Video
7-min walk from Exit A1, Kwun Tong MTR Station
continue reading
Telephone
94614055
Introduction
It is located in Kwun Tong municipal services building and it is convenient for gathering. It offers hot pot, chicken pot and Guangdong stir-fry dishes, which have wonderful smell and taste.
continue reading
Additional Information
只收現金
Opening Hours
Today
17:00 - 23:00
Mon - Sun
17:00 - 23:00
Public Holiday
17:00 - 23:00
Public Holiday Eve
17:00 - 23:00
Above information is for reference only. Please check details with the restaurant.
-
Online Booking Service Not Available
【觀塘區】【九鼎百味】踏入 2022 年，祝大家新年快樂！幾年前仲有好多旅遊大計、義工服務大計會喺呢幾年發生，但係全部泡湯。但係我相信路係人行出嚟嘅，我改變我自己，做吓啲唔識、冇做過嘅嘢，甚至係自己以前好憎人做嘅嘢，就係開始做 foodie 喇。唔想喺度講太多感言，我呢度係 16/5/2020 開嘅，有咩感受都留返到時有機會先再講，半年講一次大嘅感受好似密得滯。再加上，實情我就已經日日喺度講緊我心中所想，講其他感覺遠遠多過味覺，所以只要有跟開我啲 post 的話，都明架喇。適逢又係朋友約食飯，就係同我一齊食粉嶺賢河垃圾放題或者叫粉嶺垃圾賢河放題嘅嗰位朋友。今次佢話佢識人，所以絕對有質素保證，咁我當然出現啦，話晒嗰時都仲未同佢做冬。約到去觀塘，仲要上瑞和街街市個熟食中心，我第一次嚟咋。喺四樓搵咗陣先見到呢間，都係街市大牌檔咁嘅款，見佢有膠簾圍住，夏天嘅時候應該係有冷氣嘆嘅。呢位朋友係一個比較急嘅人，佢一早已經上咗去，仲食緊小食，係「炒花生」，我後尾都有試，都幾好味。坐低咗就叫嘢食，等上菜喇。首先出場嘅係「眼淚魷魚」，不過舖頭嗰邊話畀我哋試吓，所以唔知如果係 $58 買嗰碟係咪都係咁嘅款，大家唔好用個相片嚟做標準。不過味道上，呢味餸真係超級惹味，啲 wasabi 勁攻鼻，我朋友流晒眼淚，我就勉強頂到冇事，正。之後係「滋味四季豆」，我其實唔多好四季豆，所以都係店家嗰邊拎少少出嚟畀我哋試。都係冷盤嚟，有啲蒜頭、辣椒粒喺度，極惹味，令到本身唔多食四季豆嘅我都一條接一條咁食。不過同上段一樣，呢碟未必就係賣緊 $38 嗰碟，敬請留意。好喇，講完啲試食嘅嘢，都要確切咁叫啲嘢食吖。店家推介「油鹽水花甲」，$78 一碟，就叫碟嚟玩吓囉。一上菜已經覺得佢熱辣辣，望落隻隻都肥美又厚肉，唔會得啲殻，係隻隻都係咁！食落鮮甜嫩滑，平時唔多食花甲嘅我都狂搶，非常好食！之後就食返個「秘製羊腩煲」，今年未食過羊腩煲，就喺呢度食一個啦，反正又唔係雞煲、唔係火鍋。$328 嘅價錢唔算平，不過畀得起就唔使等試食啦。個煲都幾夠羊肉，而且啲馬蹄同埋枝竹都入晒味，所以呢個都算係一個幾唔錯嘅羊腩煲喎。兩條友食唔得多，所以叫多個「椒鹽鮮魷」就算喇，$88 嘅價錢。我覺得呢碟就冇之前嗰啲咁驚喜，不過都係外脆內爽嘅質素之作。啲脆漿同魷魚片算係幾完美結合，加埋啲椒鹽，用嚟送啤酒就真係相當一流，不過我哋冇飲酒，所以爭咁啲。兩個人夾埋飲咗四罐「可口可樂」，一罐 $10 都要四十蚊。由於呢餐係朋友請我食飯，我只係八到餐飯大約用咗五百零蚊。個人認為一人二百幾都合情合理，我哋冇飲啤酒都係其中一個因素，不過食到呢啲有質素嘅大牌檔食物嚟講就算唔錯啦。本身喺呢度就講完架喇，之但係有一點我都係忍唔住要講，就係餐牌上面有道菜個名叫「火舞風雲」，即刻就諗起 1988 年嘅一套同名電影。嗰時喺某個節目講起呢套戲，即刻勁有共鳴，笑死。問返原來呢道菜係火龍果咕嚕肉，明白嘅。。。（地址：觀塘瑞和街9號瑞和街市政大廈4樓14-15號舖）#1amfoodie #foodie #hkfoodie #thatfoodiething #hkfood #food #1ambackup #1am0536 #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #官塘 #九鼎百味 #眼淚魷魚 #滋味四季豆 #油鹽水花甲 #羊腩煲 #椒鹽鮮魷 #街市熟食中心 #大牌檔 #瑞和街街市 #雞煲 #火舞風雲
continue reading
前幾日咁岩黎開觀塘，就好想食小菜，最後我地就黎左呢間大排檔啦🤣🤣🤣🤣🤣🤣🤣🤣雞煲半隻都大大份，而且有得簡辣度，食唔到好辣既朋友都唔洗太擔心🥰🥰🥰🥰🥰🥰🥰🥰🥰🥰🥰而且份量都唔細，岩曬同朋友仔share😂😂😂😂😂😂😂😂😂😂仲叫左小炒王，同樣大大碟，而且仲有少少炸魷魚係上面，好得得意，而且加上炸左既白飯魚，口感好好😍😍😍😍😍😍😍😍😍😍😍
continue reading
九鼎百味😘😘😘雙重享受烤火鍋觀塘瑞和街市政大廈、街坊食堂之選、大排擋風味、夠晒鑊氣、歡樂時光、主打雞煲、火鍋、百多種小炒、重點明爐烤魚！餐前開胃小吃、烤脆花生、重慶四季豆😀😀九鼎小炒王$148.....用心炮製、魷魚炸得鬆脆、彈牙有嚼口、蝦乾大大隻、香脆銀魚條、大大粒脆脆腰果、選取蒜心為重點、一起炒、有大排擋風味、真係夠晒鑊氣！好味yummy yummy 😋 黃金蝦球$148........鮮蝦沾蛋漿脆炸至金黃、再用鹹蛋黃蓉、快炒不停兜、至蝦🦐球沾🈵️甘香嘅蛋黃蓉、蝦鲜味夠清甜、巧手功夫菜、正菜！黃金雞翼尖都唔錯選擇😘明爐烤魚$298.......上碟完全被吸睛、色彩豔麗、時日鮮魚🐟、先將鮮魚開邊煎香、再加埋秘製嘅湯底🌶️、bb辣、豐富配菜有枝竹、豆卜、西芹、芫茜、娃娃菜、雲耳、伴碟、薯粉都好重要、滾住邊爐、越滾越入味、魚滑清甜💯**汽水啤酒供應**#觀塘#市政大樓#有鑊氣#九鼎百味港鐵觀塘站A1出口、步行約6分鐘
continue reading
朋友介紹黎一間叫九鼎百味嘅食店食雞煲，一睇地址見係街市嘅熟食市場，嘩，好少去呢度食得唔得㗎🤔朋友力推佢好食又抵食，咁一於試下先。上到四樓行到最入面就係九鼎啦，唔講真係唔留意到，因為全層都係大排檔feel嘅食店😂好彩有朋友帶路。坐低先送上小食，再睇下餐牌叫咩先，店家話想食就叫，唔係樣樣都有寫落餐牌，只要佢做到就可以點，勁👏🐓重慶雞煲力推雞煲就梗係要叫啦，半邊雞$98咋，抵到爆😋賣相似模似樣，店家話大火滾十分鐘左右，撈混就食得。撈起真係好香，半邊雞份量都好多，雞件大大件夠入味，熱辣辣仲好嫩滑，熟透都唔會鞋口👍叫左少辣我覺得啱啱好，微微嘅辣味正好刺激味蕾，啲雞汁正到要撈飯食。🐟黃金白飯魚作為鹹蛋黃控見到有黃金野叫就梗係要食啦，諗緊要黃金鮮魷好定白飯魚好🤔店家推薦白飯魚，試下先～嘩‼️激香！勁多鹹魚蛋！！因為白飯魚面積較細，所以包到鹹蛋黃嘅地方更多，又香又脆無得彈，實在太好食了，點解可以咁正😍朋友話整多兩盤佢都食得落。🍚白飯餸太正要整返個白飯送下，好滿足。🥤忌廉啤酒做緊買二送一，可惜聽朝要早起開大會，都係乖乖地飲下汽水啦，樽裝汽水特別有feel🤭熟食市場都可以好衛生乾淨，又發現到一個好地方食野👍
continue reading
冬天凍冰冰，🥰當然要試下佢哋嘅烤魚火鍋！原爐送上，🔥仲可以一路煮一路食，🐟夠曬熱辣辣。煎香咗嘅魚🌶再加埋秘製嘅湯底，上邊更加有香蔥同埋西芹，滾住邊爐，❤入邊搭配嘅食材都會越煮越入味。🥢香嫩嘅魚肉，再加埋豐富嘅配菜，連腐竹，豆卜，😙都可以軟腍可口。食完魚之後，🥰更加可以加倍豐富嘅配料，佢哋嘅肥牛、🥟雲吞、牛柏葉等都非常新鮮，🐮特別推薦肥牛！！🥩同朋友一齊嚟食，更加夠盡興。#觀塘美食
continue reading
You may be interested in