Video
9-min walk from Exit B, Tai Wo Hau MTR Station
continue reading
Telephone
55113534
Payment Methods
Above information is for reference only. Please check details with the restaurant.
佑胖子😋朋友介紹下即管去試下我地4個人點了兩餸1) 酸辣魚2)椒䀋聖子先講講酸辣魚，好味、好味、好味、真係好好味，佢的辣慢慢出，即係越食覺得越辣，辣度我接受到的，而佢的酸又好啱我口味，剛剛好，酸辣適中，個底仲有少少福花👍😌不過提大家一點，要小心魚骨，唔好食太快，一啖仔一啖仔咁食，同埋可以飲埋個湯，好正。到椒䀋聖子啦，多數食豉椒炒聖子，佑胖子係椒䀋，所以試下，食落乾身，有少少孜然味，味道配搭唔錯。整體嚟講，兩樣都好好味，我會再去食🤭
continue reading
同同事放工後去最近又平既餐廳食飯聯誼下😂呢間之前停左業近排又開返👍🏻雖然開返之後價錢係高咗少少。但係都唔係好貴🤩例牌必食椒鹽魷魚鬚送酒一流，好大條又好食😋椒鹽聖子都係熱氣野。有次同事試過連殼食。好痴線🤣🤣酸菜魚味道唔錯但可惜魚多骨我食唔到😢椒鹽皮皮蝦第一次食比較麻煩。要落手拆殼🤭蒜蓉苗豬紅個樣似韮菜。點知原來係蒜容苗。幾好食😀細炒米又係必叫一餸。細炒米份量好多，次次都食唔晒🫣🫣雙拼爆炒魚肚金錢肚本身冇得雙拼。問左老闆娘可以拼🥳🥳不過冇想像中咁好食🤫蒜蓉娃娃菜難得一個清清地既餸🫢
continue reading
花枝丸串燒，波子size，完全冇’花枝’，好韌好難咬，全部都係孜然粉冇其他味。秋刀魚串燒硬過石頭，冇肉質，落重孜然粉蓋過哂所有味。五花楠串燒勁薄，薄到透光，又硬，冇肉味只有孜然粉味。韭菜串燒咬唔斷，啲菜好老，又係勁咸。全部串燒都只有孜然粉味，完成冇佢本身食材嗰隻味，唔望住都唔知自己食緊咩。酸菜魚好多味精越食越鹹，越食越口渴，個底全部都係蔬菜，menu冇配料可以揀黎放入去，魚勁多骨。 menu六成野都刪左，冇賣，小選擇。環境衛生方面，有班懷疑係屋企人喺店內食煙，又有好多黑色小昆蟲喺食物上面飛來飛去，又有人隨地吐痰後冇人理。
continue reading
新開後第一次食lunch，環境好似以前北上食嘅川菜餐館咁，圓形大木枱，好似幾有風味仲有幾張卡位，普通碟頭飯都煮得好好味，午餐係下午茶嘅價錢，$36大大碟，仲包埋凍飲囉，滿足晒啲大胃王，食咗麻婆豆腐飯，食過咁多間茶記嘅麻婆豆腐，呢間真係正宗好食，唔記得咩汁嘅香酥雞，又係超正，牛筋飯就有啲唔夠淋。呢到夜晚主打食小菜，麻辣酸辣野為主，睇到餐牌都好吸引，有至愛嘅串燒韭菜準備再去試，聽唔知老闆娘定侍應講憑星期一唔開
continue reading