今助烏冬御膳 (Closed)

自己本身很喜歡吃素食跟日本菜,每次來到旺角的時侯大多數都會到"常悅素食"吃飯的,這幾天看食評的時侯無意中發現了這間風評不錯的烏冬專門店,今日就專登過來試下係咪真係咁好食環境方面這間烏冬專門店都幾寬落,裝修是以和式風格為主,而女侍應的制服是便裝和服,也挺有日式風味這次試了價值75蚊的昆布烏冬壽司套餐,本來也想試試很多人推薦的牛肉鍋烏冬套餐的,但一來今天還不算太餓,二來這個昆布烏冬套餐好像比較清淡健康,所以最後就選擇了這個首先要介紹的是作為主菜的昆布烏冬,整體來說算是不過不失,烏冬麵身是比較粗的那種,味道還好,但口感不夠彈牙可口;至於湯底的味道有點像麵鼓湯,濃度是偏淡的那種,所以吃完也不會太過口渴,而且味道不錯,值得推薦至於壽司方面也挺不錯,尤其是飯底方面用上了偏淋的珍珠米,容易咬之餘又有口感,相當好吃;魚生方面也很新鮮,完全沒有腥味,當然魚的鮮味比不上那種高級壽司店,但以這個價格來說CP值還是挺高的最後這個套餐還有一盎燉蛋,也做得不錯,蛋身不老很滑,容易入口,但配菜方面較少,只有一粒冬菇和一粒蝦仁整體來說這間烏冬專門店挺值得一試的,也許烏冬方面還是有進步的空間,但壽司方面的口感就真的很有

同幾個朋友黎食飯，俾佢廚窗啲食物模型吸引到！時間尚早，所以唔洗等位，八點左右就開始好多人。餐牌上面有好多個餐揀，餐入面有幾款食物，一次過可以食幾款野！呢個餐加埋一百五蚊到，未至於話抵，但可以接受既價錢。烏冬好彈牙爽口，點埋個芝麻醬食好美味！蒸蛋夠滑，唔咸，剛好。刺身三四件，無得揀，但都幾新鮮。鰻魚飯細細細碗，多汁，鰻魚肉滑。麵豉湯咸左啲，飲完好口渴。女仔一個人食係好好飽！建議同人share ，再嗌多個小食！

日式燉蛋有怪味，叫侍應換，但佢未試就話無問題，結果叫佢拎走左佢算，費事哂氣。其他食物質素一般，但份量同價錢都合理，食一餐無要求既普通飯係可以既。希望佢既定食會加味噌湯。

今日呢餐係約左好耐都無約得成食既朋友一齊黎既，好彩無入和民，入左黎呢間，雖然呢間比較貴，但就定食真係非常值得一試。咁因為自身原因唔可以食蝦，咁定食刺身係生蝦黎，侍應聽到我既原因之後幫我同廚房溝通可以換熟食既甜蛋同鰻魚～咁上到黎佢個樣就係咁既（我5明點解open rice相質咁差。。係5係有得設定架？）烏冬係冷烏冬，彈牙清爽，一啖烏冬一啖鰻魚飯，好滿足～但女仔食量真係5可以飯與烏冬一齊嗌，會飽死廿

#不負責任食評系列 今日去左食 #今助日本料理叫左個山海牛肉烏冬鍋配 帶子&三文魚壽司 配 刺身講個烏冬鍋先🍜個鍋有蜆 帶子 牛肉 金針菇 等都幾多配料烏冬好煙靭而且份量岩岩好但個湯底好甜 可能悟慣甜醬油湯底 好彩個鍋悟大 悟係食耐左會好鹹//個刺身冇咩特別 同普通既放題差悟多至於個壽司先係重點個帶子壽司真係好悟新鮮 要求悟算高但食悟過😞 //後記:唉 明明前幾個月黎食既水準冇咁差嫁 做咩事跌到咁雖然大份 但抵悟抵食真係睇(佢整得好悟好食)彩數啦

放工拿拿臨同女朋友出旺角拍下拖始終放工果餐係最緊要之前經過呢間今助 一直都好想試下既然係附近 今日就黎試試佢上到黎門口 就無人招呼 不過都好快有人黎問幾多位係門口睇完餐牌 等左陣就入去我既係今助松花堂牛柳便當 160蚊如圖所見 好多野食 都只係160蚊 抵呀唔好以為好難食 相反可能正正係因為旺角 想做難食d都難牛柳粒好軟滑 不過咸左少少薯仔沙律同刺身都無令我失望三文魚柳好香油香 仲要係半生熟 正呀因為加左酒糟 面豉湯有浸酒香味 有別於坊間粉沖既湯茶碗蒸好香滑 女朋友就叫左個牛肉鍋既便當 只係145蚊估佢唔到連天婦羅都係即炸 同出便日式快餐好唔同 而且無咩油溢味雖然已經有烏冬 但仲有6件壽司跟呢個 女朋友一食就讚 好香濃 不過我就無食到比唔到評語啦最後 我地兩個都食剩野女朋友都讚我今餐揀得好不過 職員係有禮貌 但有d生硬居然隊盤野比個客自己放落檯我地2個人張檯比較細有個職員扥住個盤 我幫手移開檯上既野 位職員居然命令我地 幫我移開杯水我當堂打個突 不過佢放低都有講唔該而且見佢幾次態度都唔差希望可以落d心機培訓下職員啦最後都係果句 好抵呀

上星期中，正當浪子在港島區吃著下午茶的時候，一位朋友曾經send過幾張相片給我，說他在旺角吃著便當與烏冬，味道非常不俗。但那位外國回來的朋友，竟然將該食店的名字忘了，也就沒有深究。星期天，正當我在今助吃晚飯的時候，忽然發覺這裡的食物似層相識，於是再找那位朋友求證，原來他光顧的正是雅蘭二樓的今助。先說裝璜，非常光猛，環境舒適，檯的位置也十分闊寬，光度柔和。餐牌裡的選擇非常多，但其實整體上是由冷烏冬到烏冬鍋，刺身，壽司和天婦羅等組合而成，所以只要知道自己的主食想要甚麼，然後選擇拼上壽司/刺身/天婦羅，也就不難選擇。價錢方面都是一百多元一份，Menu最後有小食和飲品，可以自行追加。我們叫了兩個餐：先來的是牛肉烏冬鍋天婦羅併盤御膳牛肉鍋的牛肉較鬆散，雖然還是有牛味的，但好像不是甚麼好貨色。反而是金菇吸收了牛肉湯後味道提升了不少。溫泉蛋煮得勁滑，可以在上菜時立刻撈勻或是像浪子那樣單獨先食。壽司非常好，帶子新鮮，卷物做得比壽司好吃。飯底黏性較高，但因為材料算新鮮，所以出來的效果也較討好。天婦羅有兩大隻蝦撐場，冬菇和青椒都好吃，反而是少了常見的茄子而換了蕃薯。炸漿不算太厚，合格有餘。蝦的肉質彈牙，而

平時經過見多人等，就滿懷希望咁去試！結論：失敗叫左係牛肉鍋烏冬天婦羅壽司定食，主打係鍋烏冬，但係成鍋都係overcook,菜已黃，烏冬淋曬。壽司就算吧la, supermarket 級別。最差係tempura,話因為即炸所以後上，結果係2個人都食完都未黎，廚房出餐的時間簡直係大失敗。Tempura完全唔脆，粉厚，Too bad!!!另一個餐係木桶鰻魚飯定食，成個定食味道不過不失。2個定食埋單$350，no next time,完全唔值呢個價

是日跟大細孖寶吃晚飯, 來到今助. 店內不接受訂枱, 只好各人早一點到達. 店內挺光猛, 環境尚算舒適自在.Menu選擇頗多, 有選擇困難的食客要小心了. 這陣子是烏冬控, 選擇了腐皮烏冬+壽司+天婦羅. 等待了一段時間, 侍應終於送上set.先說分量, 盛著的碗是挺大的, 但食物的分量其實是正常的. 試一口烏冬, sorry, 煮得偏淋了, 沒有了應有的彈牙感, 失望. 腐皮味道甜甜的, 也ok.天婦羅, 這可是筆者見過最瘦削的天婦羅, 幼身的炸蝦, 炸粉不厚, 但蝦隻不夠肉, 口感和味道也不夠平衡, 很不濟.壽司, 從賣相來說已經不吸引, 魚生切得很薄, 一點光澤也沒有, 像是很乾身. 試一口, 味道跟預期的一樣, 壽司飯還要很冰凍, 超級市場還要較它好.這個質素, 應該沒有下一次.侍應非常新手, 上菜帶點混亂.

冇餐，唔跟野飲。飲品種類極少。員工冇服務，只係圍埋一齊傾計食品味道麻麻，鰻魚玉子的鰻魚以及鯖魚有點兒腥，刺身幾新鮮，但口感不好。值得讚賞的是天婦羅蝦極大隻以及牛柳冷食半生熟。個人認為不建議抱太大希望去食。

是日特別日子，和家人來到今助吃日本料理個人非常愛吃日菜今助環境舒適寬敞，而店員的制服也是和服類，非常有特別點餐，花多眼亂，最後選了廣島蠔餐和牛肉烏冬餐來到後，真是傻眼了份量非常多，我想，兩個餐足夠三到四人吃沒關係，好吃的東西不浪費，通通趕進肚子裏烏冬彈牙，壽司非常新鮮，入口就溶化，真的很好吃再來是蠔，很大的一隻，吃下去很滑，有蠔味，一點兒都不腥，配上烏冬，很好吃，這套餐除了有烏冬，還跟飯，飯我想是搭配鍋中菜蔬吧，所以一餐下去，太豐富啦。整體來說，這餐廳我還想再吃多一次，希望下次還有同感

未入餐廳內都會比display深深吸引定食 很大份 好滿足牛肉粒好多 好juicy...仲有件三文魚..幾片刺身...湯..蒸蛋...白飯 (佢仲可以轉另一隻飯的) 對一個女生黎講份量都有點多另一個定食set...有鍋芝士雞烏冬 都唔錯 幾濃芝士同白汁味但易有飽濟感。。。呢個定食仲有幾片刺身同天婦羅嗚我唔記得成set咁影低最後的一個定食。。魚生飯唔錯 有熟三文魚..魚子等 味道調較得好好整體食物質素唔錯 份量都多的過了一個又飽又可以狂吹水既一晚

星期日都唔太需要等位, 簡約裝修, 有D似係日本機場既日式餐廳, 就試呢間!ORDER左蠔味噌湯底烏冬, 跟埋幾片刺身. 刺身冇咩特別, 唔算得上好新鮮, 冇雪味亦唔難食. 味噌湯底只有咸味, 蠔冇咩鮮味, 烏冬質地彈牙, 冇咩特別, 但唔會趕時間還台, 係旺角算得上難得.

等左5分鐘就入得，環境闊落，好適合坐耐d傾計!我叫左個壽司餐，個餐有埋味增湯同蒸蛋，呢個價錢咁既套餐差唔多啦先講講個味增湯，好濃郁，亦都有好多料。而蒸蛋比我想像中香，有蝦同冬菇係上面，所以有蛋香之餘都有冬菇既味道!講番主菜壽司，估唔到原來佢既魚生好新鮮，一d都唔腥!特別係八爪魚，睇到佢有好大個咀，應該本身好大條!醋飯亦都不太酸，還有硬度，很讚!

偶然出來旺角，途經雅蘭中心, 見食肆選擇多，又新又整潔， 決定落腳搵食。走咗一圈，睇過哂所有餐廳嘅餐牌，老闆話想食烏冬，所以決定到今助。餐廳唔算好大，但坐位寬敞，完全唔迫，而且勝在全個menu都係定食，要飯有飯，要烏冬有烏冬，仲有刺身又有壽司， 可以舒舒服服食餐安樂午餐，而家嘅旺角好難搵到。蛤貝味噌及牛肉烏冬份量大，前者味道洽當，唔會太鹹，後者又唔會太甜，好味。壽司亦絶不輕手，有5-6件，當中仲有帶子，抵哂。今餐價錢唔貴，2口子叫咗2個set 都係200左右，大滿足。 溫馨提示：食飽走嘅時候門外已經要等位，所以大家唔想等就要早少少嚟！