京滬村 (Closed)

一條友就唔想煮飯，收到行過所以打算食埋個飯先番屋企，又唔洗煮又不用洗碗，餐廳食最快捷！見到三寶特惠套餐二百蚊唔洗有三款菜，單點價錢貴過套餐，緊係點黎試下啦蟹粉小籠包，裡面蟹粉味濃，肉汁好多，餡比例剛剛好，皮唔係好厚，幾好食，兩粒岩岩好京滬雞煲，面頭好多芫茜，雞好入味，我第一次見係用紙做既火鍋，醬汁唔算好鹹，雞肉好滑，冇煮得太老，份量都好多仲有一個飯，石鍋素翅鮮蟹粉蛋炒飯，一望落去個份量好似唔多夠食咁，但食落真係好飽肚成劈翅係個面頭，好彩唔係真翅，我個人係唔鼓吹食魚翅，蟹粉多到爆出黎，邊邊仲有飯焦D，岩哂鍾意食飯焦既人，飯係蛋炒飯，都幾香蛋味，成個飯都好好食，差D食唔哂

之前未試過這間的上海食物，本身約左女友在元朗站等，但佢又去左朗屏站...太聰明啦。今次去到唔洗等就直上樓梯去食飯，因為得我倆二人，所以叫左一個2人套餐（佢地仲有一個4人套餐選擇），未食前我地要左菊花茶飲，我個人覺得在食野前飲幾清新。先到的係雞絲粉皮，味道不俗，之後其他食物都好快就到（可能我地食得慢），所以成枱都係，之後有小龍包同雲吞雞湯，小龍包充滿肉汁，好好味，而雲吞雞湯十分足料，都幾好飲。所以未食魚塊同上海粗炒已經好飽，，最後為左唔浪費，我打包拎左餘下的當明天的午餐。今次一行兩人結算要$290，我認為不算太貴，但也不太便宜，不過食飽之餘，仲可以打包都算食兩餐😬，其實最後仲有一個紅豆餅食😆

因為上一次用唔晒團購票，唯有格硬用埋佢。當日約左8點鐘食片皮鴨（記住要預約，如果唔係佢又話冇），一坐低已經話留左片皮鴨同埋地瓜拔絲，點知佢話隻鴨要等40-45分鐘，因為即烤即燒wo，咁ok la，都係要照等， 等到8點半，地瓜拔絲都未上碟，於是問其中一位侍應啦，點知佢又話9點之後先可以開始整，咁點解佢一早唔同我講呢？呢個時候 有另外坐入房既客，眼見遲遲黎，啲野食仲早到過我地。 差不多九點隻鴨終於黎，味道好一般，賣相。。，食完再催多一次個地瓜拔絲，話幾分鐘之後就有，但等到九點半都未有，已經唔想再等叫埋單，係呢個時候，發現坐附近既每張枱原來都係遲遲都未黎齊餸菜，就連一碟青菜都未有，但係奇怪既係，之前提及既房內客人，餸菜不斷咁送上，唔知關唔關團購事啦，自己自行判斷啦成餐飯，等既時間居多，一點都不值強烈建議大家唔好買團購！！！！！！

較少光顧新界區的食肆， 意外發現一家新派中菜館， 一試難忘， 令人最有幸福感💕的三款菜式：🦀素翅蟹粉石鍋飯 $98號稱全港首創， 應該是鎮店之寶。 石鍋雖小， 但份量十足， 總對飽肚。 滿溢的金黃蟹粉教人口水直流， 蛋炒飯飯底加分不少， 配上石鍋熱騰騰， 最後更有香脆的飯焦享用。🥚瑤柱賽螃蟹 $78味道甚佳， 蛋白炒得恰到好處， 配上白飯無得輸。🥟黑松露小籠包 $16/隻師傳即包即蒸， 材料不吝嗇， 加入大量黑松露做內餡， 香氣撲鼻。

每次經過門口都見到人大排長龍，今次做咗一個鐘去排隊,同埋特登九點後食(可以有75折)叫咗佢石鍋蟹粉飯，同埋半隻嘅雲吞雞嗰個石鍋飯好重蟹粉味 將個飯攪勻之後 因為石鍋高溫嘅關係令到啲蟹粉有少少結朝 味道濃郁(佢蟹粉分量十足，不過真係好細分)至於雲吞雞(有半隻雞，有六粒雲吞同埋少量菜) 湯都好清食物嘅份量同價錢都成正比，唯一對食餐飯有啲不瞞嘅,就係每位茶錢＄16咁既價錢💰，就算係美心都唔需要＄16一位 有一種老屈嘅感覺

於晚上1850問有冇位，本身話有枱埋緊單，於是就決定等，點知一路等到2010都仲未有位，途中一路有問姐姐係咪埋緊單，就一路支吾以對，一時又話埋緊，一時又話booking full 左，我見佢一路打俾booking 客問黎唔黎，先知道佢搏有booking 客唔黎，如是者就咁白白等左差唔多個半鐘。其實booking full 哂咪直接講booking full 哂囉，你有口碑我一定會book 黎試下你，你咁樣欺騙顧客我一定唔會考慮黎試你。

本身諗住去食片皮鴨，但去到先知要前一日預訂就嗌左個套餐落單果陣問左幾次係唔係餐牌個價個侍應都話係，就嗌野食啦。點知個炒飯唔熱，小籠包暖既，不過個紙火鍋雞都唔錯。但係環境就真係麻麻，成餐飯拍死左三四隻蚊滋仔。到埋單果陣，張單竟然係將逐樣餸分開計個價，由本身200幾蚊變成差唔多400，就問個侍應啦。個侍應一開始就係咁話唔知唔知，我同佢講你落單個喎點會唔知呀？佢就改口話自己新黎唔太清楚。但咁樣都冇理由將個責任推落我地到呀？我就叫左經理黎，雖然最後比左個八折，但佢比果陣仲要話：其實同原本個價都係差40幾蚊，唔係好多姐。搞到好似掉返轉我去屈佢咁谷啖氣都飽

忙完一日，即興約朋友食個晚飯，又唔想去咁遠，就係屋企附近搵d新野食。行過見到呢度有小籠包，咁啱我地又想食，即刻決定入去試試佢上到去，等左2,3分鐘就安排入座，兩個人仲可以坐卡位，非常舒適闊落本menu有成十幾頁，菜色過百款，款款都想食，但我地人就得兩個，只可以揀最想食嘅黎試，當然亦都會揀一d有廚師推介㗎啦首先，一定係我地本身入黎嘅目標小籠包！本身有4隻，未趕得切影相，我朋友已經搶閘，先食一隻我都急不及待要試試，大大粒又多汁，好好味總算無令我地失望！之後就到辣辣地嘅口水雞辣味十足，亦不失雞味，不過份量再多d會更好食完肉就緊係要食菜啦。簡簡單單叫左火腿炆津白。本身以為無乜特別，但佢特別在d金華火腿係十分之多，仲要唔係細細舊，好抵食下一樣就係有廚師推介嘅蟹粉蛋炒飯賣相好足料，炒飯底粒粒分明，蟹粉味好出！正！唯一不足，都係份量較小，可能係我貪心想食多d最後一道菜就係東玻肉，食到呢刻，都開始飽飽地，一上菜都怕食唔落d肉好入味，雖然油膩，但會食唔停口！到最後，都係叫左個甜品，高力豆沙。可能係我地已經太飽嘅關係，覺得味道不過不失

行開行埋一直有留意呢間餐廳，知道佢主打北京同上海菜，睇佢個餐廳名就知。咁岩朋友話想食上海野，就陪佢一試！入座後店員弟一時間問我飲咩茶，我地點左菊花，入口清甜又夠香。望到餐牌有北京烤鴨，好想食但可惜要40分鐘準備，我地最後因為時間唔夠冇叫到，想食的話下次要早d打電話預製。最後點左口水雞，火腿津白，素翅蟹粉蛋炒飯，高力豆沙，等等。口水雞最快到，辣得黎佢隻醬好香，味道好有層次，食落幾開胃。素翅蟹粉蛋炒飯完全感受到佢蟹膏既香味，炒飯底用隔夜飯炒，粒粒分明，加上素翅令成味菜增色不少。火腿津白都唔錯，津白味道偏淡，火腿就偏咸，兩樣溝埋一齊味道剛剛好。高力豆沙最後上，幾香口又夠甜，但我覺得大舊左少少。呢間胃食物水平幾好，可惜冇食到烤鴨，下次黎一定要試！

經過鳳攸南街 諗住去食火鍋 大滾友又要等到九點半先有位跟住就見到有一間倫哥私房菜 於事衝上咗去點知見唔到倫哥私房菜就走咗去"京滬村， 入到去都幾多人食諗住冇死啦就衝咗入去試， 於是打開餐牌 就叫了一個二人套餐， 我哋叫咗前菜，小籠包 ，炒飯 ，一個紙 雞煲， 酸辣湯， 高力豆沙2件， 一路食都覺得好似唔對路， 佢個碟前菜白蘿白一 啲味都冇， 跟住飲酸辣湯 又辣又酸好難入口，勁酸， 跟手食個超級厚皮小籠包， 再食佢纸雞煲， 啲雞鞋到不得了， 嗰個汁係豉油加糖好普通嘅汁， 再嚟過超級難食嘅炒飯簡直係仲差過大陸茶餐廳炒出嚟嘅炒飯 唯一擺得入口就係高力豆沙。跟手 即刻買單成為290蚊 叫幾耐先埋單，於事我就出櫃檯埋佢同我講唔夠三百蚊 黐孖筋咁大間餐廳 規定300元先可以碌卡 我都唔明白點解 openrice上面嘅食評寫到咁好， 係難食到嘔呀唔會再去第二次發誓！！！行出門口先見到倫哥私房菜有好多人喺度打邊爐佢對大門係唔開嘅 所以我以為一層得一間餐廳於是就入左去！！奉勸各位真係唔好去試我真心唔會推介畀大家極力反對超級難食！！！

同表姐前來食北京廣東菜,傳聞呢間係正中的北京菜，一到歺廳有小菜花生，蘿白，鐵觀音歺廳寬敞，一邊食一邊望到總廚拉麵小籠包係我至愛，呢度有好多款選擇，有蟹粉小籠包，有黑松露小籠包，有原味等我地點叫共2籠，黑松露味道香濃多汁，皮薄足料，一食就回味無窮另外再點叫石窩蟹粉魚翅飯，是鎮店之寶呢，熱烘烘的，蟹膏非常多，而且啖啖的魚翅，加上香噴噴的蟹膏汁鮮味十足甜品有高力豆沙和蘋果拔司，想不到咁大碟，高力豆沙軟綿綿的口感，豆沙被溶化，另一款蘋果拔司更是無敵，件件甜蜜的蘋果，一絲絲的，甜入心

同朋友聚舊前來食北京廣東菜我自己比較鐘意食小籠包，傳聞呢間係好食過鼎泰豐，於是一試小籠包有好多款，有蟹粉小籠包，有黑松露小籠包，有原味等我地點叫2籠，黑松露味道香濃，多汁，皮薄足料，而且配合自家制甜醋，一食就回味無窮另外再點叫石窩蟹粉飯，是鎮店之寶呢石窩飯是限量點叫，熱烘烘的出場，蟹膏非常多，啖啖香噴噴，蟹膏汁鮮甜十足甜品最後出場了，有高力豆沙，想不到咁大碟，一個雪球似的，軟綿綿的口感，豆沙被溶化，必食之選

看見在OpenRice的評價不錯，所以去試試，點知中伏！點了石鍋蟹粉飯、小籠包、蝦仁炒蛋、醉雞、土魷肉餅。味道普通，份量少，價錢貴，性價比極低！由其是小籠包，極差！

今日嚟到元朗食呢個上海菜間餐廳雖然小 裝修簡陋仲要係交通其實都幾唔方便嘅雞地...不過無阻我地去食好西間餐廳係元朗西鐵站落之後沿住形點方向就搵到一坐低就好似酒樓咁叫茶叫左鐵觀音我哋叫咗片皮鴨仲有砂鍋雲吞雞仲有叫咗鎮江肴肉小籠包高力豆沙椒鹽九肚魚叫咗片平鴨會送兩籠包皮仲有甜醬同柚子醬食落都ok不過就唔會係您面前切鴨鴨肉就會有四種方式烹調我地叫左醬爆鴨肉鴨皮數量就一大盤砂鍋雲吞雞就有六粒雲吞雞湯都好清雞就有半隻鎮江肴肉就無想像中特別好食 不過不失咁價錢不過不失啦 都ok的

第一次去試這間樓上鋪聽講都好多人光顧預訂比較穩陣上到去差不多九成滿叫咗個二人餐都非常豐富同埋很多選擇最鍾意係咁樣唔係set定俾你四喜烤麵滷水汁非常入味如果多啲份量就更加好因為我好鍾意食西湖牛肉羹最緊要熱辣辣味道啱啱好，清淡，唔濃味田園三寶好開心餐單有菜選擇菜都好新鮮南翔小籠包滿滿嘅湯汁係入邊呢度嘅招牌菜一定要食京滬炒飯炒得非常乾身沒有油值得一讚👍🏻甜品係高力豆沙非常好味甜度適中總括來說：會再去光顧👏🏻所有食物都熱辣辣同埋味道恰宜，唔會太濃味