京滬村 (Closed)

元朗京滬村見到咁多個係幾年前食過.個時覺得幾ok .就唸住今年近近地帶媽咪去食個生日飯la.但係好可惜今次一試水準大不如前.連我爸媽都食到偏曬咀....叫左個麻辣海蜇(爽囗麻辣可以)全晚最好味水準依舊的只有這個:石鍋蟹粉蛋炒飯(香囗好味)花雕醉雞(一般上海菜水率,不過不失)Lee個韮黃蝦仁鱔糊完全唔掂（一食就知鱔不新鮮霉霉爛爛咁味。食到反胃。全碟冇食...如果唔係食生日飯又仲有好多宋黎緊我地實要退走佢)松子桂花魚（一食就知唔新鮮....D蝦仁完全冇味...好彩有酸辣塔求....m...都係唔太ok)炸銀絲卷.(個點煉奶個part係精華所在.但係個炸面太靱Nono)叫左個其中的廚師推介:鐵板京蔥爆牛肉配薄餅Oh my god!!!!點可以係廚師推介ar???個肉咸到喊個薄餅原來係片皮鴨個薄餅....超靱ar!!!!)又再一味完成冇食ge宋...上海小籠包(正常質素...冇嘩一聲ge小籠包）今日重點片40分鐘北京烤鴨子(片皮鴨)期待以久的上場.會係你面前片的.事應ar姐一開始片左4舊出黎話係全隻鴨ge精華所在油份最多ge地方.可以點下糖就咁食.....好la我滿心期待咁點完糖一啖咬落去..

今日慶祝家人生日嚟左京滬村食飯。我哋一坐低就即刻叫咗個片皮鴨三食，但由於製作時間要40分鐘。咁先叫咗其他點心頂住肚餓先， 我哋叫咗小籠包同三鮮鍋貼，水準都可以。至於個拼盤就差少少，海蜇賣相嘅顏色好唔吸引。 牛切得比較大舊，難咬。 雞絲粉皮就不過不失。椒鹽骨嘅份量非常之多，喜出望外。嫩雞煨麵湯底好淡。反而上海粗炒嘅麵煙煙韌韌，幾好食。主角隻鴨終於出場，大大隻漲卜卜。由於新鮮烤出嚟，食片皮鴨相當好食。另外侍應姐姐片咗幾片鴨胸皮出嚟，話係最多油份最香囗，要蘸有糖食，我就唔敢食啦。另外兩食就係用鴨殼滾湯同埋炒鴨絲。另外講下環境，大門口要行樓梯上一層，對老人家不是太方便，走嗰陣侍應又冇話畀我哋聽邊度有𨋢搭，咁我當無。另外地方有點逼，而且冷氣又會自動熄機，希望可以改善一下。

同親人慶祝生日 見到有不少好評 特意一嘗 點了小籠包: 基本小籠包質素達到椒鹽九肚魚: 第一次食到魚骨大到要吐出來的九肚魚五花腩:味道還可 但肉質不夠淋醉雞:酒味不足 份量奇少火腿扒津白: 津白不新鮮烤鴨:算係全餐最好食既一個餸醬爆羊肉: 味道還可京滬炒飯:鑊氣都夠 但以價錢來說 會期待更多 因為好單調檐檐麵: 性價比不高食完餐飯口渴難耐 而且店員態度麻麻 環境衛生有待改進 以咁樣既價錢 來說 整體性價比不高 有點失望 希望貴店能有所改善

同個friend喺元朗行開街又唔想食連鎖嘢 見到呢間店嘅餐牌都幾多選擇 所以就入去試下啦入到去一坐底 侍應好快就會問你飲咩茶 同時會送上一碟炒花生同埋醃蘿蔔 同大家喺茶樓食飯非常相似 啲前菜因為太過肚餓 所以好快畀我哋清曬啦哈哈 呢度有小菜叫 亦都有不同上海小食或者地道野 而我哋兩個人就叫咗一碟上海炒年糕同埋京滬炒飯 多人嘅話不妨叫餸食飯 見到其他枱都係咁 兩碟菜上菜嘅時候都係新鮮炒出嚟 熱辣辣 炒飯嘅料豐富 有蝦仁蛋白同埋小魚肉碎 啲飯炒到粒粒分明 配埋啲蟹仔食味道相當唔錯 至於碟炒年糕 有肉絲同埋椰菜絲 味道無出面食嘅咁鹹 年糕質地亦都偏軟身容易消化 分量亦都唔細 食到我哋好飽 中途見到人哋叫咗片皮鴨同小籠包 賣相非常吸引 下次有機會一定會試下

攸南街一帶都有好多食肆，見好耐冇食過上海菜，所以就決定左食哩間!!小菜($10) 另外一坐底侍應會問你飲咩茶 (晚市茶位一人$8)如果唔想飲茶都有豆漿選擇我同朋友叫左南翔小龍包($36)石鍋蟹粉蛋炒飯($88)糖醋魚塊($88)睇下小龍包嘅皮薄到見到入面啲肉嘅色好有技巧咁咬細細口 入面啲肉汁即刻流晒出黎小龍包入面嘅肉亦唔喺溝左好多麵粉個種肉石鍋喺新鮮出爐 侍應提醒我地要小心 唔好掂到個石鍋因為真喺好燙初初以為真喺得蟹粉 但原來有咸魚喺入面 味道好夾不得了 啲蟹粉多到呢 好滿足!! 淡淡蟹粉同咸魚香仲有用蛋炒過嘅飯 粒粒分明 咬落有飯香 糖醋魚塊 顏色好靚 酸甜適中 魚肉喺一疏疏 而唔喺啲好軟好綿個種魚肉不得不提 雖然個晚好多人 但出餸好快 啲餸亦喺熱辣辣侍應服務十分之好 好有禮貌

周六晚上，同家人食生日飯。因周六關係，店員表示所有套餐都不適用。於是就單點吧！蒜泥白肉可以話係我食過最差嘅、點解可以黑成甘？無蒜味，搵甜豉油淋上去。口水雞黎錯花雕雞唔緊要，態度愛理不理。仲用番醉雞整堆辣油、辣醬扮口水雞小籠包 $36/4皮算薄、肉餡湯汁基本都做到，呢個價錢抵食。銀芽鱔糊調味可接受，但鱔肉無晒彈性、軟軟爛爛！松子魚 $188食過最細條嘅松子魚！調味可以，係魚炸得唔夠酥脆！高力豆沙 味道ok,少餡左d!拔絲香蕉 $68@6 我係上網見到呢碟被吸引過黎!出色嘅。浮誇嘅外表、香蕉keep到唔軟爛。總括得食左甘多款菜式得拔絲香蕉同小籠包唔錯,但店員愛理不理嘅態度係最趕客。成餐晚飯埋單$783！

元朗一處食肆林立, 中外菜式多不勝數的地方, 美食點處處。今次就去了一間京滬菜館，位於鳳攸南街的《京滬村》創業該有三年吧! 聽說老闆聘請了多位曾於米芝蓮食府工作的經驗師傅坐陣，故此食物水準會有一定保證。此店不是地舖而設在一樓, 可能是這樣反而店面大了, 多了位置，是可作友聚閒談的地點。天氣炎熱, 點了兩個涼菜, 開開胃, 拍青瓜是切的不是拍的, 質感是改了好在仍不失爽口。 醉轉彎花雕味好足, 雞翼還細心地中斜切, 方便食, 還有杞子, 抵讚。點了一個菜肉雲吞, 貪有湯浸住, 濕濕地。 雲吞雖不是太大, 但勝在夠皮薄, 又滑溜, 餡鮮。 最後點了個上海粗炒, 雖不是甚麼名菜但如廣東的炒飯一樣, 是考功夫的菜。上海粗麵條條炒到熱騰騰, 色均勻又無燶味, 不油不膩. 咸淡適中, 大大碟才68元, 抵。鄰座點的蟹粉小籠包及紅油炒手, 經過時聞到香味, 見到皮薄, 雲吞咁正，一适這兩款的餡必有保證。就恨不得自己有多一個胃, 好, 下次, 下次必來點上一客以解解饞。

今日同久未見面的友人，她推薦呢間北京上海菜。由元朗西鐵站行過來大概要10mins ，附近都有好多餐廳，呢條街都唔難搵。餐單上有好多菜色，不過我地就比呢個石窩鮮蟹粉炒飯(細$88)吸引住。一上碟先系比個size 嚇親，叫左細既真系好細碗，只有一碗飯的 size. 不過聽到個石窩渣渣聲，d煙飛上黎，睇落聞落好吸引。正如一眼睇曬份量唔多，但入面好多蟹膏蟹肉。蟹膏蟹肉加上鹹蛋融在一起超級好味送飯一流。友人就好鍾意食飯焦，香脆可口。另外，我地叫左京蔥爆牛肉跟薄餅($108)同京滬四小龍($58)。牛肉用鐵板上台，好有爐氣，牛肉夠味，d 配菜洋蔥仲好食，可惜那博餅雖用點心蒸籠上碟，可惜卻是凍的，略為失色，博餅有成10塊好飽肚。另外點左，京滬四小龍，包括有黑松露同埋蟲草花味，呢個就新鮮熱辣，真系要小心燙口，其實唔系太分到各仲味，不過皮薄多肉汁就正拉。另外茶位每人$8而前菜$10。另外一提，餐廳d 職員服務態度好好，主動加水收碟，可以同友人傾耐d 都唔會比面色。

一向唔係中菜嘅fans, 但偶爾都鍾意食下京菜。食得多連鎖式嘅小籠包，今晚試下其他，搵到元朗嘅呢間京滬村。飲啖茶，食住花生等上菜！必食小籠包，餐廳有提供幾款唔同口味嘅小籠包最終都叫左classic 果款小籠包皮薄湯濃，但係個頂夠堅挺比我夾起個包，完美地啜到啖湯，完成正宗食法。非一般嘅炒菜，上枱嘅時候仲係渣渣聲d 菜好嫩，炒得好香！鐵板令到個菜冇咁快變凍，食完大半碟都好似啱啱上枱咁熱辣辣！水煮牛肉用料超豐富，個味道好有層次，唔係一味得個辣字目測最少有冬菇，雲耳，芽菜，薑，莞茜等等裡面嘅牛肉同粉皮索哂味，好刺激！另外再叫左個餐廳自創嘅石鍋蟹粉蛋炒飯兩個人叫個細嘅剛剛好！炒飯粒粒分明夠乾身，蟹粉鮮味香濃配炒飯食根本係王道！菜式選擇眾多

從未試過遇到如此惡劣既餐廳令我留下劣評更令父母周年紀念的慶祝吃得一肚氣一個報稱需時40分鐘既拔絲 等了140分鐘 期間查詢了三次 並已告知趕時間 如果未煮的話可否取消 餐廳職員一直報稱「正在煮 好快會出餐」最後等待了140分鐘 實在按耐不住到廚房發難咋 廚師剛開始仲話「還需20分鐘 」 質問下才如實告之「還未開始整」找回一開始幫我們跟進既職員質問 究竟三次查詢入面佢究竟做過咩 佢卻無言以對期間還有一碟牛肉是全生血淋淋 完全咬不到良心建議：千萬不要到此餐廳進餐

看見有優惠券，便嘗試一下，我們在食飯前一星期已訂枱，和訂了一隻吊燒春雞！在當天，我們準時岀席，但店員卻說暫時沒有枱，只有角落位的方枱，如果可以便等一下或者在下面逛一逛！我們便坐了這個空間狹窄而沒有充足冷氣的方枱，等了半小時都沒有其他位置可以坐 ， 我們便叫了食物。叫了一個包心菜，小籠包和預先訂好的吊燒春雞，包心菜味道還可以，不會過鹹，但份量卻很少。小籠包的皮厚，入面又只有很少的湯，比其他上海店來說，較差！而春雞完全不像春雞，只像一隻燒普通雞一樣！有點兒難過😫而員工態度也不友善，並不會細心照顧客人的需要！

琴日一行八人買咗團購滿心歡喜諗住食好野，買$99coupon 價值$200嘅食物，見到食評幾好諗住平平哋試吓啦，非常失望，失望到連相都冇影粒粒黃金桂花魚，難食到嘔，炸得唔夠脆，鹹蛋同桂花魚完全唔夾，紋落好似鹹魚味咁石鍋鮮蟹粉蛋炒飯（大），上網見推介之一，食評一流，非常失望，但係飯好濕，好少蟹粉花雕醉雞：冇酒味、雪藏味道好重麻辣拌海蜇：依個做得幾好，口感彈牙爽口，同幾粗鎮江肴肉：味道冇特別，但係肉質好易散吊燒雞一隻，乾到不得了，味道偏鹹蜜汁火腿蓮子八件，呢個菜式都幾特別，味道幾好南翔小籠包，中規中矩，皮不算太厚，多肉汁蟹粉小籠包，好少蟹粉，唔抵食炸銀絲卷，ok，應該唔會唔好食，火腿扒津白，鹹字形容拔絲地瓜，都幾好外脆內甜

經過呢間門口，見佢有啲套餐 好似幾好食 又好想食上海嘢 於是我做朋友就入咗去坐。坐低再攞menu睇下發現有好多唔同類型嘅菜式 ，眼花繚亂，小點嘅 小食好似係蘿蔔酥，包點嗰啲又有… 傳統上海菜式好似係，蛋白賽螃蟹，小籠包等等都有！ 我同朋友最後叫咗三個茶式，三個都幾好味～第一道叫雲吞擔擔麵，佢個湯底做得好正宗，好濃沃嘅花生味，配嗰個麵同雲吞都幾夾 配搭得幾好，鹹度適中，花生味又好香第二道我哋叫咗石頭鍋蟹膏蛋炒飯，上枱時候連埋個石頭鍋一齊上，熱辣辣嘅， 滋滋聲好有風味～入口食落嘅時候發現個炒飯鑊氣好夠，又好乾身，味道唔錯，因為蟹膏同蛋炒飯嘅配合好好， 唔會覺得膩 仲因為我哋冇食過螞蟻上樹，於是就點咗呢個菜式試下發現佢嘅份量好最好大碟，而且調味方面用咗辣椒同肉碎炒，成個菜式都好惹味，我同朋友都好鐘意，最後仲食曬添… 食物分量質素都唔錯，鍾意食上海菜嘅應該去試下。 但係佢嘅環境就一般啲，冷氣略嫌差少少，令到我同朋友食緊嘅時候覺得有啲熱同埋焗。 整體嚟講呢間都算唔錯

好好味好抵食呀我哋兩個人叫咗個二人套餐，埋單三百，成個set由湯到甜品都有，全部都優質，份量亦唔少，我哋覺得如果全女班都應該夠三個人食。而最最最重要係，樣樣都好味喎雲吞雞湯味濃，唔油但有雞皮(好緊要)雲吞有甜肉味，整體係好滋味！這裏的口水雞同一般做法唔同，唔係一味得辛辣同花椒兩個味，上面放上花生、芝麻，特別的香。仲有呀，雞肉厚、皮薄爽脆擔擔麵真係無敵呀，佢個湯香氣撲鼻，濃濃的湯底我飲咗成碗。麵身都好煙韌，見到有師傅喺度即場拉麵，實在認真做好麵!小籠包夾起既時候有湯聚住喺皮底，見到都流口水，味道好鮮甜，所以我冇點醋，大家別錯過。由於係屋企唔係人人都食苦瓜，所以呢係menu一睇到就揀咗呢個苦瓜炒牛肉，牛肉炒得好嫩好靚，苦瓜大大片有厚度，食落甘香!哈哈，黎到甜品嘞，食京滬菜我既必食甜品就係酒釀丸子。係京滬村既酒釀味道好香好温和， 粘稠度適中，小丸子好林好煙韌仲好多添!

今日想食片皮鴨 之後上網搵見呢間多好評，就決定左食依間🤤9點先入座，但仲有好多客人。本身想食片皮鴨，但可惜佢地無半隻咁賣。失落之際，店員同我地講，今日賣剩一隻鴨 ，佢地唔會將鴨隔夜賣，所以可以免費分比大家食。好開心😂我地仲叫左南翔小蘢包，雲吞擔擔麵，香酥鴨，同拔絲地瓜。全部都好好食。