九記潮州打冷菜館 (Moved) New Location

家中屋企部匹半冷氣機好似夠期，所以同女友落旺角D電器鋪睇睇.原來匹半變貧窗口機得LG同格力哩個牌子，選擇少得可憐....歸家前，順便係旺角食埋飯，早排去街頭標記打冷，今次去街尾哩間九記打冷，點知就超級中伏！點咗鵝腸併豬大腸，芝士蝦伊麵，椒鹽魷魚鬚，荔枝梳打同提子梳打.優點：1, 潮州打冷居然有荔枝同提子梳打，夠創意！2, ......再搵唔到優點鳥！缺點：1, 冷氣不足！2, 豬大腸質素比標記韌.3, 蝦伊麵嘅蝦唔挑蝦腸都算！蝦隻又細，都算！蝦肉口感有D霉，完全唔彈力！好明顯D蝦已經唔新鮮，但照出菜俾客！4, 椒鹽魷魚鬚一上枱，顏色偏深，都算，魷魚鬚件件口感過韌，唔彈牙，唔掂！5, 相比起標記，每一碟菜份量都不足！6, 埋單$334，我幫襯標記食四個菜加兩罐汽水，鵝腸併豬大腸，蠔餅例牌，豉椒炒聖子，椒鹽鱔球，都只係$331！貴又貴過標記，份量又少過標記，質素又差過標記，依家完全明白點解標記門口排哂隊但九記就.....！即時將九記列入本人在世至今遇過最差打冷店！不再幫襯！

事源係5月26號7:00左右到咗呢間餐廳度約咗五個朋友食飯 慶祝其中一個朋友生日 啱啱開始點完餸嗰陣冇乜嘢 我見到有個女人走埋去同個老闆係傾計 傾得好開心 仲傾到摸老闆個身體 我諗佢哋應該係好熟 後尾個女人行埋嚟我哋張枱到 問我地幾多歲 係咪讀緊中學 識唔識飲酒啊嗰啲 又係咁叫我哋不如叫支啤酒飲啦 咁我同我啲朋友係唔飲酒嘅 係咁推佢話唔使啦唔使啦 佢又係到話陪我飲杯啦 最多我請你地啦 跟住見佢攞咗$100出嚟比個老闆 就話要支獅威 佢自己飲咗幾杯 又係咁迫我啲朋友飲酒 又狂咁樣問我地係做啲咩㗎 超級滋擾到我哋 就同佢講只係想安安靜靜食餐飯 佢就行返去自己張枱到之後佢就再過嚟我哋張枱仲搬埋張凳食飯 我即刻嚇咗一跳 唔係嘛 依家疫情同你三唔識七 仲要同你食飯 佢知道我哋唔係好鍾意佢 佢就係咁問我係咪騷擾到你地 騷擾到你哋咪講囉 我哋個陣好驚佢係痴線 就叫佢返去自己張枱食飯啦 佢又同我啲朋友細細聲講嘢 騷擾到我哋冇辦法食飯 我哋已經唔理佢 佢甚至行過嚟 同我講 妹妹啊 我有啲嘢想同你講啦 你可唔可以出一出嚟先啦 但係前提我係唔識佢 我就同佢講我要食飯 你有咩就係到講 佢就講話我都係想tak

旺角區想打冷又想避藍店，所以揀左依間😂。兩個女仔食，唔算好飽，價錢同個碟頭成正比，都算抵食😆。蒜蓉炒豆苗 $68叫左少油少鹽，尚算可以接受到啦，但食得打冷都難免係比較油同比較鹹㗎啦😩。豆苗係真係豆苗，唔會有根，個莖位都唔會好硬。炒都岩岩好，入口都好嫩😍。椒鹽九肚魚 $88炸得唔錯嘅，上菜嘅時候都係熱辣辣😚。人生第一次食九肚魚🤣，都係覺得椒鹽鮮油或魷魚鬚好食啲。相比其他，依個餸較貴，但都唔會覺得唔抵。細蠔餅 $60以市區來講$60一個細蠔餅都差唔多！但我地覺得個粉漿好似有少少厚，食落去明顯地食到啲粉。不過勝在佢啲蠔仔數量都好多，同埋啲蠔都大粒，所以問題都不大🤨。叫左支Asahi $28埋單$244（無加一）

曾經係我哋一班朋友嘅飯堂，諗唔到咩就食九記啦。自從限聚令就少咗聚會，今晚就炒幾個小炒上去朋友屋企加餸🤣。🔻椒鹽鮮尤🔻依然保持香脆🤤，椒鹽味道夠濃，再點少少喼汁，將整個味道再提升👍🏻🔻魚香茄子🔻送飯一流，淡淡既魚香味，有口感既肉碎，仲有索晒味既茄子🍆，就好似成個餸既靈魂咁🤣。雖然有啲油，但係都會追住一啖一啖咁食🤣。🔻黑椒牛柳粒🔻睇落冇咩特別，食落勁香黑椒味，而且又辣辣地👍🏻，西芹配菜係幾多嘅，牛柳粒就少咗啲，不過勝在夠鑊氣👍🏻。🔻細滷水併盆🔻滷水顏色好靚，味道唔會太咸，不過食材切得比較細件同比較薄，食落口感差啲。雖然有外賣，但係份量細咗，不過好彩保持到個水準👍🏻

依間潮州打冷開通宵做宵夜可一試，疫情之前同朋友凌晨12點幾好肚餓係Mk一帶，於是誤打誤撞試。.👓四人套餐 $328▶️鵝片 (散叫 例$90 大 $138)例牌份量約12塊，可能成本關係所以用咗冰鮮鵝片，肉質實欠肉香，滷水唔入味，普普通通少失望。評分：6/10▶️潮州煎蠔餅 細 (散叫 細$60 中$85 大$110)蠔量中規中矩唔算特別多亦唔算香蠔味，蠔餅質感吾似蛋漿粉質，似薯粉的蠔餅咯。另外似炸蠔餅所以賣相金黃色咬落脆卜卜好香口，口感加分。評分：7/10▶️咕嚕肉正常發揮嘅咕嚕肉，不過未去到好突出出色。評分：6/10▶️蝦仁炒蛋蝦仁都多，呢度嘅格局同價錢不要期望係貴酒樓咁大大隻蝦，蛋亦算滑，同樣是個中規中矩嘅蝦仁炒蛋。評分：6/10▶️胡椒豬肚鹹菜粉腸湯 一窩好重胡椒味，豬肚粉腸沾上濃郁胡椒味所以唔會有腥味好食，不過唔好期待個湯好多料。評分：6/10▶️飯/粥四碗👓韭菜豬紅 $48用了鴨紅，口感滑溜，用了肉湯來熬煮，重韭菜味而且帶點香辣，入味惹味好食，撈飯一流👍🏻評分：8/10👓蒜蓉油麥菜就咁隨機同佢落單叫咗個菜，賣相好靚立立令但個菜食落好油😐評分：5/10

良心食市， 地道，有人情味好有風味既醉豬手，可能只此一家。大家多多幫襯，保留香港特色。幫襯左好多好多年食材新鮮食物美味價錢合理服務態度好提提大家，只接受現金，或微訊支付。深黃食市

我諗大家對於一間通宵經營嘅潮州打冷一啲都唔陌生 今日同同事夜晚收工之後特登出咗去旺角 就係食呢間潮州嘅打冷我地點左炒通菜 咕嚕肉 牛雜 仲有當然係唔少得嘅招牌豬紅 炸豪餅。食物上菜嘅速度好快 而且味道都好有鑊氣 特別推薦佢哋嘅豬紅 可以講係必食之選。咕嚕肉來講佢哋都可以處理得非常香口 加上醬汁都可以配上成碗飯 不過可惜嘅係食物嘅份量都偏細 如果五六個人 就算叫咗好多碟都未必夠食不過我哋就係鍾意佢嘅環境勝在有人情味 而且非常本土。

尋晚男朋友等埋我先dinner，都成十點幾，叫左個二人套餐，叫左鵝片、是豆豉鯪魚炒油麥菜，鹹菜豬肚湯，蠔餅，一個飯堂一個粥，再加個蝦仁炒蛋。點知侍應話冇鵝片，嚟咗鵝脾，好好味。豆豉鯪魚炒油麥菜比較油，要有飯送先好食，蠔餅都好味，炸得脆，d蠔正常size, 蝦仁炒蛋都好好味。鹹菜豬肚湯無豬肚食😔，但係個味道係好味胡椒比較濃，最後嗌左支可樂.其實成餐飯唔平，兩個人都食咗三百幾蚊，但由於佢開得夜，又想食打冷，所以都係一個不錯的選擇😋。待應都ok既！

好耐冇食過九記 。。呢排都好鍾意食打冷。。又想起呢間老店今日清明節鋪入邊唔算好旺。。一行入去就有位。。雖然套餐係抵食啲兩個人只不過228 。。但係我留意左右隔離都冇乜人叫。。可能同我諗法差唔多就係唔啱食😅最後我哋兩個人散叫咗鵝片90。。勝瓜炒鮮尤80。。蠔仔粥一碗40。。啤酒🍻28。。白飯11。。鵝片其實有點失望。。個滷水汁淨係有個鹹字。。完全冇滷水果種香味😔😔😔。。呢樣就好失望囉以前都唔係咁。。反而蠔仔粥吾錯。。上枱時夠滾👍。。蠔仔料料飽滿。。反而係整頓飯最滿意嘅一樣嘢。。白飯🍚就有啲貴囉11蚊。。細細碗

今天約了朋友晚飯，午餐唯有自己解決。走著走著不自然走到九記打冷，我記得已有2年沒有吃過了，想著想著就走了進去。我不假思索便叫了一個潮州煎蠔餅，一個腐乳炒通菜，和一碗白飯。從前，當想吃打冷，不奇然就會想到九記，可能是因為住在九龍的關係吧，位於旺角的九記的確十分方便。食物的味道還是那樣，沒有什麼驚喜，但它的份量郤好像貨幣一樣"縮水"了；如果只基於食物、環境及服務質素作為評分標準，其實可能九記是剛及格而已，但我想我吃的是那份感情吧。潮州煎蠔餅，鬆脆的表面，加上一粒粒的蠔仔，我的大愛，暫没有與其他打冷店比較，但這次的確略Over-cook，還有不夠蠔仔。腐乳炒通菜，一個簡單的菜式，想要做得出色其實一點都不簡單，而這次就的確有點失望。

一諗起食蠔餅就梗係一定要去食打冷咁先原汁原味，不過都要去D老字號鋪頭幫襯咁先有信心保証，就前晚去旺角呢度開飯入到去已見滿座就知得唔得，仲有幾多後生仔女去食添，我都點番幾款人氣美食，而且仲4人同2人套餐提供價錢實惠又抵食，我都唔執輸叫咗2人套餐，再點埋其他菜式一同品嚐唔少得叫枝啤酒一邊飲一邊食咁先至有feel，先來有韭菜豬紅同肉碎蠔仔粥食住先，先食番啖熱辣辣既粥再落少少胡椒粉，食到蠔仔啖啖鮮味又多汁再加上肉碎就咁食已經好好食，再食舊豬紅入囗香滑爽彈口感十足，點埋辣椒油食更惹味其後梗有鹵水拼盆一次過又可以食到不同特色食物鵝腸、墨魚、金錢肚、牛柏葉、豬頭肉、香腸同生腸食得夠滋味再來輪到套餐頭盤有鵝片入口肉質嫩滑帶點脂肪香甜食落啖啖肉另一款係潮州煎蠔餅，煎得金黃香脆而主角蠔仔肉質飽滿又大粒，再連埋碗白粥一齊食已經好滿足，跟住仲有西蘭花鮮魷同胡椒豬肚鹹菜粉腸湯夠晒豐富又滿足到食慾又咁快品嚐完一餐潮州美食。

同男朋友放假行完街，突然好想食潮州打冷，所以去左先達旁邊的九記潮州打冷，其實印象中兩、三年前食過，唔錯，所以決定encore 。點知中唒伏！同大家分享一下，我地兩個人叫左四個餸：一）椒鹽豬頸肉，呢個緊要呀，全部炸粉，真係完全一啲都食唔到有豬頭肉。二）豉汁蒸倉魚，我真係第一次食到蒸魚用D鼓油好似日本餐廳魚生點D鼓油，直頭用難食來形容。三) 啫啫雞煲，完全就是將D白切雞放入個煲到，仲要放上枱面凍冰冰嘅感覺，簡直食到想喊。四）蒜蓉白菜仔，呢個係唯一一個可以放入口既菜，而炒呢個餸，相信大家都會認同難度分係一分⋯總之最後結論：好失望，每碟餸份量不多，但因為味道不佳，每一碟都食淨，而最後我地唯有係叫多幾支啤酒填飽個肚離開。短時間內不回頭了！

原本想光顧阿來泰菜，只是等候的食客實在太多，也就只好放棄了。老公說附近的這家九記也不錯吃的，便改吃潮州打冷了。  這九記一派茶記格局，冷氣通風只屬一般。餐牌上除打冷菜式外，也有家常小菜，典型的開飯格局。  韮菜豬紅($45)用的是鴨紅，口感滑溜，驚喜的是用上肉湯來熬煮，湯汁鮮甜。 蠔仔粥($35)湯底有不少方魚碎，入口一陣香鮮，那鮮味來新鮮的蠔仔，雖然蠔仔不多但鮮香肥美，當中還有特別壯大肥美的「中蠔」，粥麋米粒分明，很不錯。 鹵水鵝片($83)是成本的考量吧，用的是冰鮮鵝片，肉質死實欠肉香，可惜了那清香的鹵水。九記口味偏清淡，味精不多，潮菜當中較為少見，只是風味稍欠，就是一家街坊潮菜吧！

星期日晚友人說為免要等位，六點半就到來，時間雖然早但入坐率接近八成。坐低翻一翻餐牌，就定好了點一個餐，餐包括胡椒豬肚湯，胡椒味太重遮蓋了豬肚的味道如果嚐辛就會喜歡，西蘭花炒牛肉，菜炒得夠爽身牛肉亦夠嫰不鞋口，煎蠔餅蛋粉太厚蠔量不太多故沒有太多蠔味。鵝片亦沒甚驚喜。雖然友人話平時宵夜時候好多人排隊等吃，唯可能該帶少潮州打冷所以多人吃。

不常到潮州小店打冷，偶然心思思想打冷的話，地點也多在旺角、太子一帶，而最常到的一間店子，則是「新泉發潮州飯店」。不過最近的一次，自己幫襯的，卻不是較常到的「新泉發潮州飯店」，而是之前從未幫襯過的這間「九記潮州打冷菜館」。這間潮州小店環境格局一般，但有一點是較為吸引的，就是它有套餐供應。套餐分兩款，一款二人，一款四人，兩者分別不大，唯一的分別除了價錢的差異外，就只是四人套餐比二人套餐多一碟小菜，其他的選擇就一模一樣了。這夜只得兩個人來，當然是叫二人套餐。從鹵水鵝、鵝片和鹵水拼盆（細）中揀選了啖啖肉的「鹵水鵝片」，從十款潮州小食：花生雞腳、枝竹腩肉、鹹菜魚等中選擇了「韭菜豬紅」，從三十多款家常小菜中選取了惹味的「豉椒鵝腸」，再加一白飯一潮州粥，便成了這夜的晚餐。其實這套餐是還有湯包括在內的。湯是潮州菜中常見的「豬肚鹹菜粉腸湯」。這湯胡椒味濃烈，鹹味都算適中，不過湯中鹹菜不多，豬肚和粉腸更非原件，只是細碎的碎塊，教人吃得不太愜意。「韭菜豬紅」味道不錯，份量也多，可以收貨。「鹵水鵝片」的鵝片不少，鹵水汁做得還可以，墊底的豆腐與鵝片吸收了鹵水汁後，味道尚佳，不過鵝件肉質偏瘦，雖然較為健康，但卻不