佳佳餐廳

Open Now

Now Closed

這晚爸提議去大埔富善邨的冬菇亭食晚餐，反正我未試過這家餐廳，便來試試吧！意想不到只是屋邨的餐廳，晚市竟然爆滿，幸好候位時間不會好長。店內座位排得密密麻麻，衛生也是勉勉強強。簡簡單單的點了三道小菜，椒絲腐乳通菜，通菜爽脆嫩綠，腐乳夠味，不會太鹹，帶點微辣，適合送飯。咕嚕雞球，醬汁的酸度適中，味道開胃，雞球炸得夠脆口，惟菠蘿是變壞了的味道，大大扣分。味菜炒鮮魷，魷魚爽口不會韌，炒得夠惹味。小菜的味道普通，大概是抵食才吸引一班街坊客吧。

媽咪經常同朋友黎食我就第一次黎呢間驚喜係無諗過咁多人黎食坐爆場仲要好多食完仲外賣走-菠蘿油因為見枱枱總有一個食緊下午茶又平 而且自己不嬲鐘意食大大舊冰凍牛油🧈熱辣辣脹氣卜卜既菠蘿包菠蘿皮微甜度 幾好 牛油香混合埋唔係個啲一點好快上枱唔係凍曬個種無論口感定味道都做到岩岩好比例食左一個已經好飽 野飲都飲唔落-而且餐廳好多茶式款式就算常餐都多選擇見隔離既人食碟頭飯碟飯大過塊面餸都好多醬汁又隔離聞到都好香絕無減料 啲料可以話雙倍分量

幸運地樓下有一間冬菇亭裡面就算平日都係好熱鬧人氣旺盛同埋好多人光顧係入去要企住等位而且平平地叫個菠蘿油勁熱辣辣大大個 已經可以係一餐主食裡面充滿曬牛油，絕對唔會慳油慳料又唔係沾少少當有個種雖然係好邪惡 但真係值得食而且仲係香港名物-菠蘿油 材料都簡單但唔係間間做到基本好食菠蘿油要個包熱辣辣牛油凍冰冰先有冰火交融既口感 其他餐好足料炒河都好有鑊氣茶餐廳必飲奶茶 就算凍既呢間真係好好飲冰就算融左 杯奶茶仲好足味道無變淡

大埔僅有的冬菇亭😆在大埔富善邨，居然還有見證着歷史的冬菇亭，即是香港公共屋邨獨有的一種食肆設施，由於其整體外形像菇，香港市民大眾更常稱之為「冬菇亭」！此間小店人情味滿滿，老闆和員工也很有禮和親切，笑容滿面，開心迎人，很多熟客都吃得很滿足！在下午茶時段去光顧更抵吃！《特式粉麵下午茶》$30秘製豬扒米粉，豬扒很大塊，煎得很香脆可口惹味！重點是只售$30，真的太抵吃啦！還有餐飲！點了熱檸水！抵食！！！

呢間餐廳🍴最好味係人情味見你聲沙改變餐飲習慣問吓你關心吓然之後自動沖杯果皮咸檸檬水真係好好人情味呢間餐廳，仲有粥都好食😋炸兩上枱仍然係脆午餐例湯冇味精富善之選

冬菇亭是香港公共屋邨獨有的熟食中心，也是我家老闆的至愛，喜歡舊式、喜歡地道、喜愛老香港。而大埔的富善邨，更可說是他近年的浦點，富善商場泊車方便，樓下是街市，樓上有大型酒樓、超級市場、數個大牌子連鎖式大型專門店、郵局、文具店…一應俱全。而最得老闆寵幸的，是冬菇亭的佳佳茶餐廳，坐在室外有自由呼吸的地方，天氣晴朗時更能帶給我悠閒感覺，公共屋邨食肆設施能吃得像在渡假，簡直是媲美心中有陽光處處都是馬爾代夫。這裡的食品種類很多，中西式早餐、粥粉麵飯、蒸飯焗飯湯羹小炒煲仔小菜，不過日常我還是最喜歡跟老闆來吃早餐，我們例牌一個牛肉粥油條、一個牛扒剪蛋多士，和而不同相映成趣。

飽到上心口吖😋呢類傳統香港小菜茶餐廳越來越少lu~朝早係茶餐廳，夜晚係做小炒！佢呢度嘅海鮮加工，講得出想食嘅做法都有！推介椒鹽鮑魚！蒜蓉開邊蒸蝦！鮑魚雞煲！椒鹽豆腐同埋九肚魚！另外，佢啲蒜蓉做得好好吖，整蒜蓉開邊蝦好好味吖，墊底粉絲啲索哂啲汁，用黎撈飯一流！除咗加工煮海鮮之外，佢哋都好多唔同嘅小炒可以揀，要試豉油王炒麵，鑊氣好夠！仲有咕嚕肉又係好食！大排檔風味，正吖！收費合理！唔錯唔錯！好值得一試！

大家都知新年期間想搵間茶餐廳都難，但拜年既時候就見到哩間茶記仲開，好似見到曙光✨一樣即刻入去。下午茶種類都算多選擇，炒粉麵、焗飯🍲、茶餐、粥粉油器等等都有。一行兩人就揀左咖哩焗豬扒飯同油占多。焗飯一上台好似鐵板🥘咁滋滋聲起泡好夠熱！咖哩味雖然淡淡地，但驚喜係面頭有芝士🧀，加上炒飯底，豬扒入味又唸身，其實又唔錯。油占多同奶茶都係信心出品，唔太差。最重要係唔好睇侍應們個樣串串，服務好有禮貌，值得一讚。👍🏻

上星期六妹妹生日想食海鮮，又不想爸媽去太遠辛苦，就跟屋企附近富善邨舊冬菇亭的餐廳老闆商量待定海鮮，爸媽是這裏的常客因這裏的小菜也做得不錯價錢又合理, 媽媽偷懶時都會提議來這裡。嘩嘩嘩，好豐富呀，一行十三人，好食到捧住個肚叫好味😋😋😋😋以為自己去咗西貢食海鮮🤗🤗以後唔使去咁遠lu,埋單仲要計番三百零蚊一位人頭😱如果係西貢或者鯉魚門冇五六百一位都食唔到呢啲野，真係無得輸，但係由於呢度平時只做小菜，如果要食海鮮要預早跟餐廳商量，提早預訂，冇得即興，但係佢哋啲羊腩煲醉雞鍋，都係我哋平時嘅首選👍🏻👍🏻😁