九記牛什粉麵

Open Now

Now Closed

以前24蚊，食到依家40蚊嘅車仔麪店，最出名就係炸魚餅，其次就係牛雜，今次我專登帶埋朋友嚟食，因為佢話想食牛雜，家十蚊仲有檸檬茶飲，雖然貴咗好多，但係味道依然好食。

這天去老人院探完親戚，準備回家前，還想着吃完飯先走。聽說鵝頸熟食中心超多美食，不知選哪家，就看人潮吧，我們轉了一圈，發現這家長期有排着人潮，所以我們轉回來了。這家所以服務，其實沒服務，都是自助的，我們先找了座位，我才去排隊買吃的，排了有10分鐘吧，或者不止，就到我了。一碗牛雜米線，一碗3拼車仔麵（炸魚餅／炸雲吞／蘿蔔）。原本沒有要選炸魚餅的，不過看前面的人潮基本每人都有選這款，我就選來試試了，也確實是最好吃這款，沒有一丁點碎骨，還有滿滿的蔥花，我超喜歡的。但相對的我覺得其實的餸及粉麵都還好，不算好吃，人潮這麽多我想是吃情懷跟羊群心理吧。不過也有可能不合我們的口味而已。

🌟香煎魚餅喺餐廳用新鮮嘅鯪魚肉手打製造，味道嚟講真係非常出色，好多食客嚟到都主要係食呢一個菜式，非常香口，熱辣辣嘅口感非常好食，而且出奇地完全係冇腥味，呢一個真係非常出色🌟牛腩，餐廳嘅每一份牛腩都有牛腩或者牛筋，兩種都會有少少，佢嘅味道非常入味，而且比嘅份量都幾多，每樣起碼有兩三件，整體口感都唔錯。🌟豬腸，清洗得非常乾淨，完全冇奇怪嘅味道，而且滷水嘅味道非常入味，我同朋友都非常鍾意！🌟豬皮，份量真係好多，起碼有八大塊，豬皮非常爽口脆身，忍唔住食完一件再一件最後加多支維他奶，埋單都係非常抵食！正！

一直都想食好耐，見到youtube 仲有個channel 會一直影住佢開檔。見最近馬田去左食，都幾好評，就終於的起心肝去！星期六，今日落大雨，12點前已到，但都係好多人。由排隊落單到有得食都搞成5個字，不過食碗麵就3個字搞掂😂環境都乾淨既，仲要落雨 佢地都一直有人狂拖地。我叫左魚餅，蘿蔔，牛腸，豬腸。成碗個湯底都好清，食牛腸同豬腸會食得到佢本身嘅味道。牛腸好爽，豬腸就幾重豬味，兩者都已經去晒啲脂肪，成件事唔肥膩。 我平時就鍾意食肥豬大腸，所以今次會覺得牛腸好味啲。蘿蔔好清甜冇渣。魚餅就好似大家都會叫嘅，其實同普通鯪魚肉差唔多，不過都好味。米粉底，我明點解有comment 話太淋。唔會爽身，但我又唔覺太淋，都好味既。四餸，叫多杯檸茶，total $57。所有野都好味，但你話係唔係會成日掛住既味道，就未必係。好味既車仔麵囉。

窮人恩物，食物大大份，新鮮牛雜，價錢合理，三餸麵都係39蚊，仲想點？銅鑼灣區喎大佬！ 唔好叫「九記」，要叫聲「九哥」啊！我愛九哥，九哥好嘢！（難怪人龍排到人地舖，排隊尾起碼等30分鐘。唔係愛係咩啊？）

本人確實從小跟母親光顧這間九記，之前在鵝頸橋熟食街市其他位置我們都知道；現在偶爾都會幫襯。由九記父親到兒子及新抱⋯⋯食物變化不太，最大的變化是該新抱從OL斯文look變為態度惡劣街市婆look, 呢個變化系我及家人長期光顧才見到。寫此食評是表達為何一間有些微明氣車仔麵店新抱就可以這麽自以為是去不尊重食客，是否因為在街市就可以沒有教養及文化？是否在街市就不需要注重好客之道？是否生意好就可以不尊重客人？希望九記負責人及該新抱好好返思！本人決定不會再光顧此麵店，亦不會推薦此店給朋友特別是外地朋友，免得丟香港人面子。

位於灣仔鵝頸橋熟食中心九記牛仔粉麵。每逢中午時段一定排長龍。三餸麵只需$39叫咗：豬紅、豬皮，煎魚餅醃製得好入味，煎魚餅大大嚿好味😋老細每一碗都會送多嚿炸雲吞，又幾好食。

響銅鑼灣鬧市想搵一餐平平地嘅午餐都好難唯有向熟食中心埋手而鵝頸熟食中心不嬲都多好嘢食今次就試咗九記牛什粉麵我嗌咗碗幼麵餸就揀咗豬大腸、炸魚餅、齋同埋牛肚豬大腸好乾淨👍🏻聞落食落都冇陣難聞嘅味道炸魚餅好高質素👍🏻👍🏻👍🏻非常彈牙又夠香😋😋齋就正常發揮吸收咗湯之後嘅味道都係合理期望之內牛肚都係正常發揮偏冧身合乎我個人口味係個麵底怪怪地😕幼麵煮得過份地冧似煮俾老人家食多啲份量方面都足料唔會覺得食咗陣風😂環境方面由入𨋢到排隊到坐低到行樓梯走熟食中心嘅唔企理係意料之中不過又未至於唔衛生👍🏻

三餸麵（$37）凍檸茶（+$9）麵底要咗粗麵，本來要湯嘅，見前面位客人碗撈又唔錯咁，最後轉咗撈粗。三餸揀咗牛腸、豬粉腸、煎魚餅（牛筋腩賣哂、豬大腸賣哂，牛膀只限牛什）。牛腸（5件）少許肥（多啲更好），有牛脂香，夠軟身但有咬口。豬粉腸（6件）夠粉，沒有苦味，淋得嚟亦都有咬口。煎魚餅（1厚餅剪開4件）啱啱廚房出爐，熱辣辣，微脆口，彈牙，中間有不少蔥碎，夠香。撈粗麵底比想像中好味，粗麵無鹼水味，尚算彈牙，加埋麻油、豉油，味道不錯。

想食車仔麵一定要去鵝頸熟食中心嘅九記牛什粉麵，呢間車仔麵每逢中午時段就會大排長龍，佢係即叫即煮，最出名係牛雜同煎魚餅，遲左黎就可能食唔到三餸麵唔使$40，我叫左牛肚、豬紅、蘿蔔，每樣都燜得超級入味，其中牛肚係最有驚喜，食落超級軟熟，慢慢係個口到化開而豬紅就鮮味十足，食完一舊又一舊，反而蘿蔔就略嫌太鹹。見到朋友叫左煎魚餅，又大塊又香口，下次都想試下。老闆每碗都會送多舊炸雲吞，又幾好食喎。而且呢間車仔麵仲可以叫撈面，加左香油同秘製豉油，都幾特別。

今日嚟到駱克道街市，朋友介紹話呢一間車仔麵，喺下晝嘅時間成日都要排好長嘅隊，順便同同事過嚟試吓係咪真係咁好食🤣 我哋大概12:30到，人龍起碼有30個人，但係都好快就有得叫，係自助形式叫，比完錢自己再食😊我就揀咗牛肚牛腸豬紅同埋魚餅，面嘅我就揀咗粗麵！首先想讚吓佢嘅魚餅，係用新鮮鯪魚肉做，煎到非常香脆，香噴噴嘅感覺😂 食落佢亦都唔會有好腥嘅口感，非常好味😂 牛雜都洗得好乾淨，唔會有臭味，亦都炆得非常好食，有機會會再返嚟幫襯🙏🏼

一間標榜自己為牛雜粉麵嘅店舖，我點牛膀米，佢竟然同我講冇牛膀，現在只不過係上午10:30，👍，可能係我第一次幫襯的關係，唔知道最少要叫三個餸，員工態度非常之差（一個長頭髮四眼的女士，佢主要係負責剪餸），好唔耐煩咁問我要乜嘢…….， 一間又唔係特別好食，又貴又串嘅街市熟食店，你想受氣的話可以隨便試吓🤦

鵝頸橋街市之前都有好多唔同網上嘅人介紹過有咩食 今日就嚟到呢一間長期都有人排隊嘅九記牛什粉麵 喺樓梯一上到去第一間轉左就係 我當日我係大概13:00去到 打算一支公去，應該會好快有位 一去到就比眼前嘅長龍嚇親 起碼有30個人排緊最後排咗大概20分鐘 終於到我佢可以揀牛雜粉麵 或者揀三個唔同嘅餸 多一個餸再另外加錢 由於實在等得太耐 非常肚餓 我叫咗豬紅牛腸牛腩我叫咗豬紅牛腸牛腩同埋網上好多人介紹嘅煎魚餅配粗麵 牛腸食得出洗得好乾淨 冇奇怪嘅臭味 好闊佬俾咗7件 牛腩都味道好好 炆得時間好足夠 好入味 魚餅熱辣辣出爐 外脆 內軟 調味配搭都完美 埋單大約$50！

之前有個住灣仔嘅朋友成日推介呢間九記牛腩粉麵話啲牛雜冇得輸，今日離開即刻試試，我星期日下午兩點零鐘過到來都有十個八個人排緊隊，上網睇過牛雜同魚餅係必食嘅，所以第一時間就叫咗牛肚、牛腸、魚餅同蘿蔔嘅粗麵加咗腩汁，但最緊要係佢有炸蒜同埋辣椒油可以落令到成碗湯好香口。牛雜好新鮮呀！不過我唔記得講要肥牛腸，所以勁瘦，如果有脂肪會仲金香。而牛肚方面今次我全部都係草肚唔係金錢肚，整好Lum同埋食得出嚟新鮮牛雜嘅味道。聽人講草肚比較少有啲，唔知真定假，但如果有埋金錢肚就perfect喇！因我食完飯碗麵，杯凍奶茶少甜少冰都未出現，本身想唔要，好彩冇退錢啫，點知又幾好味喎，又滑又有奶香，估你唔到連杯奶茶都做得唔錯，下次我決定嚟試下佢即磨咖啡掂唔掂先。如果鍾意食牛雜，又住喺九龍區嘅都可以考慮下太子界限街嗰間我都唔記得個名有X記潮州.....㗎，佢個牛腸勁肥美，食到唔停得口，真係食到有金香嘅味道。

本來想食牛腩粉面, 記得朋友介紹這家是好味的, 都有看食評, 應該牛什是最好的, 可惜我下午二時才到達, 已經售罄了心想牛腩都應該差不多水平, 最後點了幼麵, 牛腩, 魚餅和豬皮。每次去車仔麵鋪都好怕食粗麵和幼麵, 因為很大機會會有鹼水味, 幸好這次沒有。牛腩很普通, 有某少部份還有柴肉的質地。豬皮很乾淨和軟, 每一口都充滿湯汁。相反半煎炸魚餅有驚喜, 是厚身和有彈性的。總括而言,只是一家即正常又普通的車仔麵鋪。不用專門去的,平時經過可以一試, 期待下次經過可以試到牛什。