享cafe

Open Now

Now Closed

朋友喜歡飲咖啡，今日放假一齊去大角咀呢間「享cafe」。有多款不同嘅精品咖啡。店內座位不多，簡約裝修，坐得都幾舒服。叫咗2個午市套餐，套餐均配熱茶和是日漬物，(+$8)可配餐湯及自選沙律一款✨慢煮西班牙豬肉眼扒配米飯($88)上菜前已經厚切嘅肉眼扒，咬落去好嫩滑同有好多肉汁，一啲都唔會韌，再配燒汁，更加好食。這個套餐（+$8)有麵豉湯和涼拌菠菜。跟餐價加購（+$20)美式熱咖啡：黑咖啡又香又濃，飲完仲會回甘，醒神又舒服。✨慢煮安格斯牛柳配米飯（$98)粉嫩嘅安格斯牛柳，慢煮牛柳腍身容易咬開，牛肉味濃，份量都幾多，配埋黑椒汁味道不錯。✨陳皮拿鐵 ($48)香醇拿鐵味道濃郁，陳皮沒有想像中強烈，入口還會飲到細碎嘅陳皮，酸甜清爽，口感更豐富。📍享cafe大角咀大全街13號大同新邨地下A號舖

放假嘅節奏就係要搵間cafe 同好友享受一個中午，今次好友帶我嚟大角咀搵好嘢食，嚟到呢間位於大同新村嘅「享Cafe」。餐廳面積不大，可同時容納12位食客。餐桌擺設都係木製，感覺舒適。我哋叫咗：慢煮挪威三文魚配蕎麥麵，慢煮安格斯牛柳飯，凍可可拿鐵，龍珠茶慢煮挪威三文魚配蕎麥麵：三文魚用慢煮方式烹調，肉汁同油份都鎖住了，油香滿溢。加上隨餐奉上嘅芝麻醬青瓜、明太子玉子，非爽清爽，可中和三文魚嘅少許油膩感。蕎麥麵都係輕盈之選，適合追求健康嘅人士。慢煮安格斯牛柳飯：好友只吃全熟嘅牛肉，所以特別備註了「牛肉全熟」，雖然呢件牛柳係全熟，但係煮得唔奀，而且仍然好有肉味，好友好欣賞。可可拿鐵：不會令人失望嘅水準龍珠茶：好友形容係心曠神怡嘅茉莉菊花茶

今次嚟到嘅呢間小店，有好多唔同特色飲品，是次試咗兩款風味咖啡覺得幾特別，晚市套餐就以慢煮菜式為主，睇得出菜式設計上都幾用心。🥩慢煮和牛牛小排烤牛骨髓 ($158)上網見大家都叫佢就跟風叫一份，果然唔錯！牛小排牛味重帶有豐富油脂香，牛骨髓口感滑捋捋，食落似牛脂，感覺好多骨膠原。套餐附送白飯、熱茶、味噌湯、漬物同埋自選沙律一份，是日漬物係酸薑，食落幾開胃，自選沙律揀咗明太子玉子，玉子甜甜地加埋明太子醬一流。呢個Set美中不足嘅係唔記得追加返隻蘭王蛋😭。🐮慢煮安格斯牛柳 ($108)牛柳肉質軟熟，有啲咬口，味道冇牛小排咁濃，但點秘製燒汁提味啱啱好。另外仲加咗$8 轉咗蕎麥麵，又唔錯。另外沙律揀咗芥香秋葵，秋葵爽口，點埋芝麻醬好味。🌺山茶花冰球咖啡 (晚市優惠半價$25 - 原價$50)推薦！ 呢杯係用咖啡倒落帶有山茶花嘅冰上萃取出嚟，咖啡冇平時嘅咁濃，飲落感覺溫和，山茶花味幾出，兩者好夾。一開頭飲落有少少似桂花，但飲真啲就好快發現個味係有別於桂花嘅清香！☕️紫薯維也納咖啡 (晚市優惠半價$25 - 原價$50)維也納咖啡有三款，除咗紫薯、仲有抹茶同埋蝶豆花，咖啡底味唔錯，加上on top啲紫

今天去試它的特色咖啡，餐牌寫明「正常咖啡」和「不正常咖啡」，我揀左陳皮咖啡☕️，誰不知味道出奇地夾，仲叫了明太子三文魚通粉，少許辣好滋味！中式茶具裝咖啡，打卡一流之餘，最重要係真係好味👍👍這間，推介🎉🎉

獨特創意咖啡 - 大角咀的中日咖啡店？雖然係地舖，但都唔係咁容易搵🤣合理被稱為隱世咖啡店🤪呢度好chill & 任飲咖啡plan 好抵✨烤牛骨髓慢煮牛小排醬油蘭王蛋飯$138蘭王蛋真係加分位，同埋慢煮牛小排撈埋一齊食，口感特別豐富♥️加埋特色烤牛骨髓👍✨慢煮雞胸豐盛全日早餐$118吐司蛋、紅菜頭沙律、大菇、牛油果、煙三文魚、意式香葉腸、煙肉片）☀️《$88一小時任飲咖啡☕️🤣🤣😍》絕對係淨嘆咖啡吹水嘅朋友大福利！咖啡大量為自創款式、好精緻。更有藥材風味咖啡☕️今次試桂花冰波冷萃$65，淡淡桂花味慢慢滲出來好清新😌Cold brew 甘甜順滑。自家醃製嘅陳皮拿鐵$48 🤣又真係可以溝得埋喎！「椰So」不包括於任飲menu，但好飲！☀️優惠時段：星期一至五1500 - 1800《晚市優惠》跟餐飲品半價，另加$20食埋特色甜品🍮抵。甜品有特色牛角酥窩夫🧇今次好飽，下次再試🥹🥹

環境唔算大，但勝在坐得都舒服，而且充滿住懷舊日式cafe既氣氛～服務態度好好，有禮貌，有笑容，加分加分💯然後係食物質素，就連食物擺設都係好靚，唔求其，令我可以影相打卡！最令我深刻係明太子煙三文魚長通粉，到呢一刻都回味無窮～佢既足夠份量多！食完超飽肚～叫咗一杯黑咖啡，咖啡豆味濃，佢另外有送一舊朱古力蛋糕仔咁，好好食～朋友叫左個鰻魚飯，鰻魚係入口即溶！鰻魚既燒汁再配合滑蛋！一流！最後食咗個Tiramisu…暫時係我食過最好食既絕對地creamy！重點係唔會太甜，而且佢酒味唔會太重！有時我好怕太重酒味既Tiramisu！而呢到就做到所有配搭都剛剛好！總結係…我會再次幫襯

Heongcafe享cafeShop A, G/F, Cosmopolitan Estate, 13 Tai Tsun Street, Tai Kok Tsui, Hong Kong每日都有網紅 美女去打卡的cafe shop. 主打#牛骨髓慢煮牛小排 非常入味伴隨蛋漿入口層次香味極之豐富 。當然唔少得佢哋嘅咖啡☕️以及花茶🌹 。都係由靚靚老闆娘Candy精心炮製 。#Tiramisu每日限定出售先到先得🥰

味道好好食 大角嘴無一樣產品 用心製作和甜品都好好食 服務態度友善 甜品十分精緻 咖啡多款式 牛肉味好濃 款式多樣 真的不錯 是一個好地方聚餐和午餐 地方 👍🏼👍🏼👍🏼值得一試

睇咗社交媒體網站 d foodie 介紹先過嚟，鰻魚飯係cafe 質素, $88咁大條鰻魚都唔錯，可以一試。問題出係啲人話好食嘅牛骨髓飯，真係得牛骨髓係唔錯。定價$138 成碗飯得3舊牛肉，每件都有1/3以上係肥肉🙁，佢指牛肉嘅慢煮嘅，唔知係咪因為呢個原因，所以有啲韌，定係本身舊牛有筋，所以咬整都咬唔到，咁珍貴得3舊肉，我努力左嘅情況下，舊牛嘅下場都只能夠好似𡁻香口膠咁lur返出嚟⋯⋯🥲飯就正常啦，有日式醬+蛋+紫菜咁。另外叫咗杯桂花冰波拿鐵，杯咖啡的確非常社交媒體網站able，但如果唔叫呢個名，直接改做冰波latte可能會好啲。因為啲花雪咗係冰入面，佢要倒熱咖啡溶啲花味入去，但本身花香都好易比咖啡/奶味蓋過，所以只係一杯latte，但叫做桂花latte令我產生咗期待同失落感😅如果呢杯叫latte，我應該會想比4星🥺可能我叫錯野先中伏，唔知其他食物咩質素，但2/3都覺得普通嘅話，只能希望餐廳有進步啦。

我哋叫咗烤牛骨髓慢煮牛小排醬油蘭王蛋飯、嘢飲（烏雲），同埋兩個甜品（紫薯同焦糖芝士牛角窩夫）。牛小排醬油蘭王蛋飯寫咗要等20分鐘，好食冇問題，但等咗30分鐘，啲牛小排又肥又韌，完全唔值138蚊。牛骨髓嘅大細就睇你好唔好彩，我嗰件成舊都係骨髓，男朋友嗰件得半舊係骨髓。喺我哋食咗幾啖飯嗰時，佢就上咗個甜品（有雪糕），我哋o晒嘴…去到食返個甜品嘅時候，啲雪糕溶得7788，牛角窩夫又凍晒。兩個味其實冇咩分別，都係得雲呢拿味。嘢飲普通，有少少芝麻味，啲奶唔rich，好淡味，似低脂奶。啲水杯好污糟，個底有黑色沉積物。

今晚去吃了雞肉🍗牛油果🥑漢堡配蕃薯🍠條，飲了冬瓜茶，位子不多，但有小店溫暖feel, 食品和飲品都非常特別，例如甜品有威士忌Tiramisu，咖啡更加例如有陳皮咖啡等等好特別你冇諗過嘅組合，👍👍