今助烏冬御膳 (Closed)

之前食過1次晏晝同夜晚，但最抵食都係午市定食，選擇真係幾多，價錢又平過夜晚。今日二點幾黎食完全唔使等，大把位。第二次黎食都係㨂番佢個牛肉烏冬配彩花魚生飯定食（$98), 雙重滿足😍佢個烏冬份量都幾大碗，湯底幾清甜，有好多蔥花同埋d 一粒粒既脆米，不過就唔脆嘅。牛肉都好多，有成十塊八塊，肥瘦適中，烏冬食到尾都仲係keep 到彈牙，唔錯。不過最鍾意佢個魚生飯，雖然細細碗，但魚生仲多過飯😍材料好多，有帶子，甜蝦，三文魚，吞拿魚，油金魚，三文魚子，蛋，青瓜。個飯底仲有魚乾同菇，幾特別。食完真係勁飽，好滿足。唯一比較差係杯茶，淡到好似水咁。

K先生一向很喜歡食日式放題壽司，而我不喜歡吃食魚生。但今日路經旺角始創中心,剛剛見到佢哋有人set lunch , 而被個櫥窗鰻魚飯吸引住，所以我就同K先生入咗去。但入到去等左很久先有人落單K先生點左一份set lunch ,有烏冬配雜錦壽司，而我不喜歡吃魚生，所以我就點左一份set lunch 湯烏冬陪鰻魚飯，但我地等左很久食物才送到，而且叫加茶叫咗好耐先有人加，有d員工仲扮見吾到，服務態度欠佳，食物質素一般。

星期一晚約左朋友吃飯，返工時間上網揾餐廳，最後睇中呢間，而且係雅蘭中心，地鐵站一出就係，夠近！呢間主要吃日本菜，烏冬為主~而且仲有定食揀，價錢中等……最後大家都揀左山海烏冬鍋，貪佢有海鮮又有牛肉，仲有隻天婦羅大蝦，好好味果然無令我失望，烏冬彈牙，海鮮又多款，帶子，蝦，蜆……只係覺得烏冬有d少，吃完都唔太飽~而且牛肉又唔會好少，個湯又好味，仲有配菜冬菇，金菇等~不過店入服務員態度就一般，無笑容仲唔主動斟茶😯*餐廳既日本茶好好飲~

今日咁啱胃痛，想食啲暖暖嘅湯麵，剛好係雅蘭中心樓下，就搵到佢啦！本身個胃已經唔舒服，一開始等位時等咗5-10分鐘到無人理，搞到我有少少唔耐煩，好彩等咗10幾分鐘就入座。我同男朋友仔都一樣叫咗牛肉烏冬，男朋友果碗多隻溫泉蛋。一拎碗烏冬過來時，我同男朋友仔都『嘩』咗一聲，因為個碗真係好巨型！完全無expect過咁大碗，未食都覺得正呀！佢比我隻匙羹都好強勁，十足湯殼咁大呀！痴線架，好誇張！味道正常啦，未有好大驚喜，但個賣相真係非常吸引。我哋又每人叫咗個茶碗蒸，係我嘅至愛，蒸蛋滑捋捋好好味。我哋分別叫咗一個普通同一個珍寶，結果珍寶係多一隻蝦同大碗少少。食完碗熱烏冬同茶碗蒸，個胃都舒服返啲啦。大大碗烏冬的確係吸引嘅，但係人手唔夠成日要等攞位等落單等上菜等埋單。其實佢仲有啲幾抵食嘅套餐，例如烏冬加壽司丼再加茶碗蒸都係$155。比著平時，我同朋友一齊叫一個套餐都夠食啦。會考慮下次再試下！

人手唔夠並唔系導致服務差既原因！今晚客人人數唔多，門外冇人等位，食物大慨等左15分鐘就到，食到一半，已經覺得好凍！打算拿拿林食完就走啦。。。示意服務員加水，可以推比第二個同事做！第二個同事卻忘記！係到行黎行去！其他服務員見到客人個杯冇水視而不見！收錢賬單就咁放低係枱面就走左去！叫左幾唔該都聽唔到！訓示員工並唔需要係客人面前，大大聲責罵，只會令人覺得反感！食物賣相雖然好吸引，味道都唔差，我都有做過飲食業，明白呢行既辛酸，但如果服務態度唔改善下！好難令人有回頭既意慾！

一個字，差。何為差？服務態度差到嚇死人，首先，同門口講兩位，無人理，裏面好多位；坐低叫餐啦，d人仲搞笑，呼叫服務生過黎啦，佢望到當望唔到，焗住過黎果個連手勢都唔做，一直要你遞高只手直到佢埋黎，再黑口黑面落單！我黎食個快餐jer，唔係黎買受罪，養住班咁廢的...個老細真係慘！自問我都做過同行，打工至老細了，都未教過班咁無用的員工！

🍱最怕午飯時間身在鬧市，好迷惘，到處都是人。要吃好的都要排隊。這家日本餐廳一開張的時候都是排得滿滿的。這天剛好不用要等候太久便試試看。室內裝修都很和式，餐牌看來很多選擇。我點了一個牛肉烏冬定食。因為用鐵鍋上，烏冬也是熱騰騰的。定食有6件壽司，但不要抱太大期望，質素應該大約像一般的壽司連鎖店。總括來說，就是一餐感覺普通的上班午餐。不過老實說要趕時間的朋友不要來吃，不計排隊，下單到上菜已經需要大約15分鐘了。但勝在份量夠多，一定會讓你吃得飽飽的。

今助一向都好多人排隊，可能今日星期一，竟然無人排我地2個人被安排坐4人，坐得好舒服，唔會同隔離太close 。可惜太大風，好凍。餐牌上既選擇真係好多，即使同一款烏冬都可以有唔同既配搭，可以match 唔同人既喜好。每次都要考慮一般時間先可以落到決定最後叫左個山海鍋，烏冬係粗烏冬，好彈牙。湯底濃度岩岩好。隻蛋唔會過熟，重係流心既。其他配料：菜、金菇，帆立貝都唔會煮得太熟壽司算新鮮，天婦蘿炸得好脆，炸粉唔算厚。可惜太大風好快吹凍左。百幾蚊呢個價可以食到咁多野，質素重要唔差，都算抵食了。

今天心血來潮想吃日本菜，但爆丼屋太多人，我們來試試這間。日式的裝修，座位寬闊。有太多定食了，選擇困難症又出現！日本風的餐具，這個茶也挺好喝。昆布烏冬七件壽司定食很開心因為很像很豐富，份量是超多的！前菜是日本蘿蔔，挺爽口。壽司一般，體積比較小，賣相不是太好。烏冬湯底挺清甜，昆布與我想像中的有出入，平時吃的不是這樣，這個挺濃稠而且味道頗濃。冷烏冬配吞拿魚腩丼冷烏冬的醬汁夠凍！而且烏冬挻彈牙，口感不錯！朋友說吞拿魚腩丼很好吃，迅速吃完！總括來說份量很多，可以晚餐來試試看！

年初五第一日返工, 放工後出去旺角搵下野食, 好耐都無去過雅蘭中心, 原來有幾間新食店, 見呢間門面的食物模型整得幾吸引, 又唔太多人等位, 便決定食呢間~@山海烏冬鍋四件壽司刺身御定食湯烏東湯底很甜, 濃郁和美味, 烏東口感唔錯, 不知是否手打烏東, 天婦羅蝦浸在湯底更好味, 蜆肉食得出是有鮮味,  還有東菇, 生菜等配料很入味, 刺身, 壽司感覺一般, 始終焦點都係烏東~@牛肉烏冬自選彩花魚生飯御膳牛肉烏東湯底較清, 彩花魚生飯等同什錦魚生飯, 有三文魚, 吞拿魚, 甜蝦, 帶子, 三文魚子等, 友人說飯酸酸地都幾好味, 茶碗蛋就一般~但餐廳只有綠茶供應, 沒有其他飲品選擇~

已經9點幾都有人等位,旺角來講價錢都ok餐牌好多選擇但睇真後其實主菜得幾款,好多配搭俾你選擇蛤貝味噌烏冬鍋五件壽司御膳-蒸蛋好滑有淡淡木魚味材料好多鰻魚壽司有小小腥,帶子壽司好鮮甜無腥味新鮮,三文魚壽司好肥美,吞拿魚壽司好甜無根,唔知係咪魚壽司都唔錯有魚味,蛤湯令我好失望鮮味飲唔到直接講係湯底冇味,再配埋粗身烏冬一啲都吸唔到味牛肉烏冬鍋刺身天婦羅御膳-刺身都係壽司果4款但切得厚身小小油光十足,牛肉好薄好林滑有牛香味,跟隻溫泉蛋整得好好,壽喜燒味道安全牌無驚喜,但因為夠濃味配粗身烏冬好味又唔會過甜食晒所有野等多十分鐘先上菜嘅天婦羅,個汁做得唔錯教得幾好,但可能太心急趕收工關系炸得唔夠脆紙吸滿晒油,每啖都有油留係口,蝦本身爽脆味甜又炸得夠直身,蔬菜用青椒仔比較小見但清新,一碟6件幾抵食可惜太油膩，用紙巾抹嘴後都要不停飲茶減油膩感食物不過不失但樓面唔夠人,點菜收碟加茶埋單每樣都等好耐,而且枱與枱之間太近拍拖唔適合

每次經過餐廳，都會被放在門口的食物模型吸引着，這次終於有機會一飽口福了。店內的格局及裝潢以日本風格為主，餐廳的侍應們都穿上了傳統的日式服裝，令人感覺置身於日本的地道餐廳中。兩人各自點了一份套餐，一份是以鰻魚飯作主食，而另一份則是以冷烏冬為主。套餐包含了數款食物：主食、刺身、日式茶碗蒸以及麵豉湯，非常豐富。跟餐的麵豉湯味道平平，沒有太大的驚喜。而那一小碟的刺身份量雖然不多，但尚算新鮮，尤以甜蝦肉質最為爽甜。茶碗蒸蛋沒有蒸得過火，入口仍然嫩滑，當中亦放了不少配料如冬菇及蟹柳等令口感更多層次。主食鰻魚飯質素亦不俗，白飯都事先沾滿了鰻魚燒汁，吃起上來不會太寡。主角鰻魚的味道也不過不失，燒汁並沒有掩蓋魚味，我跟朋友吃得津津有味。美味的日式料理確實令人回味無窮。

今日午餐同事想食日式料理，一行四人就上左雅蘭中心三樓「昆布烏冬七件壽司定食」壽司一般，手打烏冬幾煙韌，如果脆米分上會有脆口感覺「明太子釜玉撈烏冬六件壽司」撈烏冬口感除煙韌加多了雞蛋香味，明太子粒粒爆脆口感不錯「五目飯味噌湯定食」味噌湯值得一讚足料夠份量，五目飯感有點糊口，味似牛蒡。「昆布烏冬壽司拼盤定食」價錢合理，可惜服務態度真的嚴重要改善

今日又迫不得意黎旺角做野 希望喺鬧市中可以搵到個靜靜地嘅地方食飯先 （實在對人多車多又嘈雜嘅旺角有恐懼症）翻身後嘅雅蘭中心多左商業氣息同時亦增添了不少中上價錢食肆。唔緊要啦 咁辛苦搵錢要錫自己多啲💁🏼‍♂️💁🏻揀左睇門口已經好吸引嘅金助 好多併盤/定食好唔容易之下選左2樣：呢個牛肉鍋好味嘅係入面嘅烏冬 大條得黎仲保持得好滑 好似湯圓皮咁 正！旁邊有壽司盤#鰻魚#帶子#三文魚#蟹柳卷#吞拿魚卷。帶子好鮮甜🌸Assorted tempura #小青椒#海蝦#冬菇#蕃薯。大蝦有兩條 記得將側面嘅蘿蔔泥放落個汁至食 好味啲又減油膩🍤蕃薯有點生 中間位仲係硬嘅🍠🗿🤔***最期待嘅鰻魚飯到喇🏋🏾呢個真心推薦 講真係幾貴 $100加一後$110 但我由面食到底都好滿足 塊鰻燒得剛好 少赤脆口感得黎冇燒焦（真係燒嘅食得出，而家外面好多都用煎以為人地唔發覺）。傳統珍珠米 好咬口又彈，絕配🍚七點鐘未夠就到 唔洗等位💚

都幾多人排隊，見呢度主打烏冬，就要了個牛肉燒烏冬天婦羅刺身定食，價錢$150，算抵食。一個SET可以滿足3個願望，刺身·天婦羅·烏冬。搞笑係天婦羅仲炸緊，要後上。刺身都唔錯，有4款，幾新鮮。食完都仲未上天婦羅。再食牛肉煱燒烏冬，甜甜地的湯底好似SUKIYAKI，烏冬也好彈牙，除了肥牛，配菜也有不少，蛋係半熟架，仲有生菜、冬菇、金菇。食到咁上下，終於黎天婦羅，有兩隻炸蝦、炸蕃薯、炸冬菇和小青椒。蝦都幾大隻，肉好彈牙，炸粉皮也不會很厚，點蘿蔔蓉和天婦羅醬油，很是好味。