Video
8-min walk from Exit B, Tin Hau MTR Station
continue reading
Opening Hours
Mon - Sun
17:30 - 23:00
Above information is for reference only. Please check details with the restaurant.
我地一班同事去gathering，環境唔錯，幾闊落，唔會太逼。我地自己有帶酒，服務人員都好好咁幫我地開酒。我地揀左濟州塔，有送30分鐘任食沙白promotion。但原來30分鐘係從開始蒸計，所以最多食兩次。啲食材都幾新鮮，但建議既時間會令好多食材過熟，特別係啲海鮮。我地幾個都有煮開嘢食，所以同服務人員講其實啲嘢都熟架啦想開蓋，但服務人員堅持要到建議煮食時間先開蓋....搞到韌晒兼浪費左啲嘢食。不過，最後個粥唔差。
continue reading
蒸氣鍋食過幾間，路經大坑就黎呢間食下叫了以上呢個餐蒸氣鍋竟然都有前菜泡菜雖然辣，另外一碟荀就唔辣既唔食泡菜既我地都食哂重有一碟菇同青瓜，唔辣，爽口首先有貝殻類，蟶子，象拔蚌，北寄貝好鮮甜，冇沙，又夠大隻唔需要配任何醬汁，已經好有海水味再黎有元貝，力蚌，蝦三樣食材同樣鮮甜，肉質嫩滑肉蟹都算大，兩個人食都夠大花蛤都係冇沙，依舊鮮甜，有海水味魚肉新鮮，唔會好”mui”配上少量蔬菜，冇咁膩最後蒸既有鮑魚，蒸出黎唔會”un”, 肉好嫩牛舌唔”so”, 唔hai南瓜蕃薯粟米都好清甜重點: 韓式豬手粥粥底有好豐富既海水鮮甜味，唔需要額外加調味豬手唔會太大舊，唔肥，好淋既豬皮米花爆得好靚，好綿既一個粥
continue reading
因為喜歡食海鮮,朋友推介叫我試下呢間於是我同老婆二人收工後上去試一下而家食家感覺簡直Amazing坐底之時服務已經好周到之後點餐又為我們講解到海鮮上台都有為我們細心準備及提點佢地有幾款特色醬汁不過我個人覺得佢地既海鮮夠新鮮及鮮甜,所以齋食都已經好好食物方面,帶子同聖子既汁都好鮮甜又彈牙而元貝,刀蚌,象拔蚌及北寄貝等都一樣好味雖一係肉蟹較為無嘜特別,普普通通不過最值得留意及一定要試係"花尾龍蠆",好滑好鮮甜,絕對係個人推介另外亦有其他配菜及雞粥底,不過基本上未去到最底層都已經好飽我地亦將粥底打包拎走
continue reading
大坑浣紗街一帶都有不少特色餐廳，不過由於位置不太就腳，只來過兩次左右，今次來的目的，源於朋友強烈推介的蒸氣海鮮鍋。店內的空間感大。左揀又揀，最後選了首爾塔。飲食小貼士。當日來到之時，知道店內正舉行沙白任食30分鐘，太瘋狂了吧！從來都未試過一下子吃了這麼多沙白。其實每一轉要等大約5分鐘左右，我們先後吃了兩轉，沙白殼堆得像一座小山。沙白肉雖然細粒，但鮮甜，最重要是無沙！雖然口痕想再吃，但還是乖乖留肚，等待主角的出場！由最底開始，先擺好粥底的配料，裡面有兩大隻膏蟹、人蔘雞糯米、蜆及年糕。望着透明蒸氣鍋，等待海鮮開口的一刻，好肚餓呀！第一層：蟶子及象拔蚌。好新鮮呀！最重要是無沙！熟度剛剛好，令到肉質好爽口。第二層：海蝦，爆濃芝士丸及墨汁豚肉丸。爆濃芝士丸是我的心頭好呀！一口咬開，芝士爆出來，正呀！另外那款墨汁豚肉丸有咬口，而海蝦亦彈牙鮮美。第三層：大花蛤、新鮮花尾龍躉、厚切黑椒牛脷及日本蕃薯。先講花尾龍躉，肉質夠嫩，帶點煙韌，兼且魚味重。大花蛤鮮甜、厚切黑椒牛脷有嚼勁，而日本蕃薯夠香甜。基本上吃完這一層，我已經有9成飽。第四層：鮑魚、元貝、野菜百頁豆腐、日本南瓜及粟米。鮑魚好彈牙，元貝都好鮮甜。最後一層啦！一打開，嘩，好吸引呀！浮面的黃油是蟹油及雞油。店員會幫忙將人蔘雞剪開，把糯米平均分好，建議我們先吃糯米。糯米已經煲得好綿，富人蔘味。再來就是蟹啦！金黃的蟹膏甘香可口。由第一層到第四層，所有海鮮、肉類的精華全都落入粥底，所以幾飽都好，總會忍不住吃下兩三碗粥，實在太鮮美啦！
continue reading
天寒地凍最好就係十下十下~ 但係一連凍咁多日，十得多都悶喇~ 今日就食另一款十下十下，呢間鋪由岩岩興食蒸鍋，到話想試~ 講到依家終於試到喇~ 😂😂每一檯客都有一個搖骰忠的機會，今晚我地搖到兩隻蝦~ 就贏到碟醬油蝦~ 醬油蝦偏甜，肉身Q彈~ 想一隻食完又一隻咁食~ 完全唔想停~😂9層上檯~ 店員會放溫度計~ 等到90度再通知店員幫我地打開~咁高黎講~ 要同坐對面既朋友傾計有一定的難度😂~完全見唔到對面的朋友仔~ 我地採取的策略就係食完先慢慢傾~😂 說時遲那時快~ 終於食得喇~ 第1層就係蟶子同花蛤~ 真係蒸到岩岩好~ 完全唔會老~ 爽得黎仲好鮮tim~ 第2層係扇貝~魚腐同絲瓜~ 三樣都唔錯~ 我地為左之後個湯可以再甜D~ 我地一夾扇貝就直接將D湯倒返落去~ 完全無飲過😂 ~ 好明顯呢層既重點係應該係蝦~ 食到第3層~ 都唔會蒸過頭~ (可能係我地食得太快😂)蝦好新鮮好甜呀~ 蜆就略略覺得太細隻~ 呢層仲有一舊木瓜~ 蒸木瓜真係第一次食~ 甜到你唔信~ 估唔到好食~ 呢層對我黎講可以話係最遜色的一層~ 個魚有好多細骨~ 而且仲有少少"鞋" 食唔到魚味~ 牛舌同蠔~ 相對牛舌~個蠔無咩驚喜~牛舌好"淋" 牛舌味同黑椒味好配合~ 真係好似同緊隻牛kiss 咁😂一開頭以為係墨汁墨魚丸~ 一咬原來係墨汁豬肉丸~ 呢屠私驚喜位係蕃薯~好香，入口即溶~ 好食~我地加左個菜~ 第一次食蒸既玉子燒~ 整體不過不失喇~ 我地一開始選左加錢要人參雞~ 個雞食落有少少的人參味~ 反而個粥就唔係好食到人參味喇~ 最後個粥真係不得了~ 幾飽都一定要食~ 個弼甜到一個點~ 雖然佢唔係好棉果款的粥~ 但係唔食D米，淨飲D水都值回票價 ~
continue reading