佳佳粉麵店

Open Now

Now Closed

今次順道行過呢間車仔麵店，睇住佢嘅老字號牌匾就已經覺得有種親切感。入去挑咗麵同三種餸 — 酥皮魚蛋、滑牛腩肉同埋爽口豬大腸。阿姐把咀熟口嘅招呼加埋快手嘅動作，即時將碗麵攞咗上嚟。嗌呢碗麵就喺佢嘅汁水啦，濃郁嘅鹵香伴隨緊每一啖，唔單止係牛腩肉喺口中化開，連魚蛋嘅脆口感都似乎增添咗D香辣味。豬大腸更係出品，一啖嚟有彈性得黎唔失去咗嫩滑 — 真係爽口得嚟又唔失真材實料。味道真係足夠「掂」，跟碗湯一齊嚥麵，絲毫無一點藥水臭味。至於個面，質感彈牙適中，同呢啲好茶好餸湊一齊，真係冇得頂！不過如果你受唔住辣，記得提前同阿姐講清楚，咁就唔會食到冒汗啦。總括黎講，呢度真係能夠食到珍藏傳統嘅一碗好麵。🥢🥣🍲

曾經係塘尾道返過幾年工，當年果頭有兩間巧出名嘅車仔麵檔，一間係肥公! 當時間鋪細到不得了完全做唔到堂食，只可以係門口擺幾張枱，之後攞埋隔離個單位鋪位大好多，但都無機會去幫襯，今日去果頭買料就想話去幫襯，噢..... 真可惜! 已關門大吉! 想話上網睇睇佢地係咪搬鋪，原來因為人手不足所以結業!又一間好味嘅餐廳消失，又再次証明做人要及時行樂! 好嘅就要好好攬實好好享受，相反唔 like 嘅就要馬上踢開咪浪費時間! 仲要踢到老遠! byebye 你條尾!第二個選擇就係佳佳!多次經過佳佳，望埋去總係烏天黑火以為無開門營業，推門入去，當年兩姊妹一齊開檔但成日鬥咀好攪鬼! 今次幫襯就得一個妹妹做企檔.點咗米粉，蘿白，牛腩，滷水豬大腸，鯪魚肉，冬菇同豆腐.同以前一樣無變係個湯底都仲係咁重味! 而且無我嘅大愛蔥花.我喜歡幼身米粉唔喜歡粗身米粉，佳佳嘅米粉尚算幼身，夾自己口味.豆腐吸收哂重味湯底，味道都變得過重，牛腩入味但比較乾身唔夠 Juicy，而且牛騷味唔輕，鯪魚肉口感唔夠彈牙，冬菇夠冧但唔夠入味.滷水豬大腸無D奇怪騷味而且入味，另外蘿白大大舊份量足夠.總共60蚊，性價比唔高.佳佳環境就真係唔多掂，

我喺大角咀返工，經常都會過嚟食 一入到去首先要企喺面檔前面自選要乜嘢面底，要唔要菜，然後開始揀餸必食嘅餸菜係豬大腸，用滷水汁煲咗好耐非常之入味。 蘿蔔好甜，而且份量好足大大嚿炸雲吞皮，呢個係個人喜好，佢係預先炸好左，你叫嘅時候會用另外一隻碟上。喺OpenRice見到有其他人差評，完全理解唔到嗰啲人係咩心理。 幾個店員睇落個樣，好似應該係一家人幾姊妹，佢哋非常之禮貌，同埋細心。 有時聽到有警察嚟抄牌，即刻會提醒揸車嚟嘅食客。 環境雖然睇落好夠有種80年代嘅感覺，但係相比起其他老店，佢都好乾淨企理。

位於大角咀嘅一間懷舊老店車仔麵，超過幾十年嘅老店，入到電腦好感受到以前時代嘅風味！店舖特色一入門口指定不是搵位先，而是排隊叫你想要嘅餸菜麵底、款式其實非常之多！基本一定有蘿蔔炆、牛腩、辣魚蛋、豬紅、同埋酸味齋、本色其實都好多！店舖其實佢哋應該幾姊妹，一家人一齊做！我今次叫米粉底、酸齋、牛腩、辣魚蛋、生菜！姐姐幫我做起一碗車仔麵嘅時候見到非常大碗😂😂其實你面底可以兩溝！呢碗車仔麵並非非常好食，但是識佢嘅回憶味道，牛腩非常濃郁入味、當然我最鍾意食佢哋嘅酸齋😋😋而家喺香港好難搵到呢類型嘅車仔麵

幾十年的老店，街坊街里間唔中去幫襯下，點知食物越來越難食，豬皮同大腸完全冇味，咬唔到，價錢加左，份量也少左，51蚊，我一個女仔食左都好似完全冇食過嘢咁，兩個阿姐的態度又越來越差，不知所謂，大家千祈唔好去

近排天氣很凍，今日約左朋友食午餐，便提議去大角咀福全街的佳佳粉麵店。到店時，已排長龍，我們排了10分鐘到，我們點了兩碗麵加一支大可樂，合共$96車仔麵材料足，夠辣。會再次幫襯。

成日經過附近都唔知咁近，今日終於有時間試下呢間既車仔麵。第一次去就覺得係返左舊時香港既麵店，紅底白字既餐牌，圓櫈摺枱，舊時代既雪櫃。佢每款餸都係6元起，感覺唔貴。我叫左2個麵，牛腩，猪腸，魚蛋，牛膀加辣汁，成為46元。睇到餸唔係好多而且冇蔥花加，俾左錢阿姐會送去你個位。麵都唔錯不會太硬，魚蛋係陳皮魚蛋，有名既猪腸很入味，牛腩，牛膀很有鹵水的香甜。只係對於我呢個大食男黎講份量不夠了，不過味道來講佢真係好正，我食到湯都俾我飲晒了

今日一人午餐，突然好想食車仔麵，就想到坐落於旺角的佳佳粉麵店。麵店內部裝修比較舊式、店內有一個舊式雪櫃、幾張摺枱、座位全部是以圓櫈為主。此間車仔麵有別於其他車仔麵舖頭，不是劃紙叫麵，而是去櫃面叫餸，店員姐姐首先會問你食什麼麵，然後再選餸，我點選了河粉、菜、牛腩、魚旦及雞翼，合共$34。此店舖是要先付款後享用，付款後，店員姐姐會把成碗麵放左你安排的座位上。河粉很滑、菜可以、牛腩唔錯、魚旦正及雞翼比較乾身。

今日好想食麵，就去左大角咀佳佳粉麵店食車仔。由細到大，食野都好中意面前有好多野比我揀，車仔完全滿足我呢個食野習慣。不過食過好多間，都系佳佳最岩我。每次來，酸齋都是必食推介，次次同朋友來，來一定要逼佢食。真系堅正，好似好少車仔有呢味，五食肯定好後悔，來過一次既朋友之後都會嗌酸齋。其實冇諗過酸齋會出現系碗麵度，但就是好夾。我最中意就是配河粉，再加豬耳，牛什，夢白，豆卜，仲有好入味既咖哩魷魚。食車仔麵都嗌到六七十蚊🤣你諗下我有幾愛呢間鋪，仲有，難得地，有玻璃樽裝既可樂，勁正

今日為大家介紹既係大角嘴近MK既車仔面, 近住豪華戲院,無論睇戲既前後都可以去食番碗正宗老字號既車仔面呀!我地叫左兩碗面, 一碗豬耳鳳爪酸齋油面, 一碗豬紅大腸牛腩粗.豬耳爽,老水味重.鳳爪得一隻,但好入味同埋夠淋,唔會好難LUN,酸齋我就覺得同兇面齋鋪既差唔多,但係呢間野係每人都必定會叫既野.油面就普通.而豬紅就好令,又淋,唔易散,但咬落去又會好滑,好香既味. 大腸就係我呢間野最欣賞既送,佢用既部位有嚼勁, 而且用電飯煲既老水汁老左成日,味道好香濃. 呢到既牛腩好碎,但我中意佢夠淋同埋佢身上既牛腩汁帶比我既味道,佢唔係粉面鋪果隻牛腩.雖然呢到既面煮得只係一般, 但佢腩湯同埋送既味道卻高出其他店好多班, 仲有好多款式好好味既送. 佢買野既方式有小小唔同,唔係新式果D TICK紙,係埋去同佢講要咩面要咩送,直接比錢,會有專人幫你攞埋帶位,食完你拍下個蘿友就走得. 佢有多種唔同既飲料,都夠哂冰凍. 店內既裝潢都係以簡單瓦仔為主, 整左兩張長既鋁台係兩邊牆,坐係圓凳都食,其他就好似去左日本食拉面咁.價錢大約係三送一面就30蚊左右.地址: 佳佳粉麵店旺角福全街14號地下

見到人地推薦就同朋友去食，一入到去就有個婆婆剪緊腳甲... 咁算啦，諗下叫咩餸，煮面個阿姐就係咁催，又話好多餸都冇，咁佢咁講就禮貌地問佢有咩可以簡，佢就啤住我地，語氣極差，仲要係咁嘆氣，阿姐你係唔想做生意你講聲，唔洗咁既語氣咁既態度。食物質素平平，我已經好細食，但份量真係少，食完都唔夠飽要去m記再食食緊既時候阿姐仲要不斷大聲爆粗，極之影響食慾，啦啦聲食完就走。真心唔會再有下次，比錢買難受，而且名過其實，不值。

This shop was recommended by my colleagues who have been living in Tai Kwok Tsui for more than 10 years. He said this one was once very famous and popular. His dad met the owner's dad when he was still having the "Kart Noodle" outside cinema back in 40 years ago. After listening to this, I feel compelled to try the "Kart Noodles" in this shop.I spent 40 HKD to order 2 noodles, big intestine, black fungus, vegetables and marinated sugar vinegar pork ribs ( as shown in the picture) I would say thi

鳳爪唔肥入味香芋丸炸過的丸，可惜已是淋和凍的，香芋味濃，幾特別，出面少有牛筋份量少，剪到好細粒牛腩份量少，濃香，唔錯，肉質不錯豬耳份量少，唔肥幾爽脆酸齋還可以近70年老店，無驚喜程序如下點菜、收錢店員會送上唔底食，味道普通，河粉唔夠滑

今日去奧運站做野，唸起e間幾十年老字號，咁就要行去幫襯下先啦！入到去，唔係好多人，佢地唔係手寫落單，係即叫即整呀！我就同姐姐叫左個油麵。秋天季節，呀姐姐話有柚皮，心唸今時今日已經好少地方有柚皮啦，之後我就再叫左大腸，魚旦同埋豬紅啦。一黎就試下粒魚旦先，魚旦中規中矩，無咩特別，唔會太林，都有少少彈牙，之後就試下個柚皮啦，坦白講我就真係好耐無食啦，食落之後，嘩!好入味，炆到好林，都好有柚子味，同埋最緊要係大大舊，唔係好似試食咁樣，之後就到大腸，睇到佢地牆上面嘅舊時報導話原來佢大腸好出名，食完之後都覺得好入味，大腸好肥，唔臭，性價比非常高。最後豬紅啦，豬紅都Ok,總結來說碗麵性價比非常高，好味，有人情味!

食車仔麵，最好係多餸揀、少味精、嘆住冷氣食、好味道同埋價錢合理。揸住呢把尺嚟食，開心指數都好高，係第一次嚟嗰陣唔知規矩，有啲迷。規矩就係入到舖頭，唔使自己揾位，店員會編排你坐邊（單拖嚟食，次次都係坐同一個位）；嗌晒餸，唔使自己攞碗麵返埋位，店員收咗你錢後，會送碗麵去到你個位，跟手找錢俾你。心水推介車餸係酸齋（比灣仔的立食店更出色）、咖喱魷魚、鳳爪、雞腎，同埋枱面樽辣椒油。佢同麵檔加的辣汁完全唔同。辣汁唔辣，功能係製造濃香味，想食辣，就一定要加辣椒油，佢唔係好辣，加少少，碗麵都會好味啲。注意返，牛筋係爽筋、豬腸係厚身版、一碗四餸米帶來七分飽、近門口的座位唔係咁涼、老闆偶爾會同熟客以最地道的廣東俗語大聲交談（充滿本土特色）。門口部舊汽水機，貼在牆身的發黃價目紙，都係特色。呢啲懷舊味，會吸引你間唔時返嚟幫襯。