仙桃居

Open Now

Now Closed

仙桃居龍門居好多嘢食，有朋友推介一定要食呢間。終於有機會食到，餐廳早上7:30就開門，今次早餐就食佢🥰🍅番茄雞扒米通 💰50✨我係蕃茄狂🤣🤣，呢間餐廳嘅蕃茄湯用真番茄煮，無茄醬味，原汁原味。✨米通粉好Q彈滑溜，食落有口感。✨雞扒好厚身😍✨包咗杯嘢飲同脆豬，脆豬脆卜卜好好食😋🍞果醬吐司 💰12嗰張佈滿成塊麵包，啱啱烘出嚟，同樣係脆卜卜，而且好厚，食完會好飽。食物質素OK，下次會再嚟，餐牌寫得好有趣，有個糧尾套餐，想試吓有幾糧尾🙂‍↔️🙂‍↔️另外網上好似有得訂餐，好奇撳咗入去睇，老細竟然賣自己閃卡🤣🤣 9999包郵（龍門居居民除外🤣，笑死）

員工服務態度：10/10推介食物：番茄雞排飯+朱古力醬吐司🍞（必食！！！）欣賞地方：1️⃣具環保意識2️⃣有網站可儲積分3️⃣服務態度極好4️⃣多種收費的方式5️⃣有網站可提早下單節省等候時間～推介～（不是打手🤣🤣，是客人🤣🤣）

黎到仙桃居，先講佢個番茄雞扒米通，簡直係朝早嘅開心源泉🍅🍜！塊雞扒煎到啱啱好，表面金黃香脆，咬落去雞肉仲保持曬多汁，口感上佢真係做到彈牙得黎唔會柴，同啲鮮甜嘅番茄一拼，個湯汁都變得好有層次，丁點嘅酸甜正正好提起人精神。椰香多士我真係要大讚下，金黃色嘅表皮烤得啱啱好，外脆內軟，個椰香味又夠晒香，唔會過火，真係喺朝早嚟咖啡廳嘅feel。而杯蜂蜜綠茶，微微嘅甜味喺茶嘅回甘中溶得好均勻，喉嚨過後清新爽口，當個白桃珠珠加落去，真係令成杯飲品更加添色增彩！小編我食落去，真係幾足料，飽到lunch都未必可以再次左腳插右腳🙈。如果你想搵個地道既港式早餐，仙桃居絕對上榜推介！👍🏼🌟

耐唔使經過龍門居都會嚟食下仙桃居以前要成日都排隊不過近排好似已經冇乜人排了尤其是食t嘅時間而家好似好容易就可以入到去就算星期六日weekend都冇乜人每次嚟到都會想嗌金磚豆腐以前好似係可以跟餐加錢就嗌到而家要散嗌，如果再加多個米線就已經變得唔抵唔再係食tea嘅價錢魷魚鬚都好好食，呢度嘅魷魚鬚係特別淋外面脆裏面淋，唔似出面嗰啲有時會整到好韌其實仲嗌咗米線不過唔記得咗影每次嚟呢度嗌都係蕃茄米線加埋啲肉碎好好食

前兩日放假，去咗仙桃居食早餐，整體而言，味道真係好好！特別要推薦佢哋嘅擔仔米線，仲配埋花生吐司同珍珠奶茶就超滿足。首先，講下擔仔米線，湯底鮮甜，特別要提一提花生吐司。佢哋嘅花生吐司炸得香脆，花生香氣四溢，同米線一齊食，味道更加豐富。食落去，真係一種美味嘅組合！仲可以免費配珍珠奶茶，真係好正！整體而言，仙桃居係一間非常值得推薦嘅餐廳。擔仔米線味道出色，搭配花生吐司同珍珠奶茶，令你嘅用餐體驗更加豐富。除咗擔仔米線，呢度仲有其他豐富嘅台灣小吃可以揀選。服務亦都好好，環境舒適，令人感到放鬆。

都幾難食，勁多飯，勁少肉，唔知食咗啲乜嘢，但好飽，但好難食，冇下次，大家肚餓嘅話過嚟食多啲飯，最好試吓豬扒肉燥飯有兩塊肉一粒肉仔再加一塊骨，挑剔唔到從未有過嘅體驗，建議大家過嚟龍門居好抵食。讚！

平日中午係龍門居周圍行，行到呢間細細間，就想一於幫襯下小店👍🏻👍🏻點知一入門，就俾人喝住「出返去等！」唔知以為得罪左佢，第一印象已經差差地😑入到去主要係自助落單要讚既係廚房，因為鹽酥雞、酥炸雞翼同奶油豬都做得好好！外脆內軟，好夠味👍🏻👍🏻肉躁醬都好「台灣」🤣珍珠奶茶🧋淡淡地，都好香奶！整體食物質素真係OK! 而且價錢唔貴，女仔細食仲可以揀「糧尾聲」，碗米線🍜份量少d👍🏻👍🏻對於食物係⭐️⭐️⭐️⭐️⭐️好評但樓面真係麻麻地！可能一入門印象已經唔好，個金髮女仔上菜直頭掉落黎！好厭世。而且我地食左半個鐘，佢有一半時間都係不斷照鏡、撥頭髮，轉個頭繼續唔洗手就上菜，真幾令人唔開胃🤮🤮🤮希望後生女改善下！唔好浪費左小店值得人支持既感覺，同埋廚房既努力。

打風前嘅外賣lunch2個飯+2件厚多士 都夠3個人食(PandaPro價 🐼)特級雞扒肉燥飯 $47.2煎到金黃色嘅雞扒 不錯唷~但啲飯煮得有啲爛薄切豚肉肉燥飯 $47.2好大堆豚肉全部都切到好薄 好淋撈埋肉燥食 好送飯脆脆朱古力吐司 $18.8真係食10次都唔厭好厚嘅一層朱古力 夠晒濃郁又烘到脆一脆 好好味蒜蓉吐司 $18.8好香嘅蒜蓉味 係濃郁加厚版嘅蒜蓉包都係朱古力好食啲飯就一般般 勝在夠抵食 $4x一大兜飯 又足料厚多士就真係無得輸

住喺富健呢頭冇咩台灣嘢食 所以去食仙桃居以心掛掛佢哋個厚多士 最近太太懷孕出面又咁熱唔太方便出去食 所以打電話嗌外賣買返去食 首先 打咗打咗15分鐘都冇人聽話 。。。。。諗住係太忙所以冇人聽老婆話太肚餓等唔到決定一齊去堂食去到門口對玻璃門壞咗 有三四個人喺度想入去但都冇人開門 個個企晒喺門口都不受理會舖頭入面仲有兩張吉枱。。。但係都有啲碗碟喺枱面冇人執 當時有3個店員 一個高瘦男店員帶耳環 一個有陰女仔 另一個肥小小女仔其中一男一女喺度傾偈 另一個女店員施施然包外賣 漠視門口客人的等待 過咗一陣傾偈嘅一男一女 終於發現門口有人女的施施然行過嚟開門 愛理不理嘅眼神。。。終於入到坐低咗 馬上舉手落單 店員用一個超級嫌棄的態度 叫我哋用QR code落單 咁第一次用 就有啲唔係好識啦(個app認真講有啲唔好用 )問店員可唔可以幫我哋落單 店員秒回 ：得 咁樣冇得減$3喎 ？你不如再試吓啦間舖頭咁鬼細得幾張枱當其時又唔忙其實人手落單都唔係太麻煩姐 同埋店員態度真係極差又方慢晒手腳咁。。。最後嗌咗兩個米線 同兩份多士 兩杯珍珠奶茶米線同珍珠奶茶質素差咗 多士仍然保持到水準 食嘢途中有幾個

食品質素可以，但是服務質素十分差！店員態度1十分惡劣一…….似住自己是小店，客人投訴無門⋯⋯想幫襯此小店，首先，客人要抵得住氣，受得住俾人呼喝，黑面，你就可以進入此小店！…………………………………………….服務態度都好好下説………非常惡劣，非常差………………………………………………………………………………真的無話可說⋯⋯…………………………………………..服務非常差

02.05.2022 星期一仙桃居假期人多，又是外賣的午餐。龍門居出名多食肆，這間台灣小店「仙桃居」據說已多年，不少街坊光顧，尤以雞扒/豬扒肉燥飯馳名。因為外賣平台會員，有七五折，所以比較抵食。外賣餐單上有不少選擇，包括巨碗肉燥飯、湯麵、厚厚吐司、小食等。最有趣是糧尾特餐，輕盈點，價錢相宜些；另外有純鮮茄、無茄膏的米線或米通粉，比較健康的選擇。滷肉飯（$52.5）滷肉及飯份量不少、鹹肉入味，偏硬少少。鮮茄雞扒小鍋米通粉米通粉，扣底,＋冬菇(2件）、炸茄子 （2件）不是間間餐廳有米通，多一個選擇，而且自己偏愛米通。果然是鮮番茄，大大隻，雞扒冬菇正常味道，炸茄子好吃。金磚豆腐可能因為是外賣，普普通通豆腐，沒有預期中的香脆，相信堂食會好些。外賣落單相當體貼，有度身訂造的飯量（多飯+$2.2、少飯）、麵量（加底、扣底）、汁量、少或走肉燥，又可加點東西，即是加餸，最多兩款。惟一可惜外賣沒有飲品，如果有就更理想。

又係幫襯黃點系列啦 每次經過龍門居咁多嘢食嘅地方 都令我黎喺仙桃居呢度 係食台灣嘢嘅舖頭今日嚟食早餐叫咗個滷豆腐米通 米通索曬湯底嘅味道滷豆腐非常入味而且仲有鹵水蛋夠曬蛋白質

屯門龍門居小店「仙桃居」，很多沒來啦座位確實不多，估計可容納不到十人，所以 要在門外稍等啊下午茶時間，馬上開始，真的開心小食土司茶餐 $52 😊小鱿魚鬚 （配一份淮鹽）香噴噴，流口水啦😋不油膩，脆脆可口灑少少淮鹽，更加滋味半件花生醬吐司嘩啦啦！厚厚的麵包，有1.5 吋？滿滿花生🥜醬，好好味😋SO 酥雞翼（有四隻）薄薄炸粉，咸咸味道雞翼肉質鮮嫩多汁餐飲： 凍珍珠奶茶🧋少少少甜略嫌珍珠太少😀茶味也是太淡了

馳名豬扒又薄又乾爭爭 個飯唔乾身 濕立立 啲肉燥汁甜耶耶 珍珠奶茶叫左少甜但淡茂茂又無甜味又無奶茶味非常差嘅體驗唔知點解有評語話好食唔會有下次連馳名嘅都做得感差 想像唔到其他野食有幾好食

仙桃居，好食地方小店，因為地方細，所以輪侯時間長，一直都好難食到。近排特登提早去食，皇天不負有心人，終於成功入座開餐。鹽酥雞翼米線 $43呢個餐被店鋪稱為糧尾餐，感覺上最唔伏既，因為炸雞翼係剛炸起，新鮮滾熱辣，所以唔會有伏。米線有咬口、有質感，個人黎講唔鍾意食過淋既米線，呢個硬度適中！其他糧尾餐包括有粟米肉粒飯，但睇餐牌個賣相就唔想嗌黎食，可能我未夠糧尾吧……炸魷魚鬚同朋友食必點小食之一，而家得返一個size，份量都幾大，兩個男人食到超飽先走到。新鮮炸起出爐就唔重覆，加埋五香淮鹽令到炸物既香口程度昇華，食到停唔到口，只怪自己個肚位置有限，食到咁上下就飽到食唔落。