家常小菜，濃湯有白菜、咸蛋、皮蛋爽脆清甜，帶咸香味 🍻生力青啤LIGHT用戰鬥碗飲勝先豪氣📔還有這款招牌菜，下次一定要來試試招牌避風塘瀨尿蝦懷舊蜜瓜炸脆蟹

📍灣仔 - 【中記小廚】灣仔軒尼詩道225號駱克道市政大廈熟食中心2樓CF9-13號舖(灣仔站A2出口，步行約3～4分鐘)⁡行行吓灣仔，講開自己冇咩去過街市食嘢，朋友二話不說帶我嚟到灣仔駱克道嘅熟食市場食晚飯～⁡當然環境都比較地道，唔算十分乾淨😅不過食物鑊氣十足，性價比高，值得推介!⁡我哋叫咗：藍妹啤酒一支🍺 $30⁡🦐清蒸蝦 $148自己好鍾意食蝦，啲蝦彈牙鮮甜，配埋啤酒，又爽又好味🤪⁡🥔薯仔🐮牛柳粒 $88佈滿蜜糖喺面，軟腍惹味！超好送飯～⁡🐏羊架 $38唔會好大陣羶味，夠大隻，燒得又靚，肉嫩Juicy香噴噴! ⁡🍆蒜蓉燒茄子 $26軟腍入味，蒜香十足👍🏻⁡🥬蒜蓉炒白菜仔 $55夠香同入味😎⁡🦪蒜蓉燒廣島蠔 $39唔算好大隻同新鮮，正常味道⁡自己覺得平均每樣菜都十分不錯又好食😋絕對會encore 🥰⁡⁡

我到位於灣仔中記晚餐，樓上街市的大排檔。這裡晚上也營業。我點了菜遠排骨炒麵，大大碟，份量充足，炒麵乾身，脆的，正。香港食店的肉質一向有水準。其實，街市樓上大排檔，是可以變成旅遊發展的項目，很有香港情懷，很吸引遊客的，不過香港不懂善用這些資源，可惜可惜。

今日會展收工有兩個朋友接我，我哋去咗灣仔熟食中心去食依個中記大排檔佢嘅鑊氣非常之足夠性價比都比較高，只不過係環境比較地道，所以建議大家去食嘅時候唔好着啲靚衫去 鍾意食嘢嘅朋友一定要去呢度

好耐冇食，經開灣仔，唸住近近哋，快靚正食個午餐⋯點知又受氣又谷氣！事源中午嗌個飯，嗌碗湯，催咗足足5次，而我亦開頭搵同一個阿姐幫手，一係就無視！一係個阿姐就話：「我知、得啦⋯」我知你哋中午繁忙時間，但湯飯照出、隔離嗌檸茶都係3分鐘內送到！你話激唔激氣？最後我食哂個飯，仲未有，再問多次，阿姐竟然答：「唉呀！得閒先裝到俾你㗎！已經冇收你錢！」咩話？咁一開頭落單你唔講，咁我加錢嗌檸茶奶茶都得㗎！係咪呀？然後我起身去俾錢，佢走去一口氣裝咗4碗湯派⋯有冇攪錯！唔會再嚟！差到無其他詞語形容！

今次去試，因為，從澳洲回來親戚，想試地道大排擋和氣氛加小炒鑊器，需然環境是很嘈和地面有些少濕滑，具體來港味道都算不錯，買料給他們煑，收費合理，比其它地方收費便宜一點，值得推介。梅菜扣菜比想像中好味好多，蒜蓉炒荳苗，不會太油👍

成日聽到男人的浪漫🌹😂😂今日就去體驗下先⋯果然真係男人🧍‍♂️飯堂🍚 街市熟食中心—中記推介1）黑椒什扒飯——有雞扒，豬扒，腸仔，鑊氣ok,加上黑椒為主要調味料，口感香濃，肉扒肉質鮮嫩，配上煮好的米飯，不錯嘅碟頭飯2）醬爆什菇牛肉飯 ——牛肉+各種蘑菇再搭配醬汁翻炒，風味十足😋😋😋口感香醇，牛肉薄片嫩滑，蘑菇的鮮香與醬汁的味道完美融合，搭配煮好的米飯更加滋味。環境雖然差一點，但食物質素對得住個價錢😂😂

呢日又嚟灣仔逛街街.逛到咁上下.嚟到灣仔駱克道.突然之間諗起駱克道市政大廈熟食中心嘅《中記》呢度好似以前啲大排檔咁.夜間朋友聚會.出名晚飯鑊氣小炒.晚晚座無虛席.熱鬧非常.中式鑊氣下午茶.出名平靚正！🚶🏻‍♂️👉📌中記 (灣仔)灣仔軒尼詩道225號駱克道市政大廈街市熟食中心2樓 CF9-13 號舖今日下午茶點餐如下：1. 雜燴炒河 X1 $40元2. 鹹魚雞粒炒飯 X1 $38元3. 星洲炒米X1 $40元另加外賣帶走加$1元盒袋費.因為外賣帶走.所以無影相。註：堂食可以$3 追加冷熱飲品（咖啡或茶）

之前見網上有人推介 話呢間餐廳早餐好平。好，咁就試一試先，點知完全中伏就算平，都唔會再食。本身想點蕃茄牛肉通，點知冇，咁就轉點鴛鴦扒早餐。 返到公司一睇，外賣盒破爛左一角，雞扒變左2粒一口雞球，豬扒變左2細條豬肉條另外加十幾粒茄汁豆，半塊方包同半塊火腿，份量少到呢！重點是食物完全冇味道，2款扒都好乾又硬，食左2啖真的食唔落了！*外賣等左差唔多20分鐘，終於拎到..而且落錯單，想飲熱檸茶比左熱咖啡，又無比餐具，如果大家趕時間的話要小心了。

中記出名炒野。以前個椒鹽豬排飯係無敵，雖然已經同以前冇得比，但每次都好想叫下睇下撞唔撞到好食個味道。都個幾兩個月冇去食過，今日，下午茶自取外賣，比完錢等待過程間已經見有另一個客叫，有個男(疑似廚房佬，白衫)同佢講野，跟住聽到佢呢面比錢果面出，20分鐘後，個疑似廚房佬截左我個飯比左我後面個客，幫我落單個阿姐已經話係我，我等左好耐，個疑似廚房佬堅持話係另一個客，話呢亂晒咁，下個飯兩分鐘就出，雖然我見住另一個客係遲過我，但我見阿姐幫我講左，又聽到2分鐘後有，所以我諗住算。最後，過多十分鐘，一共等左30分鐘，我先拎到個外賣，而個椒鹽豬排飯，似白烚豬排撈埋啲蔥同蒜，送多條鋼絲。乜再退步成咁咩？已經唔多人食，等半個鐘呢個質素?